Лукаца бицараб Рохалил хабар 13
13
13 бетӏер
«Тавбу гьабичӏони, хвалде ина нуж»
1Гьебмехалъ Гӏисахъе рачӏун, цо чагӏаз бицана гьесда, Пилатица Галилеялъул гӏадамалги чӏванин ва Мукъадасаб Рокъоб гьез къурбаналъе хъураб боцӏул биялда гъорлъе гьезул биги жубазабунилан. 2Гӏисаца гьезда абуна:
– Жидее гьединаб гӏазаб кьурал чагӏи Галилеялъул цогидал гӏадамаздаса мунагь-хӏакъ гӏемерал рукӏаниланищ нужеда ракӏалде кколеб? 3Рукӏинчӏилан абулеб буго дица нужеда: амма тавбу гьабичӏони, нужги гьедин хвалде ина. 4Яги доб Силоамалъул си биххун гъоркье ккун хварав анцӏила микьго чи Иерусалималъул цогидал гӏадамаздаса мунагь-хӏакъ гӏемерал рукӏаниланищ нужеда ракӏалде кколеб? 5Рукӏинчӏилан абулеб буго дица нужеда: тавбу гьабичӏони, нужги гьедин хвалде ина.
Инжиралъул гъотӏол мисал
6Цинги Гӏисаца гьезие хабар бицана. Цо чияс ахикь инжиралъул гъветӏ чӏун букӏун буго. Вачӏун хал гьабидал гьелда тӏад пихъ бижун батун гьечӏо. 7Гьес ахихъанасда абун буго: «Гьале лъабабго соналъ вачӏунев вуго дун гьаб гъотӏохъе. Цониги инжир бижун батичӏо гьалда тӏад. Къотӏун рехе гьаб, ракь гӏадада хвезе течӏого». 8Ахихъанас абун буго: «Я, бетӏерчӏахъад! Цо исаналъиялъги жибго те гьеб. Дица гьелъул рохтиялъукь ракьги гьогь гьабила, ракги бала. 9Тӏадеялъул бижизе бегьула гьелда тӏад пихъ. Нагагь бижичӏони, къотӏун рехила».
Гӏисаца сахлъизаюла гьодилъа къуларай цо чӏужугӏадан
10Цо шамат къоялъ синагогаялъув вагӏза-насихӏат гьабулев вукӏана Гӏиса. 11Кӏичӏван гьодилъа къуларай цо чӏужугӏаданги йикӏана, тӏаде йорхун яхъун чӏезего кӏоларей. Гьелъул чорхолъ бугеб хъубаб женалъ анцӏила микьго соналъ чӏезаюн йикӏана гьей гьеб гӏазабалъукь. 12Гьей йихьидал, аскӏое ахӏун, Гӏисаца гьелда абуна:
– Йо, чӏужугӏадан! Мун дурго гӏузруялдаса хвасарлъана, – ян.
13Цинги гьелда тӏад квер бахъана гьес. Гьебсагӏатго гьелъул гьод битӏун бачӏана, Аллагьасе рецц гьабизе лъугьана гьей. 14Гӏисаца шамат къоялъ гьей гӏадан сахлъизе гьаюнилан ццин бахъарав синагогаялъул хӏакимас гӏадамаздехун вуссун абуна:
– Анкьида жаниб анлъго къо буго нилъ хӏалтӏизе кколеб. Шамат къоялъ рачӏинчӏого, гьел цогидал къояз рачӏа нужго сахлъизаризе.
15Гьебмехалъ гьесие жавабалъе Тӏадегӏанав Гӏисаца абуна:
– Ле, нуж ххвелал гьаризе ругьунлъараб уммат! Нужеда гъорлъ вугевищ русснадаса бичун нужерго оц яги хӏама шамат къоялъ гьекъезе бачунарев цониги чи? 16Ибрагьимил умматалъул гьай чӏужугӏадан анцӏила микьго соналъ юхьун чӏезаюн йикӏана илбисалъ. Жакъа шамат къоялъ дица гьей илбисалъул рухьадаса йичизе бегьулей йикӏинчӏейищ?
17Гӏисаца гьедин абидал, гӏадамазда цере инжитлъана дол гьесда дандечӏун рукӏарал чагӏи. Амма халкъин абуни, гьесул киналго хӏикматал ишаздаса бохун букӏана.
Горчицаялъул мугьалъул ва реччеялъул мисалал
18Гӏисаца гьезда абуна:
– Аллагьасул Парччахӏлъи сунда релълъунеб ва дица гьеб сунда данде кквезе бегьулеб? 19Гьеб релълъуна горчицаялъул хьодул гьитӏинаб мугьалда. Инсанас гьеб хьодул мугь ахикь чӏана, гьелдасан кӏудияб хъарахъ бижана, гьелъул гӏаркьалабазул рагӏдукь хӏанчӏаз бусабиги гьаруна.
20Нахъеги гьес абуна:
– Цоги сунда данде кквелеб дица Аллагьасул Парччахӏлъи? 21Гьеб данде кквезе бегьула цо пуланай чӏужугӏаданалъ ханждал лъабго къалиялда гъорлъе рехараб ва тӏубанго гьеб беччизабураб реччеялда.
Чӏедераб нуцӏил мисал
22Шагьаразде ва росабалъе щун, халкъалъе вагӏзабиги гьарулаго, Иерусалималдехун валагьун унев вукӏана Гӏиса.
23Цо чияс гьесда гьикъана:
– Я, Бетӏерчӏахъад! Дагьал чагӏи гурони хвасарлъунгутӏи битӏараб жойищ?
Гьес гьезда абуна:
24– Чӏедераб нуцӏихъан жанире лъугьине хӏаракат бахъе нужеца. Дица нужеда абулеб буго: гӏемераз жигар бахъила гьеб нуцӏихъан лъугьине, амма гьезда кӏвеларо. 25Вахъун рукъалъул бетӏергьанас нуцӏа рахарабго, къватӏирги чӏун, гьеб бухизе ва ахӏдезе лъугьина нуж: «Я, бетӏерчӏахъад! Нижее нуцӏа ричӏе!» – ян. Гьес нужеда абила: «Дида лъаларо нуж киса-щалали». 26Гьебмехалъ нуж лъугьина гьесда бичӏчӏизабизе: «Ниж руго дуда цадахъ квана-гьекъарал чагӏи, нижер шагьаралъул къватӏазда дуца нижее вагӏзабиги гьарун рукӏана». 27Гьес жаваб кьела нужее: «Дида лъаларо нуж киса-щалали. Рикӏкӏалъе нуж дидаса, ле квешлъи гьабурал киналго гӏадамал!» 28Аллагьасул Парччахӏлъиялда Ибрагьимги, Исхӏакъги, Якъубги ва цогидал аварагзабиги нужеда рихьараб ва нужги гьениса къватӏире рехараб мехалъ, гӏодилел ва цаби къерщезарулел хутӏила нуж. 29Машрикъалдаса ва магърибалдаса, севералъул ва къилбаялъул рахъалдаса рачӏина гӏадамал ва Аллагьасул Парччахӏлъиялда квана-гьекъезе гӏодор чӏела. 30Цере рукӏаразул цо-цоял нахъе ккела, ва нахъа рукӏаразул цо-цоял цере ккела.
Гӏисаца бицуна Иерусалималъул хӏакъалъулъ
31Гьеле гьеб заманаялда Гӏисахъе цо чанго фарисеяв вачӏана, Гьеродие мун чӏвазе бокьун бугин, гьаниса вахъун дурго нухда айилан лъазабизе. 32Гӏисаца гьезда абуна:
– Инеги ун гьеб царада абе нужеца, жундуз ккуралги унтаралги жакъаги метерги сахлъизарилин дица, цинги сезе дица дирго хӏалтӏи лъугӏизабилин. 33Хӏакъикъаталдаги жакъаги, метерги, сезеги дун Иерусалималдехун валагьун инчӏого гӏоларо. Гьенив гурони авараг чӏвазе къотӏи гьечӏелъул. 34Вай, Иерусалим, Иерусалим! Аварагзаби чӏвалеб ва духъе ритӏарал Аллагьасул илчизабазда ганчӏал речӏчӏулеб шагьар! Чан нухалъха дие бокьун букӏараб, къурщица тӏанчӏи гӏадин, дур гӏадамал дирго кваркьиялда гъоркье рачине, амма нужее гьеб бокьичӏо. 35Балагьея, нужер Хирияб Рукъ чӏобого хутӏила. Дица нужеда абулеб буго: «Бетӏергьанас витӏун вачӏунев вугесда баркат лъеги», – ян нужеца абизегӏан вихьиларо нужеда дун гьанжеялдаса хадув.
Currently Selected:
Лукаца бицараб Рохалил хабар 13: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Лукаца бицараб Рохалил хабар 13
13
13 бетӏер
«Тавбу гьабичӏони, хвалде ина нуж»
1Гьебмехалъ Гӏисахъе рачӏун, цо чагӏаз бицана гьесда, Пилатица Галилеялъул гӏадамалги чӏванин ва Мукъадасаб Рокъоб гьез къурбаналъе хъураб боцӏул биялда гъорлъе гьезул биги жубазабунилан. 2Гӏисаца гьезда абуна:
– Жидее гьединаб гӏазаб кьурал чагӏи Галилеялъул цогидал гӏадамаздаса мунагь-хӏакъ гӏемерал рукӏаниланищ нужеда ракӏалде кколеб? 3Рукӏинчӏилан абулеб буго дица нужеда: амма тавбу гьабичӏони, нужги гьедин хвалде ина. 4Яги доб Силоамалъул си биххун гъоркье ккун хварав анцӏила микьго чи Иерусалималъул цогидал гӏадамаздаса мунагь-хӏакъ гӏемерал рукӏаниланищ нужеда ракӏалде кколеб? 5Рукӏинчӏилан абулеб буго дица нужеда: тавбу гьабичӏони, нужги гьедин хвалде ина.
Инжиралъул гъотӏол мисал
6Цинги Гӏисаца гьезие хабар бицана. Цо чияс ахикь инжиралъул гъветӏ чӏун букӏун буго. Вачӏун хал гьабидал гьелда тӏад пихъ бижун батун гьечӏо. 7Гьес ахихъанасда абун буго: «Гьале лъабабго соналъ вачӏунев вуго дун гьаб гъотӏохъе. Цониги инжир бижун батичӏо гьалда тӏад. Къотӏун рехе гьаб, ракь гӏадада хвезе течӏого». 8Ахихъанас абун буго: «Я, бетӏерчӏахъад! Цо исаналъиялъги жибго те гьеб. Дица гьелъул рохтиялъукь ракьги гьогь гьабила, ракги бала. 9Тӏадеялъул бижизе бегьула гьелда тӏад пихъ. Нагагь бижичӏони, къотӏун рехила».
Гӏисаца сахлъизаюла гьодилъа къуларай цо чӏужугӏадан
10Цо шамат къоялъ синагогаялъув вагӏза-насихӏат гьабулев вукӏана Гӏиса. 11Кӏичӏван гьодилъа къуларай цо чӏужугӏаданги йикӏана, тӏаде йорхун яхъун чӏезего кӏоларей. Гьелъул чорхолъ бугеб хъубаб женалъ анцӏила микьго соналъ чӏезаюн йикӏана гьей гьеб гӏазабалъукь. 12Гьей йихьидал, аскӏое ахӏун, Гӏисаца гьелда абуна:
– Йо, чӏужугӏадан! Мун дурго гӏузруялдаса хвасарлъана, – ян.
13Цинги гьелда тӏад квер бахъана гьес. Гьебсагӏатго гьелъул гьод битӏун бачӏана, Аллагьасе рецц гьабизе лъугьана гьей. 14Гӏисаца шамат къоялъ гьей гӏадан сахлъизе гьаюнилан ццин бахъарав синагогаялъул хӏакимас гӏадамаздехун вуссун абуна:
– Анкьида жаниб анлъго къо буго нилъ хӏалтӏизе кколеб. Шамат къоялъ рачӏинчӏого, гьел цогидал къояз рачӏа нужго сахлъизаризе.
15Гьебмехалъ гьесие жавабалъе Тӏадегӏанав Гӏисаца абуна:
– Ле, нуж ххвелал гьаризе ругьунлъараб уммат! Нужеда гъорлъ вугевищ русснадаса бичун нужерго оц яги хӏама шамат къоялъ гьекъезе бачунарев цониги чи? 16Ибрагьимил умматалъул гьай чӏужугӏадан анцӏила микьго соналъ юхьун чӏезаюн йикӏана илбисалъ. Жакъа шамат къоялъ дица гьей илбисалъул рухьадаса йичизе бегьулей йикӏинчӏейищ?
17Гӏисаца гьедин абидал, гӏадамазда цере инжитлъана дол гьесда дандечӏун рукӏарал чагӏи. Амма халкъин абуни, гьесул киналго хӏикматал ишаздаса бохун букӏана.
Горчицаялъул мугьалъул ва реччеялъул мисалал
18Гӏисаца гьезда абуна:
– Аллагьасул Парччахӏлъи сунда релълъунеб ва дица гьеб сунда данде кквезе бегьулеб? 19Гьеб релълъуна горчицаялъул хьодул гьитӏинаб мугьалда. Инсанас гьеб хьодул мугь ахикь чӏана, гьелдасан кӏудияб хъарахъ бижана, гьелъул гӏаркьалабазул рагӏдукь хӏанчӏаз бусабиги гьаруна.
20Нахъеги гьес абуна:
– Цоги сунда данде кквелеб дица Аллагьасул Парччахӏлъи? 21Гьеб данде кквезе бегьула цо пуланай чӏужугӏаданалъ ханждал лъабго къалиялда гъорлъе рехараб ва тӏубанго гьеб беччизабураб реччеялда.
Чӏедераб нуцӏил мисал
22Шагьаразде ва росабалъе щун, халкъалъе вагӏзабиги гьарулаго, Иерусалималдехун валагьун унев вукӏана Гӏиса.
23Цо чияс гьесда гьикъана:
– Я, Бетӏерчӏахъад! Дагьал чагӏи гурони хвасарлъунгутӏи битӏараб жойищ?
Гьес гьезда абуна:
24– Чӏедераб нуцӏихъан жанире лъугьине хӏаракат бахъе нужеца. Дица нужеда абулеб буго: гӏемераз жигар бахъила гьеб нуцӏихъан лъугьине, амма гьезда кӏвеларо. 25Вахъун рукъалъул бетӏергьанас нуцӏа рахарабго, къватӏирги чӏун, гьеб бухизе ва ахӏдезе лъугьина нуж: «Я, бетӏерчӏахъад! Нижее нуцӏа ричӏе!» – ян. Гьес нужеда абила: «Дида лъаларо нуж киса-щалали». 26Гьебмехалъ нуж лъугьина гьесда бичӏчӏизабизе: «Ниж руго дуда цадахъ квана-гьекъарал чагӏи, нижер шагьаралъул къватӏазда дуца нижее вагӏзабиги гьарун рукӏана». 27Гьес жаваб кьела нужее: «Дида лъаларо нуж киса-щалали. Рикӏкӏалъе нуж дидаса, ле квешлъи гьабурал киналго гӏадамал!» 28Аллагьасул Парччахӏлъиялда Ибрагьимги, Исхӏакъги, Якъубги ва цогидал аварагзабиги нужеда рихьараб ва нужги гьениса къватӏире рехараб мехалъ, гӏодилел ва цаби къерщезарулел хутӏила нуж. 29Машрикъалдаса ва магърибалдаса, севералъул ва къилбаялъул рахъалдаса рачӏина гӏадамал ва Аллагьасул Парччахӏлъиялда квана-гьекъезе гӏодор чӏела. 30Цере рукӏаразул цо-цоял нахъе ккела, ва нахъа рукӏаразул цо-цоял цере ккела.
Гӏисаца бицуна Иерусалималъул хӏакъалъулъ
31Гьеле гьеб заманаялда Гӏисахъе цо чанго фарисеяв вачӏана, Гьеродие мун чӏвазе бокьун бугин, гьаниса вахъун дурго нухда айилан лъазабизе. 32Гӏисаца гьезда абуна:
– Инеги ун гьеб царада абе нужеца, жундуз ккуралги унтаралги жакъаги метерги сахлъизарилин дица, цинги сезе дица дирго хӏалтӏи лъугӏизабилин. 33Хӏакъикъаталдаги жакъаги, метерги, сезеги дун Иерусалималдехун валагьун инчӏого гӏоларо. Гьенив гурони авараг чӏвазе къотӏи гьечӏелъул. 34Вай, Иерусалим, Иерусалим! Аварагзаби чӏвалеб ва духъе ритӏарал Аллагьасул илчизабазда ганчӏал речӏчӏулеб шагьар! Чан нухалъха дие бокьун букӏараб, къурщица тӏанчӏи гӏадин, дур гӏадамал дирго кваркьиялда гъоркье рачине, амма нужее гьеб бокьичӏо. 35Балагьея, нужер Хирияб Рукъ чӏобого хутӏила. Дица нужеда абулеб буго: «Бетӏергьанас витӏун вачӏунев вугесда баркат лъеги», – ян нужеца абизегӏан вихьиларо нужеда дун гьанжеялдаса хадув.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008