ᓭᐣᐟ ᓬᐅᐠ 3

1ᐁᑲᐧ ᒫᑲ ᒥᑖᑕᐟ ᓂᔮᓇᓄᓵᑊ ᑕᐦᑐ ᐊᐢᑭ ᐁ ᑭ ᑭᐦᒋ ᐅᑭᒫᐃᐧᐟ ᑕᐃᐱᕒᐃᐊᐢ ᓯᓴᕒ, ᐹᐣᑎᐊᐢ ᐸᐃᓬᐊᐟ ᐁ ᑎᐯᔨᑕᕽ ᒍᑎᐊ, ᒥᓇ ᐁᕒᐊᐟ ᐁ ᑭᐦᒋ ᐅᑭᒫᐃᐧᐟ ᑲᓬᐊᓬᐃᕽ, ᐁᑯᓯ ᐅᒋᐋᐧᒪ ᐱᓬᐃᐸ ᐁ ᑭ ᑭᐦᒋ ᐅᑭᒫᑲᑕᒥᔨᐟ ᐊᓂᒪ ᐊᐢᑭ ᐊᐃᑐᕒᐃᐊ ᐊᓯᒋ ᑕᕒᐋᑯᓈᐃᑎᐢ, ᐁᑯᓯ ᓬᐃᓭᓂᐊᐢ ᐁ ᑭ ᑭᐦᒋ ᐅᑭᒪᐃᐧᐟ ᐋᐱᓬᐃᓂ, 2ᐁ ᑭᐦᒋ ᐊᔭᒥᐦᐁᐃᐧᔨᓂᐃᐧᒋᐠ ᐋᓇᐢ ᒥᓇ ᑳᔭᐸᐢ, ᐅᐟ ᐊᔭᒥᐃᐧᓂᔨᐤ ᑭᓭᒪᓂᑐᐊᐧ ᑭ ᐅᑎᐦᑎᐠ ᒑᐣ, ᐅᑯᓯᓴ ᓴᑲᕒᐋᔭᐢ ᐱᑲᐧᑕᐢᑭᕽ.

3ᐁᑯᓯ ᒫᑲ ᐁ ᑭ ᐯ ᐃᑐᐦᑌᐟ ᒥᓯᐁᐧ ᐊᓂᑕ ᐊᐢᑭᕽ ᐊᐧᐢᑳ ᒑᕒᑕᓂᕽ ᐁ ᑲᑫᐢᑫᐧᐟ ᐊᓂᒪ ᐹᑊᑕᐃᓯᐃᐧᑫᐃᐧᐣ, ᑫᐧᐢᑭᐱᒪᑎᓯᐃᐧᓂᕽ ᐃᓯ, ᑭᑕ ᐳᓀᔨᒋᑳᑌᑭ ᒪᒋᑎᐃᐧᓇ; 4#ᐊᐩᓵᔭ 40:3-5ᑳ ᐃᑕᓯᓇᐦᐃᑳᑌᐠ ᒪᓯᓇᐦᐃᑲᓂᕽ, ᐅᐟ ᐃᑌᐧᐃᐧᓇ ᐊᐩᓵᔭ ᐅᑭᐢᑭᐁᐧᐦᐃᑫᐤ,

ᐅ ᐯᐦᑖᑯᓯᐃᐧᐣ ᐯᔭᐠ ᐁ ᑌᐯᐧᐟ ᐱᑲᐧᑕᐢᑭᕽ, ᑲᐧᔮᒋᐦᑕᒫᕽ ᐅ ᐱᒧᐦᑌᐢᑲᓇᐤ ᑳ ᑎᐯᔨᐦᒋᑫᐟ ᑲᐧᔭᐢᑲᐧᒧᑖᐋᐧᕽ ᐅ ᒣᐢᑲᓇᐊᐧ.

5ᑳ ᐃᑕᑎᕽ ᑳ ᐋᐧᔮᒪᑎᓈᐠ ᑭᑕ ᒧᐢᑭᓇᑖᓂᐊᐧᐣ, ᒥᓇ ᑳ ᐃᑕᑎᕽ ᐊᐧᒋ ᐊᓯᒋ ᐁ ᐃᐢᐸᑎᓈᐠ ᑭᑕ ᑕᐸᑎᓂᑲᑌᐤ; ᑳ ᐊᐧᐊᐧᑳᒧᑭ ᑭᑕ ᑲᐧᔭᐢᑯᑖᓂᐊᐧᓇᐧ, ᒥᓇ ᑳ ᒪᒫᔭᒑᑭ ᑭᑕ ᓱᐢᑯᑖᓂᐊᐧᓇᐧ;

6ᐁᑯᓯ ᒫᑲ ᑲᐦᑭᔭᐤ ᑳ ᐅᐃᐧᔮᓯᐟ ᑭᑕ ᐋᐧᐸᐦᑕᒼ ᐅ ᐱᒫᒋᐦᐃᐁᐧᐃᐧᓂᔨᐤ ᑭᓭᒪᓂᑐᐊᐧ.

7 # ᒫᐟᔪ 12:34; 23:33 ᐁᑯᓯ ᒫᑲ ᑭ ᐃᑌᐤ ᑳ ᐅᓴᒣᔭᑎᔨᐟ ᑳ ᑭ ᓈᑎᑯᐟ ᑭᑕ ᐸᑊᑕᐃᓯᐃᐧᐦᐃᑯᒋᐠ, ᑭᔭᐋᐧᐤ ᐅᐟ ᐊᐋᐧᓯᒥᓯᐋᐧᐊᐧ ᑭᓀᐱᑲᐧᐠ, ᐊᐁᐧᓇ ᑳ ᐃᐧᐦᑕᒫᑯᔦᐠ ᑭᑕ ᑕᐸᓯᑖᔦᐠ ᐊᓂᒪ ᑭᓯᐋᐧᓯᐃᐧᐣ ᑫ ᐅᑎᒋᐸᔨᐠ? 8#ᒑᐣ 8:33ᓄᑯᑖᐠ ᒫᑲ ᑳ ᐃᓯ ᒥᓂᓯᐊᐧᕽ ᑫᐧᐢᑲᑎᓯᐃᐧᐣ, ᒥᓇ ᐁᑳᐃᐧᔭ ᒫᒋ ᐃᑎᓱᐠ, ᓂᐟ ᐊᔮᐋᐧᓈᐣ ᐁᑊᕒᐁᐋᒼ ᐁ ᐅᔪᑖᐃᐧᔮᕽ, ᒋᑫᒫ ᑭᐟ ᐃᑎᓈᐋᐧᐤ, ᑭᓭᒪᓂᑐ ᐁ ᑲᐢᑭᑖᐟ ᐅᐦᐃ ᐅᐦᒋ ᐊᓯᓂᐊ ᑭᑕ ᐊᐧᓂᐢᑳᓈᐟ ᑫ ᐅᐟ ᐊᐋᐧᓯᒥᓯᔨᐟ ᐁᑊᕒᐁᐋᒪ. 9#ᒫᐟᔪ 7:19ᒥᓇ ᐊᐦᐳ ᓵᓴᐩ ᒋᑲᐦᐃᑲᐣ ᐊᐢᑖᓂᐊᐧᐣ ᐊᓂᑕ ᐁᓯ ᐅᒉᐱᑭᐃᐧᒋᐠ ᒥᐢᑎᑲᐧᐠ, ᑕᐦᑐ ᒥᐢᑎᐠ ᐁᑳ ᑳ ᒥᔪ ᒥᓂᓯᐃᐧᐟ ᑲᐊᐧᐋᐧᐤ ᐁᑯᓯ ᐁ ᒪᒍᐢᑌᐦᐅᐦᐟ.

10ᐊᔨᓯᔨᓂᐊᐧ ᒫᑲ ᑭ ᑳᑫᐧᒋᒥᐠ ᐁ ᐃᑌᐧᔨᐟ, ᑖᓂᓯ ᒫᑲ ᑫ ᑐᑕᒫᕽ? 11ᐁᑯᓯ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐊᓇ ᓂᓱ ᒥᐢᑯᑖᑲᔭ ᑳ ᐊᔮᐟ ᑭᔮᒼ ᑭᑕ ᒥᔦᐤ ᐊᓂᐦᐃ ᐁᑳ ᑳ ᐊᔭᔨᐟ ᒥᓇ ᐊᓇ ᒥᒋᐃᐧᐣ ᑳ ᐊᔭᐟ, ᐁᑯᓯ ᐃᐧᐢᑕ ᑭᑕ ᑐᑕᒼ. 12#ᓬᐅᐠ 7:29ᐃᐧᐢᑕᐋᐧᐤ ᒫᑲ ᐸᑊᓬᐃᑲᓇᐠ ᑭ ᐯ ᐃᑐᐦᑌᐊᐧᐠ ᑭᑕ ᐸᑊᑕᐃᓯᐃᐧᐃᒋᐠ ᒥᓇ ᑭ ᐃᑌᐊᐧᐠ, ᐅᑭᐢᑭᓄᐦᐊᒫᑫᐤ, ᑖᓂᓯ ᓂᔭᓈᐣ ᑫ ᑐᑕᒪᕽ? 13ᐁᑯᓯ ᑭ ᐃᑌᐤ, ᐁᑳᐃᐧᔭ ᐊᐊᐧᓯᒣ ᐅᑎᓇᒧᐠ ᐃᔨᑯᐠ ᑳ ᐃᑎᑲᐃᐧᔦᐠ. 14ᓯᒫᑲᓂᓴ ᒥᓇ ᑭ ᑲᑫᐧᒋᒥᐠ, ᐁ ᐃᑌᐧᔨᐟ, ᓂᔭᓈᐣ ᒫᑲ ᑖᓂᓯ ᑫ ᑐᑕᒪᕽ? ᐁᑯᓯ ᑭ ᐃᑌᐤ, ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑎᒪᐃᕽ, ᐊᐦᐳ ᐁᑳᐃᐧᔭ ᑫᑲᐧᐩ ᓇᔦᑕᐃᐧ ᑎᐸᐦᐃᑫᐃᐁᐧᐠ; ᒥᓇ ᑌᐯᔨᑕᒧᐠ ᑭ ᑎᐸᐊᒪᑯᐃᐧᓂᐋᐧᐤ.

15ᒣᑳᐧᐨ ᒫᑲ ᐊᔨᓯᔨᓂᐊᐧᐠ ᐁ ᐯᐅᒋᐠ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᐁ ᒫᒥᑐᓂᔨᒫᒋᐠ ᐅᑌᐃᐋᐧᕽ ᒑᓇ, ᒫᑖᐧᓂ ᒋ ᐁᐊᐧᑯ ᙭ ᐁ ᐃᑌᔨᑕᐦᑭᐠ: 16ᒑᐣ ᐁ ᓇᐢᑫᐧᐊᐧᓯᒫᐟ, ᑭ ᐃᑌᐤ ᑳᑭᔭᐤ, ᓂᔭ ᑖᐯᐧ ᑭ ᐸᑊᑕᐃᓯᐃᐧᐦᐃᑎᓈᐋᐧᐤ ᓂᐱ ᐅᐦᒋ, ᒫᑲ ᐯᔭᐠ ᐯ ᐃᑐᐦᑌᐤ, ᐊᐊᐧᓯᒣ ᐁ ᑭᐦᒉᔨᐦᑖᑯᓯᐟ ᐃᐢᐱᐨ ᓂᔭ, ᐅ ᒪᐢᑭᓯᓀᔭᐱ ᐅ ᒪᐢᑭᓯᓂᕽ ᐁᑳ ᐁ ᑌᐱ ᐃᐢᐱᑌᔨᑖᑯᓯᔮᐣ ᑭᑕ ᐋᐱᑯᓇᒪᐧᐠ; ᐁᐊᐧᑯ ᑭ ᑲ ᐸᑊᑕᐃᓯᐃᐧᐃᑯᐋᐧᐤ ᑲᓈᒋ ᐊᐦᒑᐦᑲᐧ ᐅᐦᒋ ᒥᓇ ᐃᐢᑯᑌᐤ. 17ᐅ ᐸᐋᐧᐢᒋᒋᑲᐣ ᐅ ᒋᒋᕽ ᑳ ᑕᑯᓇᕽ ᒥᑐᓂ ᑭᑕ ᑲᓈᒋᑖᐟ ᐅᐟ ᐊᓈᐢᑫᐃᐧᐣ ᐁᑯᓯ ᑭᑕ ᒫᐊᐧᒋᐦᐋᐟ ᐅ ᐸᑫᐧᓯᑲᓂᒪ ᐅᐟ ᐊᐢᑖᓱᐃᐧᑲᒥᑯᕽ, ᒫᑲ ᐃᐧᔭ ᓯᑲᐁᐧᐸᔨᒋᑲᓇ ᑭᑕ ᒣᐢᑎᑲᓴᒼ ᐁᑳ ᑳ ᐋᐢᑕᐁᐧᔨᐠ ᐃᐢᑯᑌᐤ ᐅᐦᒋ. 18ᒥᐦᒉᐟ ᒫᑲ ᑯᑕᑲ ᑫᑲᐧᔭ ᐅ ᑲᑫᐢᑫᐧᐃᐧᓂᕽ ᑭ ᑕᓯᑕᒪᐁᐧᐤ ᒥᔪᐊᒋᒧᐃᐧᐣ ᐊᔨᓯᔨᓂᐊᐧ.

19 # ᒫᐟᔪ 14:3,4; ᒫᕒᐠ 6:17,18 ᒫᑲ ᐁᕒᐊᐟ ᑭᐦᒋ ᐅᑭᒫᐤ, ᐁ ᑭ ᑭᑐᑎᑯᐟ ᐁᕒᐅᑎᐋᓴ ᐅᒋᐋᐧᒪ ᐃᐧᐃᐧᔨᐊᐧ ᐅᐦᒋ, ᒥᓇ ᑲᐦᑭᔭᐤ ᒪᒋ ᑫᑲᐧᔭ ᐁᕒᐊᐟ ᑳ ᑭ ᑐᑕᕽ, 20ᑭ ᑕᑯ ᑐᑕᒼ ᐅᒪ ᐁ ᐊᔨᐋᐧᑫᔨᑖᑲᐧᓂᔨᐠ ᐁ ᑭ ᑭᐸᐋᐧᐟ ᒑᓇ ᑭᐸᐦᐅᑐᐃᐧᑲᒥᑯᕽ.

21ᐁᑯᓯ ᑭ ᐃᐢᐸᔨᐤ, ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐸᑊᑕᐃᓯᐃᐧᐃᒋᐠ, ᒋᓴᐢ ᐃᐧᐢᑕ ᐁ ᑭ ᐸᑊᑕᐃᓯᐃᐧᐦᐃᐦᐟ ᐁᑯᓯ ᐁ ᐊᔭᒥᐦᐋᐟ, ᑭᓯᐠ ᑭ ᐹᐢᑭᑌᐸᔨᐤ, 22#ᒉᓂᓯᐢ 22:2; ᓂᑲᒧᓇ 2:7; ᐊᐩᓵᔭ 42:1; ᒫᐟᔪ 3:17; ᒫᕒᐠ 1:11; ᓬᐅᐠ 9:35ᑳ ᑲᓈᑎᓯᐟ ᐊᒑᕽ ᒫᑲ, ᐁ ᐃᐧᔪᐃᐧᓈᑯᓯᐟ, ᑖᐱᐢᑯᐨ ᐅᒥᒥᐤ, ᑭ ᔭᓯᑐᑕᐁᐧᐤ ᐁᑯᓯ ᑭᓯᑯᕽ ᑭ ᐅᐦᒋ ᐯᐦᑖᑯᓯᐤ ᐊᐃᐧᔭᐠ ᐁ ᐃᑌᐧᐟ, ᑭᔭ ᑳ ᓵᑭᐦᐃᑖᐣ ᓂᑯᓯᐢ, ᑭᔭ ᐅᐦᒋ ᓇᐢᐱᐨ ᑳ ᓇᐁᔨᑕᒫᐣ.

23ᐁᑯᓯ ᒋᓴᐢ ᐃᐧᔭ ᐃᐢᐱ ᑳ ᒫᒋ ᑭᐢᑭᓄᐦᐊᒫᑫᐟ ᓈᓂᑐᐤ ᓂᐢᑐ ᒥᑕᓇᐤ ᑭ ᐃᑕᐦᑐ ᐱᐳᓀᐧᐤ, ᐁ ᑭ ᐅᑯᓯᓯᐟ (ᑳ ᑭ ᐃᑌᔨᑕᒥᕽ) ᒍᓯᑊ, 24ᐅᑯᓯᓴ ᐦᐃᓬᐊᐩ, ᐅᑯᓯᓴ ᒫᐟᑖᐟ, ᐅᑯᓯᓴ ᓬᐃᐸᐩ, ᐅᑯᓯᓴ ᒣᓬᑲᐩ, ᐅᑯᓯᓴ ᒑᓇᐩ, 25ᐅᑯᓯᓴ ᒍᓯᑊ, ᐅᑯᓯᓴ ᒫᑕᑖᔭᐢ, ᐅᑯᓯᓴ ᐁᒪᐢ, ᐅᑯᓯᓴ ᓀᐋᒼ, ᐅᑯᓯᓴ ᐁᐢᓬᐊᐩ, ᐅᑯᓯᓴ ᓈᑲᐩ, 26ᐅᑯᓯᓴ ᒣᐋᐦᐟ, ᐅᑯᓯᓴ ᒫᑕᑖᔭᐢ, ᐅᑯᓯᓴ ᓯᒥᐃᐣ, ᐅᑯᓯᓴ ᒍᓯᑊ, ᐅᑯᓯᓴ ᒍᑕ, 27ᐅᑯᓯᓴ ᒍᐊᓈᐣ, ᐅᑯᓯᓴ ᕒᐁᓴ, ᐅᑯᓯᓴ ᓭᕒᐊᐸᐱᓬ, ᐅᑯᓯᓴ ᓯᐋᓬᑎᐁᓬ, ᐅᑯᓯᓴ ᓂᕒᐊᐩ, 28ᐅᑯᓯᓴ ᒣᓬᑲᐩ, ᐅᑯᓯᓴ ᐋᑕᐩ, ᐅᑯᓯᓴ ᑯᓵᒼ, ᐅᑯᓯᓴ ᐁᓬᒫᑖᒼ, ᐅᑯᓯᓴ ᐊᕒ, 29ᐅᑯᓯᓴ ᒋᓴᐢ, ᐅᑯᓯᓴ ᐁᓬᐃᐁᓴᕒ, ᐅᑯᓯᓴ ᒑᕒᐃᒼ, ᐅᑯᓯᓴ ᒫᐦᑖᐟ, ᐅᑯᓯᓴ ᓬᐃᐸᐩ, 30ᐅᑯᓯᓴ ᓯᒥᐊᐣ, ᐅᑯᓯᓴ ᒍᑕᐢ, ᐅᑯᓯᓴ ᒍᓯᑊ, ᐅᑯᓯᓴ ᒍᓇᒼ, ᐅᑯᓯᓴ ᐃᓬᐋᔭᑭᒼ, 31ᐅᑯᓯᓴ ᒥᓬᐃᐊ, ᐅᑯᓯᓴ ᒣᓇ, ᐅᑯᓯᓴ ᒫᑖᐦᑕ, ᐅᑯᓯᓴ ᓀᑖᐣ, ᐅᑯᓯᓴ ᑌᐱᐟ, 32ᐅᑯᓯᓴ ᒉᓯ, ᐅᑯᓯᓴ ᐅᐱᐟ, ᐅᑯᓯᓴ ᐳᐋᐢ, ᐅᑯᓯᓴ ᓴᓬᒪᐣ, ᐅᑯᓯᓴ ᓀᓴᐣ, 33ᐅᑯᓯᓴ ᐊᒥᓇᑖᑊ, ᐅᑯᓯᓴ ᐋᕒᓇᐩ, ᐅᑯᓯᓴ ᐁᐢᕒᐊᐣ, ᐅᑯᓯᓴ ᐱᕒᐃᐢ, ᐅᑯᓯᓴ ᒍᑕ, 34ᐅᑯᓯᓴ ᒉᑲᑊ, ᐅᑯᓯᓴ ᐊᐃᓴᐠ, ᐅᑯᓯᓴ ᐁᑊᕒᐁᐊᒼ, ᐅᑯᓯᓴ ᑎᕒᐊ, ᐅᑯᓯᓴ ᓀᐦᐋᕒ, 35ᐅᑯᓯᓴ ᓭᕒᐊᐠ, ᐅᑯᓯᓴ ᕒᐃᐅ, ᐅᑯᓯᓴ ᐱᓬᐃᐠ, ᐅᑯᓯᓴ ᐃᐸᕒ, ᐅᑯᓯᓴ ᓯᓬᐊ, 36ᐅᑯᓯᓴ ᑫᓇᐣ, ᐅᑯᓯᓴ ᐊᕒᐹᐠᓵᐟ, ᐅᑯᓯᓴ ᓭᒼ, ᐅᑯᓯᓴ ᓄᐊ, ᐅᑯᓯᓴ ᓬᐁᒥᐠ, 37ᐅᑯᓯᓴ ᒥᑐᓴᓬᐊ, ᐅᑯᓯᓴ ᐃᓈᐠ, ᐅᑯᓯᓴ ᒉᕒᐃᐟ, ᐅᑯᓯᓴ ᒣᐊᓬᐊᓬᐃᓬ, ᐅᑯᓯᓴ ᑫᓇᐣ, 38ᐅᑯᓯᓴ ᐃᓇᐢ, ᐅᑯᓯᓴ ᓭᐦᐟ, ᐅᑯᓯᓴ ᐋᑕᒼ, ᐅᑯᓯᓴ ᑭᓭᒪᓂᑐ.

Currently Selected:

ᓭᐣᐟ ᓬᐅᐠ 3: KKMs

Highlight

Copy