Ляхнар 11
11
Петр Ерусалимдиз хътакуб
1Вари Ягьудия уьлке вуйиси Исайин вакилариз ва гъардшариз, жугьуд дарударира Аллагьдин Гаф кьабул гъапӀну кӀури, ебхьуру. 2Ва Петр Ерусалимдиз гъафиган, жугьдари дугъаз тягьнйир гъивнийи:
3– Уву суннат дапӀну адрударин хулариз гъягъюри ва дурарихъди уьлихъ деъри гъахьунва!
4Гьадмуган Петри вари гъаши ляхнар хъайи-хъайиси ктитуз хъюгъру:
5– Яффа шагьриъ, ккарагурайи вахтна, аьжайиб рябкъбиинди юкьуб пӀипӀнахъан дибиснайиси саб аьхю суфрасиб аьршариан йиз улихьинди ибхри гъябкъюнзуз. 6Узуз дидʼин жилилан гъягъру гьяйванатар, нахшрар, битӀар-чурчлар ва завун ничхрар гъяркъзуз. 7Хъасин гьамцдар гафар кӀурайи сес гъеебхьунзуз: «Петр! Гъудужвну, дурккну итӀин!» 8Хъа узу жаваб тувза: «Затра дициб дарапӀарза, Агъа, фицики гьич саб вахтнара чӀуру ва марцциб дару мутму гъипӀур дарза». 9Сесну завʼан кьюбпи ражари гъапизуз: «Аллагьди марцц гъапӀуб марцциб даруб вуди гьисаб мапӀан». 10Гьамци шубуб ражари гъабхьнийи, ва хъана вари аьршариз гъизигнийи. 11Му арайиъ дишлади узу дергнайи хуларихьна Къайсарияйиан узухьна гьаънайи шубур кас гъафнийи. 12Ва Гирами Рюгьну узуз, шаклу даршиди, гьадрарихъди гъягъюз амур гъапӀнийи. Узухъди гьаму йирхьрид гъардшарра гъафну. Учу Корнилийин хулаз гъафунча. 13Дугъура учуз, чаз фици марцци малайик гъяркънуш ва малайикди фу гъапнуш, ктибтнийчуз: «Яффайиъ айи Петр кӀуру Симон хъади гъюз адмийир гьаъ. 14Дугъу увуз уву ва вари яв хизан уьрхру гафар пидивуз», – кӀури.
15Узу улхуз хъюгъиган, сифте ухьʼинси, дурариина Гирами Рюгь гъафнийи. 16Ва йиз кӀваина думуган Агъайи гъапи гафар гъафнийиз: «Ягьʼяйи инсанар штуан гъапӀну, хъа учву Агъайи Гирами Рюгьнахьди цӀийи апӀидичву». 17Гьаци вуйиган, эгер Аллагьди, Агъа вуйи Месигь Исайихъ хъугъу ухьузси, жугьуд дарударизра Гирами Рюгь багъиш гъапӀнуш, Аллагьдиз машат апӀуз узу фуж вухъа?
18Му гафар гъеерхьиган, дурари гьерхбар дерккру.
– Рябкъюрайиганси, Аллагьди жугьуд дарударизра цӀийи уьмур бадали чпин тахсрар гардандиъ дисуз ихтияр тувну, – кӀури, дурари Аллагьдин ад апӀуру.
Антиохияйин хъугънайидар
19Хъа Стефандин вахтари, зулмар дапӀну, утӀуркку хъугънайидар, жугьдаризтӀан дарди Ужувлан хабар рабгъури, Финикия, Кипр ва Антиохияйихънакьан хъуркьнийи. 20Хъа Киприан ва Киринеяйиан вуйи хъугънайидарикан сакьюдари, Антиохияйиз дуфну, жугьуд дарударихъдира сюгьбатар апӀури, Агъа Исайикан Ужувлан хабар улупури гъахьнийи. 21Дурарихъди Агъайин кьудрат хъайи ва гьаддиз гизафдар, хъугъну, Агъайихьинди илтӀикӀнийи.
22Мидкан аваза Ерусалимдин хъугънайидарихьна рубкьуру ва дурари Антиохияйиз Варнав гьаъру. 23Аллагьди му адмийириз ужʼвал дапӀну дябкъну, дина гъафи Варнав шад шулу, ва Аллагьдиз кӀваантӀан вафалу хьувалиъ дугъу дурар ижми гъапӀнийи. 24Фицики думу Гирами Рюгьну ва хъугъвали ацӀнайи кас вуйи. Натижайиъ лап гизаф халкь Агъайин терефкрар шулу.
25Хъасин Варнав Тарсдиз Саул агуз гъягъюру 26ва, дагну, Антиохияйиз кьяляхъ хъади гъюру. Душваъ дурар сад йисан гъузнийи ва, хъугънайидар уч шлушваз Варнавна Саул гъюри, дурариз аьгъювалар улупури шуйи. Гьаддихъанмина гьадму Антиохияйиъ Исайин ученикариз сифте вуди «христианар», Яна «Месигьдин терефкрар» пуз хъюгъну.
27Гьадму вахтна Ерусалимдиан Антиохияйиз пайгъамбрар гъюру. 28Дурарикан, Гирами Рюгьну гьевесламиш дапӀнайи сар Агав кӀурури, вари дюнʼяйиъ зурба гашʼвал абхъди кӀури, хабар дебккнийи, ва гьаци Клавдийи паччагьвал апӀурайиган гъабхьнура вуйи. 29Думуган Исайин ученикари, гьарури чаан удукьрубкьан, Ягьудия уьлкейиъ айи чпин гъардшариз кюмек апӀуз кьатӀъ гъапӀнийи. 30Дурари, кюмек уч дапӀну, Варнавдихьди ва Саулихьди хъугънайидарин аьхюдарихьна хътапӀнийи.
Currently Selected:
Ляхнар 11: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Ляхнар 11
11
Петр Ерусалимдиз хътакуб
1Вари Ягьудия уьлке вуйиси Исайин вакилариз ва гъардшариз, жугьуд дарударира Аллагьдин Гаф кьабул гъапӀну кӀури, ебхьуру. 2Ва Петр Ерусалимдиз гъафиган, жугьдари дугъаз тягьнйир гъивнийи:
3– Уву суннат дапӀну адрударин хулариз гъягъюри ва дурарихъди уьлихъ деъри гъахьунва!
4Гьадмуган Петри вари гъаши ляхнар хъайи-хъайиси ктитуз хъюгъру:
5– Яффа шагьриъ, ккарагурайи вахтна, аьжайиб рябкъбиинди юкьуб пӀипӀнахъан дибиснайиси саб аьхю суфрасиб аьршариан йиз улихьинди ибхри гъябкъюнзуз. 6Узуз дидʼин жилилан гъягъру гьяйванатар, нахшрар, битӀар-чурчлар ва завун ничхрар гъяркъзуз. 7Хъасин гьамцдар гафар кӀурайи сес гъеебхьунзуз: «Петр! Гъудужвну, дурккну итӀин!» 8Хъа узу жаваб тувза: «Затра дициб дарапӀарза, Агъа, фицики гьич саб вахтнара чӀуру ва марцциб дару мутму гъипӀур дарза». 9Сесну завʼан кьюбпи ражари гъапизуз: «Аллагьди марцц гъапӀуб марцциб даруб вуди гьисаб мапӀан». 10Гьамци шубуб ражари гъабхьнийи, ва хъана вари аьршариз гъизигнийи. 11Му арайиъ дишлади узу дергнайи хуларихьна Къайсарияйиан узухьна гьаънайи шубур кас гъафнийи. 12Ва Гирами Рюгьну узуз, шаклу даршиди, гьадрарихъди гъягъюз амур гъапӀнийи. Узухъди гьаму йирхьрид гъардшарра гъафну. Учу Корнилийин хулаз гъафунча. 13Дугъура учуз, чаз фици марцци малайик гъяркънуш ва малайикди фу гъапнуш, ктибтнийчуз: «Яффайиъ айи Петр кӀуру Симон хъади гъюз адмийир гьаъ. 14Дугъу увуз уву ва вари яв хизан уьрхру гафар пидивуз», – кӀури.
15Узу улхуз хъюгъиган, сифте ухьʼинси, дурариина Гирами Рюгь гъафнийи. 16Ва йиз кӀваина думуган Агъайи гъапи гафар гъафнийиз: «Ягьʼяйи инсанар штуан гъапӀну, хъа учву Агъайи Гирами Рюгьнахьди цӀийи апӀидичву». 17Гьаци вуйиган, эгер Аллагьди, Агъа вуйи Месигь Исайихъ хъугъу ухьузси, жугьуд дарударизра Гирами Рюгь багъиш гъапӀнуш, Аллагьдиз машат апӀуз узу фуж вухъа?
18Му гафар гъеерхьиган, дурари гьерхбар дерккру.
– Рябкъюрайиганси, Аллагьди жугьуд дарударизра цӀийи уьмур бадали чпин тахсрар гардандиъ дисуз ихтияр тувну, – кӀури, дурари Аллагьдин ад апӀуру.
Антиохияйин хъугънайидар
19Хъа Стефандин вахтари, зулмар дапӀну, утӀуркку хъугънайидар, жугьдаризтӀан дарди Ужувлан хабар рабгъури, Финикия, Кипр ва Антиохияйихънакьан хъуркьнийи. 20Хъа Киприан ва Киринеяйиан вуйи хъугънайидарикан сакьюдари, Антиохияйиз дуфну, жугьуд дарударихъдира сюгьбатар апӀури, Агъа Исайикан Ужувлан хабар улупури гъахьнийи. 21Дурарихъди Агъайин кьудрат хъайи ва гьаддиз гизафдар, хъугъну, Агъайихьинди илтӀикӀнийи.
22Мидкан аваза Ерусалимдин хъугънайидарихьна рубкьуру ва дурари Антиохияйиз Варнав гьаъру. 23Аллагьди му адмийириз ужʼвал дапӀну дябкъну, дина гъафи Варнав шад шулу, ва Аллагьдиз кӀваантӀан вафалу хьувалиъ дугъу дурар ижми гъапӀнийи. 24Фицики думу Гирами Рюгьну ва хъугъвали ацӀнайи кас вуйи. Натижайиъ лап гизаф халкь Агъайин терефкрар шулу.
25Хъасин Варнав Тарсдиз Саул агуз гъягъюру 26ва, дагну, Антиохияйиз кьяляхъ хъади гъюру. Душваъ дурар сад йисан гъузнийи ва, хъугънайидар уч шлушваз Варнавна Саул гъюри, дурариз аьгъювалар улупури шуйи. Гьаддихъанмина гьадму Антиохияйиъ Исайин ученикариз сифте вуди «христианар», Яна «Месигьдин терефкрар» пуз хъюгъну.
27Гьадму вахтна Ерусалимдиан Антиохияйиз пайгъамбрар гъюру. 28Дурарикан, Гирами Рюгьну гьевесламиш дапӀнайи сар Агав кӀурури, вари дюнʼяйиъ зурба гашʼвал абхъди кӀури, хабар дебккнийи, ва гьаци Клавдийи паччагьвал апӀурайиган гъабхьнура вуйи. 29Думуган Исайин ученикари, гьарури чаан удукьрубкьан, Ягьудия уьлкейиъ айи чпин гъардшариз кюмек апӀуз кьатӀъ гъапӀнийи. 30Дурари, кюмек уч дапӀну, Варнавдихьди ва Саулихьди хъугънайидарин аьхюдарихьна хътапӀнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023