isihcikēwiniwāwa 1
1
1 #
lok 1:1-4
nistam masinahikan ni ki ositān ā tiāpilas, ē ātotamān kahkiyaw anima cisas kā ki māci itotahk mina kā ki kiskinaamākēt, 2piyis anima ē kisikāk kā ki otiniht ispi kā wawēyasowātāk kā kanātisiyit ahcāhkwa ohci, anihi apāstila kā ki nawasonāt: 3ēwakwani mina kā ponipayiyik o kotakitāwin kā ki wāpatiyisostawāt ē pimātisit micētwayak ē isi kēcināyēyitamiāt, nēmitanaw kisikāwa ē ki wāpamikot, mina ē tasitahk anihi kā akitēki kisēmanito ot otēnawiwinihk: 4#lok 24:49ēkosi māka ē māmawi māwaciitocik, ki ayākwāmimēw ēkā kita sipwētēyit cērosalamihk ohci, māka kita pētāwācik ot asotamākēwiniyi wēyotāwihk, ēwako, ki itēw, ki ki pētawināwāw: 5#mātyo 3:11; mārk 1:8; lok 3:16; cān 1:33cikēmā cān tāpwē ki paptaisiwiiwēw nipi ohci; māka kiyawā ki ka pāptaisiwiikawināwāw kā kanātisit ahcāhk ohci namawiya micēto kisikāw nikān otē.
6wiyawāw māka, ispi ē māmawi ayācik, ki kakwēcimēwak, ē itwēcik, tēpēyihcikēyan, anohc oma kā ikihk ki ka miyāwak ci isrēil kihci okimāwiwin? 7ki itēw māka, namawiya kiyawāw kita kiskēyitamēk kisikāwa mina ē āispitāyawahk, wēyotāwihk wiya kā tipēyitahk. 8#mātyo 28:19; mārk 16:15; lok 24:47,48māka ki ka miyikawināwāw kaskihēwisiwin, ispi kā kanātisit ahcāhk otihtikoyēko: ēkosi ki ka ācimināwāw cērosalamihk, mina misiwē cotiyaihk mina samēriyaihk, mina ē kākisipaskamikāk aski. 9#mārk 16:19; lok 24:50,51ispi māka ohi kā ayitwēt, ē mēkwā kitāpamācik, ispimihk ki isi otināw; ēkosi waskohk ē ati ākopayiyit namawiya wāpamēwak. 10mēkwāc māka kisikohk soki ē itāpicik ē ati opiskāyit, mātika, niso nāpēwa ki wicikāpawistākwak ē wāpiskioyit; 11ēwakwani mina kā itikocik kiyawāw kāliliwiyinitik, tānēki kā nipawiyēt kisikohk ē itāpiyēk? awa cisas, kā nakatikoyēk kihci kisikohk ē isi otiniht, ēkosi mina kē isi takosihk kā ki isi wāpamāyēt kisikohk ē itohtēt.
12ēkwa māka ki pē kiwēwak cērosalamihk anita wacihk ohci ālipēt kā isiyihkātēk, ēwako kisiwāk cērosalamihk kā ayāk, pēyak ayamihēkisikāw pimipiciwin iyikohk. 13#mātyo 10:2-4; mārk 3:16-19; lok 6:14-16ispi māka piyitokēcik, ki iskwātawiwak ispimihk wāskāhikanihk, ita anima ē ayācik, pitar mina cān mina cēmis mina āntaro, pilip mina tāmas, pārtālamo mina mātyo, cēmis okosisa ālpiyas, mina sāiman silāt kā itiht, mina cotas okosisa cēmis. 14kahkiyaw oki ki māmawi ākamēyimoat ē ayamihācik, asici anihi iskwēwa mina mēri okāwiya cisas, mina ociwāma.
15ēkospi māka ē kakisikāk pitar ki nipawiw mēkwā ayihk ita ē ayācik kociwāmitocik ēkosi ki itwēw (mihcēt ayisiyiniwak māka ki māwaciitowak, nāntaw mitātahtomitanaw nisitanaw ayiwāk), 16niciwāmitik, ki itastēw kita tipipayik kihci masinahikēwin, kā kanātisit ahcāhk kayās kā ki itwēt otoniyihk ohci tēpita, kā ki itāt cotasa, kā kiskinotaāt anihi kā ki otināyit cisasa. 17cikēmā ki asitakicikāso kiyānaw, mina ki miyāw pahki oma atoskēwin. 18#mātyo 27:3-8(awa māka nāpēw ki ātāwēw kistikāniyiw ē otisit o maciitiwin; ēkosi ē acici pahkisihk, āpitaw ki poskopayiw ēkosi otatāmiyawa ki kwayakopayiyiwa. 19ki kiskēyitamwak māka kahkiyaw kā ayācik cērosalamihk; ēkosi wiyawāw o pikiskwēwiniwāhk ēwako kistikān ākēltima ki isiyihkātēw, ēwakwānima, mihkowi kistikān.) 20#nikamona 69:25; nikamona 109:8cikēmā itasinahikātēw nikamo māsinaikanihk,
kiyām ot itāwin kita pisisikwastēyiw, mina ēkāwiya ayisiyiniw ēkota kita wikiw: mina, ot itapiwin kiyām kotaka kita otinamiyiwa.
21 #
mātyo 3:16; mārk 1:9; lok 3:21;
mārk 16:19; lok 24:51 aniki nāpēwak māka ohci kā ki wicēwikoyakok tahkinē mēkwāc kā tipēyihcikēt cisas ē papitokēt mina ē wawayawi wicēwikoyahk, 22o pāptāisiwihiwēwin cān ohci, piyis anima ē kisikāk kā ki nakatikoyahk ispimihk ē isi otiniht, piko kita otiniht pēyak ēkota ohci kita ki ātotahk wista ot āpisisinowiniyiw. 23niso māka ki nikānayēwak, cosip pārsāpas kā itiht, castas kā isi aspiyikāsot, mina mātāyas. 24ki ayamihāwak māka, ēkosi ki itwēwak, kiya, tēpēyihcikēyan, kā kiskēyitamwat otēiwāwa kahkiyaw ayisiyiniwak, wāpahtahiwē oki kā isi nisicik tānāna kāh nawasonat, 25kita otinahk itapiwin oma atoskēwinihk mina apastiliwiwinihk, ita ohci cotas kā ki pahkisihk, kita itohtē wiya ot itāwinihk. 26ēkwa māka ki wēpinikēwak; poti māka mātāyas ki otināw; ēkosi ki asitakimāw anihi mitātat pēyakosāp apāstila.
Currently Selected:
isihcikēwiniwāwa 1: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
