Kucangtsi 17
17
Rimam Fin Rinyi Ibram Ba Ibrahim
1Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang, 2ti ame u kumunn unju ti yer-m kutampwa-m te fu, u nda rishi-fu u mbaeshag, u jwunn timambe.” 3Ibram sī ku riben uwe Rimam, ama Rimam ri te wu baa, 4“Nung! Ame ku yer unju te fu. Afu u si itse ambukwen ande yang-ba. 5Rinyi-fu u si-wu Ibram cwucwo be. Tine rinyi-fu si Ibrahim, ikyaen ti, ame nda pu m afu itse ambukwen ande. 6Ame u nda fu, afu u mbae jwunn, ambukwen ande yang-ba u ruye utso-fu. Abikwe tiyang u ruye uwae rishi-fu. 7Ame u ye su unju ti yer kutampwa-m te fu, ti meme rishi-fu ti ku ba isim-fu ru fife yi uwe. Ame u si Rimam-fu, u si Rimam na rishi-fu ti ku ba isim-fu meme. 8Ame u nda fu ti utso-fu, riben wu ti afu si rikyen atang ne. Ame u sa meme riben Kanana na anyisu-fu ti awu u si kunn ana-ni ru fife yi uwe. Ama ame u si Rimam-ba.”
9Rimam ri te Ibrahim baa, “Ana-fu, afu ti rishi-fu, ani u ye su kang unju ti yer-m te ni. 10Iken ti u tatso unju ti yer kutampwa-m te fu, ti rishi-fu ti ku ba isim-fu ta re. Afu ti meme arom ti ta uten-ni u tsen kutxin. 11Ani u tsen kang kutxin ti ku tatso unju ti yer kutampwa-m te ni. 12Sa kiye wune ru fife yi uwe, anyisu-fu ti arom, ko aba ti afu jab ti aser, ko apyi ti a mbae uwae ishikununn-fu, a u tsen kang ba kutxin usir ti itsongta na itimbae-ba. 13Ko aba ti a mbae ishikununn-fu, ko ti afu a jab ti aser, aba u tsen kang kutxin. Unju ti yer ti ana-m u tsi yiyer rimenn-ni. 14Urom ti a tsen-wu kutxin be, awu u fa-wu uwae ande-m be, ikyaen ti awu nyatsa unju ti yer-m.”
15Rimam ri kyi ira te Ibrahim baa, “Ana Saraya, uwa-fu, afu u kunn-fu awu baa Saraya cwucwo be, rinyi-wu u si Saratu tiri. 16Ame u nde wu itinyang, awu u mbae na kang fu umbae ti urom. Ame u nde wu itinyang, awu u kafe iya ambukwen ande yang-ba. Awu u mbae abikwe na ambukwen ande.”
17Ibrahim sī ku riben ama u skaen, u ri te ijwe-wu baa, “Unde ti site asang mae itsong, u mbae kyi umbae a. Saratu ama u mbae fob umbae ti awu site asang mae inje mbe rijwe (90) ne njwaa?” 18Ama Ibrahim rang Rimam baa, “Afu a nda-fu Ishimayel kutxuwe titinyang ne re?”
19Rimam ri baa, “Iyee, uwa-fu Saratu u mbae na fu umbae ti urom, afu u fa rinyi-wu baa, Ishaku. Ame u ye su unju ti yer-m te wu, ti rishi-wu ti ku ba isim-wu ru fife yi uwe. 20Ame fxen pu m itijwam-fu risu Ishimayel, ame u nde wu itinyang. Ame u nda wu, awu u mbae u jwunn timambe. Awu u si itse na abikwe rijwe asu ifaen. Rishi-wu u ba si mbukwen ande yang-yi akwen. 21Amaa, ame u ye su unju ti yer-m te Ishaku, umbae wu ti Saratu u mbae na fu kiye wune kusang ti ku ba.” 22Ti Rimam ri tag ira yine te Ibrahim, awu ya Ibrahim ta.
23Tí usir wu, Ibrahim tsen Ishimayel ti meme arom ti ta kununn-wu kutxin, ti aba ti awu jab ti aser, pangma ti Rimam ri te wu. 24Ibrahim site asang mae inje mbe rijwe asu itsongnje (99), kiye ti awu tsen kutxin. 25Umbae-wu Ishimayel ama site asang rijwe asu ita. 26Ibrahim ti umbae-wu Ishimayel tsen kutxin tetso ti usir kinjo. 27Meme arom ti ta ishikununn Ibrahim, aba ti a mbae ba atang, ti aba ti a jijab, a tsen ba kutxin ti usir wu.
Currently Selected:
Kucangtsi 17: kubNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Kucangtsi 17
17
Rimam Fin Rinyi Ibram Ba Ibrahim
1Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang, 2ti ame u kumunn unju ti yer-m kutampwa-m te fu, u nda rishi-fu u mbaeshag, u jwunn timambe.” 3Ibram sī ku riben uwe Rimam, ama Rimam ri te wu baa, 4“Nung! Ame ku yer unju te fu. Afu u si itse ambukwen ande yang-ba. 5Rinyi-fu u si-wu Ibram cwucwo be. Tine rinyi-fu si Ibrahim, ikyaen ti, ame nda pu m afu itse ambukwen ande. 6Ame u nda fu, afu u mbae jwunn, ambukwen ande yang-ba u ruye utso-fu. Abikwe tiyang u ruye uwae rishi-fu. 7Ame u ye su unju ti yer kutampwa-m te fu, ti meme rishi-fu ti ku ba isim-fu ru fife yi uwe. Ame u si Rimam-fu, u si Rimam na rishi-fu ti ku ba isim-fu meme. 8Ame u nda fu ti utso-fu, riben wu ti afu si rikyen atang ne. Ame u sa meme riben Kanana na anyisu-fu ti awu u si kunn ana-ni ru fife yi uwe. Ama ame u si Rimam-ba.”
9Rimam ri te Ibrahim baa, “Ana-fu, afu ti rishi-fu, ani u ye su kang unju ti yer-m te ni. 10Iken ti u tatso unju ti yer kutampwa-m te fu, ti rishi-fu ti ku ba isim-fu ta re. Afu ti meme arom ti ta uten-ni u tsen kutxin. 11Ani u tsen kang kutxin ti ku tatso unju ti yer kutampwa-m te ni. 12Sa kiye wune ru fife yi uwe, anyisu-fu ti arom, ko aba ti afu jab ti aser, ko apyi ti a mbae uwae ishikununn-fu, a u tsen kang ba kutxin usir ti itsongta na itimbae-ba. 13Ko aba ti a mbae ishikununn-fu, ko ti afu a jab ti aser, aba u tsen kang kutxin. Unju ti yer ti ana-m u tsi yiyer rimenn-ni. 14Urom ti a tsen-wu kutxin be, awu u fa-wu uwae ande-m be, ikyaen ti awu nyatsa unju ti yer-m.”
15Rimam ri kyi ira te Ibrahim baa, “Ana Saraya, uwa-fu, afu u kunn-fu awu baa Saraya cwucwo be, rinyi-wu u si Saratu tiri. 16Ame u nde wu itinyang, awu u mbae na kang fu umbae ti urom. Ame u nde wu itinyang, awu u kafe iya ambukwen ande yang-ba. Awu u mbae abikwe na ambukwen ande.”
17Ibrahim sī ku riben ama u skaen, u ri te ijwe-wu baa, “Unde ti site asang mae itsong, u mbae kyi umbae a. Saratu ama u mbae fob umbae ti awu site asang mae inje mbe rijwe (90) ne njwaa?” 18Ama Ibrahim rang Rimam baa, “Afu a nda-fu Ishimayel kutxuwe titinyang ne re?”
19Rimam ri baa, “Iyee, uwa-fu Saratu u mbae na fu umbae ti urom, afu u fa rinyi-wu baa, Ishaku. Ame u ye su unju ti yer-m te wu, ti rishi-wu ti ku ba isim-wu ru fife yi uwe. 20Ame fxen pu m itijwam-fu risu Ishimayel, ame u nde wu itinyang. Ame u nda wu, awu u mbae u jwunn timambe. Awu u si itse na abikwe rijwe asu ifaen. Rishi-wu u ba si mbukwen ande yang-yi akwen. 21Amaa, ame u ye su unju ti yer-m te Ishaku, umbae wu ti Saratu u mbae na fu kiye wune kusang ti ku ba.” 22Ti Rimam ri tag ira yine te Ibrahim, awu ya Ibrahim ta.
23Tí usir wu, Ibrahim tsen Ishimayel ti meme arom ti ta kununn-wu kutxin, ti aba ti awu jab ti aser, pangma ti Rimam ri te wu. 24Ibrahim site asang mae inje mbe rijwe asu itsongnje (99), kiye ti awu tsen kutxin. 25Umbae-wu Ishimayel ama site asang rijwe asu ita. 26Ibrahim ti umbae-wu Ishimayel tsen kutxin tetso ti usir kinjo. 27Meme arom ti ta ishikununn Ibrahim, aba ti a mbae ba atang, ti aba ti a jijab, a tsen ba kutxin ti usir wu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017