Ляхнар 10
10
Петр Корнилий кӀуру Римдин юзбашийихь хьуб
1Къайсарияйиъ Корнилий кӀуру сар кас яшамиш шули гъахьну. Думу Италияйин кьушмарин юзбаши вуйи. 2Думу, чан вари хизанси, Аллагьдихьан гучӀури шлур ва Аллагьдиз вафалу жви вуйи. Дугъу жумартвалиинди касибариз садакьа тувуйи ва гьаммишан Аллагьдиз ккарагуйи. 3Аьжайиб рябкъбиинди йигъну, сяаьт шубуб шулайи арайиъ, дугъаз Аллагьдин малайик чан улихьна дуфну ачухъди рякъюру. Малайикдира дугъаз: «Корнилий!» – пну, дих апӀуру. 4Дугъу, гучӀра дубхьну, малайикдихьинди дилигну: «Фу кӀурава, Агъа?» – пну, гьерхру. Малайикди дугъаз жаваб тувру:
– Яв ккарагбар ва яв садакьйир Аллагьди кӀваин гъюрхну. 5Гьамус, Яффайиз гьаъну, Петр кӀурайи Симондиз дих апӀуз гъит. 6Думу гьюлихъ хал хъайи гъидкьарин уста Симондихь дергна.
7Малайик гьудучӀвиган, Корнилийи чан кьюр гъаравшиз ва Аллагьдин рякъюъ айи сар эскриз дих апӀуру 8ва, дурариз гъабшибдикан кидибтну, дурар Яффайиз гьаъру.
9Хъайигъан лисун шули, дурар шагьриз багахь шулайи вахтна, Петр ккарагуз гъваин улучӀвуру. 10Дугъаз гаш шулу ва дугъу уьл ипӀуз кьатӀъ апӀуру. Хураг гьязур апӀури имиди, думу аьжайиб гьялназ гъюру. 11Дугъаз, аьршар атӀарццну, юкьбиб пӀипӀарихъанна шли-вуш дибиснайиси аьхю суфрасиб саб шейъ жилиина ис шули рябкъюру. 12Дидʼин гьар жюрейин жилилан гъягъру гьяйванатар, битӀар-чурчлар ва завун ничхрар алди рякъюрайи. 13Петрихьна сес шулу:
– Гъудужвну, дурккну итӀин, Петр! – кӀури.
14Петри:
– Дициб дарапӀарза, Агъа, гьаз гъапиш саб вахтнара чӀуру ва марцц дару мутму гъипӀур дарза, – жаваб тувру.
15Дугъаз думу сесну кьюбпи ражари кӀуру:
– Аллагьди марцц гъапӀуб марцц даруб вуди гьисаб мапӀан.
16Гьамци шубуб ражари текрар шулу, хъасин дишла вари хъана завариз зигуру.
17Петри, гъябкъюбдин мянайикан фагьум апӀури имиди, Корнилийи гьау адмийир, Симондин хулар гьерхри, дугъан урнарихьна дуфну дийигъуру. 18Дурари зарбди гьерхру:
– Петр кӀуру Симон гьаму хулариъ дергнайин?
19Петри гъябкъюбдикан фагьум апӀури имиди, Рюгьну дугъаз кӀуру:
– Узухъ хъебехъ, уву шубур касди агура. 20Гъудужв, улдучӀв ва, саб фикирра кадарди, дурарихъди гъарах, фицики дурар Узу гьаъназа.
21Петри, улдучӀвну, гьадму касариз кӀуру:
– Учву агурайир узу вуза. Учву гьаз дуфнайидар вучва?
22Дурари жаваб тувру:
– Учу юзбаши Корнилийи, вари жугьдари гьюрмат апӀурайи гьякьлу ва Аллагьдихьан гучӀру касди, гьаунчу. Марцци малайикди дугъаз, увуз чан хулаз дих апӀуз ва яв гафарихъ хъпехъуз, амур дапӀна.
23Хулаз теклиф дапӀну, Петри дурар хялижв апӀуру. Хъайигъан рякъʼин духьну, Петр дурарихъди гъягъюру, ва Яффайиан сакьюдар гъардшарра дугъахъди хъахьру.
24Хъайигъан думу Къайсарияйиз хъуркьру. Корнилий, чан майиларна багахьлу дустар уч дапӀну, дурариз ккилигурайи.
25Петр хулаъ учӀвруган, улихьна удучӀву Корнилийи, дугъан ликарикк дахъну, икрам апӀуру.
26– Гъудужв! Узу анжагъ увусир инсан вуза – кӀури, Петри думу за апӀуру.
27Дугъахъди сюгьбат апӀури, Петр хулаъ учӀвиган, дугъаз душваъ аьхючӀвеъ халкь уч духьну рякъюру. 28Петри дурариз кӀуру:
– Учвуз аьгъячвузки, жугьудриз жара миллетдиндарихъди ттикӀуб вая дурариин улуркьуб гъадагъа вуйивал. Аммаки Аллагьди узуз гьич сар адмикьана кифир, ясана марцци дарур вуйиб гьисаб дарапӀуб табшурмиш гъапӀунзуз. 29Гьаддиз лигну, узуз теклиф гъапӀумитӀла, чӀалкьан дарпиди мина гъафунза. Гьаци вуйиган, учвхьан гьерхраза: узуз гьаз дих дапӀначва?
30Гьадмуган Корнилийи кӀуру:
– Юкьуд йигъ мидиз улихьна, лисхъан сяаьт шубуб шули, гьаму вахтна, узу йиз хулаъ ккарагурайза. Сабпну йиз улихь аку палтар али сар кас ачмиш гъахьну 31ва дугъу узуз гьамци гъапну: «Корнилий, яв ккарагувал аьршариз деебхьна ва уву касибариз туву садакьйир Аллагьди кӀваин дюрхна. 32Гьаци вуйиган, Яффайиз Петр кӀуру Симон хъади гъюз адми гьаъ, думу гьюлихъ яшамиш шулайи гъидкьарин уста Симондин хулаъ хялижвди дергна». 33Узура дишлади увухьна гьаунза, ва гъюб ужу гъапӀунва. Гьамус ухьу вари Аллагьдин улихь дийигънахьа, ва Агъайи увуз йип гъапибдихъ хъпехъуз учу гьязур вуча.
Петрин улхуб
34Гьадмуган Петр дурариз кӀуру:
– Дугъриданна аьгъю гъабшизуз, Аллагь адмийирин машназ дилигрур вуйиб. 35Дугъу Чахьан гучӀрур ва гьякь вуйир, фуну миллетдин адмийир вушра, кьабул апӀура. 36Дугъу Месигь Исайин мелзналантина Израилин халкьдиз мясляаьтнан ужуб хабарнакан гаф гьапӀну. Думу варидарин Агъа ву. 37Улихьнаси Ягьудияйиъ гъаши гьядисйирикан, Ягьʼяйи Галилейиъ улупу штуан апӀувалихъан ккергъу гьядисйирикан аьгъячвуз. 38Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну. 39Учу Дугъу Ерусалимдиъ ва вари жугьдарин уьлкейиъ гъапӀкьан ляхнарин шагьидар вуча. Думу, гакӀвлин хачрак кьумарихьди карсну, гъакӀну. 40Хъа дукӀну шубудпи йигъан Аллагьди Думу чӀиви гъапӀну, ва Думу инсанарихьна ачмиш шуйи. 41Анжагъ Думу варидариз ваъ, хъа Аллагьди улихьмиди ктагъу шагьидариз, яна Думу чӀиви гъашихъан, Дугъахъди ипӀури-убхъури гъаши учузтӀан, улупну, ачухъ гъапӀундар. 42Аллагьди чӀивидарин ва гъийихдарин зиин Диванбеги вуди дерккнайир гьадму Кас вуйиваликан инсанариз аьгъювалар улупуз ва дидин шагьидвал апӀуз учуз амур гъапӀну. 43Вари пайгъамбрари, Дугъахъ хъугъу гьарсарин гунгьарилан Дугъан ччвурнахъан хил алдабгъиди кӀури, Дугъкан шагьидвал апӀури гъахьну.
Жугьуд дарудари Гирами Рюгь кьабул апӀуб
44Петр улхури имиди, дугъахъ хъпехъурайидариина Гирами Рюгь гъюру. 45Петрихъди гъафи суннат дапӀнайи хъугънайидар, Аллагьди Чан Гирами Рюгь жугьуд дарударизра тувбиин мюгьтал духьнайи. 46Фицики дурариз гьадрари фици, жара чӀалариинди улхури, Аллагьдин аьхювалин тяриф апӀураш, ебхьурайи. Гьадмуган Петри кӀуру:
47– Мурариз ухьузси Гирами Рюгь багъиш гъабхьну. Гьаддиз штухъди штуан хьуз дурариз шлихьан гъадагъа апӀуз шул?
48Ва дугъу дурар Месигь Исайин ччвурнахъан штуан хьуз гъитру. Хъасин дурарира Петрикан чпихъди сакьюдар йигъари гъузуб тӀалаб апӀуру.
Currently Selected:
Ляхнар 10: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Ляхнар 10
10
Петр Корнилий кӀуру Римдин юзбашийихь хьуб
1Къайсарияйиъ Корнилий кӀуру сар кас яшамиш шули гъахьну. Думу Италияйин кьушмарин юзбаши вуйи. 2Думу, чан вари хизанси, Аллагьдихьан гучӀури шлур ва Аллагьдиз вафалу жви вуйи. Дугъу жумартвалиинди касибариз садакьа тувуйи ва гьаммишан Аллагьдиз ккарагуйи. 3Аьжайиб рябкъбиинди йигъну, сяаьт шубуб шулайи арайиъ, дугъаз Аллагьдин малайик чан улихьна дуфну ачухъди рякъюру. Малайикдира дугъаз: «Корнилий!» – пну, дих апӀуру. 4Дугъу, гучӀра дубхьну, малайикдихьинди дилигну: «Фу кӀурава, Агъа?» – пну, гьерхру. Малайикди дугъаз жаваб тувру:
– Яв ккарагбар ва яв садакьйир Аллагьди кӀваин гъюрхну. 5Гьамус, Яффайиз гьаъну, Петр кӀурайи Симондиз дих апӀуз гъит. 6Думу гьюлихъ хал хъайи гъидкьарин уста Симондихь дергна.
7Малайик гьудучӀвиган, Корнилийи чан кьюр гъаравшиз ва Аллагьдин рякъюъ айи сар эскриз дих апӀуру 8ва, дурариз гъабшибдикан кидибтну, дурар Яффайиз гьаъру.
9Хъайигъан лисун шули, дурар шагьриз багахь шулайи вахтна, Петр ккарагуз гъваин улучӀвуру. 10Дугъаз гаш шулу ва дугъу уьл ипӀуз кьатӀъ апӀуру. Хураг гьязур апӀури имиди, думу аьжайиб гьялназ гъюру. 11Дугъаз, аьршар атӀарццну, юкьбиб пӀипӀарихъанна шли-вуш дибиснайиси аьхю суфрасиб саб шейъ жилиина ис шули рябкъюру. 12Дидʼин гьар жюрейин жилилан гъягъру гьяйванатар, битӀар-чурчлар ва завун ничхрар алди рякъюрайи. 13Петрихьна сес шулу:
– Гъудужвну, дурккну итӀин, Петр! – кӀури.
14Петри:
– Дициб дарапӀарза, Агъа, гьаз гъапиш саб вахтнара чӀуру ва марцц дару мутму гъипӀур дарза, – жаваб тувру.
15Дугъаз думу сесну кьюбпи ражари кӀуру:
– Аллагьди марцц гъапӀуб марцц даруб вуди гьисаб мапӀан.
16Гьамци шубуб ражари текрар шулу, хъасин дишла вари хъана завариз зигуру.
17Петри, гъябкъюбдин мянайикан фагьум апӀури имиди, Корнилийи гьау адмийир, Симондин хулар гьерхри, дугъан урнарихьна дуфну дийигъуру. 18Дурари зарбди гьерхру:
– Петр кӀуру Симон гьаму хулариъ дергнайин?
19Петри гъябкъюбдикан фагьум апӀури имиди, Рюгьну дугъаз кӀуру:
– Узухъ хъебехъ, уву шубур касди агура. 20Гъудужв, улдучӀв ва, саб фикирра кадарди, дурарихъди гъарах, фицики дурар Узу гьаъназа.
21Петри, улдучӀвну, гьадму касариз кӀуру:
– Учву агурайир узу вуза. Учву гьаз дуфнайидар вучва?
22Дурари жаваб тувру:
– Учу юзбаши Корнилийи, вари жугьдари гьюрмат апӀурайи гьякьлу ва Аллагьдихьан гучӀру касди, гьаунчу. Марцци малайикди дугъаз, увуз чан хулаз дих апӀуз ва яв гафарихъ хъпехъуз, амур дапӀна.
23Хулаз теклиф дапӀну, Петри дурар хялижв апӀуру. Хъайигъан рякъʼин духьну, Петр дурарихъди гъягъюру, ва Яффайиан сакьюдар гъардшарра дугъахъди хъахьру.
24Хъайигъан думу Къайсарияйиз хъуркьру. Корнилий, чан майиларна багахьлу дустар уч дапӀну, дурариз ккилигурайи.
25Петр хулаъ учӀвруган, улихьна удучӀву Корнилийи, дугъан ликарикк дахъну, икрам апӀуру.
26– Гъудужв! Узу анжагъ увусир инсан вуза – кӀури, Петри думу за апӀуру.
27Дугъахъди сюгьбат апӀури, Петр хулаъ учӀвиган, дугъаз душваъ аьхючӀвеъ халкь уч духьну рякъюру. 28Петри дурариз кӀуру:
– Учвуз аьгъячвузки, жугьудриз жара миллетдиндарихъди ттикӀуб вая дурариин улуркьуб гъадагъа вуйивал. Аммаки Аллагьди узуз гьич сар адмикьана кифир, ясана марцци дарур вуйиб гьисаб дарапӀуб табшурмиш гъапӀунзуз. 29Гьаддиз лигну, узуз теклиф гъапӀумитӀла, чӀалкьан дарпиди мина гъафунза. Гьаци вуйиган, учвхьан гьерхраза: узуз гьаз дих дапӀначва?
30Гьадмуган Корнилийи кӀуру:
– Юкьуд йигъ мидиз улихьна, лисхъан сяаьт шубуб шули, гьаму вахтна, узу йиз хулаъ ккарагурайза. Сабпну йиз улихь аку палтар али сар кас ачмиш гъахьну 31ва дугъу узуз гьамци гъапну: «Корнилий, яв ккарагувал аьршариз деебхьна ва уву касибариз туву садакьйир Аллагьди кӀваин дюрхна. 32Гьаци вуйиган, Яффайиз Петр кӀуру Симон хъади гъюз адми гьаъ, думу гьюлихъ яшамиш шулайи гъидкьарин уста Симондин хулаъ хялижвди дергна». 33Узура дишлади увухьна гьаунза, ва гъюб ужу гъапӀунва. Гьамус ухьу вари Аллагьдин улихь дийигънахьа, ва Агъайи увуз йип гъапибдихъ хъпехъуз учу гьязур вуча.
Петрин улхуб
34Гьадмуган Петр дурариз кӀуру:
– Дугъриданна аьгъю гъабшизуз, Аллагь адмийирин машназ дилигрур вуйиб. 35Дугъу Чахьан гучӀрур ва гьякь вуйир, фуну миллетдин адмийир вушра, кьабул апӀура. 36Дугъу Месигь Исайин мелзналантина Израилин халкьдиз мясляаьтнан ужуб хабарнакан гаф гьапӀну. Думу варидарин Агъа ву. 37Улихьнаси Ягьудияйиъ гъаши гьядисйирикан, Ягьʼяйи Галилейиъ улупу штуан апӀувалихъан ккергъу гьядисйирикан аьгъячвуз. 38Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну. 39Учу Дугъу Ерусалимдиъ ва вари жугьдарин уьлкейиъ гъапӀкьан ляхнарин шагьидар вуча. Думу, гакӀвлин хачрак кьумарихьди карсну, гъакӀну. 40Хъа дукӀну шубудпи йигъан Аллагьди Думу чӀиви гъапӀну, ва Думу инсанарихьна ачмиш шуйи. 41Анжагъ Думу варидариз ваъ, хъа Аллагьди улихьмиди ктагъу шагьидариз, яна Думу чӀиви гъашихъан, Дугъахъди ипӀури-убхъури гъаши учузтӀан, улупну, ачухъ гъапӀундар. 42Аллагьди чӀивидарин ва гъийихдарин зиин Диванбеги вуди дерккнайир гьадму Кас вуйиваликан инсанариз аьгъювалар улупуз ва дидин шагьидвал апӀуз учуз амур гъапӀну. 43Вари пайгъамбрари, Дугъахъ хъугъу гьарсарин гунгьарилан Дугъан ччвурнахъан хил алдабгъиди кӀури, Дугъкан шагьидвал апӀури гъахьну.
Жугьуд дарудари Гирами Рюгь кьабул апӀуб
44Петр улхури имиди, дугъахъ хъпехъурайидариина Гирами Рюгь гъюру. 45Петрихъди гъафи суннат дапӀнайи хъугънайидар, Аллагьди Чан Гирами Рюгь жугьуд дарударизра тувбиин мюгьтал духьнайи. 46Фицики дурариз гьадрари фици, жара чӀалариинди улхури, Аллагьдин аьхювалин тяриф апӀураш, ебхьурайи. Гьадмуган Петри кӀуру:
47– Мурариз ухьузси Гирами Рюгь багъиш гъабхьну. Гьаддиз штухъди штуан хьуз дурариз шлихьан гъадагъа апӀуз шул?
48Ва дугъу дурар Месигь Исайин ччвурнахъан штуан хьуз гъитру. Хъасин дурарира Петрикан чпихъди сакьюдар йигъари гъузуб тӀалаб апӀуру.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023