sēnt lok 7

1ispi māka kā ponitāt kahkiyaw o pikiskwēwina ē natotākot ayisiyiniwa, ki pihtokēw kēparnēamihk.

2pēyak māka simākanisiwikimaw ot atoskēyākana, ē sakiāt, ki ākosiyiwa mina kēkāt ē nipiyit. 3ispi māka piyētahk ē ācimimiht cisasa, ki isitisahamawēw kā nikānēyitākosiyit cowa, ē kakwēcimāt kita pē itohtēyit mina kita pimāciayit ot atoskēyākana. 4ēkosi wiyawāw, ispi ē pē otitācik cisasa, sēmāk ki mawimostawēwak ē itwēcik, tēpakēyitākosiw oma kita ki totamawat: 5wiya ē sākihāt kit ayisiyiniminawa, mina ē ki ositamākoyahk ayamihēwikamik. 6cisas māka ki wicēwēw. ispi māka ēkā wāyaw waskahikanihk ohci ēyāt, ototēma simākanisiwikimaw ki isitisahamawēw kita itāyit, kā tipēyihcikēyan ēkāwiya āyimiiso: cikēmā namawiya nit ispitēyitākosin kita pē pihtokēyan nikihk: 7ēwakoci namawiya ni ki ispitēyimison kita nātitān; māka itwē ayamiwin, ēkosi nit atoskēyākan kita miyo ayāw, 8cikēmā nista nit ayikawin tipēyimikowinihk, ē tipēyitamoikawiyān simākanisak: ēkosi awa nit itāw, niyā, ēkosi sipwētēw: mina kotak, astam, ēkosi pē itohtēw: mina nit atoskēyākan, oma itota, ēkosi itotam. 9ispi cisas oma piyēhtahk, ki māmaskatēyimēw, ē ki kwēskikāpawit ē itāt kahkiyaw ayisiyiniwa kā pimitisahokot, kit itināwāw, namawiya noh miskēn tāpwētamowin ē isi kihcayiwahk, nama namawiya ahpo isrēilihk. 10ēkosi aniki kā ki isitisahohcik, ē kiwēcik waskahikanihk isi, ki miskawēwak atoskēyākana ē miyo ayāyit.

11ki ayikin māka ē ati wāpahk, ki itohtēw otēnāhk nēn ē isiyihkātēyik; ēkosi o kiskinohamawākana ki wicēwik, asici misaci ayisiyiniwa. 12ēkwa māka ispi ciki ē ati otitahk ē isi iskwatēmiwahk otēnaw, cist, ēkota ki ohci wayawitaāw pēyak ē nipit, ē pēyak okosisimikot okāwiya, ki sikawi iskwēwiyiwa māka: ēkosi mihcēt ayisiyiniwa otēnāhk ohci ki wicēwik. 13ispi māka kā tipēyihcikēt wiyāpamāt, ki kitimākinawēw, ē ki itāt māka, ēkāwiya māto. 14ēkosi kisiwak ki pē itohtēw ē ki sāminahk tētinikan: kā pimiwitācik māka ki kipicikapawiwak. ēkosi ki itwēw, oskinikiw, waniskā, kit itin. 15ana māka kā nipit ki samatapiw, ēkosi ē ki māci pikiskwēt. ki pakitinamawēw māka okawiyiwa. 16ēkosi sēkisiwin kahkiyaw ki otitinikwak: ē kistakimācik kisēmanitowa, ē itwēcik, kihci okiskiwēhikēw nokosiw ita ē ayāyahk: mina, kisēmanito ki kiokawēw ot iyinima. 17ēkosi oma acimowin wiya ohci ki misitēpayiw misiwē cotiyaihk, mina misiwē waskā askihk. 18ēkosi cān o kiskinohamawākana ki ācimostak kahkiyaw ohi kēkwaya.

19cān māka niso o kiskinohamawākana ē ki natomāt ki isitisahamawēw kā tipēyihcikēyit, ē itwēt, kiya ci kā wi takosikipan, awēkā ci kotak ni ka asawāpamānān? 20ispi māka anihi nāpēwa kā pē otihtikot, ki itik, cān paptist ni ki isitisahokonāw, ē itwēt, kiya ci ana kā wi takosikipan, awēkā ci kotak ni ka asawāpamānān? 21ēwako māka tipaikan ki iyinikahēw mihcēt ot ākosiwiniyiwa mina ot itāspinēwiniyiwa mina maci acahkwa ohci; mihcēt māka ēkā ē wāpiyit ki miyēw kita wāpahtamiyit. 22#aysāya 35:5,6; aysāya 61:1ēkosi ki naskwēwasimēw mina ki itēw sipwētēk, mina wihtamāhk cān kēkway kā ki wāpahtamēk mina kā ki pēhtamēk; ēkā kā wāpicik ayāwak wāpiwin, kā maskipayicik pimohtēwak, omacāspinēwak pēkiāwak, mina kā kakēpitēcik pētamwak, kā nipicik waniskānāwak, kā kitimākisicik miyo ācimowin wihtamawāwak. 23miyo itakimikowisiw māka, ana ēkā kē naspatēyimikwē.

24ispi māka cān ot isitisawākana kā sipwētēyit, ki ati itēw kā osamēyatiyit ayisiyiniwa cāna ohci, kēkway kā ki natawi wāpahtamēk pikwataskihk? āniskawask ci ē koskoskwāstahk? 25kēkway māka kā natawi wāpahtamēk? nāpēw ci ē wiyātahk ē yoskāyik kikiskikan? mātika, aniki kā osami miyo wiyacikēcik, mina kā miyo micisocik, ayāwak wikiyihk kihci okimāwa. 26māka kēkway kā natawi wāpahtamēk? okiskiwēhikēw ci? tāpwē, kit itināwāw, mistahi nawac āwasimē ispic okiskiwēhikēw. 27#mālakay 3:1ēwako awa kā ohci itasinaikatēyik, cist, ni nikani isitisawāw nit atoskēyākan, wiya ki ka nikani kwayācitamak ki mēskanaw. 28kit itināwāw, tahto aniki iskwēwa kā ohci nihtāwikicik nama awiyak awasimē itēyitākosiw ispic cān: māka ana māwaci notaw kā itēyitākosit kisēmanito ot otēnawiwinihk awasimē itēyitākosiw ispi wiya. 29#mātyo 21:32; lok 3:12kahkiyaw ayisiyiniwa māka kā pētākot, asici masinahikēwiyiniwa, ki kwayaskisicikēwakēyimēwak kisēmanitowa, ē ki paptāsiwiicik cān o paptāsiwikēwiniyiw. 30māka parasiwak asici oyasowēwiyiniwak ki ātawēyitamāsowak o kakēskimiwēwiniyiw kisēmanitowa ēkā ē ki paptāsiwihikocik.

31tānisi kē itāpaminakoakik māka oki ayisiyiniwak kā aniskē nihtāwikiitocik, mina tānisi ētapaminakosicik? 32nanāspitawēwak awasisa ē apiyit atātowinihk, ēkosi ē tatēpwatitocik; ē itwēcik, ki ki kitocikēstamātinan, ēkosi namawiya ki ki nimiitonāwāw; ni ki mātanan, māka namawiya ki ki mātonāwāw. 33cikēmā cān paptist ki pē itohtēw ēkā pakwēsikana ē mowāt ahpo somināpoyiw ē minikwēt; ēkosi kit itwānāwāw, ayawēw maci ahcāhkwa. 34iyiniwikosisān ki pē mamiciso mina ki minikwēw; ēkosi kit itwānāwāw, mātika, kāsakēwiyiniw, mina kā nita minikwēt somināpoyiw, ototēmiwāwa paplikanak mina omaciitiskak! 35māka iyinisiwin kwayaskwātisiwakēyimik kahkiyaw ot awāsimisa.

36pēyak māka pārasiwa ki wikomik kita wicimicisomāt. ēkosi parasiwa wikiyik ki pihtokēw, ē ki nahapit māka kita micisot. 37#mātyo 26:7; mārk 14:3; cān 12:3mātika māka, iskwēw ē ki ayāt otēnāhk, ē ki macitiskit; ispi ē kiskēyitahk ē micisoyit parasiwa wikiyihk, ki pētaw tamaskowin ālapāstar asiwacikanihk, 38ē ki nipawit māka ospiskwaniyihk ositiyihk, ē mamātot, ki māci sāpopatāw ositiyiwa ot ocikawāpiwina ohci, mina ē ki pakwaahk wēstakaya ostikwānihk ohci, ēkosi ē ki ocētamwāt ositiyiwa, ē tominamwāt anima tamaskowin ohci. 39ēkwa ispi awa parasi kā ki natomāt wiyāpahtahk, ki kimoci itisow, ē itwēt, awa nāpēw, kispin okiskiwēhikēwit, o kā ki nisitawēyima awēnihi mina ē towikaniwiyit ohi iskwēwa kā sāminikot, wiya ē macihtiskiyit. 40ēkosi cisas ē naskwēwasimāt ki itēw, saiman, kēkway nit ayān kita ititān. ēkosi ki itēw, okiskinohamākēw, kiyām itwē. 41pēyak ot awiiwēw ki ayāwēw niso ē masinahamākot: pēyak ki masinahamāk niyananwāw mitātahtomitanaw soniyāsa, ēkosi kotaka niyānanomitanaw. 42ispi māka ēkā ē ayayit kita ohci tipahikēyit, ēsi nisiyit ki ponēyitamawēw. tānānii māka awasimē kē sākihikot? 43saiman ki naskwēwasimēw mina ki itwēw, anihi ētokē, nawac mistahi kā ki ponēyitamawāt, ēkosi omisi ki itēw, kwayask kā itēyitaman. 44ēkosi ē kwēskistawāt iskwēwa, ki itēw saimana, ki wāpamāw ci awa iskwēw? ni ki pitokan kikihk, namawiya ki ki miyin nipi nisita ohci: māka wiya ki sāpopatāw nisita oskisikwāpo ohci, ēkosi ē ki pākwaahk wēstakaya ohci. 45nama kēkway ocētowin ki ki miyin: māka wiya, aspin kā pē pihtokēyān, namawiya ohci poni ocētam nisita. 46nistikwan namawiya pimi ki ki ohci tominēn: māka wiya ki tominam nisita tamaskowin ohci. 47ēwako ohci māka kit itin, o maciitiwina, kā mihcētiniyiki, ponēyitamawāw; wiya mistahi ē sākihiwēt: māka ana apisis kā ponēyitamāt, apisis sākihiwēw. 48ēkosi ki itēw, ki maciitiwina ki ponēyitamakawin. 49ēkosi anihi kā wici micisomikot ki māci itwēwak, awēnāwa ahpo kā ponēyitamākēt maciitiwina? 50ki itēw māka anihi iskwēwa, ki tāpwētamowin ki ki pimāciikon; pēyatakēyimowinihk sipwēhtē.

Currently Selected:

sēnt lok 7: KKMR

Highlight

Copy