sēnt lok 17

1ēkosi ki itēw o kiskinohamawākana, namawiya kita ki ikihk ēkā kita ayaki pisokēsinowina: māka kakwātakisiw ana, kā ohci ayāki. 2nawac kita ki miywāsiniyipan pinipocikanasiniya ki sakapitimiht okwayāhk, ēkosi kihcikamihk ki isi pakastawēwēpiniht, ispic kita pisokēsinoāt pēyāk ohi kā apistēyitākosiyit. 3#mātyo 18:15ayākwāmisik māka; kispin kiciwām nayētāwitotāski, kitahamaw: kispin mihtātāki, ponēyitamaw. 4mina kispin nayētāwitotāski tēpakop tahtwāw pēyakwāw ē kisikāk, ēkosi tēpakop tahtwāw kwēskistāski, ē itwēt, ni mihtātēn; ki ka ponēyitamawāw.

5ēkosi apastilak ki itēwak kā tipēyihcikēyit, yakitā ni tāpwēwakēyitamowininān, 6kā tipēyihcikēt māka ki itwēw, kispin ayāyēk tāpwēwakēyitamowin tāpiskoc pēyakomin aspacikani kistikānis, ki ka itāwāw awa sikamaynātik pakwacicēpikipayi, ēkosi natawi itaskiso kihcikamihk; ki ka nanaitākowāw. 7māka awēna kiyawāw, ē ayāwāt atoskēyākana ē pikopicikēyit, ahpo ē asamāyit māyatihkwa, kē itāt pē kiwēyici kistikānihk ohci, astam sēmāk pē naipi kita micisoyan; 8māka ēkā yāyaw kita itāt, wawēyitā kē miciyān, ēkosi māka pakwatēho, mina pamihin, iyikohk ki micisoyāni mina ki minikwēyāni; ēkwa pātos ki ka micison mina ki ka minikwān? 9nanāskomēw ci anihi atoskēyākana cikēmā ē itotamiyit anihi kā ki isi sikimat? 10ēkosi mwēhci mina kistawāw, ispi ki itotamēko kahkiyaw anihi kā isi sikimikawiyēk, itwēk, niyanān atoskēyākanak ēkā kā āpatēyitākosicik; ni ki totēnan piko anima kā itastēk kita totamāhk.

11ki ayikin māka, cērosalamihk ē ati itohtēt, ki pimi sāpotiw samēriaihk mina kālalihk. 12ēkosi pēyak kistapiwinihk ē ati pihtokēt, ki nakiskāk mitātat nāpēwa ē macāspinēyit wayaw ē nipawiyit, 13ki tēpwēwak māka, ē itwēcik, cisas, okiskinohamākēw, kitimākinawinān, 14#lipitikas 14:1-32ispi māka wiyāpamāt, ki itēw, niyak ki ka wapamikowawak ayamihēwiyiniwak. ēkosi ki ispayiw, ē ati itohtēcik, ki pēkiāwak. 15pēyak māka, ispi wiyāpahtahk ē ki iyinikaiht, ki pē kiwēw, ē kisiwēt ē mamicimāt kisēmanitowa; 16ositiyihk māka ē pahkisihk, ki nanāskomēw: ki samāritaniwiw māka. 17ēkosi cisas ē naskwēwasimāt ki itēw, nama ci mitātat ki pēkiāwak? taniwēkā māka aniki kēkāt mitātat? 18namawiya ci ki miskawāwak kita pē kiwēcik kita mamicimacik kisēmanitowa, piko awa mānitēw? 19ēkosi māka ki itēw, pasiko, mina sipwēhtē, ki tāpwēwakēyitamowin ki ki iyinikaikon.

20ispi māka ē kakwēcimikot parasiwa; tanispi kē takosinomakaniyik ot otēnawiwiniyiw kisēmanitowa, ki naskwēwasimēw mina ē ki itāt, ot otēnawiwin kisēmanito namawiya kita takosinomakaniyiw ē kikāyāpatamihk. 21mina māka namawiya kita itwēwak, wāpahtamok ota, awēka, wāpahtamok nētē? cikēmā cist, ot ototēnawiwin kisēmanito ki kikiskākonāwāw. 22ēkosi ki itēw o kiskinohamawākana, anihi kisikāwa kita otihcipayiwa, ispi kē akāwātamēk kita wāpahtamēk pēyak o kisikāma iyiniwikosisān, ēkosi ēkā kita wāpahtamēk. 23ki ka itikowāwak māka, wāpahtamok, nētē? wāpahtamok, ota? ēkāwiya sipwētēk ahpo pimitisaokok; 24cikēmā tāpiskoc kā wasaskotēpayik, pēyakoyak ohci sipā kisikohk ēkosi kā otitāstēpayik kwēski itēkē, sipa kisikohk ēkosi mwēhci kē isi ayāk iyiniwikosisān o kisikāmihk. 25māka nikān micētwayak kita isi kakwātakitāw mina kita ātawēyimik ohi ayisiyiniwa.

26 # cēnisis 6:5-8 mwēhci māka kā ki ikihk ē o kisikāmit noa, ēkosi mwēhci kē ikihk o kisikamihk iyiniwikosisān. 27#cēnisis 7:6-24ki micisowak, mina ki minikwēwak, ki wiwiwak, ki mēkiskwēwāniwan, iyikohk anima kisikāw noa kā posit kihci nāpikwānihk, ēkosi ē yiskipēpayik, kahkiyaw māka ē ki nisiwanāciikocik. 28#cēnisis 18:20—19:25mina māka mwēhci kā ki ikihk ē mēkwa o kisikamit lāt; ki micisowak, ki minikwēwak, ki atawēwak, ki atawākēwak, ki kistikēwak, ki wāskāhikanikēwak; 29māka anima kisikāw lāt kā ki wayawit sātamihk ohci ki pahkihtin iskotēw mina iskotēsikan kisikohk ohci, kahkiyaw māka ē ki nisiwanāciikocik; 30ēkosi māka oma mwēhci kē ikiniyik anima kisikāw ispi iyiniwikosisān, nokosici.

31 # mātyo 24:17,18; mārk 13:15,16 ēwakwanima kisikāki, ana kā ayāt takohc wāskāhikanihk, ēkosi ot ayāwina pihci wikihk ē ayayiki, ēkāwiya pita kita nisātawiw kita sipwētatāt, mina māka ana kistikānihk kā ayāt wista ēkāwiya kita pē kiwēw. 32#cēnisis 19:26kanokiskisik lāt wiwa. 33#mātyo 10:39; 16:25; mārk 8:35; lok 9:24; cān 12:25awiyak kē wi kakwē pimācitākwē o pimātisiwin kita wanitāw; māka ana kē wanitakwē o pimātisiwin kita pimācitaw. 34ki wihtamātināwāw, ēwakwanima ē tipiskāk kita nisiwak nāpēwak pēyak nipēwinihk; pēyak kita otināw, ēkosi kotak kita nakatāw. 35niso iskwēwak kita niso pinipocikēwak; pēyak kita otināw, ēkosi kotak kita nakatāw. 36niso nāpēwak kistikānihk kita ayāwak, pēyak kita otinaw kotak māka kita nakatāw. 37ki naskwēwasimēwak māka ē ki itācik, tanitē, tēpēyihcikēyan? ēkosi ki itēw, ita ē astēyik miyaw, ēkota mikisiwak kē māwaciitocik.

Currently Selected:

sēnt lok 17: KKMR

Highlight

Copy