Марк 2
2
Паралич кайир сагъ апӀуб
1Сакьюдар йигъарилан Иса Кафернагьумдиз кьяляхъ гъюру. Думу хулаъ а, кӀури, хабар абхъру. 2Дина гьадмукьан халкь уч шулуки, гьеле урчӀарихъкьан йишв бихъури гъабхьундар. Дугъу дурариз аьгъювалар улупуйи.
3Саб кьадар адмийир Дугъахьна гъюру, дурарикан юкьури паралич кайир хурайи. 4Аммаки дурарихьан халкьдигъянмина Исайихьна рукьуз шуладайи. Гьадмуган дурари хулан гъваъ алдабгъну, паралич кайир дахънайи ахин Думу хьайи йишвахьинди ибхру.
5Дурарин хъугъвал гъябкъю Исайи иццурайириз кӀуру:
– Йиз бай, яв гунгьарилан хил алдабгъураза!
6Мушваъ сакьюдар къанунчйир деънайи. Дурари чиб-чпикди фикир гъапӀу:
7– Му Касди гьаз мици кӀура? Думу Аллагьдиз къаршуди улхура! Сар Аллагьдилан гъайри сарун шлихьан гунгьарилан хил алдабгъуз шул?
8Хъа Исайи, Чан Рюгьнахьди дишла дурарин кӀван фикрар аьгъю дапӀну, кӀуру:
– Гьаз дицдар фикрар ичв юкӀвариъ тӀаърачва? 9Паралич кайириз фу пуб рягьятди ву: «Яв гунгьарилан хил алдабгъураза», даршиш: «Гъудужв, яв ахин гъадабгъ ва гъарах?» 10Инсаниятдин Бализ жилиин гунгьарилан хил алдабгъуз гьюкум айиб учвуз аьгъю хьпан бадали, магьа лигай – пну, Дугъу паралич кайириз:
11– Гъудужв кӀуразавуз, гъадабгъну яв ахин, яв хулаз гъарах, – кӀуру.
12Думу дишла гъудужвуру ва, гъадабгъну чан ахин, варидарин улхьантина гьудучӀвну гъягъюру. Халкьди, гучӀбаан зегьле дубшну, Аллагьдин тярифар апӀури, гьамци кӀуру:
– Учуз гьич зат мидиз ухшар аьламат гъябкъюб дарчуз!
13Иса хъана гьюлихъна удучӀвуру, вари халкь Дугъахьна гъюру, ва Дугъу дурариз аьгъювалар улупуру.
14Саб йишвхьантина гъягъюрайиган, Дугъаз налукар уч апӀрушвʼин деънайи Алфейин бай Левий кӀуру кас рякъюру ва дугъаз кӀуру:
– Узухъди гъач!
Думу, гъудужвну, Исайихъди гъягъюру.
15Саб ражари Исайи Левийин хулаъ лисун апӀурайи. Исайихъдина Чан ученикарихъди налукар уч апӀрудари ва хъана гизаф гунагькрари уьл ипӀурайи, дурар гьаци Исайихъди хъахънайидар гизаф вуйи. 16Фарисйирикан вуйи къанунчйири, Думу гунагькрарихъди ва налукар уч апӀрударихъди уьл ипӀури дяркъну, Дугъан ученикариз кӀуру:
– Мугъу налукар уч апӀрударихъдина гунагькрарихъди гьаз уьл ипӀура?
17Му гъеебхьган, Исайи кӀуру:
– Духтир сагъидариз ваъ, хъа аьзарлуйириз лазим ву. Узу марцци касар дюз рякъюз хуз дуфнайир дарза, хъа гунагькрар.
Ушвар дисбакан гьюжат
18Гьадму вахтна Ягьʼяйинна фарисйирин ученикари ушвар дисурайи. Сакьюдар адмийири Исайихьна дуфну, гьерхру:
– Ягьʼяйин ученикарина фарисйири ушвар дисури шулу, хъа Яв ученикари гьаз ушвар дисурадар?
19Исайи дурариз кӀуру:
– Сумчрин хялари, швушв хурайир чпихъди хъимбукьан гагьди, ушвар дисдар! 20Хъа дурарихьан швушв хурайир гужназ гъадагъру вахт гъибди, хъа гьадму йигъан дурари ушвар дисиди. 21Гьич сарира йирси палатдик цӀийи парчайикан кадабтӀну цӀил ктривур, даршиш цӀилну, палатдиз зигури, урхъ хъана аьхю апӀиди. 22Гьич сарира таза чяхир йирси иржариъ удрубзур, даршиш таза чяхри иржар гьутӀурччвиди, чяхирра удубзиди, иржарра пуч хьиди. Таза чяхир цӀийи иржариъ убзру.
Султ йигъкан
23Султ йигъан Исайиз дяхин дубзнайи хутӀлариантина гъягъюб алабхъуру. Гьадмуган Дугъан ученикари дяхнин кӀулар улдутӀуз хъюгъру.
24Гьаци гъябкъю фарисйири Исайиз кӀуру:
– Лиг, гьаз мурари султ йигъан Къанунди гъадагъа дапӀнайи ляхин апӀура? 25Дугъу дурариз жаваб туву:
– Мегер учву, Давудри, чаз ва чахъди хъайидариз гаш гъабшиган, гьапӀнуш Гирами китабариан гъурхундаринчва? 26Авиафар кӀуру аьхю маллайин девриъ думу Аллагьдин хулаъ учӀвну, маллйирилан гъайри шликӀа итӀуз ихтияр адру, Аллагьдиз бахш дапӀнайи уьлер гъадагъну итӀбакан ва чахъ хъайидаризра тувбакан аьгъдаринчвуз?
27Исайи давам апӀуру:
– Султ йигъ адмийиз дапӀнайиб ву, хъа султ йигъаз адми – ваъ. 28Гьаци вуйиган, Инсаниятдин Бай султ йигъʼинра Агъа ву.
Currently Selected:
Марк 2: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Марк 2
2
Паралич кайир сагъ апӀуб
1Сакьюдар йигъарилан Иса Кафернагьумдиз кьяляхъ гъюру. Думу хулаъ а, кӀури, хабар абхъру. 2Дина гьадмукьан халкь уч шулуки, гьеле урчӀарихъкьан йишв бихъури гъабхьундар. Дугъу дурариз аьгъювалар улупуйи.
3Саб кьадар адмийир Дугъахьна гъюру, дурарикан юкьури паралич кайир хурайи. 4Аммаки дурарихьан халкьдигъянмина Исайихьна рукьуз шуладайи. Гьадмуган дурари хулан гъваъ алдабгъну, паралич кайир дахънайи ахин Думу хьайи йишвахьинди ибхру.
5Дурарин хъугъвал гъябкъю Исайи иццурайириз кӀуру:
– Йиз бай, яв гунгьарилан хил алдабгъураза!
6Мушваъ сакьюдар къанунчйир деънайи. Дурари чиб-чпикди фикир гъапӀу:
7– Му Касди гьаз мици кӀура? Думу Аллагьдиз къаршуди улхура! Сар Аллагьдилан гъайри сарун шлихьан гунгьарилан хил алдабгъуз шул?
8Хъа Исайи, Чан Рюгьнахьди дишла дурарин кӀван фикрар аьгъю дапӀну, кӀуру:
– Гьаз дицдар фикрар ичв юкӀвариъ тӀаърачва? 9Паралич кайириз фу пуб рягьятди ву: «Яв гунгьарилан хил алдабгъураза», даршиш: «Гъудужв, яв ахин гъадабгъ ва гъарах?» 10Инсаниятдин Бализ жилиин гунгьарилан хил алдабгъуз гьюкум айиб учвуз аьгъю хьпан бадали, магьа лигай – пну, Дугъу паралич кайириз:
11– Гъудужв кӀуразавуз, гъадабгъну яв ахин, яв хулаз гъарах, – кӀуру.
12Думу дишла гъудужвуру ва, гъадабгъну чан ахин, варидарин улхьантина гьудучӀвну гъягъюру. Халкьди, гучӀбаан зегьле дубшну, Аллагьдин тярифар апӀури, гьамци кӀуру:
– Учуз гьич зат мидиз ухшар аьламат гъябкъюб дарчуз!
13Иса хъана гьюлихъна удучӀвуру, вари халкь Дугъахьна гъюру, ва Дугъу дурариз аьгъювалар улупуру.
14Саб йишвхьантина гъягъюрайиган, Дугъаз налукар уч апӀрушвʼин деънайи Алфейин бай Левий кӀуру кас рякъюру ва дугъаз кӀуру:
– Узухъди гъач!
Думу, гъудужвну, Исайихъди гъягъюру.
15Саб ражари Исайи Левийин хулаъ лисун апӀурайи. Исайихъдина Чан ученикарихъди налукар уч апӀрудари ва хъана гизаф гунагькрари уьл ипӀурайи, дурар гьаци Исайихъди хъахънайидар гизаф вуйи. 16Фарисйирикан вуйи къанунчйири, Думу гунагькрарихъди ва налукар уч апӀрударихъди уьл ипӀури дяркъну, Дугъан ученикариз кӀуру:
– Мугъу налукар уч апӀрударихъдина гунагькрарихъди гьаз уьл ипӀура?
17Му гъеебхьган, Исайи кӀуру:
– Духтир сагъидариз ваъ, хъа аьзарлуйириз лазим ву. Узу марцци касар дюз рякъюз хуз дуфнайир дарза, хъа гунагькрар.
Ушвар дисбакан гьюжат
18Гьадму вахтна Ягьʼяйинна фарисйирин ученикари ушвар дисурайи. Сакьюдар адмийири Исайихьна дуфну, гьерхру:
– Ягьʼяйин ученикарина фарисйири ушвар дисури шулу, хъа Яв ученикари гьаз ушвар дисурадар?
19Исайи дурариз кӀуру:
– Сумчрин хялари, швушв хурайир чпихъди хъимбукьан гагьди, ушвар дисдар! 20Хъа дурарихьан швушв хурайир гужназ гъадагъру вахт гъибди, хъа гьадму йигъан дурари ушвар дисиди. 21Гьич сарира йирси палатдик цӀийи парчайикан кадабтӀну цӀил ктривур, даршиш цӀилну, палатдиз зигури, урхъ хъана аьхю апӀиди. 22Гьич сарира таза чяхир йирси иржариъ удрубзур, даршиш таза чяхри иржар гьутӀурччвиди, чяхирра удубзиди, иржарра пуч хьиди. Таза чяхир цӀийи иржариъ убзру.
Султ йигъкан
23Султ йигъан Исайиз дяхин дубзнайи хутӀлариантина гъягъюб алабхъуру. Гьадмуган Дугъан ученикари дяхнин кӀулар улдутӀуз хъюгъру.
24Гьаци гъябкъю фарисйири Исайиз кӀуру:
– Лиг, гьаз мурари султ йигъан Къанунди гъадагъа дапӀнайи ляхин апӀура? 25Дугъу дурариз жаваб туву:
– Мегер учву, Давудри, чаз ва чахъди хъайидариз гаш гъабшиган, гьапӀнуш Гирами китабариан гъурхундаринчва? 26Авиафар кӀуру аьхю маллайин девриъ думу Аллагьдин хулаъ учӀвну, маллйирилан гъайри шликӀа итӀуз ихтияр адру, Аллагьдиз бахш дапӀнайи уьлер гъадагъну итӀбакан ва чахъ хъайидаризра тувбакан аьгъдаринчвуз?
27Исайи давам апӀуру:
– Султ йигъ адмийиз дапӀнайиб ву, хъа султ йигъаз адми – ваъ. 28Гьаци вуйиган, Инсаниятдин Бай султ йигъʼинра Агъа ву.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023