aYohana 20
20
Kudorok aYeso nure̱k
(aMat 28.1-8; aMar 16.1-8; aLuk 24.1-12)
1Nadiding bop katuk ime̱se̱ng'e na asate, ne karo̱ ruresek whi, aMarya abafe aMagadaliya tseng nure̱k'e. A di a n sees be kuta ku tá se nanu kure̱k'e. 2Ayong a tú bun be itsi nong a ta be nufe aSiman Bitrus ne alimazhiri aya aYeso tá shim, nong a tá fe̱ be ba ye, “A n sok kukom aYeso Agwo̱m Ágwo̱m yir kaye̱e̱r kure̱k, yir ren yir karo̱ a tú ku sak baꞌ.”
3Ayong aBitrus be alimazhiri'me wuruk á tá be nure̱k'e. 4Cice̱r ba tsang á teng, amma alimazhiri'me teng ne a nar aBitrus, a tú ku tsang naro̱ kure̱k'e. 5A be̱ a tá tiguum nanu kure̱k'e a tá ye̱re̱k ne a di kures a tin kunung kukom'e, amma a no̱ kaye̱e̱r'e baꞌ. 6Ayong aSiman Bitrus aya a tá rusek nama be̱ ne a wor a no̱ kaye̱e̱r kure̱k'e, ne a di kures a tin kunung kukom'e kaben azong 7ne ike̱ng iya a tin kunung rice'me nukunung ze̱e̱r ne iya a tin kunung kuro̱m'me. 8Alimazhiri aya a tá be̱ naro̱ kure̱k'e ni ime̱se̱ng'e no̱ kaye̱e̱r kure̱k'e gip. A di ike̱re̱'me yong a ti no̱o̱k katsak. 9(Gip be anong, ko ba ren ike̱ng iya Kufumung rife̱ Adakunom tá fe̱ ye, aYeso tá bun a dorok nure̱k dim, tá sor baꞌ.)
aYeso tonong rice wu nufe aMarya abafe aMagadaliya
(aMat 28.9-10; aMar 16.9-11)
10Ayong álimazhiri'me tú ku bun kari, 11amma aMarya nyeseng nufang nanu kure̱k'e a tá tos. A ta se be kanak ne a tiguum a tá di kaye̱e̱r kure̱k'e. 12Ne a di ámaleka afa nusonong be ares akan naro̱ kaya kukom aYeso'me tú ku se, akak nabas rice'me ne akak nabas atak'e. 13Ne ámaleka ame tú ku rip ye, “Anyiningkasa, akye̱ sak wan tos e̱?”
Ne wu fe̱ be ba ye, “An sok kukom aYeso Agwo̱m Ágwo̱m mi, mi ren karo̱ kaya a tú ku sak baꞌ.”
14A tá fe̱ anong ne a kirik ne a di aYeso nunyeseng, amma a ren ye aner nye wu baꞌ. 15Ayong aYeso tú ku rip ye, “Anyiningkasa, akye̱ sak wan sen tos e̱? Wan tse̱r angan e̱?” Wu sor ye a nye aner a tin sak riye̱ riko̱'me, ayong ne isak a fe̱ ye, “Atekasa, ke wan ne i tú ku sok ne ni tak karo̱ kaya wan tú ku sak nong mi tá su ku sok.”
16aYeso tú ku yis a ta fe̱ ye “aMarya!”
Ayong a kirik nabas afe aYeso'me nong a tá fe̱ be wu ni irem áner aYahuda ye, “aRabbi.” (I ta sor Aner Kubo̱so̱p).
17aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”
18Ayong aMarya abafe aMagadaliya tseng a tá se fe̱ be álimazhiri'me ye, “Mi n di Agwo̱m Ágwo̱m.” Ne a ku tak ba ike̱ng iya aYeso tú ku tak.
aYeso tonong rice wu nufe álimazhiri wu
(aMat 28.16-20; aMar 16.14-18; aLuk 24.36-49)
19Kawheshirim tá fa nye katuk ime̱se̱ng'e na asate, nizen iya álimazhiri aYeso tá se naro̱ kazining. A n whe̱se̱ng nanu kutu kamok inyim áko̱k kasho̱o̱n áner aYahuda. Ayong Yeso wuruk a tá nyeseng natite ba, ne a fe̱ be ba ye, “Kameneng riye̱ ra se mak be yin.” 20Nama a tá fe̱ anong ne a ku tonong ba ibo̱k be kukafam wu. Ayong álimazhiri wu'me nye riye̱ rikan dide̱ng á tá di Agwo̱m Ágwo̱m. 21Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.” 22A tá fa fe̱ anong ne a nife̱e̱p isong wu niba, a tá fe̱ ye, “Inga yin Kabik Kazhe̱l'e. 23Koangan ne yin tù ku re̱ng yin rine̱n wu, i nye ye a tù ku re̱ng'e. Koangan ne yin tu ku re̱ng yin'e baꞌ, to̱, i nye ye a mu ku re̱ng'e baꞌ.”
aYeso tonong rice wu nufe aToma
24aToma, azining kaye̱e̱r álimazhiri kuso̱k be afa'me a tú ku yis ye Kafe̱e̱s tuse mak be álimazhiri'me nizen iya aYeso tá be̱ tonong rice wu baꞌ. 25Amma álimazhiri'me tú ku tak ye ba n di Agwo̱m Ágwo̱m. Ne aToma fe̱ ye,
“Ma ke mi di ínya ákpe̱k ni ibo̱k wu ne ni te kaban kubo̱k'i naro̱ akpe̱k'e ne i ne te kubo̱k'i naro̱ a tú ku tubuk, ke anong baꞌ mi tin no̱o̱k katsak baꞌ.”
26Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.” 27Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”
28Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”
29Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”
30aYeso nye ike̱re̱ azhing ikak dide̱ng nanyisi álimazhiri wu, iya sang a tá zibir kaye̱e̱r kufumung na baꞌ. 31Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.
Currently Selected:
aYohana 20: izrNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
aYohana 20
20
Kudorok aYeso nure̱k
(aMat 28.1-8; aMar 16.1-8; aLuk 24.1-12)
1Nadiding bop katuk ime̱se̱ng'e na asate, ne karo̱ ruresek whi, aMarya abafe aMagadaliya tseng nure̱k'e. A di a n sees be kuta ku tá se nanu kure̱k'e. 2Ayong a tú bun be itsi nong a ta be nufe aSiman Bitrus ne alimazhiri aya aYeso tá shim, nong a tá fe̱ be ba ye, “A n sok kukom aYeso Agwo̱m Ágwo̱m yir kaye̱e̱r kure̱k, yir ren yir karo̱ a tú ku sak baꞌ.”
3Ayong aBitrus be alimazhiri'me wuruk á tá be nure̱k'e. 4Cice̱r ba tsang á teng, amma alimazhiri'me teng ne a nar aBitrus, a tú ku tsang naro̱ kure̱k'e. 5A be̱ a tá tiguum nanu kure̱k'e a tá ye̱re̱k ne a di kures a tin kunung kukom'e, amma a no̱ kaye̱e̱r'e baꞌ. 6Ayong aSiman Bitrus aya a tá rusek nama be̱ ne a wor a no̱ kaye̱e̱r kure̱k'e, ne a di kures a tin kunung kukom'e kaben azong 7ne ike̱ng iya a tin kunung rice'me nukunung ze̱e̱r ne iya a tin kunung kuro̱m'me. 8Alimazhiri aya a tá be̱ naro̱ kure̱k'e ni ime̱se̱ng'e no̱ kaye̱e̱r kure̱k'e gip. A di ike̱re̱'me yong a ti no̱o̱k katsak. 9(Gip be anong, ko ba ren ike̱ng iya Kufumung rife̱ Adakunom tá fe̱ ye, aYeso tá bun a dorok nure̱k dim, tá sor baꞌ.)
aYeso tonong rice wu nufe aMarya abafe aMagadaliya
(aMat 28.9-10; aMar 16.9-11)
10Ayong álimazhiri'me tú ku bun kari, 11amma aMarya nyeseng nufang nanu kure̱k'e a tá tos. A ta se be kanak ne a tiguum a tá di kaye̱e̱r kure̱k'e. 12Ne a di ámaleka afa nusonong be ares akan naro̱ kaya kukom aYeso'me tú ku se, akak nabas rice'me ne akak nabas atak'e. 13Ne ámaleka ame tú ku rip ye, “Anyiningkasa, akye̱ sak wan tos e̱?”
Ne wu fe̱ be ba ye, “An sok kukom aYeso Agwo̱m Ágwo̱m mi, mi ren karo̱ kaya a tú ku sak baꞌ.”
14A tá fe̱ anong ne a kirik ne a di aYeso nunyeseng, amma a ren ye aner nye wu baꞌ. 15Ayong aYeso tú ku rip ye, “Anyiningkasa, akye̱ sak wan sen tos e̱? Wan tse̱r angan e̱?” Wu sor ye a nye aner a tin sak riye̱ riko̱'me, ayong ne isak a fe̱ ye, “Atekasa, ke wan ne i tú ku sok ne ni tak karo̱ kaya wan tú ku sak nong mi tá su ku sok.”
16aYeso tú ku yis a ta fe̱ ye “aMarya!”
Ayong a kirik nabas afe aYeso'me nong a tá fe̱ be wu ni irem áner aYahuda ye, “aRabbi.” (I ta sor Aner Kubo̱so̱p).
17aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”
18Ayong aMarya abafe aMagadaliya tseng a tá se fe̱ be álimazhiri'me ye, “Mi n di Agwo̱m Ágwo̱m.” Ne a ku tak ba ike̱ng iya aYeso tú ku tak.
aYeso tonong rice wu nufe álimazhiri wu
(aMat 28.16-20; aMar 16.14-18; aLuk 24.36-49)
19Kawheshirim tá fa nye katuk ime̱se̱ng'e na asate, nizen iya álimazhiri aYeso tá se naro̱ kazining. A n whe̱se̱ng nanu kutu kamok inyim áko̱k kasho̱o̱n áner aYahuda. Ayong Yeso wuruk a tá nyeseng natite ba, ne a fe̱ be ba ye, “Kameneng riye̱ ra se mak be yin.” 20Nama a tá fe̱ anong ne a ku tonong ba ibo̱k be kukafam wu. Ayong álimazhiri wu'me nye riye̱ rikan dide̱ng á tá di Agwo̱m Ágwo̱m. 21Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.” 22A tá fa fe̱ anong ne a nife̱e̱p isong wu niba, a tá fe̱ ye, “Inga yin Kabik Kazhe̱l'e. 23Koangan ne yin tù ku re̱ng yin rine̱n wu, i nye ye a tù ku re̱ng'e. Koangan ne yin tu ku re̱ng yin'e baꞌ, to̱, i nye ye a mu ku re̱ng'e baꞌ.”
aYeso tonong rice wu nufe aToma
24aToma, azining kaye̱e̱r álimazhiri kuso̱k be afa'me a tú ku yis ye Kafe̱e̱s tuse mak be álimazhiri'me nizen iya aYeso tá be̱ tonong rice wu baꞌ. 25Amma álimazhiri'me tú ku tak ye ba n di Agwo̱m Ágwo̱m. Ne aToma fe̱ ye,
“Ma ke mi di ínya ákpe̱k ni ibo̱k wu ne ni te kaban kubo̱k'i naro̱ akpe̱k'e ne i ne te kubo̱k'i naro̱ a tú ku tubuk, ke anong baꞌ mi tin no̱o̱k katsak baꞌ.”
26Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.” 27Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”
28Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”
29Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”
30aYeso nye ike̱re̱ azhing ikak dide̱ng nanyisi álimazhiri wu, iya sang a tá zibir kaye̱e̱r kufumung na baꞌ. 31Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc