Jean 21
21
1Go né té nèn, Jésus tél tòdjou rè yéh ndja ndjè kao gè tédjé ke tokou man Tibériade té. Nè ntòdjoudè tokou ban.
2Simon Pierre, ke Thomas ke mmarè na Ndounga, ke Nathanaél ke Cana té ke Galilée, ke ngan lo Zébédée, ke mare ndjè kao gè tédjé djo, dèdè déh loou kadaba.
3Simon Pierre pa aredè, Ma mao ta sange kaindjidjé. Dèdè mpa sa, Djèdjè djao sei tò. Dèdè dao dourou mè to té, ke dèdè dinga kaindji kada tiltin lé ang.
4Tokou loou arè, Jésus arr mbòr man té, a ndjè kao gè tédjé geré to Jésus ang.
5Tokou ban Jésus pa aredè, Ngandjé, sésè éhdjé ke né kousa wa? Dèdè ntél mpa darè, Goto.
6Nè mpa naredè, Ilaidjé boura er to té ke kòl, sésè a kingaidjé kaindji. Tokou ban dèdè dila boura, ke bashénè bai dèdè dase kòrou boura ang, mbata kaindjidjé dousou.
7Tokou ban ndjè kao go Jésus té ke Jésus ndikè pa are Pierre, Yèn to Mbaibé Seigneur. Tokou ban, tokou Simon Pierre wo to Mbaibé Seigneur, nè noula koubou rè té, mbata nè néh ke gali ba, ke nè noso mè tokou man té.
8Ke mare ndjè kao gè tédjé dé ke to ke lem, ndòrou né boura ke kaindjidjé dousou, mbata nange to eo ang, ase mere dji kòrdjo.
9Tokou ban, tokou dèdè ntéh ngange kongo té, do pourou mï to nou, kaindji to pouro ke mourou.
10Jésus pa aredè, Edéidjé ke mare kaindji ke waaidjé loshénè nèn.
11Tokou ban Simon Pierre ourou mè to té, nòrou boura ke nange, ke tòkou kaindjidjé dousou boura, dè dòdòkou ke dòmi gérè mouta, a lé tokou kaindjidjé to baya ban boura tir ang.
12Jésus pa aredè, Edéidjé öndjé mourou. Mare ndjè kao gè té kada ase ta doudjè ang, I to doou di wa? Mbata dèdè ngeré to Mbaibé Seigneur.
13Jésus dé oun mourou aredè, ke kaindji tò.
14Yèn dé gar mouta ke Jésus tòdjou rè ndja ndjè kao gè tédjé, gè té ke nè nï mè bwa yo té.
15Tokou ban, goukoudang dèdè dön mourou mbä, Jésus pa are Simon Pierre, Simon, ngon lo Jonas, i ndikim wotadè wa? Nè mpa sa, Tokoro, Mbaibé Seigneur, i geré mam ndiki. Jésus pa arè, Are mourou ngan batidjé lom.
16Nè ntél ndoudjè gar djo, Simon, ngon lo Jonas, i ndikim wa? Pierre pa arè, Tokoro, Mbaibé Seigneur, i geré mam ndiki. Jésus pa arè, Ngem batidjé lom.
17Nè ntél ndoudjè gar mouta, Simon, ngon lo Jonas, i ndikim wa? Mè Pierre tooè mbata Jésus doudjè gar mouta, i ndikim wa? Nè mpa narè, Mbaibé Seigneur, i geré né toï. I geré mam ndiki. Jésus pa arè, Are mourou batidjé lom.
18Tokoro, tokoro, ma mpa mari, tokou nai basä, i ndja oula koubou ròi té, ao né deo té ke mei ndiki. Tokou i dé to bouka, i a koula dji kare mare doou a koulai koubou, ke ouni ao sei loou té ke mei ndiki ang.
19Nè mpa yèn baa ta tòdjè deo kwoei la, ke nata kòsou gadji Allah. Gè té nè mpa yèn mbä, nè mpa narè, Ndja gom té.
20Pierre tourou rè, a no ndjè kao go Jésus té ke Jésus ndikè godè té. Yèn to nè ke nto kare Jésus té ke dèdè dao dön né mourou ke lowoul té, ke nè mpana, Mbaibé Seigneur, doou ke da a ndokoi wa?
21Tokou ban, tokou Pierre woè, nè mpa nare Jésus, Mbaibé Seigneur, di a doou nèn ao da wa?
22Jésus pa sa na, Tokou mam ndiki ta karè nisi sar ta mam ntél, tar nèn to loi wa? I ndja gom té.
23Tokou ban tar nèn bar horo ngaköèdjé té, ke ndjè kao go Jésus té nèn a kwoei ang. A Jésus pa arè ang, nè na kwoei ang, nè mpana, Tokou mam ndiki ta karè nisi sar ta mam ntél, tar nèn to loi wa?
24Yèn to ndjè kao go Jésus té ke pa tar nadji né nèn, ke nè nda maketourou té. Djèdjè ngeré tar nadji la to tar ke tokoro.
25Jésus da mare né nya, tokou dèdè nda maketourou té toï, mam ngeré ang tokou loou ase nange ndja ta taa maketourou ke dèdè da da.
Currently Selected:
Jean 21: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
