ᓭᐣᐟ ᓬᐅᐠ 4

1ᐁᑯᓯ ᒋᓴᐢ ᐁ ᓴᑲᐢᑭᓀᐢᑲᑯᐟ ᑲᓈᒋ ᐊᐦᒑᐦᑲᐧ, ᑭ ᐯ ᑭᐁᐧᐤ ᒑᕒᑕᓂᕽ ᐅᐦᒋ, ᐱᑲᐧᑕᐢᑭᕽ ᒫᑲ ᐁ ᑭ ᐃᑐᑕᐦᐃᑯᐟ ᐊᐦᒑᐦᑲᐧ. 2ᓀᒥᑕᓇᐤ ᑭᓯᑳᐊᐧ ᐁ ᑭ ᑯᑌᔨᒥᑯᐟ ᒪᒋ ᐊᐦᒑᐦᑲᐧ. ᐁᑯᐢᐱ ᓇᒪ ᑫᑲᐧᐩ ᑭ ᒥᒋᐤ: ᐃᐢᐱ ᒫᑲ ᐁᐊᐧᑲᐧᓂ ᑭᓯᑳᐊᐧ ᑳ ᐳᓂᐸᔨᑭ ᑭ ᓄᑌᑲᑌᐤ. 3ᐁᑯᓯ ᒫᑲ ᒪᒋ ᐊᐦᒑᐦᑲᐧ ᑭ ᐃᑎᐠ, ᑭᐢᐱᐣ ᑭ ᑭᓭᒪᓂᑐᐃᐧ ᑯᓯᓭᓂᐃᐧᐣ, ᐃᑕᓱᐁᐧ ᐊᐊᐧ ᐊᓯᓂ ᑭᑕ ᐸᑫᐧᓯᑲᓂᐃᐧᐟ. 4#ᑎᔪᑕᕒᐊᓇᒥ 8:3ᐁᑯᓯ ᒋᓴᐢ ᑭ ᓇᐢᑫᐧᐊᐧᓯᒣᐤ ᐁ ᐃᑖᐟ, ᐃᑕᓯᓇᐦᐃᑳᑌᐤ, ᐊᔨᓯᔨᓂᐤ ᓇᒪᐃᐧᔭ ᐸᑫᐧᓯᑲᓇ ᐱᑯ ᑭᑕ ᐅᐦᒋ ᐱᒫᑎᓯᐤ. 5ᐁᑯᓯ ᒪᒋ ᐊᐦᒑᐦᑲᐧ ᐁ ᐋᒪᒋᐁᐧᑕᐦᐃᑯᐟ ᐊᐧᒋᕽ ᐁ ᐃᐢᐹᔨᐠ, ᑭ ᐋᐧᐸᐦᑕᐃᐠ ᑲᐦᑭᔭᐤ ᐅᑌᓇᐊᐧ ᐊᐢᑭᕽ, ᐯᔭᐠ ᐸᓴᑳᐱᐃᐧᐣ ᐃᔨᑯᕽ. 6ᐁᑯᓯ ᒪᒋ ᐊᐦᒑᐦᑲᐧ ᑭ ᐃᑎᐠ, ᑲᐦᑭᔭᐤ ᐅᒪ ᐅᑭᒫᐃᐧᐃᐧᐣ ᑭ ᑲ ᒥᔨᑎᐣ ᒥᓇ ᐁ ᐃᓯ ᑭᐢᑌᔨᑖᑲᐧᕽ; ᒋᑫᒫ ᓂ ᑭ ᐸᑭᑎᓇᒪᑲᐃᐧᐣ; ᒥᓇ ᐱᑯ ᐊᐃᐧᔭᐠ ᑫ ᐃᑌᔨᑕᒫᐣ ᓂ ᑲ ᒥᔭᐤ. 7ᑭᐢᐱᐣ ᒫᑲ ᐅᒋᐦᒋᐦᑲᐧᓇᐱᐢᑕᐃᐧᔭᓂ, ᑲᐦᑭᔭᐤ ᑭᔭ ᑭ ᑲ ᐊᔮᐣ. 8#ᑎᔪᑕᕒᐊᓇᒥ 6:13ᐁᑯᓯ ᒋᓴᐢ ᑭ ᓇᐢᑫᐧᐊᐧᓯᒣᐧᐤ ᒥᓇ ᑭ ᐃᑌᐤ, ᐃᑕᓯᓇᐦᐃᑳᑌᐤ, ᑭ ᑲ ᐅᒋᐦᒋᐦᑲᐧᓇᐱᐢᑕᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓇ ᐃᐧᔭ ᐱᑯ ᑭ ᑲ ᐊᑐᐢᑲᐋᐧᐤ. 9ᐁᑯᓯ ᑭ ᐯᓯᐁᐧᐤ ᒉᕒᐅᓴᓬᐊᒥᕽ ᒥᓇ ᐁ ᑭ ᐊᔮᐟ ᑕᑯᐦᐨ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐁ ᑭ ᐃᑖᐟ ᒫᑲ, ᑭᐢᐱᐣ ᑭᔭ ᑭᓭᒪᓂᑐ ᐅᑯᓯᓴ ᓂᒋᐸᔨᐦᐅ ᐁᑯᑕ ᐅᐦᒋ. 10#ᓂᑲᒧᓇ 91:11,12ᒋᑫᒫ ᐃᑕᓯᓇᐦᐃᑳᑌᐤ, ᑭᑕ ᐊᔮᑳᐧᒥᒣᐤ ᐅᑭᓯᑯᒪ ᑭᔭ ᐅᐦᒋ, ᑭᑕ ᑲᓇᐁᐧᔨᒥᐢᑭᐠ, 11ᐁᑯᓯ ᒫᑲ ᐅᒋᒋᐊᐧᕽ ᑭ ᑲ ᒥᒋᒥᓂᑲᐧᐠ, ᐁᑳ ᓈᓂᑕᐤ ᑭᑕ ᐸᑲᒥᑎᑖᔭᐣ ᑭᓯᐟ ᐊᓯᓂᕽ. 12#ᑎᔪᑕᕒᐊᓇᒥ 6:16ᒋᓴᐢ ᒫᑲ ᐁ ᓇᐢᑫᐧᐊᐧᓯᒫᐟ ᑭ ᐃᑌᐤ, ᐃᑕᐧᓂᐊᐧᐣ, ᓇᒪᐃᐧᔭ ᑭ ᑲ ᑯᑌᔨᒪᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.

13ᐁᑯᓯ ᐃᐢᐱ ᒪᒋ ᐊᐦᒑᐦᑲᐧ ᑳ ᑭᓯᑖᔨᐟ ᑲᐦᑭᔭᐤ ᑯᑌᔨᒥᐁᐧᐃᐧᓇ, ᑭ ᓇᑲᑎᐠ ᐊᒋᔭᐤ.

14ᒋᓴᐢ ᒫᑲ ᑭ ᑭᐁᐧᐤ ᐅᒪᐢᑲᐃᐧᓯᐃᐧᓂᔨᐠ ᐊᐦᒑᐦᑲᐧ ᑳᓬᐊᓬᐃᕽ ᐃᓯ: ᐅᐟ ᐋᒋᒥᑯᐃᐧᐣ ᒫᑲ ᑭ ᓯᐯᐧᐸᔨᔨᐤ ᒥᓯᐁᐧ ᐃᑕ ᐊᐢᑭᕽ ᐋᐧᓴᑳᒼ. 15ᐁᑯᓯ ᑭ ᑭᐢᑭᓄᐦᐊᒫᑫᐤ ᐅᐟ ᐊᔭᒥᐦᐁᐃᐧᑲᒥᑯᔨᕽ, ᑲᐦᑭᔭᐤ ᐁ ᑭᐢᑕᑭᒥᑯᐟ.

16ᐁᑯᓯ ᑭ ᐯ ᐃᑐᐦᑌᐤ ᓇᓴᕒᐃᑎᐠ, ᐃᑕ ᑳ ᑭ ᐅᐦᐱᑭᐦᐃᐦᐟ, ᐁᑯᓯ ᑳ ᑭ ᑐᑕᕽ ᒫᓇ ᑭ ᐱᐦᑐᑫᐤ ᐊᔭᒥᐦᐁᐃᐧᑲᒥᑯᕽ ᐁ ᐊᔭᒥᐦᐁᑭᓯᑳᔨᐠ, ᐁᑯᓯ ᐁ ᑭ ᐸᓯᑯᐟ ᑭᑕ ᐊᔭᒥᒋᑫᐟ. 17ᑭ ᐸᑭᑎᓇᒪᐋᐧᐤ ᒫᑲ ᐅ ᒪᓯᓇᐦᐃᑲᓂᔨᐤ ᐅᑭᐢᑭᐁᐧᐦᐃᑫᐊᐧ ᐊᐩᓵᔭᐊᐧ. ᐁᑯᓯ ᑭ ᐸᐢᑫᑭᓇᒼ ᒪᓯᓇᐦᐃᑲᐣ, ᐁ ᑭ ᒥᐢᑲᕽ ᒫᑲ ᐃᑕ ᑳ ᐃᑕᓯᓇᐦᐃᑳᑌᔨᐠ.

18 # ᐊᐩᓵᔭ 61:1,2 ᐅᐟ ᐊᐦᒑᐦᑲᐧ ᑳ ᑎᐯᔨᐦᒋᑫᐟ ᓂ ᑭᑭᐢᑲᑯᔨᐊᐧ, ᐃᐧᔭ ᐁ ᑭ ᑭᐢᑭᓇᐊᐧᒋᐃᐟ, ᑭᑕ ᑲᑫᐢᑭᒪᑭᐠ ᑳ ᑭᑎᒪᑭᓯᒋᐠ ᒥᔪ ᐋᒋᒧᐃᐧᐣ; ᓂ ᑭ ᐃᓯᑎᓴᐦᐅᐠ ᑭᑕ ᐊᒋᒧᐢᑕᐊᐧᑳᐧᐤ ᐸᑭᑎᓂᑯᐃᐧᐣ ᐊᓂᑭ ᑳ ᑭᐸᐅᐦᒋᐠ, ᒥᓇ ᑳᐃᐧ ᑭᑕ ᐊᔮᒋᐠ ᐋᐧᐱᐃᐧᐣ ᐁᑳ ᑳ ᐋᐧᐱᒋᐠ, ᑭᑕ ᐸᑭᑎᓇᑲᐧᐤ ᐊᓂᑭ ᑳ ᑭᑎᒪᐃᐦᒋᐠ.

19ᑭᑕ ᐊᑐᑕᒫᐣ ᐊᓂᒪ ᐃᑕ ᑫ ᒥᔪ ᑲᓇᐋᐧᐸᐦᑫᐟ ᑳ ᑎᐯᔨᐦᒋᑫᐟ.

20ᐁᑯᓯ ᑭ ᑭᐸᐊᒼ ᒪᓯᓇᐦᐃᑲᐣ, ᑳ ᑲᓇᐁᐧᔨᑕᒥᔨᐟ ᑲᐃᐧ ᐁ ᑭ ᒥᔮᐟ, ᐁᑯᓯ ᑭ ᓇᐦᐊᐱᐤ: ᑲᐦᑭᔭᐤ ᒫᑲ ᐊᔭᒥᐦᐁᐃᐧᑲᒥᑯᕽ ᑳ ᐊᔮᔨᐟ ᐁ ᑭ ᑲᓇᐊᐧᐸᒥᑯᐟ. 21ᐁᑯᓯ ᑭ ᒫᒋ ᐃᑌᐤ, ᐊᓄᐦᐨ ᑳ ᑭᓯᑳᐠ ᐅᒪ ᒪᓯᓇᐦᐃᑫᐃᐧᐣ ᑎᐱᐸᔨᐤ ᑭᑕᐊᐧᑳᐋᐧᕽ.

22ᑲᐦᑭᔭᐤ ᒫᑲ ᑭ ᐋᒋᒥᐠ, ᒥᓇ ᐁ ᑭ ᒪᒪᐢᑳᑕᒥᔨᐠ ᐊᓂᐦᐃ ᑭᓭᐋᐧᑎᓯᐃᐧ ᐱᑭᐢᑫᐧᐃᐧᓇ ᐅᑐᓂᕽ ᑳ ᐅᐦᒋᐸᔨᓂᔨᑭ, ᐁ ᑭ ᐃᑌᐧᒋᐠ ᒫᑲ, ᓇᒪ ᒋ ᐊᐊᐧ ᒍᓯᑊ ᐅᑯᓯᓴ? 23ᐁᑯᓯ ᐅᒥᓯ ᑭ ᐃᑌᐤ, ᑫᒋᓇᐨ ᐅᒪ ᑳ ᓂᑖ ᐃᑌᐧᕽ, ᑭ ᑲ ᐃᓯᓈᐋᐧᐤ, ᒪᐢᑭᑭᐃᐧᔨᓂᐤ ᐃᔨᓂᑲᐃᓱ: ᑕᐦᑐ ᑫᑲᐧᐩ ᑳ ᑭ ᐯᑕᒫᕽ ᐁ ᑭ ᐃᑐᑕᒥᕽ ᑫᐸᕒᓀᐊᒥᕽ, ᑐᑕ ᒥᓇ ᐅᑕ ᑭᔭ ᑭᐟ ᐊᐢᑭᕽ. 24#ᒑᐣ 4:44ᐅᒥᓯ ᒫᑲ ᑭ ᐃᑌᐧᐤ, ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᐊᐃᐧᔭᐠ ᐅᑭᐢᑭᐁᐧᐦᐃᑫᐤ ᐅᑎᓈᐤ ᑎᐱᔭᐁᐧ ᐅᐟ ᐊᐢᑭᕽ. 25#1 ᑭᐦᒋ ᐅᑭᒫᐊᐧᐠ 17:1ᒫᑲ ᑖᐯᐧᐃᐧᓂᕽ ᑭᐟ ᐃᑎᓈᐋᐧᐤ, ᑭ ᒥᐦᒉᑎᐊᐧᐠ ᓯᑳᐃᐧᐢᑫᐧᐊᐧᐠ ᐃᐢᕒᐁᐃᓬᐃᕽ ᒣᑳᐧᐨ ᑳ ᐱᒫᑎᓯᐟ ᐃᓬᐋᐃᒐ, ᐃᐢᐱ ᑭᓯᐠ ᑳ ᑭ ᑭᐸᐦᐃᑳᑌᐠ ᓂᐢᑐ ᐊᐢᑭ ᒥᓇ ᓂᑯᑖᐧᓱ ᐱᓯᒼ, ᐃᐢᐱ ᑭᐦᒋ ᑲᐋᐧᑲᑐᓱᐃᐧᐣ ᐁ ᐊᔭᐠ ᒥᓯᐁᐧ ᐊᐢᑭᕽ. 26#1 ᑭᐦᒋ ᐅᑭᒫᐊᐧᐠ 17:8-16ᒫᑲ ᓇᒪᐃᐧᔭ ᑭ ᐃᓯᑎᓴᐋᐧᐤ ᐃᓬᐋᐃᒐ, ᐱᑯ ᓵᕒᐃᐹᐦᐟ ᐊᓂᑕ ᐊᐢᑭᕽ ᓴᐃᑕᐣ ᐃᐢᑫᐧᐊᐧ ᐁ ᓯᑳᐃᐧᔨᐟ. 27#2 ᑭᐦᒋ ᐅᑭᒫᐊᐧᐠ 5:1-14ᒥᓇ ᑭ ᐊᔮᐊᐧᐠ ᒥᐦᒉᐟ ᑳ ᒪᒑᐢᐱᓀᒋᐠ ᐃᐢᕒᐁᐃᓬᐃᕽ ᒣᑳᐧᐨ ᐁ ᐊᔭᐟ ᐃᓬᐋᐃᓴ ᐅᑭᐢᑭᐁᐧᐦᐃᑫᐤ, ᒫᑲ ᓇᒫ ᐊᐃᐧᔭᐠ ᐃᐧᔭᐋᐧᐤ ᑭ ᑭᑫᐊᐁᐧᐠ ᐱᑯ ᓀᐊᒪᐣ ᓯᕒᐃᐊᐃᐧᔨᓂᐤ. 28ᐁᑯᓯ ᑲᐦᑭᔭᐤ ᑭ ᓴᑲᐢᑭᓀᐢᑳᑲᐧᐠ ᑭᓯᐋᐧᓯᐃᐧᐣ ᐊᔭᒥᐦᐁᐃᐧᑲᒥᑯᕽ ᐃᐢᐱ ᐁ ᐯᐦᑕᐦᑭᐠ ᐅᐦᐃ ᐊᔭᒥᐃᐧᓇ;

29ᐁᑯᓯ ᑭ ᐸᓯᑯᐊᐧᐠ, ᒥᓇ ᐁ ᑭ ᐊᐧᔭᐃᐧᐁᐧᐱᓈᒋᐠ ᐅᑌᓈᕽ ᐅᐦᒋ, ᒥᓇ ᐁ ᑭ ᐃᑐᐦᑕᐋᒋᐠ ᐁᐢᑲᐧᑎᓈᔨᐠ ᐊᐧᒋ ᐃᑕ ᐅᐟ ᐅᑌᓇᐃᐧᐋᐧᐤ ᑳ ᑭ ᐊᔮᔨᐠ, ᐁ ᐃᐧ ᐊᒋᒋᐁᐧᐱᓈᒋᐠ ᐁᑯᑕ ᐅᐦᒋ.

30ᒫᑲ ᐃᐧᔭ ᒣᑳᐧᐨ ᐃᑕ ᐁ ᐊᔮᔨᐠ ᐁ ᐊᑎ ᐃᑐᐦᑌᐟ ᑭ ᓯᐯᐧᑌᐤ. 31ᐁᑯᓯ ᐁ ᑭ ᐯ ᐃᑐᐦᑌᐟ ᑫᐸᕒᓀᐊᒥᕽ, ᐅᑌᓇᐤ ᑳᓬᐊᓬᐃᕽ, ᒥᓇ ᐁ ᑭ ᑭᐢᑭᓄᐦᐊᒫᑫᐟ ᐁ ᐊᔭᒥᐦᐁᑭᓯᑳᔨᐠ; 32#ᒫᐟᔪ 7:28,29ᐁᑯᓯ ᑭ ᒫᒪᐢᑲᑕᒥᔨᐊᐧ ᐅ ᑭᐢᑭᓄᐦᐊᒫᑫᐃᐧᐣ, ᐃᐧᔭ ᐅ ᐱᑭᐢᑫᐧᐃᐧᐣ ᐁ ᑭ ᑲᐢᑭᐁᐊᐧᓂᔨᐠ.

33ᐁᑯᓯ ᐊᔭᒥᐦᐁᐃᐧᑲᒥᑯᕽ ᑭ ᐊᔮᐤ ᓈᐯᐤ, ᐁ ᑭ ᐊᔮᐊᐧᐟ ᐅᑕᐦᒑᐦᑯᔨᐊᐧ ᐁᑳ ᐁ ᐯᑭᓯᔨᐟ ᒪᒑᔨᓴ; ᐁᑯᓯ ᑭ ᑌᐯᐧᐤ ᓱᑭ ᐁ ᐯᐦᑖᑯᓯᐟ, 34ᐋ! ᑖᓂᓯ ᑫ ᐃᑕᐸᒋᐃᑖᕽ, ᑭᔭ ᒋᓴᐢ ᓈᓴᕒᐃᑎᕽ ᐁᐧᒋᔭᐣ? ᑭ ᐯ ᐃᑐᑕᐣ ᒋ ᑭᑕ ᓂᓱᐊᐧᓈᒋᐃᔮᕽ? ᑭ ᑭᐢᑫᔨᒥᑎᐣ ᐊᐁᐧᓇ ᑭᔭ, ᐅ ᑲᓈᑎᓯᒪ ᑭᓭᒪᓂᑐ. 35ᒋᓴᐢ ᒫᑲ ᑭ ᑭᑐᑌᐤ, ᐁ ᐃᑕᐟ, ᑭᐱᑐᐁᐧ, ᒥᓇ ᐯ ᐊᐧᔭᐃᐧ. ᐁᑯᓯ ᐃᐢᐱ ᒪᒋ ᐊᐦᒑᕽ ᑳ ᑲᐃᐧᐁᐧᐱᓈᐟ ᑖᐋᐧᔨᕽ, ᑭ ᐯ ᐊᐧᔭᐃᐧᐤ, ᐁᑳ ᒫᑲ ᐁ ᐃᐧᓴᑭᐢᑲᐋᐧᐟ. 36ᐁᑯᓯ ᒪᒪᐢᑲᑌᔨᑕᒧᐃᐧᐣ ᑲᐦᑭᔭᐤ ᑭ ᐅᑎᐦᑎᑲᐧᐠ, ᒥᓇ ᐁ ᑭ ᐃᐧᒋ ᐱᑭᐢᑫᐧᑐᒋᐠ, ᐁ ᐃᑌᐧᒋᐠ, ᑫᑯ ᐊᔭᒥᐃᐧᐣ ᐅᒪ? ᒋᑫᒫ ᑭᑭ ᑎᐯᔨᐦᒋᑫᐃᐧᐣ ᒥᓇ ᒪᐢᑲᐃᐧᓯᐃᐧᐣ ᐅᔭᓱᐊᑌᐤ ᐁᑳ ᑳ ᐯᑭᓯᔨᐟ ᐊᐦᒑᐦᑲᐧ, ᐁᑯᓯ ᐁ ᐯ ᐊᐧᔭᐃᐧᔨᐟ. 37ᐅᐟ ᐋᒋᒥᑯᐃᐧᐣ ᒫᑲ ᒥᓯᐁᐧ ᐃᑌ ᐋᐧᐢᑲ ᐊᐢᑭᕽ ᑭ ᐃᓯ ᓯᐯᐧᐸᔨᔨᐤ.

38ᐁᑯᓯ ᑭ ᐸᓯᑯ ᐊᔭᒥᐦᐁᐃᐧᑲᒥᑯᕽ ᐅᐦᒋ, ᐁ ᑭ ᐱᐦᑐᑫᐟ ᒫᑲ ᓴᐃᒪᐣ ᐃᐧᑭᔨᕽ. ᐁᑯᓯ ᓴᐃᒪᐣ ᐃᐧᐊᐧ ᐅᑳᐃᐧᔨᐊᐧ, ᑭ ᒥᒋᒥᓂᐠ ᑭᐦᒋ ᑭᓯᓱᐋᐧᐢᐱᓀᐃᐧᐣ; ᐁᑯᓯ ᑭ ᐱᑭᐢᑫᐧᐢᑕᒪᐁᐧᐊᐧᐠ. 39ᑭ ᓂᐸᐃᐧᐢᑕᐁᐧᐤ ᒫᑲ, ᐁ ᑭ ᑭᑐᑕᕽ ᑭᓯᓱᐊᐧᐢᐱᓀᐃᐧᐣ, ᐁᑯᓯ ᑭ ᓇᑲᑎᑯᔨᐊᐧ; ᓭᒫᐠ ᒫᑲ ᑭ ᐊᐧᓂᐢᑳᔨᐊᐧ, ᐁ ᑭ ᐸᒥᐃᑯᒋᐠ.

40ᐁᑯᓯ ᐃᐢᐱ ᐁ ᐊᑎ ᐸᐦᑭᓯᒧᐠ, ᑲᐦᑭᔭᐤ ᐊᓂᑭ ᑳ ᑭ ᐊᔭᐋᐧᒋᐠ ᐁ ᐋᑯᓯᔨᐟ ᓇᓇᑐᕽ ᐁ ᐃᑖᐢᐱᓀᔨᐟ ᑭ ᐯ ᐃᑐᐦᑕᑕᒪᐁᐧᐊᐧᐠ; ᐁᑯᓯ ᑲᐦᑭᔭᐤ ᑳ ᐃᐦᑕᓯᔨᐟ ᑭ ᓵᒥᓀᐤ, ᒥᓇ ᑭ ᐃᔨᓂᑲᐦᐁᐤ. 41ᒥᓇ ᒪᒋ ᐊᐦᒑᐦᑲᐧ ᒥᐦᒉᐟ ᑭ ᓇᑲᑎᑲᐧᐠ, ᐁ ᒪᐃᐧᒧᔨᐟ ᒥᓇ ᐁ ᐃᑌᐧᔨᐟ, ᑭᔭ ᑭᓭᒪᓂᑐ ᐅᑯᓯᓴ. ᐁᑯᓯ ᐁ ᑭᑐᑖᐟ, ᓇᒪᐃᐧᔭ ᑭ ᐸᑭᑎᓇᒪᐁᐧᐤ ᑭᑕ ᐱᑭᐢᑫᐧᔨᐟ, ᒋᑫᒫ ᐁ ᑭᐢᑫᔨᑕᒥᔨᐟ ᐃᐧᔭ ᐁᐊᐧᑯ ᙭. 42ᐁᑯᓯ ᐃᐢᐱ ᐁ ᑭᓯᑳᐠ, ᑭ ᓯᐯᐧᑌᐤ ᒥᓇ ᐁ ᑭ ᐃᑐᐦᑌᐟ ᐸᑲᐧᒑᔨᕽ; ᐁᑯᓯ ᑳ ᐅᓴᒣᔭᑎᔨᐟ ᑭ ᓇᑐᓈᐠ, ᒥᓇ ᑭ ᐯ ᐅᑎᐦᑎᐠ, ᐁ ᐃᐧ ᑭᐱᒋᒥᑯᐟ, ᐁᑳ ᑭᑕ ᓇᑲᑖᐟ. 43ᒫᑲ ᑭ ᐃᑌᐤ, ᐱᑯ ᑭᑕ ᑲᑫᐢᑫᐧᔮᐣ ᐁ ᐃᓯ ᒥᔮᐧᑐᑖᑲᐧᕽ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᑯᑕᑲ ᐅᑌᓈᕽ: ᒋᑫᒫ ᐁᐊᐧᑯ ᐅᐦᒋ ᑳ ᐯ ᐃᓯᑎᓴᐦᐅᑲᐃᐧᔮᐣ. 44ᐁᑯᓯ ᑭ ᑲᑫᐢᑫᐧᐤ ᐊᔭᒥᐦᐁᐃᐧᑲᒥᑯᕽ ᑳᓬᐊᓬᐃᕽ.

Currently Selected:

ᓭᐣᐟ ᓬᐅᐠ 4: KKMs

Highlight

Copy