Матта 28
28
Иса чӀиви хьуб
1Султ йигъ улдубчӀвну, гьяфтайин садпи, яна элгьет йигъан сигьрин ухди, Магдалайиан вуйи Марʼямна тмуну Марʼям Исайин накьвдиз лигуз гъюру. 2Сабпну зарбди жилар тӀурччвуру, фицики аьршариан Аллагьдин малайик гъюру ва, накьдихь гьипнайи гъван гьидипну, дидʼин деъру. 3Дугъан рябкъюб кьюркьлин цӀасиб, палат лизи йифсиб вуйи. 4Дугъхьан гучӀ гъабхьи гъаравларин жандиъ зиз абхънийи, дурар майтарси гъахьнийи. 5Малайикди, чӀалниина дуфну, дишагьлийириз гъапи:
– ГучӀ мапӀанай, учву дариз гъизигу Иса агури дуфнайиб аьгъязуз. 6Амма Думу мушваъ имдар. Думу, Чав гъапиганси, чӀиви гъахьну. Багахь духьну, Думу дитну гъахьи йишваз лигай. 7Тяди душну, Дугъан ученикариз йипай: «Иса гъачӀир чӀиви гъахьну. Думу учвутӀан ухди Галилейиъ хьиди, душваъ Думу рякъидичвуз. Магьа, узу учвуз йиз кӀуруб гъапунза».
8Дурар дишлади накьвдихьан гьудучӀвну, гучӀ кабхъну ва кьадар адрукьан шадра духьну, ученикариз цӀийи чӀал апӀуз, жаргъури гъушу. 9Сабпну Иса Учв дурарин улихьна гьудучӀвуру, салам тувру. Дурарра, Исайиз багахь духьну, Дугъан ликар хаблан дапӀну, Дугъаз икрамнаъ дахьу. 10Гьадмуган Исайи дурариз кӀуру:
– ГучӀ мапӀанай. Душну, Йиз гъардшариз, Галилейиз гъарахай, кӀуру хабар тувай, душваъ дурариз Узу рякъиди.
Гъаравлариз гъабхьиб
11Дишагьлийир рякъюъ имиди, гъаравларикан бязидари шагьриз дуфну, варибдикан аьхюну маллйириз ктибтнийи. 12Мурарира, аьхюдарихъди сатӀиди мясляаьт дапӀну, эскрариз бегьемди пул тувру ва кӀуру:
13– Варидариз йипайки: «Йишвну, учу даахну имиди, Дугъан ученикар дуфну, Думу жин дапӀну гъурхну». 14Нагагь му хабар гьюкумдрихьна хъубкьиш, учу учвуз гаф дяргъруганси апӀидича.
15Дурари, пул гъадабгъну, чпиз гъапибси гъапӀнийи. Хъа гьаму аваза жугьдарин арайиъ гъира дарабгъну ими.
Ученикариз вуйи Исайин табшуругъ
16Хъа йицӀисар ученик Галилейиз Исайи гъарахай гъапи дагъдиина гъафнийи. 17Думу гъяркъиган, дурар икрамнаъ дахьнийи, амма сакьюдар шаклу гъахьнийи. 18Багахьна дуфну, Исайи дурариз гъапи:
– Узуз завариин ва жилариин вари гьюкум тувназуз. 19Гьаци вуйиган, душну, Адашдин, Балин ва Гирами Рюгьнан ччвурнахъан штуан апӀури, вари миллетарикан Йиз ученикар апӀинай. 20Дурариз Узу учвуз табшурмиш гъапӀкьандар вари кӀули гъахуз улупай. Хъа Узу, гъиямат йигъ хьайизкьан, гьаммишан учвухъди хьидиза.
Currently Selected:
Матта 28: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 28
28
Иса чӀиви хьуб
1Султ йигъ улдубчӀвну, гьяфтайин садпи, яна элгьет йигъан сигьрин ухди, Магдалайиан вуйи Марʼямна тмуну Марʼям Исайин накьвдиз лигуз гъюру. 2Сабпну зарбди жилар тӀурччвуру, фицики аьршариан Аллагьдин малайик гъюру ва, накьдихь гьипнайи гъван гьидипну, дидʼин деъру. 3Дугъан рябкъюб кьюркьлин цӀасиб, палат лизи йифсиб вуйи. 4Дугъхьан гучӀ гъабхьи гъаравларин жандиъ зиз абхънийи, дурар майтарси гъахьнийи. 5Малайикди, чӀалниина дуфну, дишагьлийириз гъапи:
– ГучӀ мапӀанай, учву дариз гъизигу Иса агури дуфнайиб аьгъязуз. 6Амма Думу мушваъ имдар. Думу, Чав гъапиганси, чӀиви гъахьну. Багахь духьну, Думу дитну гъахьи йишваз лигай. 7Тяди душну, Дугъан ученикариз йипай: «Иса гъачӀир чӀиви гъахьну. Думу учвутӀан ухди Галилейиъ хьиди, душваъ Думу рякъидичвуз. Магьа, узу учвуз йиз кӀуруб гъапунза».
8Дурар дишлади накьвдихьан гьудучӀвну, гучӀ кабхъну ва кьадар адрукьан шадра духьну, ученикариз цӀийи чӀал апӀуз, жаргъури гъушу. 9Сабпну Иса Учв дурарин улихьна гьудучӀвуру, салам тувру. Дурарра, Исайиз багахь духьну, Дугъан ликар хаблан дапӀну, Дугъаз икрамнаъ дахьу. 10Гьадмуган Исайи дурариз кӀуру:
– ГучӀ мапӀанай. Душну, Йиз гъардшариз, Галилейиз гъарахай, кӀуру хабар тувай, душваъ дурариз Узу рякъиди.
Гъаравлариз гъабхьиб
11Дишагьлийир рякъюъ имиди, гъаравларикан бязидари шагьриз дуфну, варибдикан аьхюну маллйириз ктибтнийи. 12Мурарира, аьхюдарихъди сатӀиди мясляаьт дапӀну, эскрариз бегьемди пул тувру ва кӀуру:
13– Варидариз йипайки: «Йишвну, учу даахну имиди, Дугъан ученикар дуфну, Думу жин дапӀну гъурхну». 14Нагагь му хабар гьюкумдрихьна хъубкьиш, учу учвуз гаф дяргъруганси апӀидича.
15Дурари, пул гъадабгъну, чпиз гъапибси гъапӀнийи. Хъа гьаму аваза жугьдарин арайиъ гъира дарабгъну ими.
Ученикариз вуйи Исайин табшуругъ
16Хъа йицӀисар ученик Галилейиз Исайи гъарахай гъапи дагъдиина гъафнийи. 17Думу гъяркъиган, дурар икрамнаъ дахьнийи, амма сакьюдар шаклу гъахьнийи. 18Багахьна дуфну, Исайи дурариз гъапи:
– Узуз завариин ва жилариин вари гьюкум тувназуз. 19Гьаци вуйиган, душну, Адашдин, Балин ва Гирами Рюгьнан ччвурнахъан штуан апӀури, вари миллетарикан Йиз ученикар апӀинай. 20Дурариз Узу учвуз табшурмиш гъапӀкьандар вари кӀули гъахуз улупай. Хъа Узу, гъиямат йигъ хьайизкьан, гьаммишан учвухъди хьидиза.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023