aYohana 21
21
aYeso tonong rice wu nufe álimazhiri wu kanataar
1Nama anong, aYeso bun a ti wuruk na álimazhiri wu nukim agbang Kudung aTibariya. Be anong ne a tonong rice wu'me. 2aSiman Bitrus be aToma, a tú ku yis ye Kafe̱e̱s ne aNataniyel afe aKenan ni iben aGalili ne inoon aZabedi be álimazhiri akak ba afa se mak azong. 3Ayong aSiman Bitrus fe̱ ye, “Mi be ni iyising izos.” Ribir álimazhiri'me fe̱ ye, “Yir tà tseng yir be wan gip.” Ayong á wuruk á tá no̱ kaye̱e̱r kukpara ashi, amma á yiir ike̱ng ikak natuk'ong baꞌ.
4Kadiding tá fa karak, ne aYeso se nunyeseng nukim agbang kudung'e, amma álimazhiri'me ren ye aner'e nye aYeso baꞌ. 5Ayong aYeso fe̱ be ba ye, “Aro̱, yin yiir yin izos ko izining aꞌa?” Ayong ba fe̱ ye, “Wayo.”
6aYeso fe̱ be ba ye, “Barak yin agunung yin nabas kubo̱k riya, yin tà se̱ yin ikak azong.” Á tá fa nye anong ne á se̱ izos whe̱re̱ ma a kyem a ko̱ro̱k agunung'e kaye̱e̱r kukpara'me baꞌ kamok izos'e tá se whe̱r.
7Ne álimazhiri aya aYeso tá shim dide̱ng ame fe̱ be aBitrus ye, “Aner na nye Agwo̱m Ágwo̱m.” Kum aSiman Bitrus tá fa fok ye, “Aner'e nye Agwo̱m Ágwo̱m.” Ayong a wor bisik kukpiin wu a tá te, kamok a se ica'me nong a tá furuk a tá no̱ kaye̱e̱r ashi'me. 8Ribir álimazhiri'me tseng nukim kudung'e be kukpara ashi'me nong á tá ko̱k agunung á tan shining be izos ame. Kamok ba se gugo̱k be kukyim kudung'e baꞌ. I ta se kyo̱ndi amita iso̱k inyak. 9Nizen iya ba tá fa be̱ nukim kudung'e ne á di atse̱n kuro̱ng azong be izos natoon'e be abiredi.
10Ayong aYeso fe̱ be ba ye, “Be̱e̱n yin izos ikak yin tá yising yin kyo̱o̱rna.”
11Ne aSiman Bitrus ngarak natoon kukpara ashi ame nong a ta ko̱k agunung'e nukim kudung'e. Agunung'e shining be agbang izos inyak kuso̱k inyak be iso̱k itoon be ataar (153). Amma be izos whe̱re̱'ong agunung'e sarak baꞌ. 12Ayong aYeso fe̱ be ba ye, “Be̱ tá te yin azhibi.” Alimazhiri wu akak kyem a tú ku rip ka wu nye angan e̱? baꞌ. Kamok ba tá ren aner'e nye Agwo̱m Ágwo̱m. 13Ayong aYeso tseng a ta se sok abiredi'me a tú ku no̱o̱k baꞌ, ne a bun a ku no̱o̱k ba izos'e gip. 14Iyu ne i nye ife ataar ne aYeso tosong rice wu nufe álimazhiri wu nama a tú ku dorok nure̱k.
aYeso be aBitrus
15Nizen iya á tá gang iya azhibi ame, yong aYeso rip aSiman Bitrus ye, “aSiman igon aYohana, wan ti shim katsak ne i nar ribir áfudang wan a?”
Ayong aBitrus fe̱ be wu ye, “Ei, aYeso, wan nye Agwo̱m Ágwo̱m, wan ren mi ka shim.”
Yeso fe̱ be wu ye, “To̱, nyesek naban áturuk'i naya.” 16Ayong aYeso bun a fe̱ be wu ife afa ye, “aSiman igon aYohana, wan ti shim kushim kufe katsak a?”
Ayong aBitrus bun a fe̱ ye “Ei, atekasa, wan ren mi ka shim.”
aYeso fe̱ be wu ye, “Ni sak riye̱ ni ítsamang'i.”
17aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.”
aYeso fe̱ be wu ye “To̱, nyeseng ítsamang'i naya. 18Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.” 19aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”
aYeso be álimazhiri wu aya a tá shim
20aBitrus kirik ne a di alimazhiri aya aYeso tá shim dide̱ng ame tá sen ku kuus ba. (Wu ne a nye alimazhiri aya a tin fereng na aYeso nizen iya ba tá sen ya naya aPasova ame. Wu ne a rip aYeso ye, “Atekasa, angan ne a tà ka sok a tà no̱o̱k e̱?”) 21aBitrus tú ku di. Ayong a rip aYeso ye, “Atekasa, aner ayu ane̱?”
22Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.” 23Kamok anong, itak na te shaam kaye̱e̱r áfikuus aYeso ye alimazhiri ayong tà ku baꞌ. Sang aYeso fe̱ ye a won dar a ku ba'. Amma a fe̱ ye “Ke mi tú ku shim be anong, a ta sor be kutser ma izen iya mi tana bun i be̱, akye̱ wan azong e̱?”
24Ayu ne a nye alimazhiri'me aya a ta sen fe̱ itak natoon ike̱re̱ na, ne a bun a te ni izibir. Yir ren yir ye rife̱ wu nye katsak.
25Ike̱re̱ ikak dide̱ng iya aYeso tá nye, a fa nye ye a zibir cei, mi di ye ke kazatse be rice wu kyem ka sok afumung a tana zibir baꞌ.
Currently Selected:
aYohana 21: izrNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
aYohana 21
21
aYeso tonong rice wu nufe álimazhiri wu kanataar
1Nama anong, aYeso bun a ti wuruk na álimazhiri wu nukim agbang Kudung aTibariya. Be anong ne a tonong rice wu'me. 2aSiman Bitrus be aToma, a tú ku yis ye Kafe̱e̱s ne aNataniyel afe aKenan ni iben aGalili ne inoon aZabedi be álimazhiri akak ba afa se mak azong. 3Ayong aSiman Bitrus fe̱ ye, “Mi be ni iyising izos.” Ribir álimazhiri'me fe̱ ye, “Yir tà tseng yir be wan gip.” Ayong á wuruk á tá no̱ kaye̱e̱r kukpara ashi, amma á yiir ike̱ng ikak natuk'ong baꞌ.
4Kadiding tá fa karak, ne aYeso se nunyeseng nukim agbang kudung'e, amma álimazhiri'me ren ye aner'e nye aYeso baꞌ. 5Ayong aYeso fe̱ be ba ye, “Aro̱, yin yiir yin izos ko izining aꞌa?” Ayong ba fe̱ ye, “Wayo.”
6aYeso fe̱ be ba ye, “Barak yin agunung yin nabas kubo̱k riya, yin tà se̱ yin ikak azong.” Á tá fa nye anong ne á se̱ izos whe̱re̱ ma a kyem a ko̱ro̱k agunung'e kaye̱e̱r kukpara'me baꞌ kamok izos'e tá se whe̱r.
7Ne álimazhiri aya aYeso tá shim dide̱ng ame fe̱ be aBitrus ye, “Aner na nye Agwo̱m Ágwo̱m.” Kum aSiman Bitrus tá fa fok ye, “Aner'e nye Agwo̱m Ágwo̱m.” Ayong a wor bisik kukpiin wu a tá te, kamok a se ica'me nong a tá furuk a tá no̱ kaye̱e̱r ashi'me. 8Ribir álimazhiri'me tseng nukim kudung'e be kukpara ashi'me nong á tá ko̱k agunung á tan shining be izos ame. Kamok ba se gugo̱k be kukyim kudung'e baꞌ. I ta se kyo̱ndi amita iso̱k inyak. 9Nizen iya ba tá fa be̱ nukim kudung'e ne á di atse̱n kuro̱ng azong be izos natoon'e be abiredi.
10Ayong aYeso fe̱ be ba ye, “Be̱e̱n yin izos ikak yin tá yising yin kyo̱o̱rna.”
11Ne aSiman Bitrus ngarak natoon kukpara ashi ame nong a ta ko̱k agunung'e nukim kudung'e. Agunung'e shining be agbang izos inyak kuso̱k inyak be iso̱k itoon be ataar (153). Amma be izos whe̱re̱'ong agunung'e sarak baꞌ. 12Ayong aYeso fe̱ be ba ye, “Be̱ tá te yin azhibi.” Alimazhiri wu akak kyem a tú ku rip ka wu nye angan e̱? baꞌ. Kamok ba tá ren aner'e nye Agwo̱m Ágwo̱m. 13Ayong aYeso tseng a ta se sok abiredi'me a tú ku no̱o̱k baꞌ, ne a bun a ku no̱o̱k ba izos'e gip. 14Iyu ne i nye ife ataar ne aYeso tosong rice wu nufe álimazhiri wu nama a tú ku dorok nure̱k.
aYeso be aBitrus
15Nizen iya á tá gang iya azhibi ame, yong aYeso rip aSiman Bitrus ye, “aSiman igon aYohana, wan ti shim katsak ne i nar ribir áfudang wan a?”
Ayong aBitrus fe̱ be wu ye, “Ei, aYeso, wan nye Agwo̱m Ágwo̱m, wan ren mi ka shim.”
Yeso fe̱ be wu ye, “To̱, nyesek naban áturuk'i naya.” 16Ayong aYeso bun a fe̱ be wu ife afa ye, “aSiman igon aYohana, wan ti shim kushim kufe katsak a?”
Ayong aBitrus bun a fe̱ ye “Ei, atekasa, wan ren mi ka shim.”
aYeso fe̱ be wu ye, “Ni sak riye̱ ni ítsamang'i.”
17aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.”
aYeso fe̱ be wu ye “To̱, nyeseng ítsamang'i naya. 18Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.” 19aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”
aYeso be álimazhiri wu aya a tá shim
20aBitrus kirik ne a di alimazhiri aya aYeso tá shim dide̱ng ame tá sen ku kuus ba. (Wu ne a nye alimazhiri aya a tin fereng na aYeso nizen iya ba tá sen ya naya aPasova ame. Wu ne a rip aYeso ye, “Atekasa, angan ne a tà ka sok a tà no̱o̱k e̱?”) 21aBitrus tú ku di. Ayong a rip aYeso ye, “Atekasa, aner ayu ane̱?”
22Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.” 23Kamok anong, itak na te shaam kaye̱e̱r áfikuus aYeso ye alimazhiri ayong tà ku baꞌ. Sang aYeso fe̱ ye a won dar a ku ba'. Amma a fe̱ ye “Ke mi tú ku shim be anong, a ta sor be kutser ma izen iya mi tana bun i be̱, akye̱ wan azong e̱?”
24Ayu ne a nye alimazhiri'me aya a ta sen fe̱ itak natoon ike̱re̱ na, ne a bun a te ni izibir. Yir ren yir ye rife̱ wu nye katsak.
25Ike̱re̱ ikak dide̱ng iya aYeso tá nye, a fa nye ye a zibir cei, mi di ye ke kazatse be rice wu kyem ka sok afumung a tana zibir baꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc