Paikhiatna 12
12
Paisanna
1Egypt gam sungah TOPA in Moses le Aaron kiangah, 2 "Tu kha, note adingin kha masa pen, note kum a kha masa pen ahi hi. 3 Tu kha a ni sawmna ni-in mikim in ama innkuan ading tuuno a#12.3 Hebrew ah tuuno le keelno hi thei tuak; tg. 4 na ah zong khat a lak ciat ding uh Israel-te khempeuh tungah gen in. 4 Tuuno pum khat gai dingin innkuan a tawm luat leh tua lai-a om a mi tamna tawh kizui-in a kinaipih pen a inn vengte tawh a ne khawm ding uh hi. A ne ding mi le a tuuno sa zah tawh kizui-in na hih ding uh hi. 5 Na teel uh gante pen kum khat apha, apa, a melhemna om lo hi dinga tuate tuu ahikeh keel lak pan na la ding uh hi. 6 Tuate, tua kha ni sawm le li ni dong na kem ding uh a, tua ni khuamui ciangin Israel mi khempeuh in a go ding uh hi. 7 Tua ciangin a sisan pawlkhat la-in tuuno a nekna uh innte’ kongmungte a tung le a pang tuakah a nuh ding uh hi. 8 Tua ni zan mah in a sa mei-ah hangin lo kha le silngo sawh loh anlum tawh amaute in a ne ding uh hi. 9 A sa a sial ahikeh tuihuanin na ne kei ding uh a, ahi hangin mei tungah - a lu, a khe le a sungkua-te na hang ding uh hi. 10 Zingsang dong khamval bangmah na sit kei ding uh a zingsang dong a val a om leh na haltum ding uh hi. 11 Na nek zia ding uh in: puantualpi kawnggak gaksa, khedap bulhsa le na khut sunguah ciangkhut tawi kawmsa-in na ne ding uh hi. Na nawh nek ding uh hi; tua in TOPA’ Paisan na ahi hi.#Tp 16:1,3
12 "Tua ni zan mah in Egypt gam nawksuakin, mihing, ganhing tacil peuhmah ka sattuk dinga - Egypt a pasiante khempeuh tungah thukhenna ka tungsak ding hi. Keimah TOPA ka hi hi. 13 Na omna uh inn-a sisan kinuh pen note adingin lim hi ding hi; tua sisan ka muh ciangin note kong paisan ding hi. Egypt-te ka vat ciangin a nasia gimna bangmah in note hong sukha kei ding hi.#Ms 33:4; Heb 11:28
14 "Hih in na phawk tawntung ding uh ni khat ahi hi; akhang akhangin TOPA tungah pawi na bawl ding uh a - tua in a kip tawntung thuzek hi ding hi. 15 Ni sagih sung silngo sawh loh anlum na ne ding uh hi. A ni masa ni-in na inn sung panun silngo paikhia un, ahang in, ni khat ni pan ni sagih ni ciang silngo kisawh khatpeuh a ne a om leh Israel panin kikhenkhia ding hi. 16 A ni masa ni-in asiangtho kikhopna khat nei unla, a ni sagihna ni-in adang khat nei un. Note sep theih ding ahi nek ding an huan ding sim loh hih nite in bangmah sem kei un.
17 "Egypt pana a pawlpawl a kong paikhiatpih ni tuani mahmah ahi manin Silngo-sawhloh Anlum Pawi bawl un. Akhang akhangin tua ni-in pawi bawl unla a kip tawntung thuzekin nei un. 18 A kha masa sung, a ni sawm le lina ni nitak panin a ni sawm nih le khat ni nitak dong silngo sawh loh anlum na ne ding uh hi. 19 Ni sagih sung na innsung-uah silngo a kimu kei ding hi. Tua hi a silngo kisawh na khatpeuh a ne a om leh pemta ahi a, tualsuak ahi zongin Israel mipi panin kikhenkhia ding hi. 20 Silngo kisawh bangmah ne kei un. Na tenna peuhpeuh uhah silngo sawh loh anlum bek na ne ding uh hi," a ci hi.
21 Tua ciangin Moses in Israel upate khempeuh sama amaute tungah, "Pai pah unla, no innkuan ading gan telkhia-in Paisan tuuno go un. 22 Puknah lomkhat khiak unla kuang sunga sisan lakah diahin kongmung tung le a pangtuakah sisan nuh un. Zingsang mateng, note khat beek ama inn kong pua-ah a paikhia kei ding hi. 23 Egypt mite satlum dingin gamsung khempeuhah TOPA a pai ciangin kongmung tung le a pangtuaka sisan mu dinga, tua kongvang paisanin, amah in a susiapte na inn sungah tumsak loin no hong kisatlum lo ding hi.#Mk 14:12-16
24 "Nang le na suan-le-khakte adingin hih lamlahnate a kip tawntung thuzek bangin zui un. 25 TOPA in piak dinga hong ciamsa tua leitangah na lut uh ciangin hih ngeina pawi-in bawl un. 26 Na tate un, ‘Hih ngeina-pawi bang deihna-a bawl na hi uh hiam?’ ci-in hong dot uh ciangin, 27 amaute kiangah, "TOPA tungah Paisan biakpiakna ahi hi; amah in Egypt-te a satlup lai-in Egypt a om Israel-te’ innte hong hawi hi,’ ci un," a ci hi. Tua ciangin mipite kunin a bia uh hi. 28 Israel mite in, TOPA in Moses le Aaron a thupiak bang tektek in a hih uh hi.#tg 11; Jos 4:6
29 Zan kim laitakin TOPA in Egypt gam sunga tacil khempeuh kumpi tokhom tunga tu Pharaoh’ tapa a kipan thong-hawmpi sunga om thong kiate’ tacil le ganhingte’ tacilte dongin a satlum khin hi. 30 Pharaoh le a uliante khempeuh le Egypt-te khempeuh zanin tho uh a, misi om lohna inn khat beek om lo ahi manin Egypt ah kahna nasiapi a tung hi.#Pk 4:23
Paikhiatna
31 Pharaoh in azan azanin Moses le Aaron sama, "Dingkhia un! Nang le Israel mite in ka mite nusia un! Pai un, nong ngetsa bangun TOPA bia un. 32 Na gensa bangun na tuuhonte uh le na ganhonte uh hawlin pai un. Kei zong thupha hong pia un," a ci hi.#Pk 10:9,26
33 Tua mite in manlanga a gam uh a paisan nadingun Egypt mite in a sawl uh hi. Amaute in, "Tua hi kei leh eite i si khin ding hi!" a ci uh hi. 34 Tua ciangin mipite in a annel mekmansa uh silngo sawh ma-in la uh a, a mekna kuang sungah puan khuhin a liangko-uah a pua uh hi. 35 Moses lamlah bangin Israel-te in Egypt mite tungah ngunle kham-a kibawl vante le puansilhte a ngen uh hi. 36 TOPA in Egypt mite tungah mipite’ deihsakna guan-a, amaute nget peuhpeuh a pia uh hi; tua bangin amaute in Egypt-te a lawk uh hi.#Pk 3:22
37 Israel-te, Rameses pan Succoth ah a zin uh hi. Numei naupang simloh pasal khe-a pai, tul zaguk bang a pha hi. 38 Midang tampi in zong amaute zui uh a, ganhon tampi hawlin tuuhon le bawnghonte a tonpih khawm uh hi. 39 Egypt pana a puak uh annel meksate silngo sawh loh anlum khomunin a em uh hi. Annel meksate silngo a kisawh kei hi, bang hang hiam cih leh amaute Egypt panin kinawhkhia a, amau an ding kigin hun ding a nei kei uh hi.#Ms 11:13,21
40 Egypt a#12.40 Masoretic Bu; Samaritan Pentateuch le Septuagint ah Egypt le Canaan sunga Israel-te a ten sung uh kum 430 a sawt hi. 41 Kum 430 a bei ni lianin TOPA’ mi khempeuh in Egypt a nusia uh hi. 42 Amaute Egypt pan a pikhia dingin tua ni zanin TOPA zanhak ahi manin Israel mite khempeuh akhang akhangin TOPA pahtawina in hih zanin a zanhak uh hi.#Tp 16:1,6; Ns 7:6
Paisan Thupiaknate
43 TOPA in Moses le Aaron tungah, "Hihte Paisan’ na tawh kisai ngeinate ahi hi.#tg 11
"Gamdang mipa in tua a ne kei ding hi. 44 Na leisa uh silate a vun na atsak khit uh ciangin a ne thei ding uh hi; 45 ahi hangin khualzin-a hong tamte le sum thalawh-a omte in a ne thei kei ding uh hi.#Pc 17:12-13
46 "Inn khat sungah kine ding hi; a sate khat beek inn pua-ah kipusuah lo ding hi. A guhte khat beek sutan kei un. 47 Israel mihon buppi in hih pawi a bawl ding uh hi.
48 Note laka teng pemta khat in TOPA Paisan Pawi a bawl nop leh a inn sunga pasal khempeuh in vun a at ding uh hi; tua ciangin gammi khat bangin a kihel thei ding hi. Pasal vun at lote in a ne kei ding uh hi. 49 Note laka a teng pemtate le tualsuak mite in a kibangin a zui ding uh hi," a ci hi.#Ms 9:14; 15:15-16,29
50 Israel-te khempeuh in, TOPA in Moses le Aaron a thupiak bang tektekin a hih uh hi. 51 Tua ni tektek mah in TOPA in Israel-te a pawlpawl in Egypt pan a paikhiatpih hi.#Pk 6:26
Currently Selected:
Paikhiatna 12: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
