Иоанница бицараб Рохалил хабар 13
13
13 бетӏер
Гӏисаца жиндирго муридазул хӏатӏал чурула
1Жугьутӏазул Пасха тӏаде щолеб букӏана. Дуниял тун жиндирго Инсухъе ине заман гӏагарлъулеб букӏин лъалеб букӏана Гӏисада. Гьаб дуниялалда жинда божарал муридал рокьулаан гьесие. Гьале гьезде бугеб жиндирго рокьи тӏубанго бихьизабула гьес.
2Сардилъ кваназе гӏодор чӏун рукӏана. (Гьелде щвелалдего Симонил вас Ягьуда Искариотил рекӏелъе илбисалъ лъугьинабун букӏана Гӏисае хилиплъиялъул пикру.) 3Гӏисада лъалаан сундулго кверщел Инсуца жиндихъе кьун бугеблъи, жив Аллагьасдасан вачӏаравлъи ва гьесухъе тӏадвуссуневлъи. 4Хӏарччида нахъаса тӏаде вахъун, Гӏисаца халгӏат тӏаса рехана, рачлихъ квербацӏцӏ бухьана. 5Цинги, тӏарсинибе лъимги тӏун, жиндирго муридазул хӏатӏал чуризе ва рачлихъ бухьун бугеб квербацӏцӏалъ гьел рацӏцӏине лъугьана Гӏиса. 6Хӏатӏал чуризе Гӏиса аскӏове вачӏараб мехалъ, Симон Пётрица абуна:
– Я, Бетӏерчӏахъад, дир хӏатӏал чуризехъинищха мун вугев?
7– Дица гьабулеб бугеб жоялъул магӏна дуда гьанже бичӏчӏуларо. Хадуб бичӏчӏила дуда гьеб, – ан абуна Гӏисаца гьесда.
8Пётрица абуна:
– Киданиги риччаларо дица дуда дир хӏатӏал чуризе.
Гӏисаца абуна:
– Дица гьанже дур хӏатӏал чуричӏони, дида аскӏоб бакӏ букӏине гьечӏо дуе.
9Симон Пётрица абуна гьебмехалъ:
– Гьедин батани, Бетӏерчӏахъад, хӏатӏал гурелги, квералги чуре дир, бетӏерги чуре.
10Гӏисаца абуна:
– Чвердон вачӏарав чиясул хӏатӏал гурони чуризе кколаро. Черх гьесул бацӏцӏадго букӏуна. Нуж рацӏцӏадал руго, амма киналго гурелха.
11Гӏисада лъалеб букӏана щив жиндие хилиплъизе вугевали. Гьединлъидал абуна гьес нуж киналго гурин рацӏцӏадал ругелилан. 12Гьезул хӏатӏалги чурун, халгӏатги ретӏун, нахъеги гьезда аскӏов гӏодов чӏараб мехалъ, Гӏисаца абуна:
– Дица нужер хӏатӏал чуриялъул магӏна лъалищ нужеда? 13Нужеца дида абула Мугӏалимилан ва Тӏадегӏанавилан. Битӏараб буго гьеб. Гьединав чи вуго дун. 14Гьедин дица, нужер Мугӏалимас ва Тӏадегӏанас, нужер хӏатӏал чурулел ругони, нужецаги чуризе ккола цоцазул хӏатӏал. 15Дица нужеда мисал бихьизабулеб букӏана, дица нужее гьабураб нужецаги гьабизе. 16Хӏакълъун абулеб буго дица нужеда: жиндирго бетӏергьанасдаса тӏадегӏанав вукӏунаро гьесул лагъ. Жив витӏарасдаса тӏадегӏанав вукӏунаро гьесул чапарги. 17Гьардарал гурищ нуж, гьеб бичӏчӏани, гьедин гьабизеги гьабуни! 18Дица нужер киназулго хӏакъалъулъ гуро абулеб бугеб. Дида лъала дица щал тӏаса рищаралали. Амма Тӏехьалда бугеб гьадинаб калимаги ритӏухълъизе биччанте: «Дида цадахъ чед кварас квер борхана дида данде». 19Гьанже дица бицун толеб буго нужеда, дица бицухъе ккараб мехалъ, дун Дов вукӏиналда нуж божизе. 20Хӏакълъун абулеб буго дица нужеда: дица витӏарасде иман лъурав чи ккола диде иман лъурав чи. Диде иман лъурав чи ккола дун витӏарасде иман лъурав чи.
«Нужер цояв дие хилиплъила»
21Гьел рагӏаби абураб мехалъ, Гӏисал хӏал хисана. Гьес лъазабуна:
– Хӏакълъун абулеб буго дица нужеда: нужер цояв дие хилиплъила.
22Лъил хӏакъалъулъдай Гӏисаца гьеб абулеб бугебилан рихха-хочун цоцахъ ралагьана муридал. 23Гӏисае вокьулев цо мурид кваналев вукӏана гьесул каранда цеве чӏун. 24Симон Пётрица гьев муридасде ишан гьабуна лъил хӏакъалъулъ бицунеб бугебали дуца гьикъейилан. 25Гӏисал карандеги гьетӏун, гьес гьикъана:
– Я, Бетӏерчӏахъад, щив гьев?
26Гӏисаца жаваб кьуна:
– Суркӏиниб ччун дица чадил кесек кодобе кьурав чи вуго гьев.
Босун, суркӏинибги ччун, чадил кесек гьес кьуна Симонил вас Ягьуда Искариотихъе. 27Гьеб чадил кесек кодобе босарабго, Ягьудал чорхолъе илбис лъугьана. Гьебмехалъ Гӏисаца гьесда абуна:
– Дурго гьабулеб иш дагьаб хехго гьабе, – ян.
28Амма кваналел рукӏаразул цонигиясда бичӏчӏичӏо щай Гӏисаца гьедин абурабали. 29Гӏарац жаниб лъураб таргьа Ягьудахъ букӏиндал, цо-цоязда ккана байрамалде къваригӏараб-тараб босизе яги цо мискинчиясе садакъа кьезе айилан абулеб бугин.
30Чадил кесекги босун, Ягьуда вахъун къватӏиве ана. Сордо нахълъараб заман букӏана гьеб.
Цӏияб амру
31Ягьуда къватӏиве аравго, Гӏисаца абуна:
– Гӏадамил Лъимер машгьурлъана гьабсагӏат. Гьесдалъун Аллагьги машгьурлъана. 32Гьесдалъун Аллагь машгьурлъун вугелъул, живго Гӏадамил Лъимерги машгьурлъиларищ Аллагьасдалъун. Аллагьас цӏакъ хехго машгьур гьавила гьев. 33Дир хириял лъимал, нужеда аскӏов гӏемераб мехалъ хутӏиларо дун. Дун валагьулел рукӏина нуж. Дица ягьудияздаги абуна дун унеб бакӏалде нужеда рачӏине кӏоларилан, гьединго нужедаги абулеб буго гьанже: «Нужеда рачӏине кӏолеб бакӏ гуро доб дун унеб бакӏ». 34Цо цӏияб амру гьабила дица нужее: цоцазе рокьа нуж. Дие нуж рокьарал гӏадин рокьа нуж цоцазеги. 35Нуж цоцазе рокьулел рукӏиналдасан киназдаго лъала нуж дир муридал рукӏин.
«Дуца дидаса инкар гьабила, Симон»
Симон Пётрица гьикъана:
– Я, Бетӏерчӏахъад! Киве инехъин мун вугев?
36Гӏисаца гьесие жаваб кьуна:
– Гьанже дун унев вугеб бакӏалде дуда вачӏине кӏвезе гьечӏо. Цинги нахъа вачӏина мун.
37Пётрица гьикъана:
– Я, Бетӏерчӏахъад, гьанже щай кӏолареб дида дуда хадув вачӏине? Дуе гӏоло дица рухӏги кьела.
38Гӏисаца абуна:
– Дие гӏоло рухӏ кьезе хӏадурав чийищха мун? Хӏакълъун абулеб буго дица дуда: хӏелеко бахъиналде лъабцӏул инкар гьабила дуца дидаса.
Currently Selected:
Иоанница бицараб Рохалил хабар 13: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Иоанница бицараб Рохалил хабар 13
13
13 бетӏер
Гӏисаца жиндирго муридазул хӏатӏал чурула
1Жугьутӏазул Пасха тӏаде щолеб букӏана. Дуниял тун жиндирго Инсухъе ине заман гӏагарлъулеб букӏин лъалеб букӏана Гӏисада. Гьаб дуниялалда жинда божарал муридал рокьулаан гьесие. Гьале гьезде бугеб жиндирго рокьи тӏубанго бихьизабула гьес.
2Сардилъ кваназе гӏодор чӏун рукӏана. (Гьелде щвелалдего Симонил вас Ягьуда Искариотил рекӏелъе илбисалъ лъугьинабун букӏана Гӏисае хилиплъиялъул пикру.) 3Гӏисада лъалаан сундулго кверщел Инсуца жиндихъе кьун бугеблъи, жив Аллагьасдасан вачӏаравлъи ва гьесухъе тӏадвуссуневлъи. 4Хӏарччида нахъаса тӏаде вахъун, Гӏисаца халгӏат тӏаса рехана, рачлихъ квербацӏцӏ бухьана. 5Цинги, тӏарсинибе лъимги тӏун, жиндирго муридазул хӏатӏал чуризе ва рачлихъ бухьун бугеб квербацӏцӏалъ гьел рацӏцӏине лъугьана Гӏиса. 6Хӏатӏал чуризе Гӏиса аскӏове вачӏараб мехалъ, Симон Пётрица абуна:
– Я, Бетӏерчӏахъад, дир хӏатӏал чуризехъинищха мун вугев?
7– Дица гьабулеб бугеб жоялъул магӏна дуда гьанже бичӏчӏуларо. Хадуб бичӏчӏила дуда гьеб, – ан абуна Гӏисаца гьесда.
8Пётрица абуна:
– Киданиги риччаларо дица дуда дир хӏатӏал чуризе.
Гӏисаца абуна:
– Дица гьанже дур хӏатӏал чуричӏони, дида аскӏоб бакӏ букӏине гьечӏо дуе.
9Симон Пётрица абуна гьебмехалъ:
– Гьедин батани, Бетӏерчӏахъад, хӏатӏал гурелги, квералги чуре дир, бетӏерги чуре.
10Гӏисаца абуна:
– Чвердон вачӏарав чиясул хӏатӏал гурони чуризе кколаро. Черх гьесул бацӏцӏадго букӏуна. Нуж рацӏцӏадал руго, амма киналго гурелха.
11Гӏисада лъалеб букӏана щив жиндие хилиплъизе вугевали. Гьединлъидал абуна гьес нуж киналго гурин рацӏцӏадал ругелилан. 12Гьезул хӏатӏалги чурун, халгӏатги ретӏун, нахъеги гьезда аскӏов гӏодов чӏараб мехалъ, Гӏисаца абуна:
– Дица нужер хӏатӏал чуриялъул магӏна лъалищ нужеда? 13Нужеца дида абула Мугӏалимилан ва Тӏадегӏанавилан. Битӏараб буго гьеб. Гьединав чи вуго дун. 14Гьедин дица, нужер Мугӏалимас ва Тӏадегӏанас, нужер хӏатӏал чурулел ругони, нужецаги чуризе ккола цоцазул хӏатӏал. 15Дица нужеда мисал бихьизабулеб букӏана, дица нужее гьабураб нужецаги гьабизе. 16Хӏакълъун абулеб буго дица нужеда: жиндирго бетӏергьанасдаса тӏадегӏанав вукӏунаро гьесул лагъ. Жив витӏарасдаса тӏадегӏанав вукӏунаро гьесул чапарги. 17Гьардарал гурищ нуж, гьеб бичӏчӏани, гьедин гьабизеги гьабуни! 18Дица нужер киназулго хӏакъалъулъ гуро абулеб бугеб. Дида лъала дица щал тӏаса рищаралали. Амма Тӏехьалда бугеб гьадинаб калимаги ритӏухълъизе биччанте: «Дида цадахъ чед кварас квер борхана дида данде». 19Гьанже дица бицун толеб буго нужеда, дица бицухъе ккараб мехалъ, дун Дов вукӏиналда нуж божизе. 20Хӏакълъун абулеб буго дица нужеда: дица витӏарасде иман лъурав чи ккола диде иман лъурав чи. Диде иман лъурав чи ккола дун витӏарасде иман лъурав чи.
«Нужер цояв дие хилиплъила»
21Гьел рагӏаби абураб мехалъ, Гӏисал хӏал хисана. Гьес лъазабуна:
– Хӏакълъун абулеб буго дица нужеда: нужер цояв дие хилиплъила.
22Лъил хӏакъалъулъдай Гӏисаца гьеб абулеб бугебилан рихха-хочун цоцахъ ралагьана муридал. 23Гӏисае вокьулев цо мурид кваналев вукӏана гьесул каранда цеве чӏун. 24Симон Пётрица гьев муридасде ишан гьабуна лъил хӏакъалъулъ бицунеб бугебали дуца гьикъейилан. 25Гӏисал карандеги гьетӏун, гьес гьикъана:
– Я, Бетӏерчӏахъад, щив гьев?
26Гӏисаца жаваб кьуна:
– Суркӏиниб ччун дица чадил кесек кодобе кьурав чи вуго гьев.
Босун, суркӏинибги ччун, чадил кесек гьес кьуна Симонил вас Ягьуда Искариотихъе. 27Гьеб чадил кесек кодобе босарабго, Ягьудал чорхолъе илбис лъугьана. Гьебмехалъ Гӏисаца гьесда абуна:
– Дурго гьабулеб иш дагьаб хехго гьабе, – ян.
28Амма кваналел рукӏаразул цонигиясда бичӏчӏичӏо щай Гӏисаца гьедин абурабали. 29Гӏарац жаниб лъураб таргьа Ягьудахъ букӏиндал, цо-цоязда ккана байрамалде къваригӏараб-тараб босизе яги цо мискинчиясе садакъа кьезе айилан абулеб бугин.
30Чадил кесекги босун, Ягьуда вахъун къватӏиве ана. Сордо нахълъараб заман букӏана гьеб.
Цӏияб амру
31Ягьуда къватӏиве аравго, Гӏисаца абуна:
– Гӏадамил Лъимер машгьурлъана гьабсагӏат. Гьесдалъун Аллагьги машгьурлъана. 32Гьесдалъун Аллагь машгьурлъун вугелъул, живго Гӏадамил Лъимерги машгьурлъиларищ Аллагьасдалъун. Аллагьас цӏакъ хехго машгьур гьавила гьев. 33Дир хириял лъимал, нужеда аскӏов гӏемераб мехалъ хутӏиларо дун. Дун валагьулел рукӏина нуж. Дица ягьудияздаги абуна дун унеб бакӏалде нужеда рачӏине кӏоларилан, гьединго нужедаги абулеб буго гьанже: «Нужеда рачӏине кӏолеб бакӏ гуро доб дун унеб бакӏ». 34Цо цӏияб амру гьабила дица нужее: цоцазе рокьа нуж. Дие нуж рокьарал гӏадин рокьа нуж цоцазеги. 35Нуж цоцазе рокьулел рукӏиналдасан киназдаго лъала нуж дир муридал рукӏин.
«Дуца дидаса инкар гьабила, Симон»
Симон Пётрица гьикъана:
– Я, Бетӏерчӏахъад! Киве инехъин мун вугев?
36Гӏисаца гьесие жаваб кьуна:
– Гьанже дун унев вугеб бакӏалде дуда вачӏине кӏвезе гьечӏо. Цинги нахъа вачӏина мун.
37Пётрица гьикъана:
– Я, Бетӏерчӏахъад, гьанже щай кӏолареб дида дуда хадув вачӏине? Дуе гӏоло дица рухӏги кьела.
38Гӏисаца абуна:
– Дие гӏоло рухӏ кьезе хӏадурав чийищха мун? Хӏакълъун абулеб буго дица дуда: хӏелеко бахъиналде лъабцӏул инкар гьабила дуца дидаса.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008