Марк 1
1
Штуан апӀру Ягьʼяйи халкь Месигь гъювалихьна гьязур апӀуб
1Аллагьдин Балкан, Иса Месигьдикан вуйи Ужувлан хабар гьамци ккебгъра. 2Ишая пайгъамбрин китабдиъ дибикӀна:
«Магьа, Яв улихьди Узу Йиз дюнʼяйиз кас гьаъраза.
Дугъу Увуз рякъ гьязур апӀиди.
3ИчӀи чюлиъ дих атӀабгура, „Агъайиз рякъ ккабалгай.
Дугъаз рякъяр-жилгъйир дишдар апӀинай!“»
4ИчӀи чюлиъ, адмийир штуан апӀури, гьар касди чан тахсрар гардандиъ дисбан, инсанар штуан апӀбан ва гьамци чпин гунгьарилан хил алдабгъбан бадали, аьгъювалар рагъури, Ягьʼя ачмиш шулу.
5Дугъахьна вари Ягьудия жиларилан ва Ерусалимдиан халкьар гъюйи, чпин гунгьариин швумал духьну, дурари чпин гунгьар гардандиъ дисуйи, ва дугъу дурар Ярдан нириъ штуан апӀуйи.
6Ягьʼяйиин девейин хьайин палат алийи ва юкьвнаан гъидкьин яркьу чӀул идибтӀнайи. Дугъу елгнагарна чӀурдин йиччв ипӀуйи. 7Дугъу адмийириз кӀуйи: «Йиз кьяляхъди узутӀан Кьудратлур гъюра. Узу, ис алахъну, Дугъан шаламарин гъахмйир гъядарчузкьан лайикь дарза. 8Узу учву штуан гъапӀунзачву, хъа Дугъу учву Гирами Рюгьнахьди цӀийи алаидичву».
Иса штуан хьуб
9Гьадму йигъари Галилей уьлкейин Назарет шагьриан Иса гъюру, Ягьʼяйи Думу Ярдан нириъ штуан апӀуру. 10Иса штуан удучӀвурайиган, аьршар гьатӀарццну, Дугъаз Чаина Гирами Рюгь луфси ис шули рякъюру, 11завʼан дих шулу: «Уву Йиз масан Бай вува, Узу Увʼин гизаф рази вуза!»
Иса ахтармиш апӀуб
12Ва гьадму сяаьт Рюгьну Исайиз ичӀи чюлиз гъягъюз амур апӀуру. 13Иблисди ахтармиш апӀури, Исайи ягъчӀвур йигъ ичӀи чюлиъ гьапӀру. Думу чӀурдин гьяйванатарин арайиъ яшамиш шулу, ва малайикар Исайин гъайгъушнаъ дийигъуру.
Исайи ученикар ктагъуб
14Ягьʼя дустагъдиъ итбахъан, Ужувлан хабар рабгъури, Иса Галилей уьлкейиз гъягъюру.
15Дугъу кӀуйи: «Вахт улубкьна. Аллагьдин Паччагьлугъ багахь дубхьна! Ичв гунгьар гардандиъ дидисну, уьмур дигиш апӀинай, Ужувлан хабарнахъ хъугъай!»
16Иса Галилей гьюлхъантина гъягъюрайиган, Дугъаз гьюликк чулар ккирчрайи Симон ва дугъан чве Андрей рякъюру. Дурар балугъчйир вуйи.
17Исайи дурариз кӀуру:
– Узухъди гъачай ва Узу учвкан инсанарин юкӀвар дисру балугъчйир ктаурза.
18Дурар, гьадмусяаьт чпин чулар дирчну, Гьадгъахъди гъягъюру.
19СацӀиб тина гъушган, Дугъаз Зеведейин бай Якьубна дугъан чве Югьан рякъюру. Дурари люткейиъ чулар рас апӀурайи. 20Дугъу дурариз дих апӀуру, ва дурар, чпин адаш Зеведей ва дугъан балугъчйир люткейиъ гъитну, Гьадгъахъди гъягъюру.
Жин кайир сагъ апӀуб
21Дурари Кафернагьум шагьриз рякъ бисуру. Султ йигъан Иса жугьдарин мистаз гъюру ва душваъ Дугъу адмийириз аьгъювалар улупуру. 22Дурар Дугъан улупбариин мюгьтал духьнайи, фицики Исайи къанунчийириси ваъ, хъа гьюкум хлиъ айириси улупуйи.
23Сабпну мистаз жин кайи адми гъюру, дугъу чӀигъар апӀуру:
24– Учкан фу ккундувуз, Назаретдиан вуйи Иса? Учу пуч апӀуз дуфнана? Узуз Уву аьгъязуз – Аллагьдин гьаънайи Гирамир!
25Исайи жиндиз буйругъ тувру:
– ХъючӀюбкь ва дугъʼан удубчӀв!
26Гьадмуган жин, думу дутӀурччвну, чӀветӀ дапӀну, дугъʼан удубчӀвуру. 27Вари русвагь шулу, сари-сарихьан гьерхуз хъюгъру:
«Мурар гьапӀру цӀийи аьгъювалар ву? Мугъу жинаризра кмиди амур апӀураки, хъа дурар Мугъаз мютӀюгъ шулира а». 28Мугъкан аваза вари Галилей уьлке вуйибси рабгъуру.
Исайи гизаф адмийир сагъ апӀуб
29Мистʼан удучӀвган, Иса Якьубна Югьан хъади Симондинна Андрейин хулаз гъягъюру. 30Симондин сижарбаб цӀа алди дахънайи. Дугъкан Исайиз кӀуру. 31Иса багахьна дуфну, хил дибисну, дугъаз гъудужвуз кюмек апӀуру. ЦӀа дишла улдубчӀвуру, ва дишагьли хяларин гъайгъушнаъ учӀвру.
32Хябяхъдихъна ригъ алабхъиган, Исайихьна вари иццрудар ва жинар кайидар хуру. 33УрчӀарихъна вари шагьур уч дубхьнайи. 34Жюрбежюр уьзрари ккагънайи гизафдар сагъ гъапӀнийи ва гизафдариан жинар утӀурккнийи. Исайи жинариз Учв ашкар апӀуб гъадагъа гъапӀнийи, фицики дурариз, Думу фуж вуш, аьгъяйи.
35Сигьринган, гьеле мучӀуди имиди, Думу хулʼан удучӀвну, архаин йишвахьна гъягъюру ва гьадушвахь ккарагуру. 36Симонна Дугъахъди хъайидар Думу агуз гъягъюру 37ва, гъидихъган, Дугъаз кӀуру:
– Варидари Уву агура.
38– Гъачай багахь хьайи шагьрариз гъягъюрхьа, Узхьан душвариъра аьгъювалар улупуз шлуси. Узу гьаддиз дуфнайир вуза, – кӀуру Исайи дурариз.
39Гьамци Думу вари Галилей вуйибси, мистариъ аьгъювалар улупури ва жинар утӀурккури, лицуру.
Хамран аьзар кайир сагъ апӀуб
40Хамран аьзар кайир Исайихьна дуфну, кьамкьарихъди Дугъан улихь дусну, кюмек ккун апӀури, ккарагуз хъюгъру:
– Эгер Увуз ккун гъабшиш, узу марцц апӀуз шулвухьан.
41Дугъан язухъ гъабхьи Исайи хил гьачӀабккну, дугъак кубкӀну, кӀуру:
– Ккундузуз, марцц йихь!
42Хамран аьзар гьадму сяаьт дугълан улдубчӀвуру ва марцц шулу. 43-44Исайи, ижмиди гьамци дупну, думу гьаъру:
– Лиг гьа, мидкан гьич саризра макӀан, хъа маллайихьна душну, жвув улуп, халкьдиз уву марцц хьпан шагьидвал вуди, Муса пайгъамбри дупнайиганси, гъурбан апӀуз ужуб гъайибх.
45Хъа дугъу, душну, гьеле чаз макӀан гъапнушра, варишвариъ чаин улубкьуб ктибтуру, гьаддиз Исайихьан сарун ашкарди шагьриз гъюз шули гъабхьундайи, Думу адмийир адрушвариъ гъузуйи. Гьадушваризра кмиди Дугъахьна варишвариан гъюйи.
Currently Selected:
Марк 1: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Марк 1
1
Штуан апӀру Ягьʼяйи халкь Месигь гъювалихьна гьязур апӀуб
1Аллагьдин Балкан, Иса Месигьдикан вуйи Ужувлан хабар гьамци ккебгъра. 2Ишая пайгъамбрин китабдиъ дибикӀна:
«Магьа, Яв улихьди Узу Йиз дюнʼяйиз кас гьаъраза.
Дугъу Увуз рякъ гьязур апӀиди.
3ИчӀи чюлиъ дих атӀабгура, „Агъайиз рякъ ккабалгай.
Дугъаз рякъяр-жилгъйир дишдар апӀинай!“»
4ИчӀи чюлиъ, адмийир штуан апӀури, гьар касди чан тахсрар гардандиъ дисбан, инсанар штуан апӀбан ва гьамци чпин гунгьарилан хил алдабгъбан бадали, аьгъювалар рагъури, Ягьʼя ачмиш шулу.
5Дугъахьна вари Ягьудия жиларилан ва Ерусалимдиан халкьар гъюйи, чпин гунгьариин швумал духьну, дурари чпин гунгьар гардандиъ дисуйи, ва дугъу дурар Ярдан нириъ штуан апӀуйи.
6Ягьʼяйиин девейин хьайин палат алийи ва юкьвнаан гъидкьин яркьу чӀул идибтӀнайи. Дугъу елгнагарна чӀурдин йиччв ипӀуйи. 7Дугъу адмийириз кӀуйи: «Йиз кьяляхъди узутӀан Кьудратлур гъюра. Узу, ис алахъну, Дугъан шаламарин гъахмйир гъядарчузкьан лайикь дарза. 8Узу учву штуан гъапӀунзачву, хъа Дугъу учву Гирами Рюгьнахьди цӀийи алаидичву».
Иса штуан хьуб
9Гьадму йигъари Галилей уьлкейин Назарет шагьриан Иса гъюру, Ягьʼяйи Думу Ярдан нириъ штуан апӀуру. 10Иса штуан удучӀвурайиган, аьршар гьатӀарццну, Дугъаз Чаина Гирами Рюгь луфси ис шули рякъюру, 11завʼан дих шулу: «Уву Йиз масан Бай вува, Узу Увʼин гизаф рази вуза!»
Иса ахтармиш апӀуб
12Ва гьадму сяаьт Рюгьну Исайиз ичӀи чюлиз гъягъюз амур апӀуру. 13Иблисди ахтармиш апӀури, Исайи ягъчӀвур йигъ ичӀи чюлиъ гьапӀру. Думу чӀурдин гьяйванатарин арайиъ яшамиш шулу, ва малайикар Исайин гъайгъушнаъ дийигъуру.
Исайи ученикар ктагъуб
14Ягьʼя дустагъдиъ итбахъан, Ужувлан хабар рабгъури, Иса Галилей уьлкейиз гъягъюру.
15Дугъу кӀуйи: «Вахт улубкьна. Аллагьдин Паччагьлугъ багахь дубхьна! Ичв гунгьар гардандиъ дидисну, уьмур дигиш апӀинай, Ужувлан хабарнахъ хъугъай!»
16Иса Галилей гьюлхъантина гъягъюрайиган, Дугъаз гьюликк чулар ккирчрайи Симон ва дугъан чве Андрей рякъюру. Дурар балугъчйир вуйи.
17Исайи дурариз кӀуру:
– Узухъди гъачай ва Узу учвкан инсанарин юкӀвар дисру балугъчйир ктаурза.
18Дурар, гьадмусяаьт чпин чулар дирчну, Гьадгъахъди гъягъюру.
19СацӀиб тина гъушган, Дугъаз Зеведейин бай Якьубна дугъан чве Югьан рякъюру. Дурари люткейиъ чулар рас апӀурайи. 20Дугъу дурариз дих апӀуру, ва дурар, чпин адаш Зеведей ва дугъан балугъчйир люткейиъ гъитну, Гьадгъахъди гъягъюру.
Жин кайир сагъ апӀуб
21Дурари Кафернагьум шагьриз рякъ бисуру. Султ йигъан Иса жугьдарин мистаз гъюру ва душваъ Дугъу адмийириз аьгъювалар улупуру. 22Дурар Дугъан улупбариин мюгьтал духьнайи, фицики Исайи къанунчийириси ваъ, хъа гьюкум хлиъ айириси улупуйи.
23Сабпну мистаз жин кайи адми гъюру, дугъу чӀигъар апӀуру:
24– Учкан фу ккундувуз, Назаретдиан вуйи Иса? Учу пуч апӀуз дуфнана? Узуз Уву аьгъязуз – Аллагьдин гьаънайи Гирамир!
25Исайи жиндиз буйругъ тувру:
– ХъючӀюбкь ва дугъʼан удубчӀв!
26Гьадмуган жин, думу дутӀурччвну, чӀветӀ дапӀну, дугъʼан удубчӀвуру. 27Вари русвагь шулу, сари-сарихьан гьерхуз хъюгъру:
«Мурар гьапӀру цӀийи аьгъювалар ву? Мугъу жинаризра кмиди амур апӀураки, хъа дурар Мугъаз мютӀюгъ шулира а». 28Мугъкан аваза вари Галилей уьлке вуйибси рабгъуру.
Исайи гизаф адмийир сагъ апӀуб
29Мистʼан удучӀвган, Иса Якьубна Югьан хъади Симондинна Андрейин хулаз гъягъюру. 30Симондин сижарбаб цӀа алди дахънайи. Дугъкан Исайиз кӀуру. 31Иса багахьна дуфну, хил дибисну, дугъаз гъудужвуз кюмек апӀуру. ЦӀа дишла улдубчӀвуру, ва дишагьли хяларин гъайгъушнаъ учӀвру.
32Хябяхъдихъна ригъ алабхъиган, Исайихьна вари иццрудар ва жинар кайидар хуру. 33УрчӀарихъна вари шагьур уч дубхьнайи. 34Жюрбежюр уьзрари ккагънайи гизафдар сагъ гъапӀнийи ва гизафдариан жинар утӀурккнийи. Исайи жинариз Учв ашкар апӀуб гъадагъа гъапӀнийи, фицики дурариз, Думу фуж вуш, аьгъяйи.
35Сигьринган, гьеле мучӀуди имиди, Думу хулʼан удучӀвну, архаин йишвахьна гъягъюру ва гьадушвахь ккарагуру. 36Симонна Дугъахъди хъайидар Думу агуз гъягъюру 37ва, гъидихъган, Дугъаз кӀуру:
– Варидари Уву агура.
38– Гъачай багахь хьайи шагьрариз гъягъюрхьа, Узхьан душвариъра аьгъювалар улупуз шлуси. Узу гьаддиз дуфнайир вуза, – кӀуру Исайи дурариз.
39Гьамци Думу вари Галилей вуйибси, мистариъ аьгъювалар улупури ва жинар утӀурккури, лицуру.
Хамран аьзар кайир сагъ апӀуб
40Хамран аьзар кайир Исайихьна дуфну, кьамкьарихъди Дугъан улихь дусну, кюмек ккун апӀури, ккарагуз хъюгъру:
– Эгер Увуз ккун гъабшиш, узу марцц апӀуз шулвухьан.
41Дугъан язухъ гъабхьи Исайи хил гьачӀабккну, дугъак кубкӀну, кӀуру:
– Ккундузуз, марцц йихь!
42Хамран аьзар гьадму сяаьт дугълан улдубчӀвуру ва марцц шулу. 43-44Исайи, ижмиди гьамци дупну, думу гьаъру:
– Лиг гьа, мидкан гьич саризра макӀан, хъа маллайихьна душну, жвув улуп, халкьдиз уву марцц хьпан шагьидвал вуди, Муса пайгъамбри дупнайиганси, гъурбан апӀуз ужуб гъайибх.
45Хъа дугъу, душну, гьеле чаз макӀан гъапнушра, варишвариъ чаин улубкьуб ктибтуру, гьаддиз Исайихьан сарун ашкарди шагьриз гъюз шули гъабхьундайи, Думу адмийир адрушвариъ гъузуйи. Гьадушваризра кмиди Дугъахьна варишвариан гъюйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023