sēnt mātyo 20

1cikēmā kihci kisikowi otēnawiwin itēyitākwan tāpiskoc ayisiyiniw kā kanawiwaskahikanēt, wipac kēkisēp kā wayawit kita atotāt o tatoskēwa anita o minisatiko kistikānihk. 2ispi māka kā asotamawāt anihi otatoskēwa papēyak osawapiskosa pēyak kisikāw, ki isitisawēw o minisatiko kistikanihk. 3ēkosi māka mina ki wayawiw nānitaw nistwāw ē ispayik tipahipisimwān, ē ki wāpamāt māka kotaka ē nipawiyit ēkā ē atoskēyit atatowinihk. 4omisi māka ki itēw; kistawāw itohtēk minisatiko kistikanihk, kēkway māka ē kwayaskwahk ki ka miyitināwāw. ēkosi māka ki sipwētēyiwa. 5mina māka ki wayawiw nānitaw nikotwāsik ē ispayik tipahipisimwān, mina kēkat mitātaht, ēkosi māka mina ē ki totahk. 6mina māka nānitaw mitātaht pēyakosap ē ispayik tipahipisimwān ki wayawiw, ē ki miskawāt māka kotaka ēkā ē atoskēyit, omisi māka itēw, tānēki ota kā nipawiyēk ēkā ē atoskēyēk? 7omisi māka itēwak, cikēmā namawiya awiyak ayisiyiniwak nit atotikonan. omisi māka ki itēw, kistawāw itohtēk minisatiko kistikānihk, kēkway ē kwayaskwahk ki ka miyitināwāw. 8#lipitikas 19:13; tiyotaranami 24:15ēkosi māka ispi ēti otākosik, kā tipēyitahk minisatiko kistikān omisi itēw o kanawēyicikēma, natomik otatoskēwak, miyik māka o tipaamakowiniwāw, nistam ana iskwāyac piyis ana nistam. 9ispi māka tēkosikik aniki kā ki atoticik nānitaw mitātaht pēyakosa ēispayik tipahipisimwān, papēyak ayisiyiniw ki miyāw pēyak osawapiskosa. 10māka ispi aniki nistam kā ki atoticik tēkosikik, ki itēyitamwak awasimē kita otisicik māka wistawāw ētasit ayisiyiniw papēyak osawapiskosa ki miyāwak. 11ispi māka kā miyihcik, ki mitawamēwak okanawi wāskāhikanēwa, 12omisi ē itwēcik, oko iskwāyac piko pēyakwāw ē ispayik tipahipisimwān iyikohk ki atoskēwak, ēkosi kā isi tipaamawiyahk kit isi tipaamawawak, niyanān ē ki nayatamāhk ē kosikwahk mina ē kisastēk ē kisikāk. 13māka ki naskwēwasimēw anihi pēyak, omisi māka ē ki itāt, nitotēm, namawiya nānitaw kit isi mayi totatin; nama ci pēyak osawapiskos ki ki ohci masinahikan? 14otina māka anima kā tipēyitaman, mina sipwēhtē; ni ka miyaw awa iskwāyac, tāpiskoc kiya kā isi miyitan. 15nama ci kwayask ē itēyitamān niya kita totamān kā tipēyitamān? ki māyāpisimikon ci ē miwatisiyan? 16#mātyo 19:30; mārk 10:31; lok 13:30ēkosi māka aniki iskwayac kita nikanisiwak, mina kā nikanisicik kita otakēwiwak; cikēmā mihcēt natomawak, māka cakawasis kā nawasonihcik.

17cisas māka ē itohtēt cērosalamihk ki itotaēw mitātaht nisosāp o kiskinohamawākana nisikē mēskanahk, omisi māka ē ki itāt. 18cist, kit itohtānānaw cērosalamihk; iyiniwikosisān māka kita pakitināw ociciyihk ayamihēwiyiniwa mina masinahikēwiyiniwa, ēkosi kita nanipomēwak kita nipaimit. 19kita pakitinamawēwak māka cēntala, kita papinotawayit, mina kita papasastēwayit, mina kita cistaskwatayit; ki nisto kisikāki māka mina kita apisisin.

20ēkospi māka ki pē nātik okawiyiwa sēpiti ot awasimisa, ē pē wicēwayit okosisiyiwa, ē ki ocihcihkwanapistakot māka, mina ē pakosēyimikot pēyak kēkway. 21omisi māka ki itēw, kēkway nētawēyitaman? omisi māka itik, miyik oko niso nikosisak, kita apicik, pēyak ki kiciniskihk, mina kotak ki namatinihk, kit otēnawiwinihk. 22māka cisas ki naskwēwasimēw omisi ē ki itāt, namawiya ki kiskēyitēnāwāw kēkway kā natotamāyēk. ki ka kaskitānāwāw ci kita minikwākēyēk anima minikwākan kē minikwākēyān, mina kita paptāsiwisoyēk anima pāptāsiwiwin niya kā ohci pāptāsiwisoyān? omisi māka ki itēwak, ni ka kaskitanan. 23omisi māka itēw, tāpwē ki ka minikwakwānāwāw anima ni minikwākan, mina ki ka paptāsiwiikawināwāw anima pwātāsiwiwin wēci paptāsiwihikawiyan; māka wiya kita apihk ni kiciniskihk, mina ni namatinihk, namawiya niya nit ayan kita mēkiyan, māka kita miyawak kā ki wawēyitamākocik notawiya. 24ispi māka aniki mitātaht piyēhtahkik, ki mikoskatiskākwak kisiwēyitamowin ē kisiwēyitamiikocik anihi niso ē ociwāmitoyit. 25#lok 22:25,26māka cisas ki natomēw, omisi māka ē ki itāt, ki kiskēyitēnāwāw anihi ot okimāmiwawa aniki cēntalak okimawisiisoyiwa ē tipēyimikocik, aniki māka kā kihcāyiicik sokēyitakwaniyiw ēsi tipēyihcikēcik. 26#mātyo 23:11; mārk 9:35; lok 22:26māka wiya kiyawāw namawiya ēkosi kita ihkin; māka kispin awiyak wā kicayiwikwē oma kā itasoyēk, kiyām ki ka o pamistakaniminawāw; 27mina māka kispin awiyak wā kistēyitākosikwē oma kā itasiyēk, kiyām ki ka ot atoskēyākanināwāw; 28tāpiskoc iyiniwikosisān ēkā kā ki pē ohci itohtēt kita pamihiht, māka wiya kita pamihiwēt, mina kita mēkit o pimātisiwin mihcēt kita ohci pimātisiyit.

29ispi māka ēti sipētēcik cēriko ohci, kihci mihcēt ē māmawēyatiyit ayisiyiniwa ki pimitisahok. 30cist māka, niso ēkā kā wāpicik ayisiyiniwak ki apiwak patotēskanahk, ispi māka piyēhtahkik cisasa ē pimohtēyit, ki tēpwēwak, omisi ē itwēcik, kitimākinawinan, o tēpēyihcikēyan, kiya okosisa tēpit! 31kā māmawēyaticik ayisiyiniwak māka ki kitahamawēwak ēkā kita kitoyit, māka aci piko ki mistahi tēpwēwak, omisi ē itwēcik, kitimākinawinan, o tēpēyihcikēyan, kiya okosisa tēpit. 32cisas māka ki kipicikāpawiw, ēkosi ē ki natomāt, omisi māka ē ki itwēt, kēkway nētawēyitamēk kita totatakok? 33omisi māka itēwak, tēpēyihcikēyan, niskisikonana kita paskitēnikatēki. 34ēkosi māka cisas ki kitimākinawēw, mina ē ki sasaminamwāt oskisikoyiwa; sēmāk māka ki wāpiyiwa, mina ē ki pimitisahokot.

Currently Selected:

sēnt mātyo 20: KKMR

Highlight

Copy