Piancilna 16
16
Hagar le Ishmael
1Tu-in Abram zi Sarai in ta a nei kei hi. Ahi hangin Hagar min nei Egypt-te numei khat nasemin a nei hi; 2 tua hi a amah in Abram kiangah, "TOPA in ta nei loin hong koih hi. Ka nasemnu va luppih dih in; tuanu tungtawnin innkuan a nei ding ka hi kha ding hi," a ci hi.#Pc 11:30; 30:3-4,9-10;Gal 4:24-25
Sarai cih bangin Abram a thukim hi. 3 Tua ahi ciangin Canaan a Abram a ten zawh kum sawm khit ciangin a zi Sarai in ama nasemnu Egypt mi Hagar paipih a, a pasal kiangah a zi dingin pia hi. 4 Amah in Hagar luppihin tuanu in nau paii hi.
Tuanu in a gai lam a kitheih ciangin a pi simmawh ding a kipan hi. 5 Tua khit ciangin Sarai in Abram kiangah, "Ka thuakna nang hang ahi hi. Na angah ka nasemnu kong koih hi; tuanu a gai lam kithei a, kei hong simmawh hi. TOPA in nang le kei kikalah thu khen ta hen," ci hi.#Pc 31:53
6 Abram in, "Na nasemnu nang thu ahi hi, hoih pen dinga na ngaihsut bangin hih in,"" ci hi. Tua ciangin Sarai in Hagar bawlsia a; a kiang pan taikhia hi.#Jos 9:25
7 TOPA’ vansawltak in sehnel-gam ciktui gei khatah Hagar mu hi; tua pen Shur paina lampi gei-a ciktui ahi hi. 8 Amah in, "Sarai’ nasemnu Hagar aw, koi pan hong kipana koi-a pai ding na hi hiam?" a ci hi.#Pc 21:17;22:11,15
Tuanu in, "Ka pi Sarai kiang pana taikhia ka hi hi;" ci-in dawng hi.
9 Tua ciangin TOPA’ vansawltak in, "Na pi kiangah ciah kik inla ama tungah ki-ap in," ci a, 10 "Na suan-le-khakte sim zawh lohin ka tamsak ding hi," cih beh lai hi.#Pc 13:16;17:20
11 TOPA’ vansawltak in tuanu kiangah:
"Tu-in nang nau na paii a,
tapa khat na nei ding hi.
TOPA in na thuaksiatna hong za khin
ahi manin a min Ishmael a#16.11 Ishmael pen Pasian in hong za cihna. na phuak ding hi.#Pk 2:24;3:7,9
12 Amah mi’ laa le hi ding a,
ama khutin mi khempeuh langpangin,
mi khempeuh khutin
amah langpan dinga b#16.12 Ahikeh nisuahna lamah teng
a sanggamte khempeuh galbawlin a nungta ding hi," a ci hi.
13 Tuanu in amah a hopih TOPA hih min a phuah hi: "Nang, kei hong mu Pasian na hi hi; tu-in kei hong mu Pa ka mu c#16.13 Ahikeh a nung mu khin hi," ci hi. 14 Tua ahi manin tua tuikhuk Beer Lahai Roi d#16.14 Bear Lahai Roi pen kei hong mu a nungta Pa tuikhuk cihna kici hi. Tua pen tu-in Kadesh le Bered kikalah a om lai hi.
15 Tua ciangin Abram in Hagar tawh tapa khat nei a, a tapa min Ishmael phuak hi. 16 Hagar in Ishmael a suah in Abram kum sawm giat le guk pha ta hi.#Gal 4:22
Currently Selected:
Piancilna 16: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
