Jean 15
15
1Mam nto kake ndouou ke tokoro, Bòi to ndjè ngem kake ndouou.
2Barkem kake kada kada ke mem té ke an ang, a ngangè, barkem kake kada kada ke an, nè noudja bo né, baa a kan baya wota.
3Loshénè ròsè arè mbata tar ke ma mpa maresè.
4Isidjé mem té, ke ma misi mèsè té. Deo kadaba tokou barkem kake ase kan ke mèa ndja ang, tokou nai mè kake té ndja ang, tokou ban, tokou sésè isidjé mem té ang, sésè asidjé kan ang.
5Mam nto kake ndouou, a sésè etoidjé barkem kake. Nè ke nisi mem té, ke ma misi mèa té, doou nèn a kan nya. Tokou ma misi mèsè té ang, a kasidjé ta da né kada ang.
6Tokou doou isi mem té ang, da kilè daka to barkem kake, a na toutou, da djï kongou pouro, kare pourou ödè.
7Tokou sésè isidjé mem té, ke tar lom isi mèsè té, edoudjidjé né ke sésè ndikidjé, a da da né karesè.
8Deo té ke Bòi a kinga né piti, tokou sésè anidjé nya, tokou ban sésè a déidjé to ndjè kao gom tédjé.
9Deo kadaba tokou Bòi Allah ndikim, tokou ban mam ndikisè tò. Isidjé mè ndiki té lom.
10Tokou sésè ngemidjé tar ke ma mpa, sésè a kisidjé mè ndiki té lom, deo kadaba tokou mam ngem tar ke Bòi pa, ke ma misi mè ndiki té la.
11Tar nèn ma mpa maresè mbä, ta kare koukou lom ase kisi mèsè té, yèn baa koukou losè a kase toï madji.
12Yèn to tar ke ma mpa, sésè ndikidjéna horosè té, deo kadaba tokou mam ndikisè mbä.
13Doou isi ke ndiki wota yéh nèn ang, tokou doou ïya tébe la are ndjè bokoradjé la.
14Sésè etoidjé ndjè bokoradjé lom, tokou sésè edaidjé né ke ma mpa maresè.
15Ma mmarsè beredjé ang nga, mbata bere geré né ke ebèèdjè da ang. Ma mmarsè ndjè bokoradjé lom, mbata né toï ke ma mo rò Bòi té mam ntòdjousè mbä.
16Sésè mberemdjé ang, a mam mberesè, ke ma mmarsè ke daka mbä, mbata sésè asidjé kao ta kan, baa kandé losè a to. Mbata né ke sésè a doudjidjé Bòi Allah ke rim, nè na kase ta karesè.
17Ma mpa maresè né nèn, baa sésè a ndikidjéna horosè té.
18Tokou dooudjé ke nange nèn mbetésè, sésè egeridjé mbetem dongor kèté daresè.
19Tokou sésè etoidjé ngä nange nèn, nange nèn a ndiki dooudjé la, a mbata sésè etoidjé ngä nange nèn ang, mbata mam mberesè ke daka nange nèn, mbata yèn dooudjé ke nange nèn mbetésè.
20Oundaidjé mèsè do tar té ke ma mpa maresè leo, bere a kota ebèèdjè ang. Tokou dèdè ngäm ke tar, a da ngäsè ke tar tò. Tokou dèdè ngem tar lom mbä, dèdè da ngem tar losè tò.
21Dèdè da da kesè né nèn toï mbata rim, mbata dèdè ngeré nè ke noulam ang.
22Tokou mam ndé leo mpa tar maredè ang, dèdè déh ke né ke madjang ang, a bashénè dèdè déh ke tar kada ke ngä mbeté madjang lodè ang.
23Doou ke mbetem a mbeté Bòi to.
24Tokou mam nda koula leo ang a mare doou kada da horodè té ang, né ke madjang lodè goto, a bashénè dèdè do mbä, ke dèdè mbetédjè ma djè ke Bòi.
25Né nèn dé, baa ta kare tar maketourou tar ndedji lodè ase ta dé to tar ke tokoro.
Dèdè mbetem dòroubira.
26Tokou Ndjè moso tar dé, nè ke nto ngä Bòi Allah, ke ma ma koulè karesè, nè Ndil tar ke tokoro, nè ke nï rò Allah té, nè na pa tar nadji lom.
27Sésè a paidjé tar nadji tò, mbata sésè éhdjé sem leo dongor.
Currently Selected:
Jean 15: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
