Piancilna 22
22
Abraham Kizia-et
1Tua khit a sawt loin Pasian in Abraham a sin hi. Amah in, "Abraham," ci-in sama, amah in,#Tp 8:2,16; Heb 11:17
"Hiah ka om hi," ci-in a dawng hi.
2 Tua ciangin Pasian in, "Na it na tapa, na tapa neihsun Isaac tonpih inla, Moriah kualah pai un. Nang tunga kong gen ding mualte tung khatah meihal biakna-in hong pia in," a ci hi.#Jn 3:16; Heb 11:17
3 A zingciang zingsang tungin Abraham tho-a, a laa tutphah a vawh hi. Amah in a tapa Isaac le a nasemte nih tonpih hi. Meihal biakna-a kicing ding sing a tom khit ciangin Pasian gennasa munah pai dingin a kuankhia hi. 4 A nithum ni ciangin Abraham in ento-a, a mun ding a galmuh hi. 5 A nasemte kiangah, "Kei le naupang hua lai-ah ka pai kalun laa tawh hih lai-ah na om un. Ka va bia ding uh a, tua khit ciangin kong pai kik ding uh hi," a ci hi.
6 Abraham in meihal biakna-a zat ding singte la-a, a tapa Isaac suanin, aman mei le temta bek a pua hi. Tua ci-in amau gel a pai kawmun 7 Isaac pau-a a pa Abraham kiangah, "Pa" a ci hi.#Jn 19:17
Abraham in, "Hi hi, ka ta aw," ci-in dawng hi.
Isaac in, "Mei le sing hiah om napi meihal biakna ding tuuno koi-ah om a hia?" a ci hi.#Sp 1:10
8 Abraham in, "Ka ta aw, Pasian in meihal biakna ding tuuno hong sik ding hi," ci-in dawng hi. Amaute a nih un ton khawm uh hi.
9 Pasian genna munah amaute a tun uh ciangin Abraham in tua lai-ah biakna-tau khat dawh-a, a tungah sing a ciang hi. Tua ciangin a tapa Isaac hena, biakna-tau tunga singvum tungah a koih hi. 10 Tua ciangin a khut zankhia-a, a tapa a gawh nading temta a la hi. 11 Ahi hangin TOPA’ vansawltak in van panin, "Abraham, Abraham," ci-in a sam hi.#Heb 11:17-19; Jas 2:21
Amah in, "Hiah ka om hi," ci-in a dawng hi.
12 Amah in, "Naupang tungah na khut nga kei in, amah bangmah cih kei in. Tu-in Pasian na kihtak lam ka thei hi, bang hang hiam cih leh na tapa, na tapa khat neihsun kei adingin nong it loh lam ka thei hi," ci hi.#1Sa 15:22; Jn 3:16; 1Jn 4:9
13 Abraham in ento-a, khau-mang lakah a ki-a awk tuutal c#22.13 Masoretic Bu khutgelh masa tampi, Samaritan Penteteuch, Septuagint le Syraic; Masoretic bu khutgelh khempeuh phial ah tuutal kha a nungah khat a mu hi. Amah va pai-a, tuutal kai-in a tapa tangin meihal biakna-in a pia hi. 14 Tua ahi ciangin Abraham in tua mun "TOPA in hong sik ding hi," ci-in a phuak hi. Tuni dongin, "TOPA’ mual tungah hong kisik ding hi," kici hi.
15 TOPA’ vansawltak in vantung panin Abraham a nih veina sam a, 16 "TOPA in, ‘Keimah ka kiciam hi, bang hang hiam cih leh nang in na hih khina, na tapa, na tapa neihsun nong it kei hi. 17 Nang thupha kong pia pelmawh dinga, na suan-le-khakte van-a aksi zah le tuipi gei-a sehnel zah ka phasak ding hi. Ka thu hong mang na hi manin na suan-le-khakte in a galte uh khuapite tang ding uh a, 18 nang’ gui d#22.18 Ahikeh ci tungtawnin leitunga minam khempeuh thupha kipia ding hi,’ ci hi," a ci hi.
19 Tua ciangin Abraham a nasemte kiangah ciah a, amaute Beersheba lamah a paikhia khawm uh hi. Beersheba ah Abraham teng hi.
Nahor’ Tapate
20 Hun tawmvei khit ciangin Abraham kiangah, "Milcah in zong na sanggampa Nahor tawh tapate nei a: 21 Uz a upa pen hi-in, Buz a sanggampa hi-a, Kemuel (Aram’ pa), 22 Kesed, Hazo, Pildash, Jidlaph le Bethuel ahi hi," ci-in kigen hi. 23 Bethuel pen Rebekah’ pa ahi hi. Milcah in Abraham sanggampa Nahor tawh hih tapa giatte a nei hi. 24 A mei Reumah in zong tapate nei a: Tebah, Gaham, Tahash le Maacah ahi hi.#Pc 24:15
Currently Selected:
Piancilna 22: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
