sēnt mārk 11

1ispi māka kisiwāk cērosalamihk ēti ayācik, anita pētpēci, alips wacihk ē itācik, ki sipwētisawēw niso o kiskinohamawākana, 2ēkosi māka ē itāt, itohtēk otēnāhk tipiskoc kā ayāk; sēmāk māka ati pihtokēyēko, ki ka miskawāwāw mistatimosis ē sakapisot, ēkā wikāc ayisiyiniw ē ohci tētapit; āpikonihk mina pēsihk. 3kispin māka awiyak itikoyēko, tānēki ēkosi kā totamēk? itwēk, kā tipēyihcikēt natawēyimēw; ēkosi sēmāk kita pē isitisawēw. 4ki sipwētēwak māka, ēkosi ē ki miskawācik mistatimosisa ē sakapisoyit iskwātēmihk wayawitimihk pimohtēskanāhk; ēkosi ki apikonēwak. 5ātiht māka ēkota ē nipawiyit omisi ki itikwak, tānēki kā āpikonāyēk mistatimosis? 6ēkosi māka ki itēwak mwēhci anima cisasa kā ki itikocik; ki pakitinēwak māka. 7ēkosi ki pētamawēwak cisasa anihi mistatimosisa, mina ki aspatitāwak oskotākāwāwa; ki tētapiw māka. 8mihcēt māka ki taswēkititāwak oskotākāwāwa mēskanāhk; mina kotakak nipiya ē ki kiskataakik wāopimēayihk ohci. 9#nikamona 118:25,26aniki māka kā nikānotēcik, mina aniki otāhk kā pimohtēcik, ki tēpwēwak, hāsāna; kihci sawēyitākosiw ana kā pē itohtēt kā tipēyihcikēt o wiyowinihk: 10kihci sawēyitākwan otēnawiwin kā takosinomakahk, otēnawiwin kotāwinaw tēpit: hāsāna māmawēyas ēspākēyitākosit. 11ki pihtokēw māka cērosalamihk mina kihci ayamihēwikamikohk; ispi māka kahkiyaw kēkway kā kanawāpahtahk, sāsay ē ati otākosiniyik, ki wayawiw pēhtaniihk ē itohtēt asici anihi mitātat nisosāp.

12ispi māka wiāpaniyik, pēhtaniihk ē pē ototēcik, ki notēkatēw. 13ēkosi wāyaw ohci ē wāpamāt minisātikwa ē nipiwiyit, ki nātēw, ē natonahk nāntaw kēkway ēkota kita miskahk: ispi māka wētitāt, nama kēkway miskam piko nipiya; cikēmā namēskwa otihcipayiw ita māna kā minisiwit ēkotowa. 14ki naskwēwasimo māka omisi ē itāt, namawiya wikāc awiyak ayisiyiniw ki ka mominātik. o kiskinohamawākana māka ki pētamiyiwa.

15ki takosinwak māka cērosalamihk: ēkosi ki pihtokēw kihci ayamihēwikamikohk, mina ki wayawiwēpinēw anihi kēkway kā atāwākēyit mina kā atāwēyit kihci ayamiēwikamikohk, mina ki kotapi wēpinamwēw o micisowinātikoyiwa anihi kā miskotonāyit soniyāwa, mina o tētapiwiniyiwa anihi omimiwa kā atāwākēyit; 16namawiya māka iyinamawēw awiya ayisiyiniwa asiwacikaniyiw kita pimotatāyit kihci ayamihēwikamikohk. 17#aysāya 56:7; cērimāya 7:11ki kiskinohamākēw māka, omisi ē itāt, nama ci itasinahikātēw, ni wāskaikan kita isiyihkātēw ot ayamihēwikamikowāw kahkiyaw kā tahtoskānēsicik ayisiyiniwak? māka kiyawāw ki ki isitānāwāw kita o wāticik omaskatwēwak, 18kihci ayamihēwiyiniwak māka mina masinahikēwiyiniwak ki pētamwak, ēkosi ki natonamwak kita isi nisiwanāciācik: cikēmā ki kostēwak, wiya kahkiyaw ayisiyiniwa ē māmaskātamiyit o kiskinohamākēwin. 19tahtwāw māka ē otākosiniyik ki wayawiw otēnāhk ohci.

20ēkota māka ē ati pimohtēcik ē kēkisēpāyāk, wāpamēwak anihi minisātikwa ē pāsoyit ocēpikihk ohci. 21pitar māka ē kiskisopayit omisi itēw, rāpay, cist, ana minisātik kā ki macakimat mitoni pāso. 22cisas māka ē naskwēwasimāt omisi itēw, tāpwēwakēyimihk kisēmanito. 23#mātyo 17:20; 1 karintiyana 13:2tāpwē kit itināwāw, awiyak kē itamokwē oma waci, ki ka wi otinikawin mina kihcikamihk ki ka wi isiwēpinikawin; ēkā māka asiwēyitakē o tēihk, māka mitoni tāpwētaki anima kā itwēt kita ikiniyik; kita ayāw. 24ēwako ohci kit itināwāw, kahkiyaw piko kēkway kā natotamēk ē ayamihāyēk, tāpwētamok ē miyikawiyēk, ēkosi ki ka ayānāwāw. 25#mātyo 6:14,15ispi māka niyipawiyēko ēyamiāyēko, ponēyitamākēk, kispin nāntaw awiyak ki nayētāwēyimāwāw; kotāwiwāw kihci kisikohk kā ayāt wista kita ponēyitamākoyēk ki wanitotamowiniwāwa.

27mina māka ki takosinwak cērosalamihk: ēkosi mēkwāc ē pimohtēt kihci ayamihēwikamikohk, ēkota ki pē nātik kihci ayamihēwiyiniwa, mina masinahikēwiyiniwa, mina kā nikānēyitākosiyit; 28ēkosi ki itik, kēko tipēyihcikēwin kā ohci totaman ohi kēkwaya? mina awēna kā miyisk tipēyihcikēwin kita totaman ohi kēkwaya? 29cisas māka ki itēw, ki ka kakwēcimitināwāw pēyak kakwēcikēmowin, ēkosi naskwēwasimik, ki ka wihtamātināwāw māka kēko tipēyihcikēwin kā ohci totamān ohi kēkwaya. 30o paptaisiwikēwin cān, kihci kisikohk ci ki ohcipayiw ahpo ayisiyinihk ohci? naskwēwasimik. 31ēkosi māka ki kakwēcitowak, ē itwēcik, kispin itwēyaki, kihci kisikohk ohci; kita itwēw, tānēki māka ēkā kā tāpwētawāyēk? 32māka kispin itwēyaki, ayisiyinihk ohci kostēwak ayisiyiniwa: cikēmā kahkiyaw tāpwē okiskiwēhikēw itēyimēwak cāna. 33ki naskwēwasimēwak māka omisi ē ki itācik cisasa, namawiya ni kiskēyitēnān. cisas māka itēw, niya mina namawiya ki ka wihtamātināwāw kēko tipēyihcikēwin kā ohci totamān ohi kēkwaya.

Currently Selected:

sēnt mārk 11: KKMR

Highlight

Copy