sēnt mātyo 18

1 # lok 22:24 ēkospi māka mwēhci kiskinohamawākanak kā pē nātacik cisasa, omisi ē itwēcik, awēna awasimē kēhcayiwit kihci kisikowi otēnawiwinihk? 2cisas māka ki natomēw apiscawasisa, ē ki ahyāt māka anita tāwayihk ita ē ayayit. 3#mārk 10:15; lok 18:17omisi māka ē ki itwēt, tāpwē kit itināwāw, kispin ēkā kwēskipimatisiyēko, mina isinākosiyēko tāpiskoc apiscawasis, namawiya ki ka pihtokānāwāw kihci kisikowi otēnawiwinihk. 4ēwako māka ohci, kispin awiyak kē isi apistēyimokwē tapiskoc awa apiscawasis, ēwako miyawaci kihcayiwit kihci kisikowi otēnawiwinihk. 5kispin māka awiyak kē otinakwē pēyak oma towi apiscawasisa nit isiyihkāsowinihk, niya nit otinik. 6awiyak māka kē nayētawitotawakwē pēyak ohi kā apisisisiyit kā tāpwēyēyimiyit, nawac kita ki āpacio pinipocikanasiniya ki takopitimit o kwayahk, ēkosi māka ki nistapawayit tawic kihcikamihk.

7kakwatakisimakan oma aski, anihi nayētawitotamowina ohci! cikēmā kēcinac kita ihkin nayētawitotamowina kita takosinomakaki; māka kakwatakisiw ana ayisiyiniw nayētawitotamowin kā ohcipayik! 8#mātyo 5:30ēwako māka ohci, kispin kicihci ahpo kisit nayētawitotamoikoyani, kiskisa, mina wēpina; nawac ki ka apaciikon kita pihtokēyan pimātisiwinihk kiki maskikatēyani ahpo maskipitonēyani, ispic wiya ē niso cihcēyan ahpo ē niso sitēyan, kita isi wēpinikawiyan kakikē iskotēhk. 9#mātyo 5:29kispin māka kiskisik nayētawitotamoikoyani, kēcikopita, mina wēpina; nawac ki ka apaciikon kita pihtokēyan pimātisiwinihk ē napatēyāpiyan, ispic ē nisihki kiskisikwa, kita isi wēpinikawiyan kākikē iskotēhk. 10#lok 19:10ayakwamisik ēkā kita papinēyimāyēk pēyak oko kā apistēyitākosicik; cikēmā kit itināwāw, kihci kisikohk okisikomiwawa kakikē kanawapamēwak notāwiya kihci kisikohk kā ayāyit. 11cikēmā iyiniwikosisān pē itohtēw kita pimaciāt anihi kā wanihoyit. 12tānisi kiyawāw ētēyitamēk? kispin ayisiyiniw ayāwāt mitātomitanaw māyatihkwa, pēyak māka wanisiniyit, nama ci kita nakatēw anihi kēkāt mitātomitanaw mina kēkat mitatak, kita itohtēt māka anitē wacihk, kita nanatonawāt anihi kā wanisiniyit? 13ēkosi māka kispin ki miskawāci, tāpwē kit itināwāw, awasimē kita miyawatam anihi pēyak māyatihkwa ohci, ispic anihi kēkāt mitātomitanaw kēkāt mitātaht ēkā kā wanisiniyit. 14ēkosi māka mwēhci ēkā ēsi nitawēyitahk kotawiwāw kihci kisikohk kā ayāt, pēyak ohi kā apistēyitākosiyit kita nisiwanātisiyit.

15 # lok 17:3 mina māka, kispin kiciwām nayētawitotaskē, itohtē isa natawi wihtamaw o waniisicikēwin ē nisiyēk piko; kispin māka natotaski, ki ki kaskiāw kiciwām. 16#tiyotaranami 19:15māka kispin ēkā wi natotāski, otin kotak pēyak ahpo nānitaw niso, anima māka niso ahpo nisto ē itacimocik o toniwahk kahkiyaw ayamiwin kita ohci maskawastēk. 17kispin māka ēkā wi natotawāci, wihta anita ayamihēwikamikohk; kispin māka ēkā wi natotawāci otayamihāwa kiyām tāpiskoc ēkā ēyamihāt ayisiyiniw mina paplikan ki ka itēyimāw. 18#mātyo 16:19; cān 20:23tāpwē kit itināwāw, kispin kēkway kē mamacikwapitamowēkwē ota askihk, kita mamacikwapicikatēw kihci kisikohk; mina kēkway kē apaamowēkwē ota askihk, kita apaikatēw kihci kisikohk. 19mina māka kit itināwāw, kispin nikotwā ē nisiyēk nisokamatoyēko ota askihk wawitamēko anima kē natotamēk ki ka totamakowāw notāwi kihci kisikohk kā ayāt. 20cikēmā ita niso ahpo nisto miyawaciitotwāwi ni wiyowinihk, ēkota nista mēkwā ayihk ēyāyān.

21 # lok 17:3,4 ēkosi māka pitar ki pē natēw, omisi ē ki itwēt, tēpēyihcikēyan, tanitatwāw ē macitotawit niciwām, ēkosi māka kita ponēyitamawak? tēpakohpwāw ci iyikohk? 22#cēnisis 4:24cisas māka omisi itēw, namawiya ēkosi kit itin, iyikohk piko tēpakop tahtwāw; māka, tēpakohpomitanaw tahtwāw tēpakop iyikohk. 23ēwako māka ohci, kihci kisikowi otēnawiwin itēyitakwan tāpiskoc pēyak kihci okimāw, kā wi nipitē akitamawāt ot atoskēyākana. 24ispi māka kā sipwēakitamawāt, pēyak ki pēsimāwa mitatwāw kihci mitātomitanaw soniyāwa ē masinahamakot: 25māka ēkā ēkoyikohk ē ayāt kita tipaahk, ot okimāma ki itasowatik kita atawakatit mina wiwa, mina ot awasimisa, mina kahkiyaw kā isi ayāt, ēkota māka kita ohci tipahikēt. 26ēkosi māka atoskēyākan ki pahkisin, ē ki mawimostawāt, omisi ē itwēt, tēpēyihcikēyan, sasipēyitamawin ēkosi māka kahkiyaw ki ka tipaamatin. 27ēkosi māka okimāw ki kitimakēyimēw, ot atoskēyākana mina ē ki apawāt, mina ē ki kasiamawāt o masinahikēwin. 28māka ēwako atoskēyākan ki ati wayawiw, ē ki miskawāt māka pēyak wici atoskēyākana, kā masinahamakot mitātomitanaw osawapiskosa; ē ki otitināt māka, mina ē ki kipikitonēnāt, omisi ē itāt, tipaamawin anima kā masinahamawiyan. 29wici atoskēyākana māka ki ispayioyiwa o sitihk, ē ki pakosēyimikot māka, omisi ē itikot, sasipēyitamawin ēkosi māka ki ka tipaamatin. 30māka namawiya ki wi natotawēw; māka acipiko ki sipwētēw ē ki kipawāt māka kipahotowikamikohk, iyikohk kita tipaamiyit o masinahikēwiniyiw. 31ispi māka kotaka o wici atoskēyākana kā wāpahtamiyit omisi ē ki ayikiniyik, naspic ki miciyawēsiyiwa, ē ki pē natawi wihtamawayit ot okimamiwawa kahkiyaw kā ki ayikiniyik. 32ēkosi māka ot okimāma, ispi ē ki natomikot, omisi ki itik, o kiya kā macātisiyan atoskēyākan, kahkiyaw niya ki ki kasiamatin anima ki masinahikēwin, cikēmā ē isi pakosēyimiyan: 33nama ci māka ki ka ki kitimakēyimatay kici atoskēyākan, tāpiskoc niya kā ki isi kitimakēyimitān? 34ot okimāma māka ki kisiwasiyiwa, ē ki pakitinikot māka kita kakwatakiiht ēsko iyikohk kahkiyaw tipahahki anima kā isi masinahikēt. 35ēkosi māka mwēhci kistawāw kē totākoyēk notāwi kihci kisikohk kā ayat, kispin namawiya kā itasiyēk kitēiwahk kohci ponēyitamawawāwak kiciwāmiwāwak o wanitotamowiniwāwa.

Currently Selected:

sēnt mātyo 18: KKMR

Highlight

Copy