Luc 22
22
1Ndò ta kön mourou ke nda ke oum ang dé ngosiba, ndò ke mmarè na Pâque.
2Tokou ndjè kòrdjé ke ndjè da maketourou ndedjidjé nsange deo ta tòl Jésus, mbata bel dadè mbata dooudjé.
3Bana Satan ande mè Judas té, nè ke dèdè mmarè na Iscariot, nè ke nto kada lo dèdè ke dòkou gérè djo.
4Nè nao, nè mpa tar ke tokou ndjè kòrdjé ke mbaidjé, deo di a nè na ndoko Jésus kedè.
5Mèdè koukou, dèdè ndiki gè ta karè narè.
6Tokou ban Judas ndiki gè, nè nao nsange deo ta ndoko Jésus kedè, tokou dooudjé ke baya baya goto nga.
7Bana ndò mourou ke dèdè nda ke oum ang dé mba, ndò ke dèdè dase ta tòl ngon bati Pâque.
8Tokou ban Jésus oula Pierre ke Jean pana, Abidjé, edaidjé mourou Pâques mbata lodjè, ta kare djèdjè djon.
9Dèdè mpa darè, I ndikidjè ta da né loou té ke da wa?
10Nè mpa naredè, Woidjé, tokou sésè abidjé mè béh té, a kingaidjé doou kada ke oto djo man ke deo, abidjé gè té mè kei té ke nè nao kendé.
11Epaidjé are ndjè kei, Ndjè tòdjou tar oula ari, Loou kisi ndjè mbaadjé éh da wa, loou ke ma ma kon mourou Pâque ke ndjè kao gom tédjé wa?
12Nè na tòdjousè tokou kei ke dò marè té, ke dèdè nda ke twa ke table toï mbä, edaidjé nè mbata lodjè nou.
13Dèdè dao, dèdè dinga né deo kadaba tokou nè mpa naredè, dèdè nda mourou Pâque.
14Tokou kade asenga nè nisi ta table té, ke ndjè kouladjé isi sa.
15Nè mpa naredè, Mam ndiki nya ta kon mourou Pâque nèn kesè, dongor ma minga né ongou.
16Mbata ma mpa maresè, ma ma kon mourou Pâque marè ang nga sar ndé to tar ke tokoro mè béh ko té lo Allah.
17Nè noun ngonarè, tokou nè nda woio mbä, nè mpana, Etaaidjé ngonarè nèn, aihdjé horosè té.
18Mbata ma mpa maresè, ke ndò té nèn ma ma kaih mare man kandé ndouou ang sar béh ko lo Allah a dé.
19Nè noun mourou, tokou nè nda woio mbä, nè noukou nkai naredè, mpana, Yéh nèn to ròm ke dare mbata losè. Edaidjé né nèn ta kedji dòm té.
20Nè noun ngonarè tokou ban tò, gè té dön mourou mbä, nè mpana, Ngonarè nèn to tar kwaana medji ke siki ke mesem, ke ongou nange mbata losè.
21Woidjé, dji doou ke ao ndokom éh dò table té sem.
22Mbata Ngon lo doou ao deo té ke nè nedji mèa té ta kao leo, a ongou a da doou ke ndokè.
23Dèdè dao ndoudjou horodè té kada kada, na horodè té ao ta da tokou ban wa.
24Maitar ï horodè té, mbata da ko na horodè té bo wota maredjé.
25Nè mpa naredè, Mbaibédjé lo Gentildjé waadè ngeng, ke dèdè ke nto ndjè ko béhdjé dèdè mmardè ndjè da né madji.
26A to tokou ban ke sésè ang, ase kare yéh ke to tòkou wota horosè té dé to ngon doutou, ke nè ke nto mbai losè ndè to ngonlokisi.
27Mbata na to wota marè wa, nè ke nisi ta table té aséh nè ke nda koula wa? To nè ke nisi ta table té ang wa? A ma méh horosè té tokou lo nè ke nda koula.
28Sésè etoidjé dèdè ke disi sem ke ndò naam té.
29Ma maresè béh ko kada deo kadaba tokou Bòi arem to,
30Ta kare sésè öndjé mourou ke aihdjé ta table té lom mè béh kö té lom, ke ta karesè isidjé dò ngèndé té ta gange saria lo gel dooudjé dòkou gérè djo lo Israël.
31Simon, Simon, wo Satan doudjou ta kwaasè ta dalèsè tokou dao ndalè ndoudjou waa.
32A mam ndoudjou mbata loi, ta kare ko mè té loi nai ang. Tokou i tél marè bai, are ngaköidjé ta kisi ngeng.
33Simon pa arè, Mbaibé Seigneur, mam nda mba ta kao sei kei koula té ke ta kwoei tò.
34Jésus pana, Ma mpa mari, Pierre, könra a nò bokonè ang nderèng i a mbeté gar mouta baa a gerem.
35Nè mpa naredè, Ndò ke ma moulasè ta kao ke bòl narè ang, aséh ke tòkou bòl ang, aséh ke ndar gòlsè té ang, né dousè mba wa? Dèdè mpana, Né kada ang.
36Nè mpa naredè, Bokonè, are doou ke éh ke bòl narè nao né, ke nè ke néh ke tòkou bòl ta da ban to. Are doou ke éh ke tòkou kiaa ang, nlabe tòkou koubou la ta ndoko kiaa.
37Mbata ma mpa maresè, tar maketourou lo Allah nèn ase ta dé to tar ke tokoro deo té lom. Dèdè ntourè ke ndjè né da ke madjandjé, mbata tar ke nda mè maketourou té mbata lom a dé tokou ban.
38Dèdè mpana, Wo, Mbaibé Seigneur, tòkou kiaa djo to nèn. Nè mpa naredè, Yèn asenga.
39Nè ntéh daka, nè nao kare err Olivier té, deo kadaba tokou nè nda ke ndò toï, ndjè kao gè tédjé ao gè té.
40Tokou nè ntéh loou tén, nè mpa naredè, Edoudjidjé Allah ta kare sésè osoidjé né kere té ang.
41Nè nïyadè, nè nao dèbè eo ase tokou doou ila err, nè nongou mekedjé gòlè nange, nè ndoudjou Allah.
42Nè mpana, Bòi, tokou i ndiki òrou ngonarè nèn dòm té, a eda né ke mam ndiki ang, eda né ke i ndiki.
43Ange ke dara kada téh rè té ta karè singa.
44Mbata ongou dè nya, nè ndoudjou to ke siki wota, tete téh rè té dé tokou mese oula nange.
45Tokou nè ndoudjou ase, nè nï tarr nao rò ndjè kao gè tédjé, nè ningadè ntibi mbata ongou dadè.
46Nè mpa naredè, Etibidjé mbata di wa? Ïdjé tarr, edoudjidjé Allah ta kare sésè osoidjé né kere té ang.
47Tokou nè nao mpa tar, dooudjé baya baya dé ke doou kada ria na Judas, kada lo dèdè ke dòkou gérè djo, nè ndja no dooudjé té. Nè ndé ngosiba ke rò Jésus té ta to mbia.
48Jésus pa arè, Judas, i a ndoko Ngon lo doou deo to mbia té wa?
49Tokou dèdè ke déh mbòrè té do tar ke ao dé, dèdè mpana, Mbaibé Seigneur, dja toukadè ke kiaa wa?
50Mare kada horodè té touka bere lo mbai lo ndjè kòrdjé ngange mbia ke kòl.
51Jésus pana, Ïya, eda ban ang, Jésus òsou mbia arè ndé madji.
52Bana Jésus pa are tokou ndjè kòrdjé ke mbaidjé lo tòkou kei Allah té, ke tòkou dooudjé, dèdè ke ndé ta kwèè, mpana, Sésè edéidjé ao sangemdjé tokou ndjè boukou ke kiaa ke kake wa?
53Tokou ma méh kesè mè tokou kei Allah té ke ndò ke ndò, sésè waamdjé ang. A yèn to kade losè, ke to singa lo londoul.
54Bana dèdè dwèè dao sa, dèdè ndé sa mè kei té lo mbai lo ndjè kòrdjé. Pierre ao gè té ngosi ang.
55Tokou dooudjé yél pourou dana mè ndooko té ke disi nange naaté, Pierre isi horodè té.
56Ngonlokisi ke dènè kada woè tokou nè nisi kem pourou té ke ndokoo, nè nèè nya mpana, Doou nèn ndja sa tò.
57Pierre maitar pana, Dènè, mam ngerè ang.
58Gè té ngadji mare doou woè pana, I ndja to kada ke horodè té tò. Pierre pana, Doou, ma ang.
59Gè té ngadji mare doou pa ngeng pana, Tokoro doou nèn ndja sa tò, mbata nè nto doou ke Galilée té.
60Pierre pana, Doou, mam ngeré tar ke i pa ang. Loshénè loshénè, tokou nè nai nao mpa tar könra nò.
61Mbaibé Seigneur tourou rè aa Pierre nya. Pierre edji tar lo Mbaibé Seigneur ke nè mpa narè leo. Dongor könra no bokonè, i a mbetem gar mouta.
62Nè nao daka, nè nnò ke man kèmè ke ongou.
63Dooudjé ke waa Jésus koukè ke toundè.
64Dèdè nto kèmè ke koubou, ndoudjè, Epa ke daka, na toundai wa?
65Dèdè ntadjè ke mare tar dang dang nya.
66Tokou loou arè mbä, tòkou dooudjé lo Juifdjé mbòna naaté, tokou ndjè kòrdjé dé ke ndjè da maketourou ndedjidjé tò. Dèdè dao ke Jésus rò ndjè gange sariadjé té lodè, dèdè mpana,
67Tokou i to Christ ndja, epa aredjè. Nè mpa naredè, Tokou ma mpa maresè, sésè a koidjé ang,
68Ke tokou mam ndoudjousè, sésè a télidjé tar ang.
69A ke ndò té ke nèn Ngon lo doou a kisi dò dji kòl té ke singa lo Allah.
70Dèdè toï mpana, Bana, i to Ngon lo Allah wa? Nè mpa naredè, To tokou sésè epaidjé, ma méh ban.
71Dèdè mpana, Djèdjè ndiki mare tar nadji di wa? Djèdjè ndja djo tar ke tè té ndja.
Currently Selected:
Luc 22: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
