Иоанница бицараб Рохалил хабар 14
14
14 бетӏер
Инсухъе нух
1Гӏисаца абуна:
– Ракӏ къварилъун рукӏунге нуж. Нужерго Аллагьасде иман лъе, дидеги иман лъе. 2Дир Инсул минаялъур гӏемерал рукъзал руго. Гьел гӏемер рукӏинчӏелани, гьедин абилароан дица. Нужее гьениб бакӏ къачӏазе унев вуго дун. 3Гьениб нужее бакӏ къачӏан бахъиндал, дун тӏадвуссун вачӏина нуж дидаго цадахъ рачине, нужги дида аскӏор рукӏине. 4Дун унев вугеб бакӏалде нух лъала нужеда.
5Фомаца гьикъана гьесда:
– Я, Бетӏерчӏахъад! Нижеда мун унев вугеб бакӏ лъалеб гьечӏелъул, гьенибе нух кин нижеда лъалеб?
6Гӏисаца жаваб кьуна:
– Дун вуго нух. Дун вуго хӏакъикъат. Дун вуго чӏаголъи. Дидалъун гурони цониги инсан дир Инсухъе вачӏине гьечӏо. 7Дун нужеда лъалев вугелъул, дир Эменги лъала нужеда. Жакъа къоялдаса нахъе нужеда гьев лъана ва нужеда гьев вихьана.
8Филиппица абуна:
– Я, Бетӏерчӏахъад! Гьев дур Эмен вихьизаве нижеда. Гьебги гӏела нижее.
9Гӏисаца абуна:
– Гьабгощинаб мехалъ нужеда цадахъ вукӏарав дун лъаларевищха, Филипп, дуда? Дун вихьарав чиясда дир Эменги вихьана. Дур Эмен вихьизавейилан щай дуца абулеб? 10Мун божулагури дун Инсулъ вукӏиналдаги, Эмен дилъ вукӏиналдаги. Нужеда кӏалъалаго дир кӏалдисан бачӏараб цониги рагӏи дунго лъикӏав лъугьун абичӏо дица. Дир щибаб ишги дилъ вугев дир Инсуца гьабураб буго. 11Дун Инсулъ вукӏиналдаги, Эмен дилъ вукӏиналдаги божа нуж. Гьелда божичӏони, дир хӏикматал ишаздагӏаги божа. 12Хӏакълъун абулеб буго дица нужеда: дида божулев чиясда кӏвезе буго дица гьабурабги гьабизе, жеги цӏикӏкӏунги гьабизе, гьанже дун дирго Инсухъе ине вугелъул. 13Дица тӏубазабила, дир цӏар рехсон нужеца щиб гьараниги, – Васасдалъун Эмен машгьурлъизе. 14Дир цӏар рехсон нужеца щиб дида гьараниги, гьеб дица тӏубазабила.
Муридазде Илагьияб Рухӏ рещтӏинилан абула Гӏисаца
15Дун нужее вокьулев ватани, дир амруязда рекъон хьваде. 16Дица Инсуда гьарила ва гьес нужехъе битӏила абадул абадиялъ нужедаса батӏалъичӏого нужер ракӏбатизабулеб 17Ритӏухълъиялъул Рухӏ. Гӏаламалъ гьеб къабул гьабизе гьечӏо, гӏаламалда гьеб лъаларелъул, бихьуларелъул. Амма нужеда гьеб лъала, гьеб гьабсагӏатги нужеда аскӏоб бугелъул ва кидаго нужелъ букӏинеги бугелъул. 18Дица нуж бесдаллъун теларо. Дун нужехъе вачӏина. 19Цодагьаб мехалдасан дун ина гӏаламалда вихьуларелъуве, амма нужеда дун вихьила. Дун чӏаго вугелъул, нужги чӏаго рукӏина. 20Гьеб къоялъ лъала нужеда дун дирго Инсулъ вугевлъи, нуж дилъ ругеллъи, дун нужелъги вугевлъи. 21Дир амру жиндихъ бугев ва гьеб тӏубазабун хьвадарав чи ккола дун вокьулев чи, дун вокьулев чи дир Инсуеги вокьила, диеги вокьила ва гьев чиясе дица дунго загьир гьавила.
22Ягьудаца (Ягьуда Искариот гуро гьев) гьикъана:
– Я, Бетӏерчӏахъад, гӏаламалъего загьир гьавичӏого, цохӏо нижее мунго загьир гьавиялъул магӏна щиб?
23Гӏисаца гьесие жаваб кьуна:
– Дун вокьулев чияс дир рагӏи рекӏелъ цӏунила, гьев дир Инсуе вокьила. Цинги ниж гьев чиясухъе рачӏина, ва нижер чӏей гьесухъ букӏина. 24Дун вокьуларев чияс дир рагӏи рекӏелъ цӏунуларо, амма нужеда рагӏараб рагӏи дир гуро, дун витӏарав дир Инсул буго. 25Дун нужеда цадахъ вукӏаго абун толеб буго дица гьеб. 26Нужер ракӏбатизабулеб ва дун хисун нужехъе Бетӏергьанас битӏизе бугеб Илагьияб Рухӏалъ кинабго малъила нужеда ва дица малъун тарабщинабги ракӏалде щвезабила.
27Дица нужее рекъел толеб буго, дирго рекъел кьолеб буго дица нужее, дуниялалъ кьолеб бугеб гӏадин гуребха дица нужее гьеб кьолеб бугеб! Ракӏ къварилъун рукӏунге ва хӏинкъуге нуж! 28Нужеда рагӏанагури дица абулеб дун нужеда аскӏоса инин ва нужеда аскӏове тӏадвуссун вачӏинилан. Нужее дун вокьулев ватани, нуж рохизе ккола дица Инсухъе унев вугилан абидал. Дир Эмен дидаса гӏемерго тӏадегӏанав вугелъул! 29Дица нужеда цебеккунго бицун толеб буго, гьеб кинабго дица бицухъе лъугьараб мехалъ, нуж дида божизе. 30Дагьаб заман хутӏана дие нужгун кӏалъазе. Дуниялалъулго кверщелчи тӏаде щолев вуго, амма дун гьесул кверщаликь вугев чи гуро. 31Дирго Эмен дие вокьулевлъи гӏаламалда лъазе гӏоло тӏубазабула дица гьес дие амру гьабурабщинаб. Гьанже тӏаде рахъа, гьаниса нахъе рилълъине ккола нилъ.
Currently Selected:
Иоанница бицараб Рохалил хабар 14: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Иоанница бицараб Рохалил хабар 14
14
14 бетӏер
Инсухъе нух
1Гӏисаца абуна:
– Ракӏ къварилъун рукӏунге нуж. Нужерго Аллагьасде иман лъе, дидеги иман лъе. 2Дир Инсул минаялъур гӏемерал рукъзал руго. Гьел гӏемер рукӏинчӏелани, гьедин абилароан дица. Нужее гьениб бакӏ къачӏазе унев вуго дун. 3Гьениб нужее бакӏ къачӏан бахъиндал, дун тӏадвуссун вачӏина нуж дидаго цадахъ рачине, нужги дида аскӏор рукӏине. 4Дун унев вугеб бакӏалде нух лъала нужеда.
5Фомаца гьикъана гьесда:
– Я, Бетӏерчӏахъад! Нижеда мун унев вугеб бакӏ лъалеб гьечӏелъул, гьенибе нух кин нижеда лъалеб?
6Гӏисаца жаваб кьуна:
– Дун вуго нух. Дун вуго хӏакъикъат. Дун вуго чӏаголъи. Дидалъун гурони цониги инсан дир Инсухъе вачӏине гьечӏо. 7Дун нужеда лъалев вугелъул, дир Эменги лъала нужеда. Жакъа къоялдаса нахъе нужеда гьев лъана ва нужеда гьев вихьана.
8Филиппица абуна:
– Я, Бетӏерчӏахъад! Гьев дур Эмен вихьизаве нижеда. Гьебги гӏела нижее.
9Гӏисаца абуна:
– Гьабгощинаб мехалъ нужеда цадахъ вукӏарав дун лъаларевищха, Филипп, дуда? Дун вихьарав чиясда дир Эменги вихьана. Дур Эмен вихьизавейилан щай дуца абулеб? 10Мун божулагури дун Инсулъ вукӏиналдаги, Эмен дилъ вукӏиналдаги. Нужеда кӏалъалаго дир кӏалдисан бачӏараб цониги рагӏи дунго лъикӏав лъугьун абичӏо дица. Дир щибаб ишги дилъ вугев дир Инсуца гьабураб буго. 11Дун Инсулъ вукӏиналдаги, Эмен дилъ вукӏиналдаги божа нуж. Гьелда божичӏони, дир хӏикматал ишаздагӏаги божа. 12Хӏакълъун абулеб буго дица нужеда: дида божулев чиясда кӏвезе буго дица гьабурабги гьабизе, жеги цӏикӏкӏунги гьабизе, гьанже дун дирго Инсухъе ине вугелъул. 13Дица тӏубазабила, дир цӏар рехсон нужеца щиб гьараниги, – Васасдалъун Эмен машгьурлъизе. 14Дир цӏар рехсон нужеца щиб дида гьараниги, гьеб дица тӏубазабила.
Муридазде Илагьияб Рухӏ рещтӏинилан абула Гӏисаца
15Дун нужее вокьулев ватани, дир амруязда рекъон хьваде. 16Дица Инсуда гьарила ва гьес нужехъе битӏила абадул абадиялъ нужедаса батӏалъичӏого нужер ракӏбатизабулеб 17Ритӏухълъиялъул Рухӏ. Гӏаламалъ гьеб къабул гьабизе гьечӏо, гӏаламалда гьеб лъаларелъул, бихьуларелъул. Амма нужеда гьеб лъала, гьеб гьабсагӏатги нужеда аскӏоб бугелъул ва кидаго нужелъ букӏинеги бугелъул. 18Дица нуж бесдаллъун теларо. Дун нужехъе вачӏина. 19Цодагьаб мехалдасан дун ина гӏаламалда вихьуларелъуве, амма нужеда дун вихьила. Дун чӏаго вугелъул, нужги чӏаго рукӏина. 20Гьеб къоялъ лъала нужеда дун дирго Инсулъ вугевлъи, нуж дилъ ругеллъи, дун нужелъги вугевлъи. 21Дир амру жиндихъ бугев ва гьеб тӏубазабун хьвадарав чи ккола дун вокьулев чи, дун вокьулев чи дир Инсуеги вокьила, диеги вокьила ва гьев чиясе дица дунго загьир гьавила.
22Ягьудаца (Ягьуда Искариот гуро гьев) гьикъана:
– Я, Бетӏерчӏахъад, гӏаламалъего загьир гьавичӏого, цохӏо нижее мунго загьир гьавиялъул магӏна щиб?
23Гӏисаца гьесие жаваб кьуна:
– Дун вокьулев чияс дир рагӏи рекӏелъ цӏунила, гьев дир Инсуе вокьила. Цинги ниж гьев чиясухъе рачӏина, ва нижер чӏей гьесухъ букӏина. 24Дун вокьуларев чияс дир рагӏи рекӏелъ цӏунуларо, амма нужеда рагӏараб рагӏи дир гуро, дун витӏарав дир Инсул буго. 25Дун нужеда цадахъ вукӏаго абун толеб буго дица гьеб. 26Нужер ракӏбатизабулеб ва дун хисун нужехъе Бетӏергьанас битӏизе бугеб Илагьияб Рухӏалъ кинабго малъила нужеда ва дица малъун тарабщинабги ракӏалде щвезабила.
27Дица нужее рекъел толеб буго, дирго рекъел кьолеб буго дица нужее, дуниялалъ кьолеб бугеб гӏадин гуребха дица нужее гьеб кьолеб бугеб! Ракӏ къварилъун рукӏунге ва хӏинкъуге нуж! 28Нужеда рагӏанагури дица абулеб дун нужеда аскӏоса инин ва нужеда аскӏове тӏадвуссун вачӏинилан. Нужее дун вокьулев ватани, нуж рохизе ккола дица Инсухъе унев вугилан абидал. Дир Эмен дидаса гӏемерго тӏадегӏанав вугелъул! 29Дица нужеда цебеккунго бицун толеб буго, гьеб кинабго дица бицухъе лъугьараб мехалъ, нуж дида божизе. 30Дагьаб заман хутӏана дие нужгун кӏалъазе. Дуниялалъулго кверщелчи тӏаде щолев вуго, амма дун гьесул кверщаликь вугев чи гуро. 31Дирго Эмен дие вокьулевлъи гӏаламалда лъазе гӏоло тӏубазабула дица гьес дие амру гьабурабщинаб. Гьанже тӏаде рахъа, гьаниса нахъе рилълъине ккола нилъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008