isihcikēwiniwāwa 3
3
1pitar māka mina cān ki itohtēwak kihci ayamihēwikamikohk ita māna ē ayamihāhk, ēwako kēkāt mitātaht tipaikan. 2pēyak māka nāpēw ēkā ē ki pimohtēt ē nihtāwikihikot okāwiya ohci, ki pimotaāw, kā pimisimācik māna tahto kisikāw ē iskwātēmiwahk kihci ayāmiēwikamik anima katawasisin kā isiyihkātēk, kita natotamawāt mēkiwina anihi kihci ayamihēwikamikohk kā pihtokēyit; 3ēwako awa ē wāpamāt pitara mina cāna ē wi ati pihtokēyit kihci ayamihēwikamikohk ki natotamawēw mēkiwin. 4pitar māka, sohki ē kitāpamāt, asici cān, ki itwēw, kanawāpaminān. 5ēkosi ki āsikāpamēw, kēkway ni ka miyikwak ē itēyitahk. 6māka pitar ki itwēw, wāpiski soniyāw mina osāwi soniyāw nama kēkway nit ayāwāw; māka ē isi ayāyān ēwako ki miyitin. o wiyowinihk cisas Christ nāsarētihk kā ohcit, pimohtē. 7ēkosi ki sakicihcēnēw o kihciniskiyihk, mina ki opinēw: ēkosi sēmāk o sita mina wakwanikana ki maskawisimakaniyiwa. 8ē pasikosipatāt māka ki nipawiw, mina ki māci pimohtēw; ēkosi ki ati wicēwēw ē ati pihtokēcik kihci ayamihēwikamikohk, ē pimohtēt, ē kwāskwāskotit, mina ē mamicimāt kisēmanitowa. 9kahkiyaw māka ayisiyiniwa ki wāpamik ē pimohtēt mina ē mamicimāt kisēmanitowa: 10ēkosi ki nisitawinawēwak, ēwakwani kā ki apiyit mēkiwina ohci kā katawasisiniyik iskwātēm kihci ayamihēwikamikohk: ēkosi ki māmaskātamwak tānisi wiya oma ē itēyitahkik anima kā ki ispayiikoyit.
11mēkwāc māka ēkā ē pakitināt pitara mina cāna, kahkiyaw ayisiyiniwak ki māmawi ispatāwak ita ē ayāyit anita o pitawiskwātēmihk sāloman kā isiyihkātēk, mistahi ē māmaskātakik. 12ispi māka pitar wiyāpahtahk, ki naskwēwasimēw ayisiyiniwa, kiyawāw isrēil ayisiyinitik, tānēki kā māmaskātāyēk awa nāpēw? ahpo tānēki soki kā kitāpamiyāhk, tāpiskoc niyanān ni maskawisiwininān ahpo ni manitowātisiwininān ē ki miyāyāhk kita pimohtēt? 13#ēksatas 3:15o kisēmanitoma ēprēām, mina aisak, mina cēkap, o kisēmanitomiwāwa kotawinawak, ki kistēyitākoēw ot atoskēyākana cisas; kā ki pakitināyēk mina kā ki ānwētawāyēk ē otiskawiskawāyēk pailat, wiya āta ē ki itēyitahk kita pakitināt. 14#mātyo 27:15-23; mārk 15:6-14; lok 23:13-23; cān 19:12-15māka kiyawā ki ki ānwētawāwāw kā kanātisit mina kā kwayaskitātisit, ēkosi ki ki natotēnāwāw onipatākēw kita pakitinamākawiyēk, 15mina ki ki nipahāwāw kā tipēyitahk pimātisiwin; anihi kisēmanito nipowinihk kā ki ohci waniskānāt; ēwako niyanān kā ātotamāhk. 16ēkosi tāpwēyēyitamowin ohci o wiyowinihk, o wiyowin ki maskawisihik awa nāpēw, kā wāpamāyēk mina kā kiskēyimāyēk: ēhē, ēwakwāna ē tāpwēyēyimiht ēwakwēyiw kā miyikot oma mitoni kahkisiwin kā isi wāpamāyēk kahkiyaw ē ayāt. 17ēkwa māka, niciwāmitik, ni kiskēyitēn ēkā ē okiskēyitamowiniyēk kā ki ohci itotamēk, ēkosi tāpiskoc mina koyasowēwiyinimiwāwak. 18māka anihi kisēmanito kā ki kisāci wāpahtahiwēt otoniyihk ohci kahkiyaw okiskiwēhikēwa, o Christima kita isi kotakitāyit, ēkosi ki isi tipipayitāw.
19kwēskipimātisik māka, mina kwēskik, ki macitiwiniwāwa kita kāsinikātēki, ēkosi isi kita otihcipayik nisokamākēwin ita ohci kā kitāpakēt kā tipēyihcikēt; 20ēkosi kita isitisawāt anihi Christa kā ki oyakitamākawiyēk, cisas oti: 21ēwako kihci kisikohk piko kita otiniht isko otihcipayiki kita tipipayiki kahkiyaw kēkwaya, anihi kisēmanito kā ki tasitahk otoniyihk ohci kā kanātisiyit okiskiwēhikēma kā ki ayāyit aspin kā pē askiwahk. 22#tiyotaranami 18:15,18mosis tāpwē itwēw, okiskiwēhikēwa kā tipēyihcikēt ki kisēmanitomiwāw ki ka waniskānamākowāw kiciwāmiwāwak ohci, tāpiskoc niya; ēwako ki ka natotawāwāw kahkiyaw kēkway piko kēkway kē itikowēkwē. 23#tiyotaranami 18:19kita ihkin māka, kahkiyaw ahcāhk, ēkā kē natotawākwē ēwakwani okiskiwēhikēwa, mitoni kita nisiwanāciāw ayisiyinināhk ohci. 24ēhē mina kahkiyaw okiskiwēhikēwak sāmyoil ohci mina aniki nāway kā ki ayācik, tahto kā ki pikiskwēcik, wistawāw ki wihtamwak ohi kisikāwa. 25#cēnisis 22:18kiyawāw okosisiwāwa okiskiwēhikēwak, mina anima asotamākēwin kisēmanito kā ki wiciisicikēmāt kotāwiwāwa, ē itāt ēprēāma, kiya kit awāsimisak ohci kita sawēyitākosiwak kahkiyaw ē itahtoskānēsicik askihk. 26kiyawāw māka nikān kisēmanito, ē ki waniskānāt ot atoskēyākana, ki isitisawēw kita sawēyimikoyēk, ē kwēskinikoyēk kahkiyaw kā itasiyēk ki maciitiwiniwāhk ohci.
Currently Selected:
isihcikēwiniwāwa 3: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
