sēnt lok 9

1ēkosi ki māmawi natomēw mitātat nisosāp, ē ki miyāt māka kaskihēwisiwin mina tipēyihcikēwin kita tipēyimacik kahkiyaw maci ahcāhkwa, mina kita minwācitāyit ākosiwina, 2ē ki sipwētisawāt māka kita kakēskwātamiyit ot otēnawiwiniyiw kisēmanitowa, mina kita iyinikahāyit otāhkosiwa. 3ēkosi ki itēw, ēkāwiya kēkway otinamok ki pimohtēowiniwāw ohci, namawiya saskaon, ahpo maskimot, namawiya pakwēsikan, ahpo soniyāw; mina ēkāwiya awiyak niso miskotākāya kita ayāw. 4ēkosi piko anima wāskāhikan kē pihtokēyēk, ēkota ayāk, mina ēkota ohci sipwētwēk. 5#isihcikēwiniwāwa 13:51#lok 10:4-11tahto māka ēkā kē otinikoyēkok, ispi sipwētēyēko ēkota otēnāhk ohci, papawaamok āsiski kisitiwahk ohci kita ācimikocik. 6ēkosi ki sipwētēwak, mina ē ki pimi saposkakik otēnawa ē kakēskwātakik miyo acimowin, mina misiwē itē ē iyinikaiwēcik.

7 # mātyo 16:14; mārk 8:28; lok 9:19 ērat māka kihci okimāw ki pētam kahkiyaw kēkway kā ki totamot: ēkosi mistahi ki mikoskātēyitam, cikēmā ātiht ē ki itwēcik, cān ē ki waniskāt nipowinihk ohci; 8mina ātiht ilaicawa ē ki nokosiyit; ēkosi mina atit, pēyak kayāsi okiskiwēhikēwa ē ki waniskāyit. 9ēkosi ērat ki itwēw, cān ni ki kiskikwētawāw; māka awēnāwa kā pētamān oma kā itācimiht? ēkosi ki akāwātam kita wāpamāt.

10ēkosi isitisawākana, ispi ē ki pē kiwēyit, ki ācimostāk kahkiyaw anima kā ki totamiyit. ēkosi ki otinēw, ohpimē māka ē ki itohtēcik, pikwataskihk itēkē otēnaw pētsēta kisiwak ita ē ayāyik. 11māka ayisiyiniwa ispi ē kiskēyitamiyit, ki pimitisahok; ki atamiskawēw māka, mina ē ki tasitamawāt ototēnawiwiniyiw kisēmanitowa, mina ē ki iyinikahāt anihi ēkosi kā isi kwitamāyit. 12ispi māka kisikāw ē ati mēcipayik; ki pē nātik anihi mitātat nisosāp, ē ki itikot, sipwētisiok kā mihcēticik ayisiyiniwak, otēnāhk kita itohtēcik mina waska askihk, kita kāpēsicik, mina kita ayācik miciwin; cikēmā pikwataskihk ota kā ayāyahk. 13māka ki itēw, kiyawāw miyikok kita micicik, ēkosi ki itwēwak, namawiya awasimē nit ayānān piko niyānan piswē ayakonāwak mina niso kinosēwak; piko kispin itohtēyāhk kita atawēyāhk miciwim kahkiyaw oki ayisiyiniwak kita micicik. 14wiya nānitaw niyānanāw kihci mitātahtomitanaw ē ki ihtasicik. ki itēw māka o kiskinohamawākana, papēskic nahapiikok nāniyānanomitanaw nāntaw. 15ēkosi māka ē ki itotahkik, kahkiyaw māka ē ki nahapiācik. 16ki otinēw māka anihi niyānan piswē ayakonāwa asici anihi niso kinosēwa, kihci kisikohk māka ē isi tastasāpit, ki miywakimēw; ē ki papākwēnāt māka ē ki miyāt o kiskinohamawākana kita astamawayit ayisiyiniwa. 17ēkosi ki micisowak, mina kahkiyaw ē ki kispocik; ki otinikātēwa māka kā awasimēpayiki piwacikana, mitātat nisosāp wikopiwata.

18ki ayikin māka, mēkwāc ē pēyako ayamihāt o kiskinohamawākana ē wicēwikot: ki kakwēcimēw, ē itwēt, awēna ayisiyiniwak ētwēcik niya ē āwiyān, 19#mātyo 14:1,2; mārk 6:14,15; lok 9:7,8ēkosi ki naskwēwasimēwak ē itācik, cān opāptaisiwiiwēw; māka kotakak itwēwak, ilaica: mina ātiht, pēyak kayāsi okiskiwēhikēw ki waniskāw. 20#cān 6:68,69ēkosi ki itēw, kiyawāw māka awēna ētwēyēk ē āwiyān? pitar ē naskwēwasimāt ki itwēw, o Christima kisēmanito. 21ki ayākwāmimēw māka, mina ē ki itasowātāt ēkā awiya ēwakwanima kita wihtamawayit; 22ē itwēt iyiniwikosisān itastēyiw micētwayak kita isi kakwātakitāt, mina kita ātawēyimikot kihci ayamiēiyiniwa asici masinahikēwiyiniwa, mina kā nikānēyitākosiyit, kita nipait māka, mina kita waniskāniht ki nisto kisikāyiki.

23 # mātyo 10:38; lok 14:27 ēkosi kahkiyaw ki itēw, kispin awiyak ayisiyiniw wi pimitisaoci, kiyām kita anwētaso, mina kita otinam o pimitāskwaikan tahto kisikāw, ēkosi ni ka isi pimitisahok. 24#mātyo 10:39; lok 17:33; cān 12:25cikēmā piko awiyak kē wi kakwē pimācitākwē o pimātisiwin kita wanitaw; māka piko awiyak kē wanitākwē o pimātisiwin niya ohci, ēwakwana kē pimacitāt. 25cikēmā tānisi kē itāpacihikot ayisiyiniw, āta kispinataki kahkiyaw aski, ēkosi nisiwanācioci, ahpo wanihoci? 26cikēmā piko awiyak kē nēpēwisikwē niya, mina nit ayamiwina ohci, ēwakwani iyiniwikosisān kē nēpēwakēyimāt, ispi takosiki kiki o kistēyitākosiwin, asici otāwiya o kistēyitākosiwiniyiw mina anihi kanaci okisikowa. 27māka ki wihtamātināwāw ē tāpwēyān, ātiht ota nipawiwak, ēkā kē kocistakik nipowin, pātimā ki wāpahtakwāwi ot otēnawiwiniyiw kisēmanitowa.

28ki ayispayiw māka nānitaw ayinānēw kisikāw iyikohk, ispi oma ē ki itwēt, ki otinēw pitar mina cān asici cēmis, wacihk māka ē ki isi āmaciwēt kita ayamihāt. 29mēkwāc māka ē ayamihāt, pitos ki isinākosiw okwākanihk, ēkosi o kikiskikana ki wapiskipayiyiwa mina ē kihkāwāsitēyiki. 30mātika māka, ki wici pikiskwēmik niso ayisiyiniwa ēwakwani mosisa mina ilaicawa; 31ēwakwanih ē nokosiyit kistēyitākosiwinihk, mina ē tasitamiyit anima kē isi nipit cērosalamihk. 32pitar māka asici anihi kā wicēwikot nāspic ki notēkwasiwak; māka ispi mitoni kā pēkopayicik, ki wāpahtamwēwak o kistēyitākosiwiniyiw asici anihi niso ayisiyiniwa kā wicikāpawistakoyit. 33ki ayikin māka, ispi ē ati paskēwiikot, pitar ki itēw cisasa, okiskinohamākēw, miywāsin ota kita ayāyahk: kiyām ni ka ositānān nisto mikiwāpa; pēyak kiya kita ayāyan, ēkosi pēyak mosis, mina pēyak ilaica: ēkā ē kiskēyitahk tānisi ē itwēt. 34mēkwāc oma ē itwēt, ēkota ki pē yikopayiw wasko, ki sēkisiwak māka waskohk ē ati ayācik. 35#aysāya 42:1; mātyo 3:17; 12:18; mārk 1:11; lok 3:22#2 pitar 1:17,18ēkosi awiyak ki pēhtākosiw waskohk ohci; ē itwēt, ēwakwawa nikosis kā nawasonak, natotāhk. 36ispi māka ē poni pētākwahk, cisas poti ki pēyako. mitoni māka ki kanawēyitamwak, ēkā awiya ayisiyiniwa ēkospi ē ki wihtamawācik anihi kā ki wāpahtahkik.

37ēkosi ki ihkin, ē ati wāpahk, ispi ē ki pē nitaciwēcik wacihk ohci, misaci ayisiyiniwa ki nakiskāk. 38ēkosi cist, pēyak nāpēw ayisiyinināhk ohci ki mawimostāk, ē itwēyit, okiskinohamākēw ki mawimostatin kita kanawāpamat nikosis; wiya, ēwako, piko ē pēyakot nit awāsimis: 39mātika māka, ahcāhkwa otitinik mana, ēkosi kētatawē mawimo; mina pikopitik, piyis mana pistēwitonēw, ēkosi akāwac ē nakatikot mitoni kitinācipitik. 40ni ki kākisimototawāwak māka ki kiskinohamawākanak kita wayawiwēpinācik, māka namawiya ki kaskitāwak. 41ēkosi cisas ki naskwēwasimēw, ē itāt, o kiyawāw ēkā kā otāpwētamowiniyēk mina kā nayētāwatisiyēk, tāniyikohk kē wicēwitakok, mina kē sitowiyitakok? pēsiw ota kikosis. 42mēkwāc māka ē pē itohtēt, maci ahcāhkwa ki pakamisimik, mina ē pikopitikot: māka cisas ki kitotēw maci ahcāhkwa, ē ki iyinikahāt anihi nāpēsisa, mina kawi otawiyiwa ē ki miyāt. 43kahkiyaw māka ki māmaskātamwēwak anima o kihci maskawisiwiniyiw kisēmanitowa.

māka mēkwāc ē māmaskatakik kahkiyaw kēkwaya kā ki itotamiyit, ki itēw, o kiskinohamawākana 44kiyām ohi pikiskwēwina kita kotāwipayiwa kitawakāwāhk; cikēmā iyiniwikosisān kita pakitināw ocihciyihk ayisiyiniwa. 45māka namawiya ki nisitohtamwak oma itwēwin, wiya ē ki kātamācik, ēkā kita wāpahtahkik; mina ē ki manā kakwēcimacik oma itwēwin.

46 # lok 22:24 ki mācipayiw māka ē kakwēcitocik, awēna wiyawāw kā ihtasicik kē nikānēyitākosit. 47māka ispi cisas wiyāpahtahk ē isi nakatawēyitamiyit otēiyihk, ki otinēw ē apisisisiyit awāsisa, ēkosi ē ki nahāpiāt ita ē apit, 48#mātyo 10:40; lok 10:16; cān 13:20mina ē ki itāt, piko awiyak kē otinākwē ohi awāsisa ni wiyowinihk niya nit otinik: mina ana kē otinit, otinēw anihi kā ki pē isitisahoyit; cikēmā ana kiyawāw kā māwaci apistēyitākosit, ēwakwāna kē kihcāyiwit.

49cān māka ki naskwēwasimēw mina ē ki itwēt, kiskinoamakēyan ni ki wāpamānān pēyak ē wayawi wēpināt maci ahcāhkwa ki wiyowinihk; ēkosi ni ki kitāamawānān, cikēmā ēkā ē pimitisaokoyāhk. 50cisas māka ki itēw, ēkāwiya kitaamāhk: wiya ana ēkā kā nakāskākoyēk ki wicēkowāw.

51ki ayikin māka, ispi ēti ispayiyik ita anima kita otinit ispimihk ki maskawi itiskwēyiw cērosalamihk kita itohtēt, 52ēkosi ki nikani isitisawēw otācimowa: ē ki itohtēyit māka, mina ē ki pihtokēyit samaritan kistapinānihk, ēkota kita kwayācihtamākot. 53māka namawiya ki pitokaik, cikēmā mana piko cērosalamihk ē wi itohtēt ki itapaminākosiw. 54#2 kihci okimāwak 1:9-16ispi māka o kiskinohamawākana cēmis mina cān wiyapatakik oma, ki itwēwak, kā tipēyihcikēyan, ni ka tēpwātēnān ci iskotēw kisikohk ohci, kita nisiwanāciikocik? 55māka ki āpamikāpawiw, ki kitotēw, mina ki itēw, namawiya ki kiskēyitēnāwāw kēko ahcāhk kā kikiskākoyēk. 56cikēmā iyiniwikosisān namawiya pē itohtēw kita nisiwanācihāt ayisiyiniwa māka kita pimācihāt. ēkosi kotak kistapinānihk ki itohtēwak.

57ē ati sipwētēcik māka, pēyak nāpēwa ki itik, ki ka pimitisahotin piko ita kē itotēwanē. 58ēkosi cisas ki itēw, mahkēsisak o watiwak mina piyēsisak ispimihk kā ayācik o wacistoniwak; māka wiya iyiniwikosisān, namawiya ayāw ita kē isi aspiskwēsimot. 59kotaka māka ki itēw, pimitisahon, māka ki itwēyiwa, kā tipēyihcikēyan, pakitinamawin pita kita itohtēyān kita nahinak notāwi. 60cisas māka ki itēw, nakasik kā nipicik kita nainācik onipomiwāwa; māka wiya kiya misiwē natawi atota ot otēnawiwin kisēmanito. 61#1 kihci okimāwak 19:20kotaka mina ki itwēyiwa, kā tipēyihcikēyan, ki ka pimitisahotin; māka pita pakitinin kita natawi atamiskawakik aniki kā ayācik nikihk. 62māka cisas ki itēw, namawiya awiyak ayisiyiniw kā pāhkaci otitinaki pikopicikan, āpasapici māka, tēpi ispitēyitākosistam kisēmanito ot otēnawiwin.

Currently Selected:

sēnt lok 9: KKMR

Highlight

Copy