Чапарзабазул ишал 6
6
6 бетӏер
Анкьго кумекчи вищула
1Гьеб заманаялда муридазул къадар цӏикӏкӏанагӏан, грек мацӏалда кӏалъалел жугьутӏаз ягьудиязда тӏасан гӏарз бахъизе байбихьана щибаб къоялъ напакъа бикьулаго жидер къоролруччаби къварид гьарулел ругилан. 2Гьебмехалъ анцӏила кӏиявго чапарас, киналго муридалги данде ахӏун, лъазабуна, Аллагьасул рагӏи-малъиги рехун тун, жал садакъа-напакъаялде руссине рекъон букӏинарилан. 3Гьанже, вацал, нужеда гьоркьоб къадру-къимат бугев, Илагьияб Рухӏалъ ракӏги цӏурав, цӏодорав-гӏакъилав анкьго чи тӏаса вищизе ккелин. Цинги гьеб ишги гьезда тӏадкъалин, 4нижги рукӏинин Аллагьасе тӏагӏат гьабулел, гьесул Рагӏуе хъулухъ гьабулел.
5Кинабго агьлу разилъана гьелда. Гьез тӏаса рищана Илагьияб Рухӏалъги иманалъги ракӏ цӏурав Стефанги, Филиппги, Прохорги, Никанорги, Тимонги, Парменги ва мажусияв вукӏун Аллагьасде вуссарав Антиохиялдаса Николайги. 6Чапарзабазда цере чӏезаруна гьел. Чапарзабазги, дугӏаги гьабун, гьезда тӏад квер лъуна.
7Гьедин Аллагьасул рагӏи цӏубалеб букӏана. Муридазул къадар цӏакъго-цӏакъ цӏикӏкӏана Иерусалималда. Цӏакъ гӏемерал кашишзабазги иман лъуна.
Стефан ккун вачун уна
8Жиндилъ баркатги къудратги бугев Стефаница халкъалда рихьизарулел рукӏана кӏудиял мугӏжизаталги гӏаламаталги. 9Амма «Тархъанлъарал лагъзадерилин» абун цӏар бугеб синагогаялде ва киренаязул, гьединго искандарияталдасезул синагогабазде ва киликиялдасезулги асиялдасезулги гӏахьалаб синагогаялде какде хьвадулел цо-цо гӏадамал Стефангун къацандизе, дагӏбадизе лъугьана. 10Стефанилъ бугеб Илагьияб Рухӏги гьесул гӏакъилаб каламги къезабизе кӏвечӏо гьезда.
11Гьебмехалъ гьез, гъоркьанго рекъезарун, цо-цо чагӏи гьусун тӏамуна Муса аварагги Аллагьги какун гаргадилев рагӏанин гьев жидедаян абизе. 12Халкъги, халкъалъул чӏухӏби-хӏакимзабиги, диниял гӏалимзабиги Стефанида дандечӏезе тӏамуна гьез. Рачӏун гьез ккун вачун Стефан кӏудияб судалда цеве чӏезавуна. 13Гьенире рачун рачӏана гьаб хирияб бакӏги#6:13 Иерусалималъул Мукъадасаб Рукъ. нилъер къанунги какун чӏечӏого гаргадулев вукӏанин гьевилан гьересинугӏлъиялъе гӏадамал. 14Гьез абуна жидеда рагӏанила Стефаница абулеб гьев Назареталдаса Гӏисаца гьаб хирияб бакӏ биххизабизе бугин ва Мусаца нилъее тарал гӏадаталги хисизаризе ругилан.
15Судалда гьоркьор ругел гӏадамал Стефанихъ ралагьун рукӏаго, гьезда бихьана гьесул гьумер малаикасул гӏадин лъугьун.
Currently Selected:
Чапарзабазул ишал 6: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Чапарзабазул ишал 6
6
6 бетӏер
Анкьго кумекчи вищула
1Гьеб заманаялда муридазул къадар цӏикӏкӏанагӏан, грек мацӏалда кӏалъалел жугьутӏаз ягьудиязда тӏасан гӏарз бахъизе байбихьана щибаб къоялъ напакъа бикьулаго жидер къоролруччаби къварид гьарулел ругилан. 2Гьебмехалъ анцӏила кӏиявго чапарас, киналго муридалги данде ахӏун, лъазабуна, Аллагьасул рагӏи-малъиги рехун тун, жал садакъа-напакъаялде руссине рекъон букӏинарилан. 3Гьанже, вацал, нужеда гьоркьоб къадру-къимат бугев, Илагьияб Рухӏалъ ракӏги цӏурав, цӏодорав-гӏакъилав анкьго чи тӏаса вищизе ккелин. Цинги гьеб ишги гьезда тӏадкъалин, 4нижги рукӏинин Аллагьасе тӏагӏат гьабулел, гьесул Рагӏуе хъулухъ гьабулел.
5Кинабго агьлу разилъана гьелда. Гьез тӏаса рищана Илагьияб Рухӏалъги иманалъги ракӏ цӏурав Стефанги, Филиппги, Прохорги, Никанорги, Тимонги, Парменги ва мажусияв вукӏун Аллагьасде вуссарав Антиохиялдаса Николайги. 6Чапарзабазда цере чӏезаруна гьел. Чапарзабазги, дугӏаги гьабун, гьезда тӏад квер лъуна.
7Гьедин Аллагьасул рагӏи цӏубалеб букӏана. Муридазул къадар цӏакъго-цӏакъ цӏикӏкӏана Иерусалималда. Цӏакъ гӏемерал кашишзабазги иман лъуна.
Стефан ккун вачун уна
8Жиндилъ баркатги къудратги бугев Стефаница халкъалда рихьизарулел рукӏана кӏудиял мугӏжизаталги гӏаламаталги. 9Амма «Тархъанлъарал лагъзадерилин» абун цӏар бугеб синагогаялде ва киренаязул, гьединго искандарияталдасезул синагогабазде ва киликиялдасезулги асиялдасезулги гӏахьалаб синагогаялде какде хьвадулел цо-цо гӏадамал Стефангун къацандизе, дагӏбадизе лъугьана. 10Стефанилъ бугеб Илагьияб Рухӏги гьесул гӏакъилаб каламги къезабизе кӏвечӏо гьезда.
11Гьебмехалъ гьез, гъоркьанго рекъезарун, цо-цо чагӏи гьусун тӏамуна Муса аварагги Аллагьги какун гаргадилев рагӏанин гьев жидедаян абизе. 12Халкъги, халкъалъул чӏухӏби-хӏакимзабиги, диниял гӏалимзабиги Стефанида дандечӏезе тӏамуна гьез. Рачӏун гьез ккун вачун Стефан кӏудияб судалда цеве чӏезавуна. 13Гьенире рачун рачӏана гьаб хирияб бакӏги#6:13 Иерусалималъул Мукъадасаб Рукъ. нилъер къанунги какун чӏечӏого гаргадулев вукӏанин гьевилан гьересинугӏлъиялъе гӏадамал. 14Гьез абуна жидеда рагӏанила Стефаница абулеб гьев Назареталдаса Гӏисаца гьаб хирияб бакӏ биххизабизе бугин ва Мусаца нилъее тарал гӏадаталги хисизаризе ругилан.
15Судалда гьоркьор ругел гӏадамал Стефанихъ ралагьун рукӏаго, гьезда бихьана гьесул гьумер малаикасул гӏадин лъугьун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008