sēnt cān 4

1ispi māka kā tipēyihcikēt kēskēyitahk sāsay ē ki pētamiyit parasiwa nawac mihcēt cisas ē osiāt mina ē paptaisiwiāt, kiskinohamawākana ispic can, 2(ātawiya cisas namawiya kēhciwāk wiya paptaisiwiiwēw, piko o kiskinohamawākana,) 3ki nakatam cotia, ē ki sipwētēt māka ē itohtēt kalalihk. 4piko māka kita ati sāposkahk samēria.

5 # cēnisis 33:19; cāsyoa 24:32 ki takosin māka samēria otēnahk, saikar kā isiyihkātēk, ciki ēkota ē ayāk aski cēkap kā ki miyat okosisa cosipa. 6ēkota māka ki ihtakwaniyiw cēkap o monahipān. cisas māka ē ayēskosit ē ki pimohtēt, ki nahapiw monahipānihk; nānitaw nikotwasik ki ispayiw tipahipisimwān.

7ki pē takosin māka samēria iskwēw ē pē nātahk nipi, cisas māka ki itēw, minahin. 8(cikēmā o kiskinohamawākana wiya ki itohtēyiwa otēnāhk ē natawi atawēyit kita micicik.)

9 # ēsra 4:1-5; nihimāya 4:1,2 omisi māka itik samēria iskwēwa, tānēki kiya ē cowiyan, kā natotamawiyan kita minahitān, niya ē samēria iskwēwiyān? cikēmā cowak namawiya ototēmimēwak samēritana. 10cisas ki naskwēwasimēw omisi ē ki itāt, kispin ki kiskēyitamwat kisēmanito o mēkiwin, mina ana kā itisk, minahin; ki kā ki natotamawā, ēkosi ki kā ki miyiko pimātisiwini nipi. 11iskwēw māka omisi itēw, okimāw, nama kēkway kit ayān kita kwāpaikākēyan, mina yāwinākwan nipi monaipānihk: tanitē māka kiya wētinaman anima pimātisiwini nipi? 12awasimē ci ki kistēyitākosin ispic notawinān cēkāp, kā ki miyikoyāhk oma monahipān, ita kā ki ohci minikwēt, mina ot awasimisa, mina ot awakāna? 13cisas ki naskwēwasimēw omisi ē ki itāt, awiyak kē minikwēkwē oma nipi kēyāpic kita notēyāpakwēw. 14awiyak māka kē minikwēkwē nipi kē miyak namawikāc kita notēyāpakwēw; māka anima nipi kē miyak kita isi kikiskāk monahipān ē moskicowahk kakikē pimātisiwinihk isi. 15iskwēw māka omisi itēw, okimāw, miyin oma nipi, ēkā kita notēyāpākwēyān, mina ēkā kita pē nātamān nipi ota. 16cisas māka omisi itēw, niyā, natawi natom ki nāpēm, pē itotēkan māka ota. 17iskwēw māka ki naskwēwasimēw omisi ē ki itāt, namawiya no nāpēmin. cisas māka omisi ki itēw, kwayask kit itwān kā itwēyan, namawiya no napēmin: 18cikēmā ki niyānaniwak ki nāpēmak; ana māka anohc kā wicēwat namayēw ki napēm; ēkwani ē tāpwēyan kā itwēyan. 19iskwēw māka omisi itēw, okimāw, ni nisitawinēn ē kiskiwēhikēwiyiniwēyan. 20notawinanak ki tasi ayamiawak ota wacihk; kiyawāw māka kit itwānāwāw, cērosalamihk ēkota o ka ayamihātāwāw ayisiyiniwak.

21cisas māka omisi ki itēw, iskwēw, tāpwētawin, pāpayiw tipahipisimwān, ēkospi namawiya ota wacihk namawiya mina cērosalamihk, ki ka ayamihēstawawāw wēyotāwihk. 22kiyawāw kit ayamiēstināwāw anima ēkā kā kiskēyitamēk: niyanān wiya ni kiskēyitēnān kā ayamihēstamāhk; cikēmā pimaciiwēwin cowināhk ohcipayiw. 23māka pāpayiw iyikohk sāsay isa piko; ispi aniki kwayask kā ayamiacik kē ayamihēstawācik wēyotāwihk ahcāhkohk mina tāpwēwinihk: cikēmā ēkotowa kā natawēyimāt wēyotāwihk kita ayamiēstākot. 24ahcāhkowiw kisēmanito; aniki māka kā ayamihēstawācik piko kita ayamihēstawacik ahcāhkohk mina tāpwēwinihk. 25iskwēw māka omisi itēw, nikiskēyitēn mēsayas kita takosihk, Christ kā isiyihkāsot; ispi māka takosiki ki kā wihtamakonaw kahkiyaw kēkway. 26cisas māka omisi itēw, niya kā ayamiitān ēwako.

27ēkota māka oma takosiniyiwa o kiskinohamawākana, ki māmaskātamiyiwa māka ē wici pikiskwēmāyit iskwēwa; māka nama awiyak itēw, kēkway nētonaman? ahpo, tānēki kā wici pikiskwēmat awa? 28ki nakatam māka ana iskwēw o kwāpikākan, ē ki itohtēt otēnāhk, ēkosi ē itāt ayisiyiniwa, 29āstamitik, pē wāpamihk ayisiyiniw, kā wihtamawit kahkiyaw kēkway kā ki pē ayisicikēyān; nama ci ēwako awa Christ? 30ēkosi māka ki pē wayawiwak otēnāhk ohci, ē pē natawāpamācik.

31ēkosi ispici o kiskinohamawākana ki tasimik, ē itikot, rāpay, miciso. 32māka omisi ki itēw, nit ayān miciwin kita miciyān ēkā kiyawāw kā kiskēyitamēk. 33ēwako māka ohci ki ayititowak kiskinohamawākanak, awiya ci kēkway ki pētamāk kita micit. 34cisas māka omisi itēw, ēwako niya ni miciwin kita itotamān ot itēyitamowin kā ki pē isitisahot, mina kita kisitawak ot atoskēwin. 35nama ci kit itwānāwāw, kēyāpic nēo pisim, ēkwa māka kē manisikēhk? cist, kit itināwāw, ispākē itāpik, kanawāpahtamok kistikāna; sāsay wapaskosiwastēwa kita manisikēhk. 36ana māka kā manisikēt otisiw tipaamakowin, mina māwacitaw minisiwiwin kākikē pimātisiwinihk; māmawi māka ana kēstikēt mina ana kā manisikēt kita miyawātakik. 37ēwako oma tiyapwēmakahk itwēwin, pēyak kistikēw, mina kotak manisikēw. 38ki ki isitisahotināwāw kita natawi manisikēyēk ita ēkā kiyawāw ē ohci atoskēyēk; kotakak ayisiyiniwak ki atoskēwak, ki pitokānāwāw māka ot atoskēwiniwāhk.

39mihcēt māka samēritana otēnāhk ki tāpwēyēyimik ē ki ācimikot iskwēwa, omisi ē ki itācimoyit, ni ki wihtamāk kahkiyaw kā ki pē ayisicikēyān. 40ispi māka samēritana kā pē otihtikot, ki kākisimototāk kita wiciayāmāt; ēkota māka ki ayāw niso kisikāwa. 41mihcēt māka awasimē ki tāpwēyēyimik wiya ot itwēwin ohci; 42ēkosi ki itēwak anihi iskwēwa, ēkwa ni tāpwētēnan, māka namawiya kiya kit itwēwin ohci; cikēmā niyanān tipiyaw ni pētawanan, ēkosi māka ni kiskēyitēnan tāpwē ēwako Christ opimācihiwēw askihk.

43kā poni niso kisikāk makā ki sipwētēw ēkota ohci, ē ki itohtēt kālalihk. 44#mātyo 13:57; mārk 6:4; lok 4:24cikēmā wiya tipiyaw cisas ki itwēw, ēkā ē ayāt kistēyitākosiwin tipiyaw ot askihk. 45#cān 2:23ēkosi māka ispi kā takosihk kālalihk, kālaliwiyiniwak ki otinēwak, ē ki wāpahtahkik kahkiyaw kēkway kā ki ayitotamiyit cērosalamihk mēkwā wihkohtowinihk; cikēmā wistawāw ki itohtēwak wihkohtowinihk.

46 # cān 2:1-11 cisas māka mina ki pē itohtēw kēnaihk kalalihk, ita kā ki somināpokēt nipiyiw. ēkosi ki ayāw ēkimaw, okosisa ē akosiyit kēparnēamihk. 47ispi māka kā pēhtahk ē ki pē takosiniyit cisasa kalalihk cotiaihk ē ki pē ototēyit, ki natēw, ki natawi kakisimototawēw kita pē itohtēyit, kita iyinikahāyit okosisa; cikēmā sāsay kēkat ē nipiyit. 48ēkosi māka cisas ki itēw, kispin ēkā wāpahtamēko kiskinawaci isihcikēwina mina kā mamaskatēyitākwaki, namawiya ki kā tāpwētēnāwāw. 49ana māka okimāw omisi itēw, okimāw, pē itohtē mwayēs nipit nit awasimis. 50cisas māka omisi itēw, niya kiwē; pimātisiw kikosis. ana māka ayisiyiniw ki tāpwētam itwēwin kā ki itikot cisasa, ki sipwētēw māka. 51mēkwāc māka ē ati kiwēt, ki nakiskāk ot atoskēyākana, mina ki wihtamāk, omisi ē itikot, pimātisiw kikosis. 52ki kakwēcimēw māka ē ispayit mwēhci tipahipisimwān ispi nawac kā ati miyo ayayit. omisi māka ki itēwak, otākosihk tēpakop ē ispayit tipaipisimwān ēkospi kā nakatikot kisisowin. 53ēkosi māka ki kiskēyitam ana otāwimāw mwēhci ēwako tipaikan cisasa kā ki itikot, pimātisiw kikosis; wiya māka, mina kahkiyaw wikihk kā ayāyit ki tāpwētamwak. 54ēwako oma niswāw ē ki mamatawi isihcikēt cisas, ē pē ototēt cotiaihk ē takosihk māka kalalihk.

Currently Selected:

sēnt cān 4: KKMR

Highlight

Copy