isihcikēwiniwāwa 8
8
1sāl māka ki naskomo ē nipaimiht.
ki pasikomakan māka ēwakwānima ē kisikāk ē kihci kotakihihcik otayamihāwak cērosalamihk kā ayācik; ēkosi māka kahkiyaw ki siswēyāmokātāwak misiwē cotiyaihk mina samēriyaihk, piko apāstilak namawiya. 2ē ayamihāwātisicik māka ayisiyiniwak ki nahinēwak istipina, mina mistahi ki mawikātēwak. 3#isihcikēwiniwāwa 22:4,5; 26:9-11māka sāl ki kitimaēw otayamihāwa, ē pihtokēt kahkiyaw wāskāhikana, ē otitināt nāpēwa mina iskwēwa kipahotowikamikohk ē isiwēpināt.
4aniki māka kā siswēyāmokāticik ki papā wihtamākēwa itwēwin. 5pilip māka ki itohtēw otēnāhk, samēriyaihk, ēkosi ki wawitamawēw ēkota Christa ē ācimāt. 6ē māmawēyaticik māka ayisiyiniwak ki pēyakotāwak ē isi natohtahkik anihi kā wihtamākēyit pilipa, ispi piyēhtahkik, mina ē wāpahtahkik kiskinawāci wāpahtahiwēwina kā itotamiyit. 7cikēmā mihcēt aniki kā ayāwācik ēkā ē pēkisiyit ahcāhkwa, ki nakatikwak ē tēpwēyit ē kisiwēyit: mina mihcēt kā nanamāspinēcik, mina ēkā kā ki pimohtēcik ki iyinikaāwak. 8mistahi māka miyawātamowin ki ayāw ēwakwānima otēnāhk.
9māka ki itāw pēyak nāpēw, sāiman ē isiyihkāsot, kayatē ēkota otēnāhk ē ki āpacihtāt mitēwiwin, ēkosi ē ki māmaskātēyitamiāt ayisiyiniwa samēriyaihk, ē kihcāyiit ē itwāsot: 10ēwakwani kahkiyaw ki natotawēwak, kā apistēyitākosit mina kā kistēyitākosit, ē itwēcik, awa nāpēw ēwakwānima o maskawisiwin kisēmanito kihcāyiwan kā isiyihkātik. 11ēkosi ki natotawēwak cikēmā kinwēs ki māmaskātēyitamiikwak o mitēwiwiniyiw ohci. 12māka ispi tiyāpwētawācik pilipa ē wihtamiyit miywācimowin ot otēnawiwin ohci kisēmanito mina o wiyowiniyiw cisas Christ, ki pāptāisiwiāwak nāpēwak mina iskwēwak. 13sāiman māka wista ki tāpwētam: ēkosi ē ki pāptaisiwihiht, ki wicēwēw pilipa; ē wāpahtamwāt māka kiskinawāci wāpahtahiwēwina mina kihci mamātāwi isihcikēwina kā itotamiyit, ki māmaskātam.
14ispi māka apastilak cērosalamihk kā ayācik piyēhtahkik samēriyaihk ē ki otinamiyit kisēmanito ot ayamiwin, ki isitisahamawēwak pitara mina cāna: 15ēwakonik, ispi tēkosikik, ki ayamihēstamawēwak, kita ki miyikowisiyit kā kanātisiyit ahcāhkwa: 16cikēmā namēskwa awiyak ēkota otihtik: piko ki pāptāisiwiāwak o wiyowiniyihk kā tipēyihcikēyit cisasa. 17ēkwa māka ki sasāminēwat, ēkosi ki miyikowisiwak kā kanātisiyit ahcāhkwa. 18ispi māka sāiman wiyāpahtahk ē sāminiwēyit apāstila ēkota ohci kā kanātisiyit ahcāhkwa ē miyikowisiwiht, ki asotamawēw soniyāwa, 19ē itwēt, miyik nista oma kaskihēwisiwin, awiyak sasāminaki, kita miyikowisit kā kanātisiyit ahcāhkwa. 20māka pitar ki itēw, ki soniyām ki ka wi kiki nisiwanātisin cikēmā ē ki itēyitaman o mēkiwin kisēmanito kita ki atāwēhk soniyāw ohci. 21namawāc kēkway ki wiciiwān ahpo kit asitakihcikāson oma isihcikēwin: cikēmā namawiya kwayaskwan kitēh ē isi wāpahtahk kisēmanito. 22mihtāta māka oma ki maciitiwin, mina ayamihēstaw kā tipēyihcikēt, māskoc mitonēyicikana kitēihk kita ponēyitamākawiyan. 23cikēmā ni wāpatēn ē wisaki macāyiwiyan mina ē mamācikwapitikoyan maciitiwin. 24sāiman māka ki naskwēwasimēw, omisi ē ki itwēt, ayamihēstaw kā tipēyihcikēt niya ohci, ēkā kēkway anihi kā ki itwēyan kita otihtikoyān.
25wiyawāw māka, ispi kā ātotakik mina kā wihtahkik kā tipēyihcikēt ot ayamiwin, ki kiwēwak cērosalamihk, mina ki ati wihtamawēwak miywācimowin mihcēt o kistapināniyihk samāritāna.
26māka o kisikoma kā tipēyihcikēt ki kitotik pilip, ē itikot, pasiko, itohtē māka wāpanotāhk anita mēskanāhk cērosalamihk kā ohtamok kēsaihk isi: anima kā pikwataskiwahk. 27ēkosi ki pasiko mina ki sipwētēw: poti māka, ayisiyiniw itiyāpiya ohci, yonak towikān nāspic ē kistakimikot kāntēsi, o kihci okimāskwēmiwāwa itiyāpiyānak, anihi kā kanawēyitamākot kahkiyaw o wēyotisiwina, ē ki pē itohtēt cērosalamihk kita ayamihāt; 28pimi kiwēw ē apit māka o tihtipitāpānāskohk ēkosi ē ayamitāt aysāya o kiskiwēhikēwin.
29ēkosi ahcāhkwa ki itik pilip, kisiwāk itohtē, ati wicēw awa tihtipitāpānāsk. 30pilip māka ki moskistawēw, ēkosi pētawēw ē ayamitāyit aysāyawa o kiskiwēhikēwin, ki itēw māka, ki nisitotēn ci kā ayamitāyan? 31ki itwēw māka, tānisi kē ki isi nisitohtamān, kispin ēkā awiyak kiskinohamāwici? ki natawēyimēw māka pilipa kita pē witapimikot. 32#aysāya 53:7,8ita māka kā ayamitāt kihci masinahikanihk ēwakwēyiw oma,
ki itotaāw tāpiskoc māyatihk ē wi nipaiht; mina tāpiskoc māyatihkosis ēkā kā nitāwēt ē otiskāwikāpawistawāt anihi kā paskosokot, ēkosi isi namawiya pāskitonēyiw:
33o tapatēyitākosiwinihk oyasowātikowin ki otinamwān: awēna māka kē ki wihtamwāt ē ayāniskē pimātisiyit? cikēmā o pimātisiwin ki otinamwān askihk ohci.
34ana yonak māka ki naskwēwasimēw pilipa mina ki itēw, ki pakosēyimitin, awēnihi oma okiskiwēhikēw kā itāt? wiya ci, ahpo ci kotaka awiya?
35ēkwa māka pilip ē pikiskwēt, oma kihci masinahikēwin ē māci otinahk, ki wihtamawēw cisasa ohci. 36ē ati pimipayicik māka ki otitamwak nipi; ēkosi ana yonak ki itwēw, cist, oma ita nipi; kēkway wētamiikoyān kita pāptāisiwiikawiyān? 37pilip māka ki itēw, kispin tiyāpwētamowani misiwē kitēihk, ki ka pāptāisiwiikawin. ki naskwēwasimik māka omisi ē ki itikot, ni tāpwētēn cisas Christ ēwako kisēmanito okosisa. 38ki itasowēw māka kita kipicipayiyit titipitāpānāskwa: tāpiskoc māka ki pakopēwak, pilip mina ana yonak; ēkosi ki pāptāisiwiēw. 39ispi māka nipihk kā pē ohci kapācik, ot ahcāhkwa kā tipēyihcikēyit ki otinik pilip, ēkosi ana yonak namawiya mina wāpamēw, ki ati sipwētēw māka ē miyawātahk. 40māka pilip ki miskawāw asotasihk: ēkosi ē ati sāpo pimohtēt ki wāwitamawēw miywācimowin kahkiyaw otēnāhk, piyis sisariyaihk ē takosihk.
Currently Selected:
isihcikēwiniwāwa 8: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
