Paikhiatna 14
14
1Tua ciangin TOPA in Moses kiangah, 2 "Israel-te kileh kik-a Migdol le tuipi kikal-a Pi Hahiroth ah giahphual a sat dingun gen in. Baal Zephon tawh kigalsai lian tuipi gei-ah giahphual a sat ding uh hi. 3 Pharaoh in, ‘Israel-te buaigawpin gamsungah tangciakin kawi vakvak uh hi,’ ci-in ngaihsun ding hi.
4 Pharaoh lungtang ka khauhsak dinga, amaute a delh ding hi. Ahi hangin Pharaoh le ama galkapte tungtawnin kei mahmah in minthanna ka ngah dinga, Egypt mite in keimah TOPA ka hilam a thei ding uh hi," a ci hi. Israel-te in tua mah bangin a hih uh hi.#Ro 9:17, 22-23; Pk 4:21
5 Mipite a taimangna thu Egypt kumpipa tungah a kigen ciangin Pharaoh le a uliante in amau vai-ah a ngaihsutna uh khel-a, "I hihsa bang himawk hiam? Israel-te pai ding i phal-a, amaute nasep i taan hi!" a ci uh hi. 6 Tua ciangin sakollengte kithawisak a, a galkapte a kuanpih hi. 7 Amah in a sakolleng a hoih pente zaguk, Egypt sakolleng dangte khempeuh tawh kengin, tuate khempeuh tungah uliante tuangin a kuanpih hi. 8 TOPA in Egypt kumpipa Pharaoh lungtang khauhsak-a, hangtaka mainawt Israel-te a delh hi. 9 Egypt mite - Pharaoh’ sakolte le sakol-lengte, sakoltuangte c#14.9 Ahikeh sakol galkapte tg. 17, 18, 23, 26 le 28 ah zong le galkapte in Israel-te delh uh a Baal Zephon gal, Pi Hahiroth kiang tuipi gei-a, a giah laitakun a pha uh hi.
10 Pharaoh in a phak kuanin Israel-te khuadak uh a, amaute a nungdelh Egypt-te a mu uh hi. Amaute patau mahmah uh a TOPA tungah a ko uh hi. 11 Amaute in Moses kiangah, "Egypt ah hankhuk a om loh mana sehnel-gamah si dinga hong paikhiatpih na hi hiam? Kote Egypt pana nong paikhiatpih bang hong suah ta na hiam? 12 Egypt-a i om lai-in, ‘Kote hong hici omsak in; Egypt-te’ na hong semsak lel in,’ hong ci hi lo ka hi uh hiam? Ko adingin sehnel-gama sih sangin Egypt-te na sep hoih zaw hi!" a ci uh hi.#Ne 9:9; Ph 34:17
13 Moses in mipite kiangah, "Lau kei un. Kiptakin ding un, TOPA in hong hutkhiatna tuni-in na mu ding uh hi. Tuni-a na muh uh Egypt-te na mu kik nawn kei ding uh hi. 14 TOPA in hong dosak ding hi; daitaka na om ding bek uh kisam hi," a ci hi.#Ph 46:10; Isa 30:15; Pk 15:3
15 Tua ciangin TOPA in Moses kiangah, "Bang hangin kei tungah hong kiko na hi hiam? Israel-te in mai a nawt ding uh gen in. 16 Israel-te in leikeu tawnin tuipi a kantan theih nadingun tui kikhensak dingin na ciangkhut liikto inla, tuipi tungah na khut zan in. 17 Amaute in a sungah a nungdelh theih nadingun Egypt-te lungtang ka khauhsak ding hi. Tua ciangin Pharaoh le a galkapte khempeuh tungtawn le a sakollengte le a sakol-tuangte tungtawnin minthanna ka ngah ding hi. 18 Pharaoh le ama sakollengte le a sakol-tuangte tungtawnin minthanna ka ngah ciangin Egypt-te in keimah TOPA ka hilam a thei ding uh hi," a ci hi.#Pk 4:17; Isa 10:26
19 Tua ciangin Israel galkapte mai-a paipa Pasian vansawltak nungkikin amaute nungah a pai hi. Meii khuampi zong amaute mai panin amaute nungah kikhin-a, 20 Egypt galkapte le Israel kikalah a om hi. Tua meii in zan tawntung pangkhatah khua mialsak-a, a pang khat lamah khua a vaksak hi; tua bangin zan khuavakin kuamah a kinaih zawsang a om kei uh hi.#Pk 13:21
21 Tua ciangin Moses in tuipi tungah a khut zana, TOPA in tua zan tawntung nisuahna huih khauh tawh tuipi lehmut-a, leikeu a suak hi. Tuite kikhen-a, 22 Israel-te in leikeu tawnin tuipi kantan uh a, amaute veilam le taklamah tui kawm a om hi.#Heb 11:29; Isa 63:12
23 Egypt-te in amaute nungdelh uh a, Pharaoh’ sakolte, sakollengte, sakol-tuangte khempeuh in tuipi sungah a zui uh hi. 24 Zingsang vil nunung hunin TOPA in mei le meii khuampi panin Egypt galkapte ensuk a, amaute a buaisak gawp hi. 25 Amah in, amaute in hawlhak a sak nadingun a sakolleng peite uh a kitolkhiasak a#14.25 Masoretic Bu; Samaritan Pentateuch, Septuagint le Syriac ah amah in a sakolleng peite uh a gumsak hi hi. Tua hi a Egypt-te in, "Israel-te panin taimang ni!" TOPA in amau adingin Egypt-te do hi," a ci uh hi.#tg 14: Pk 13:21
26 Tua ciangin TOPA in Moses kiangah, "Egypt-te tung le amaute sakollengte le sakol-tuangte tungah tui a luan kik nadingin tuipi tungah na khut zankhia in," a ci hi. 27 Moses in tuipi tungah a khut zan-a, zingsang khuavak laitakin tuipi a omngei-in omkik hi. Egypt-te tualam manawh b#14.27 Ahikeh panin in tai sawm uh a, TOPA in amaute tuipi sungah a siakmang hi. 28 Tui luang kika, sakollengte le sakol-tuangte - tuipi sung donga Israel-te a delh Pharaoh’ galkapte a vekpi-un a tuum hi. Amaute khat zong a suakta kei hi.
29 Israel-te ahileh amaute veilam le tak lamah tui kawm omin leikeu tungah tuipi a kantan uh hi. 30 Tua ni-in TOPA in Egypt-te khut panin Israel honkhia-a, Israel in tuipi gei-ah Egypt-te a sisa-in mu uh hi. 31 Tua hi a, Israel-te in TOPA in Egypt-te langah ama vangliatna a kilatsak a muh uh ciangin mite in TOPA kihta uh a, amah le a nasempa Moses a muang uh hi.#Jn 2:11
Currently Selected:
Paikhiatna 14: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
