Kucangtsi 16
16
Itimbae Ishimayel
1Saraya, uwa Ibram mbae-wu umbae be. Awu site upyi-wu ti unda, unda Ejib ti rinyi-wu si Hagar. 2Ikyaen yine, Saraya ri te Ibram baa, “Yaweh nda-wu ame ti m na mbae umbae be. Ru ka nae te upyi-m, iki be ame u tu umbae ruye uwog-wu.” Ibram cwe kumyae Saraya. 3Isim ti Ibram som Kanana ka pu wu asang rijwe, Saraya pu Hagar, upyi-wu, unda Ejib baen Ibram. 4Awu nae te Hagar, ama awu kyaen rishwu. Ti Hagar nung pu wu ti awu site rishwu, awu saesi Saraya, unda ti kununn-wu.
5Ama Saraya ri te Ibram baa, “Riraen ta risu-fu ikyaen ti, ame pu upyi-m na fu, ama ti awu nung baa, awu na site rishwu, awu saesi m, afu mbub-fu unju be. Yaweh ti u taen rikwén yine kutampwa m te fu.”
Hagar Ter Nwunn Uwog Saraya
6Ibram ri te Saraya baa, “Nung! Upyi-fu ta kujwo-fu. Nde te wu iken ti afu kab baa, ayi na u nyang uwae-fu.” Tiri Saraya nde Hagar ira beb-beb-beb, ama Hagar ter nwunn uwog-wu.
7Atom Yaweh ba tu Hagar uwae kutur kuka ti ta fifer te isatsub iki ti ta fengo ti ku ru yi uten ti Shur. 8Atom wu ri baa, “Hagar, upyi Saraya, afu ru aka ba? Ama afu ku ru-fu yi aka?” Awu ri te atom wu baa, “Ame ku ter Saraya, unda ti kununn-m.”
9Ama Atom Yaweh wu ri te wu baa, “Kafe ru ti uwog unda ti kununn-fu awu, ti fu ka nae risu riben na wu.” 10Atom wu ri kyi baa, “Ame u nda rishi-fu u jwunn, unde u pwen tag-wu aba be.” 11Atom wu ri te kyi wu baa, “Tine afu site rishwu, afu u mbae umbae ti urom. Fa rinyi-wu baa, Ishimayel, ikyaen ti, Yaweh nung pu wu rikaen-fu. 12Awu u kyangfa kyangfa pangma ibye kutur. Awu u tsi ukub te ande meme, ande ama u tsi ukub te wu. Awu u tsikunn ira unju ti sha ti ameinja-wu.”
13Ama Hagar fa rinyi Yaweh ti ri ira te wu baa, “El-Royi,” ti imbyi-yi baa, “Rimam ti ku sae m.” Ikyaen ti awu ri baa, “Ame sae Rimam te ayib ama u cwu-m be.” 14Sa ti kiye wu ba sang tine, rinyi ribung wu si Ribung Lahai Royi#16:14 Ribung Lahai Royi Imbyi rinyi wune unjwu Mbaibrane baa, “Ribung na Awu ti ku nyang unyang, Awu ti ku sae m.”. Ribung wu ta kutampwa Kadeshi ti Bered.
15Hagar mbae umbae ti urom na Ibram, ama Ibram fa rinyi wu baa, Ishimayel. 16Kiye wu, Ibram site asang mae inje mbe itsongnjo (86).
Currently Selected:
Kucangtsi 16: kubNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Kucangtsi 16
16
Itimbae Ishimayel
1Saraya, uwa Ibram mbae-wu umbae be. Awu site upyi-wu ti unda, unda Ejib ti rinyi-wu si Hagar. 2Ikyaen yine, Saraya ri te Ibram baa, “Yaweh nda-wu ame ti m na mbae umbae be. Ru ka nae te upyi-m, iki be ame u tu umbae ruye uwog-wu.” Ibram cwe kumyae Saraya. 3Isim ti Ibram som Kanana ka pu wu asang rijwe, Saraya pu Hagar, upyi-wu, unda Ejib baen Ibram. 4Awu nae te Hagar, ama awu kyaen rishwu. Ti Hagar nung pu wu ti awu site rishwu, awu saesi Saraya, unda ti kununn-wu.
5Ama Saraya ri te Ibram baa, “Riraen ta risu-fu ikyaen ti, ame pu upyi-m na fu, ama ti awu nung baa, awu na site rishwu, awu saesi m, afu mbub-fu unju be. Yaweh ti u taen rikwén yine kutampwa m te fu.”
Hagar Ter Nwunn Uwog Saraya
6Ibram ri te Saraya baa, “Nung! Upyi-fu ta kujwo-fu. Nde te wu iken ti afu kab baa, ayi na u nyang uwae-fu.” Tiri Saraya nde Hagar ira beb-beb-beb, ama Hagar ter nwunn uwog-wu.
7Atom Yaweh ba tu Hagar uwae kutur kuka ti ta fifer te isatsub iki ti ta fengo ti ku ru yi uten ti Shur. 8Atom wu ri baa, “Hagar, upyi Saraya, afu ru aka ba? Ama afu ku ru-fu yi aka?” Awu ri te atom wu baa, “Ame ku ter Saraya, unda ti kununn-m.”
9Ama Atom Yaweh wu ri te wu baa, “Kafe ru ti uwog unda ti kununn-fu awu, ti fu ka nae risu riben na wu.” 10Atom wu ri kyi baa, “Ame u nda rishi-fu u jwunn, unde u pwen tag-wu aba be.” 11Atom wu ri te kyi wu baa, “Tine afu site rishwu, afu u mbae umbae ti urom. Fa rinyi-wu baa, Ishimayel, ikyaen ti, Yaweh nung pu wu rikaen-fu. 12Awu u kyangfa kyangfa pangma ibye kutur. Awu u tsi ukub te ande meme, ande ama u tsi ukub te wu. Awu u tsikunn ira unju ti sha ti ameinja-wu.”
13Ama Hagar fa rinyi Yaweh ti ri ira te wu baa, “El-Royi,” ti imbyi-yi baa, “Rimam ti ku sae m.” Ikyaen ti awu ri baa, “Ame sae Rimam te ayib ama u cwu-m be.” 14Sa ti kiye wu ba sang tine, rinyi ribung wu si Ribung Lahai Royi#16:14 Ribung Lahai Royi Imbyi rinyi wune unjwu Mbaibrane baa, “Ribung na Awu ti ku nyang unyang, Awu ti ku sae m.”. Ribung wu ta kutampwa Kadeshi ti Bered.
15Hagar mbae umbae ti urom na Ibram, ama Ibram fa rinyi wu baa, Ishimayel. 16Kiye wu, Ibram site asang mae inje mbe itsongnjo (86).
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017