Itomong Ámanzo 1
1
A sok aYeso a tseng'e kaye̱e̱r kaza
1aTiyofilus, kaye̱e̱r kufumung'i kufe ime̱se̱ng'e kuya mi tá ka zibir'e, mi zibir natoon itomong iya aYeso tá san i nye'me cice̱r, ne iya a tá san kubo̱so̱p ánerawe'me, 2ma katuk'a a tú ku sok a tá tseng kaye̱e̱r kaza. Nizham a tá ra ku sok a tá tseng kaye̱e̱r kaza, a ti nye itomong be Kabik Kazhe̱l'e nong a fe̱ be agap be ámanzo aya wu tá kasa. 3Nama riku wu, a tonong rice wu nasho̱o̱n ba, ne a ku tak ba itak ku dorok wu be kunye ike̱re̱ iriri'me. A nye kuko̱s iso̱k inaas, ne a yiir i fe̱ itak natoon rigwo̱m Adakunom. 4Katuk kakak a ta sen ya naya mak be ba, a fe̱ be ba ye, “Sang tu dorok yin na aUshalima baꞌ, tor yin kunang kuya Ada mi tá fe̱ ye a tá ka no̱o̱k yin, kuya yin tá fok yin mi tá ka tak yin. 5aYohana nye abatisma be ashi amma kaye̱e̱r inom cie̱k, a tà ka nye yin'e be Kabik Kazhe̱l'e.”
6Ámanzo tá fa nyim be aYeso ne á ku rip ye, “Agwo̱m Ágwo̱m, nizen iyuna ne wan tu ku bun áner Isarela rigwo̱m ba a?” 7Ayong aYeso fe̱ be ba ye, “Sang i nye ife yin tana ren yin izen'e ka kunom kuya Ada tan sak kaye̱e̱r kushim wu baꞌ. 8Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.” 9Nama aYeso tá fe̱ anong ne a ku sok a tá tseng kaye̱e̱r kaza ne ba ye̱re̱k. Kune̱n tú ku kis, á ba kyem a tú ku di baꞌ.
10Kum ne ba ru ye̱re̱k a ta sen ngarak naza, yong ba di áner afa be ares akan pes ti wuruk niba a tá nyeseng nukim ba. 11Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”
A kasa aMatiyas rice aYahuza
12Ayong ámanzo'me dorok rifan a tá yis Kawhanang Nafar nong á tú ku bun na aUshalima, kutsik be aUshalima tá se kyo̱ndi akilomita azining. 13Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub. 14Á nyiis cice̱r ba koakye izen nong á tá nye aduwa, mak be ányining akak be aMarya a tá nye anyining aYeso ne áronyining wu. 15Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng 16a tá fe̱ ye, “Ároneng be ángasneng, rife̱ Adakunom riya Kabik Kazhe̱l'e tá fe̱ gbugbang nanu aDauda natoon aYahuza aya a tá ko̱k áner á ta yiir aYeso kasho̱o̱n ta shining dim. 17aYahuza tsang a nye akak kaye̱e̱r yir, a nye itomong na mak be yir.”
18aYahuza sok itso̱m iya wu tá se̱ kaye̱e̱r amaan kunye wu a ti shan karo̱ kakak. Azong naro̱'me yong ne a se kpa akace, kafa wu tar ma ike̱re̱ kafa wu wuruk cei. 19Koangan a tá sor na aUshalima fok itak iyong, kamok anong a yis karo̱'me ni izere ba ye, “Akeldama” (i ta sor karo̱ naso̱k).
20“Kamok a zibir kaye̱e̱r kufumung aZabura ye,
“ ‘Kasa wu ra sor kakoor,
sang akak tin sor kaye̱e̱r'e baꞌ.’
“Ne a bun a zibir kaye̱e̱r aZabura'me ye,
“ ‘Won akak tu ku nye itomong rice wu.’
21“Kamok anong i se gye̱r tana kasa yir akak kaye̱e̱r áner aya a tá tsang á se mak be yir nizen iya Agwo̱m Ágwo̱m yir aYeso tá tseng be yir ninaro̱ ze̱r ze̱r. 22Kum nizen iya aYohana tá san kunye abatisma ma nizen iya a tá sok aYeso nufe yir a tá tseng kaye̱e̱r kaza. Aner ayong ta te aner aya a tana taas itak kudorok aYeso mak be yir dim.”
23Ayong á tun áner afa, akak nye aYusufu a tú ku yis ye aBarsaba (a tu yis aZhostus gip) afe afa'me nye aMatiyas. 24Áyong á nye aduwa á tá fe̱ ye, “Agwo̱m Ágwo̱m wan ren kaye̱e̱r riye̱ koangan anerawe. Ni tonong yir aner aya wan tan kasa kaye̱e̱r áner afa na 25nong a ta te amanzo, aya a tana sok itomong iya aYahuza tá won nong a tá tseng a ko̱n wu.” 26Áyong á barak ikiriwhe̱r kaben ne ikiriwhe̱r'e kirik i tikpa na aMatiyas, ne wu ma te aner afe kuso̱k be afa kaye̱e̱r ámanzo kuso̱k be azining ame.
Currently Selected:
Itomong Ámanzo 1: izrNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
Itomong Ámanzo 1
1
A sok aYeso a tseng'e kaye̱e̱r kaza
1aTiyofilus, kaye̱e̱r kufumung'i kufe ime̱se̱ng'e kuya mi tá ka zibir'e, mi zibir natoon itomong iya aYeso tá san i nye'me cice̱r, ne iya a tá san kubo̱so̱p ánerawe'me, 2ma katuk'a a tú ku sok a tá tseng kaye̱e̱r kaza. Nizham a tá ra ku sok a tá tseng kaye̱e̱r kaza, a ti nye itomong be Kabik Kazhe̱l'e nong a fe̱ be agap be ámanzo aya wu tá kasa. 3Nama riku wu, a tonong rice wu nasho̱o̱n ba, ne a ku tak ba itak ku dorok wu be kunye ike̱re̱ iriri'me. A nye kuko̱s iso̱k inaas, ne a yiir i fe̱ itak natoon rigwo̱m Adakunom. 4Katuk kakak a ta sen ya naya mak be ba, a fe̱ be ba ye, “Sang tu dorok yin na aUshalima baꞌ, tor yin kunang kuya Ada mi tá fe̱ ye a tá ka no̱o̱k yin, kuya yin tá fok yin mi tá ka tak yin. 5aYohana nye abatisma be ashi amma kaye̱e̱r inom cie̱k, a tà ka nye yin'e be Kabik Kazhe̱l'e.”
6Ámanzo tá fa nyim be aYeso ne á ku rip ye, “Agwo̱m Ágwo̱m, nizen iyuna ne wan tu ku bun áner Isarela rigwo̱m ba a?” 7Ayong aYeso fe̱ be ba ye, “Sang i nye ife yin tana ren yin izen'e ka kunom kuya Ada tan sak kaye̱e̱r kushim wu baꞌ. 8Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.” 9Nama aYeso tá fe̱ anong ne a ku sok a tá tseng kaye̱e̱r kaza ne ba ye̱re̱k. Kune̱n tú ku kis, á ba kyem a tú ku di baꞌ.
10Kum ne ba ru ye̱re̱k a ta sen ngarak naza, yong ba di áner afa be ares akan pes ti wuruk niba a tá nyeseng nukim ba. 11Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”
A kasa aMatiyas rice aYahuza
12Ayong ámanzo'me dorok rifan a tá yis Kawhanang Nafar nong á tú ku bun na aUshalima, kutsik be aUshalima tá se kyo̱ndi akilomita azining. 13Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub. 14Á nyiis cice̱r ba koakye izen nong á tá nye aduwa, mak be ányining akak be aMarya a tá nye anyining aYeso ne áronyining wu. 15Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng 16a tá fe̱ ye, “Ároneng be ángasneng, rife̱ Adakunom riya Kabik Kazhe̱l'e tá fe̱ gbugbang nanu aDauda natoon aYahuza aya a tá ko̱k áner á ta yiir aYeso kasho̱o̱n ta shining dim. 17aYahuza tsang a nye akak kaye̱e̱r yir, a nye itomong na mak be yir.”
18aYahuza sok itso̱m iya wu tá se̱ kaye̱e̱r amaan kunye wu a ti shan karo̱ kakak. Azong naro̱'me yong ne a se kpa akace, kafa wu tar ma ike̱re̱ kafa wu wuruk cei. 19Koangan a tá sor na aUshalima fok itak iyong, kamok anong a yis karo̱'me ni izere ba ye, “Akeldama” (i ta sor karo̱ naso̱k).
20“Kamok a zibir kaye̱e̱r kufumung aZabura ye,
“ ‘Kasa wu ra sor kakoor,
sang akak tin sor kaye̱e̱r'e baꞌ.’
“Ne a bun a zibir kaye̱e̱r aZabura'me ye,
“ ‘Won akak tu ku nye itomong rice wu.’
21“Kamok anong i se gye̱r tana kasa yir akak kaye̱e̱r áner aya a tá tsang á se mak be yir nizen iya Agwo̱m Ágwo̱m yir aYeso tá tseng be yir ninaro̱ ze̱r ze̱r. 22Kum nizen iya aYohana tá san kunye abatisma ma nizen iya a tá sok aYeso nufe yir a tá tseng kaye̱e̱r kaza. Aner ayong ta te aner aya a tana taas itak kudorok aYeso mak be yir dim.”
23Ayong á tun áner afa, akak nye aYusufu a tú ku yis ye aBarsaba (a tu yis aZhostus gip) afe afa'me nye aMatiyas. 24Áyong á nye aduwa á tá fe̱ ye, “Agwo̱m Ágwo̱m wan ren kaye̱e̱r riye̱ koangan anerawe. Ni tonong yir aner aya wan tan kasa kaye̱e̱r áner afa na 25nong a ta te amanzo, aya a tana sok itomong iya aYahuza tá won nong a tá tseng a ko̱n wu.” 26Áyong á barak ikiriwhe̱r kaben ne ikiriwhe̱r'e kirik i tikpa na aMatiyas, ne wu ma te aner afe kuso̱k be afa kaye̱e̱r ámanzo kuso̱k be azining ame.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc