sēnt lok 5

1 # mātyo 13:1,2; mārk 3:9,10; 4:1 ēkwa māka ki ati ispayiw, mēkwāc kā osamēyatiyit ayisiyiniwa ē sitiskākot kita pētamiyit ot ayamiwiniyiw kisēmanitowa, cikipēk sākahikanihk kinēsarit ki nipawiw; 2ēkosi ki wāpahtam niso cimāna sākahikanihk ē ayāyiki; māka wiya opakitawāwa ē ki kapāyit, ēkosi ē kisipēkināyit ot ayapiyiwa. 3ēkosi ki posiw pēyak cimānihk, saiman ē o cimānit, mina ē ki kakwēcimāt nawac tāwic kita akotitayit. ēkosi ki nahapiw ē ki kiskinohamawāt kā osamēyatiyit ayisiyiniwa cimānihk ohci. 4ēkosi ispi ē ki poni pikiskwēt, ki itēw saimana, timihk isi nimitāwaa, mina pakastawēokok kit ayapiwāwak kita noci kinosēwēyēk. 5#cān 21:3sēimon ē naskwēwasimikot ki itik, kēskinohamākēyan, kapē tipisk ni ki atoskānān, ēkosi nama kēkway ni ki otinēnan; ēyiwēhk māka cikēmā ē itwēyan ni ka pakastawēwāwak ayapiyak. 6#cān 21:6ispi māka oma kā itotahkik, misakamik kinosēwa ki otawāyiwa; ot ayapiwāwa māka ki wi pikopayiyiwa; 7ēkosi ki wāstinamawēwak o wicēwākaniwāwa kotaka cimānihk kā ayāyit, kita pē wiciikocik. ēkosi ki pē itohtēyiwa mina ē ki moskinatācik ēsi nisiniyiki cimāna, piyis ē wi ati kosapēki. 8saiman pitar māka, ispi wiyāpahtahk, ki ocihcihkwanapistawēw cisasa, ē itwēt, nakasin; cikēmā ni macātisin, o kā tipēyihcikēyan. 9wiya nāspic ē ki māmaskatahk, asici kahkiyaw kā wicēwikot, iyikohk misakamik ē ki otawāyit kinosēwa; 10ēkosi wistawāw cēmis mina cān, okosisa sēpiti kā ki owicēwākanicik saimana. cisas māka omisi ki itēw saimana, ēkāwiya sēkisi; anohc ohci ki ka kācici awak ayisiyiniwak. 11ispi māka kā nātakamēotācik o cimāniwāwa, kahkiyaw kēkway ki nakatamwak; ēkosi ē ki pimitisawācik.

12ēkosi ki ayikin, mēkwāc ē ayāt pēyak otēnāhk, cist, pēyak ayisiyiniw ē sākaskinēskākot macāspinēwin: ispi ē wāpamāt cisasa, okwākanihk ki isi pahkisin askihk, mina ē ki kākisimototawāt, ē itwēt tēpēyihcikēyan, kispin itēyitamani, ki kā ki pēkihin. 13ēkosi ki sowiniskēyiw, ē ki samināt, ē itwēt, nit itēyitēn; pēkisi māka. ēkosi sēmāk macāspinēwin ki nakatikoyiwa. 14#lipitikas 14:1-32ēkosi ki ayakwamimēw ēkā awiya kita wihtamawāyit: māka sipwēhtē mina ki kā wapamik ayamihēwiyiniw, mina pakitinikē ki pēkiikowin ohci, mosis kā ki isi sikikēmot, kita ohci kiskēyitamihk. 15māka āci piko awasimē ki papā acimāw: mina ē osamēyaticik ayisiyiniwak ki pē māmawi itohtēwak kita natotakik, mina kita iyinikaicik ot ākosiwiniwāwa ohci.

16māka pikwataskamikahk ki itohtēw, ē ki ayamihāt. 17ki ayikin māka pēyak anihi kisikāwa, ē kakiskinoamakēt, ēkosi ēkota ē ki ayācik parasiwak mina oyasowēwiyiniwak, ē ki pē itohtēcik misiwē ohci tahto otēnasihk kālalihk mina cotiaihk mina cērosalamihk; ēkosi o maskawisiwiniyiw kā tipēyihcikēyit ki wicēwik kita iyinikaiwēt.

18ēkosi mātika, nāpēwak ki pēsiwēwak nipēwinihk nāpēwa ē nipowisiyit: ēkosi ki kākwē pitokaēwak, kita pakitinamawācik. 19ēkosi ēkā ē miskahkik kē isi pitokaācik, osam ē mihcētiwiht, ki itotiwak takohc wāskaikanihk, ēkosi ē ki pakitāpēkinācik sapo apakwānihk kiki o nipēwin mēkwā ayihk ita ē otiskawi ayāyit cisasa. 20ēkosi ispi wiyapatahk o tāpwētamowiniyiw, ki itēw, nāpēw, ki macitiwina ki ponēyitamākawin. 21ēkosi omasinaikēwiyiniwak mina parasiwak ki māci nanākatawēyitamwak, ē itwēcik, awēnāwa kā isi pāstāmot? awēna kē ki ponēyitamākēt maciitiwina kisēmanito piko? 22māka cisas ē kiskēyitahk o nākatawēyicikaniyiwa, ki naskwēwasimēw mina ki itēw, kēkway kā māmitonēyitamēk ki tēiwāhk? 23tanima nawac wiyētahk, kita itwēhk, ki maciitiwina ki ponēyitamakawin; awēka kita itwēhk, waniskā mina pimohtē? 24kita kiskēyitamēk māka iyiniwikosisān ē ayāt maskawisiwin askihk kita ponēyitamākēt maciitiwina (ki itēw anihi kā nipowāspinēyit), kit itin, waniskā, otina ki nipēwin mina kikihk itohtē. 25ēkosi sēmāk ki waniskāw, mina ē ki otinahk anima ita kā ki pimisihk, wikihk māka ē ki isi sipwētēt, ē mamicimāt kisēmanitowa. 26ēkosi kahkiyaw ki mamaskātamwak, mina ē ki mamicimācik kisēmanitowa; ki sākaskinēskākwak māka sēkisiwin, ē itwēcik, ki ki wāpatēnānaw māmaskāci kēkwaya kā kisikāk.

27ēkosi mwēstas iyikohk ki wayawiw, mina ki wāpamēw paplikana lipay, ē isiyihkāsoyit, ē apiyit ita kā tasi otinimit, tipahikēwi soniyāwa ēkosi ki itēw, pimitisahon. 28ēkosi ki nakatam kahkiyaw kēkway, mina ē ki pasikot ē ki pimitisawāt. 29lipay māka ki kihci wikokēw wikihk; mina ēkota ki ayāwak ē osamēyaticik paplikanak mina kotaka kā wicimicisomikot. 30#lok 15:1,2ēkosi pārasiwak asici o masinahikēwiyinimiwawa ki ayotwēwēmēwak o kiskinohamawākaniyiwa, ē itacik, tānēki kā wici micisomayēkwāw mina kā wici minikwēmāyēkwaw paplikanak mina omacātisak? 31ēkosi cisas ē naskwēwasimāt ki itēw, aniki kā miyo ayācik nama wiya natawēyimēwak onanātawiiwēwa: māka aniki kā ākosicik. 32namawiya ni pē natomawak kā kwayaskwātisicik kita kwēskatisicik māka kā macātisicik.

33ēkosi ki itik, o kiskinohamawākana cān mihcētwāw iyiwanisiisowak, mina mawimoscikēwak, ēkosi mwēhci wistawāw pārasiwak o kiskinohamawākaniwāwa; māka wiya kiya micisowak mina minikwēwak. 34ēkosi cisas ki itēw, ki ka ki isiāwak ci kita iyiwanisiisocik aniki kā wicēwācik owikitowa, mēkwāc ē wicēwikocik kihci wikitowiyiniwa? 35māka anihi kisikāwa kita otihcipayiwa; ispi kihci wikitowiyiniwa kē maskamihcik, ēkospi māka anihi kisikāwa kē iyiwanisiisocik.

36ēkosi mina ki tasitamawēw āwēcikan; namawiya awiyak ayisiyiniw pakwēpitam oski kikiskācikan kita akostaahk kāyāsi kikiskācikanihk; kākayē wiya kita yāyikipitam kā oskāyiwahk, ēkosi mina anima oskāyihk kā ohtēnikātēk namawiya kita naiskamomakan anima kayāsāyi. 37mina namawiya awiyak ayisiyiniw astāw oski somināpo kayāsi pakēkinowi asiwacikanihk; ayis oski sominapo kita poskoskamomakan pakēkinwa, ēkosi kita sikipayiw, mina pakēkinwa kita nisiwanātanwa. 38māka oski somināpo piko kita astāhk oski somināpowi pakēkinahk. 39mina namawiya awiyak ē ki minikwēt kā kāyāsāyiwahk somināpo natawēyitam kā oskāyiwaniyik, cikēmā itwēw kā kayāsāyiwahk nawac miwāsin.

Currently Selected:

sēnt lok 5: KKMR

Highlight

Copy