Лукаца бицараб Рохалил хабар 14
14
14 бетӏер
Гӏиса гьоболлъухъ ахӏула цо фарисеяс
1Цо пуланаб шамат къоялъ Гӏиса фарисеязул цо хӏакимасухъе гьоболлъухъ ун вукӏана. Гьес щиб гьабулебали хал ккун чӏун рукӏана гьенир. 2Гьесда дандвитӏун гӏодов чӏун вукӏана лъадал къвачӏа чорхолъ лъугьарав цо чи. 3Гӏисаца диниял гӏалимзабаздаги фарисеяздаги гьикъана:
– Къануналъ изну кьолебищ шамат къоялъ чи сахлъизавизе, яги кьоларебищ?
4Гьел руцӏцӏун чӏана. Гӏисаца квер хъван сахлъизавуна гьев унтарав чи ва рокъове витӏана. 5Гӏисаца гьезда абуна:
– Нужер лъилниги хӏама яги оц гъуялъубе бортани, шамат къо бугониги, гьебсагӏат къватӏибе бахъиларищ нужеца гьеб?
6Гьелда дагӏба базе кӏвечӏо лъиданиги.
7Кванде ахӏарал гьалбал сурпаялда нахъа бищунго хӏурматияб бакӏ кквезе церегӏан къалел рихьидал, мисал бачун, бицана Гӏисаца:
8– Берталъе ахӏараб мехалъ, бахӏарасда аскӏор гӏодор чӏоге нуж. Щайгурелъул гьенив гӏодов чӏезе ахӏун ватизе бегьула дудасаги гьезие цевесев чи. 9Мунги гьевги гьениве ахӏарав бертадул бетӏерас дуда аскӏове вачӏун, абила: «Гьав виччай гьенив гӏодов чӏезе», – ян. Цинги мунги инжитго вахъине ккела бищун нахъегӏан бугеб бакӏалда гӏодов чӏезе. 10Вачӏинахъего мун дова бищунго нахъа гӏодов чӏани, дуда аскӏове вачӏун бертадул бетӏерас абила: «Гьаниве цевегӏан вачӏа, гьудул», – абун. Берталъ ругезда гьоркьоб дур къадру-къиматги борхила гьебмехалъ. 11Жинцаго живго тӏадегӏанлъизавурав гӏодовегӏанлъула, гӏодовегӏанго чӏарав тӏадегӏанлъичӏого хутӏуларо.
12Рукъалъул бетӏергьанасдаги абуна Гӏисаца:
– Гьадинаб квана-гьекъей гьабулеб мехалъ, гьез мунги ахӏиялде хьул лъун ва гьеб дуе бецӏилилан ракӏалде ккун, дурго гьудулзабиги, вацалги, гӏагарал чагӏиги, бечедал мадугьалзабиги ахӏуге дуца кванде. 13Дуца гьоболлъухъ ахӏе мискинал, гӏажизал, рекъал, бецал гӏадамал. 14Гьардарав гурищ мун, гьезда кӏоларелъул гьеб дуе бецӏизе. Гьеб дуе бецӏила муъминзаби хваралъуса рахъинарулеб къиямасеб къоялъ.
15Гьеб рагӏидал, гьенир квана-гьекъолел рукӏаразул цояс Гӏисада абуна:
– Гьардарав гурищ Аллагьасул Парччахӏлъиялда квана-гьекъезе вугев чи.
16Гӏисаца гьесие бицана:
– Кӏудияб гьоболлъи гьабизе цо сордоялъ гӏемерал гӏадамал кванде ахӏанила цо пуланав чияс. 17Квен цебе лъураб мехалъ, гьес жиндирго рагьтӏател витӏанила гьел гӏадамазда кваназе рачӏайилан абизе. 18Киназго цо чияс гӏадин абунила жидее рачӏине щолеб гьечӏин, тӏасалъугьайилан. Цояс абунила, жинца цо хур бичун босун бугин, гьеб бихьизе ине кколин, тӏасалъугьаян гьарулин жинцайилан. 19Цогидас абунила, жинца анцӏго оц босун бугин, рекьарулищали гьел рукьалда разе кколин, тӏасалъугьаян гьарулин жинцайилан. 20Цогидасги абунила, жинца чӏужу ячун йигин, жиндие вачӏине щоларилан. 21Тӏадвуссун вачӏун, рагьтӏателас бицанила гьеб киналъулго хӏакъалъулъ. Гьебмехалъ, дозда ццинги бахъун, рукъалъул бетӏергьанас рагьтӏателасда абунила: «Векере, шагьаралъул къватӏазде ун, гьенив ватанщинав мискинав, гӏажизав, бецав, рекъав чиги вачӏун вачӏа», – ян. 22Тӏадвуссун вачӏун рагьтӏателас абунила: «Дур амру тӏубазабуна, бетӏерчӏахъад. Амма тӏотӏода нахъа жеги бакӏ хутӏун буго», – ян. 23Нахъеги абунила гьес рагьтӏателасда: «Дове нухде ун эхеве-эхеде уневщинав чиги вачун вачӏа. Дуца гьаб дир рукъ кьабун цӏезабе. 24Амма лъан букӏа дуда: дол дица гьоболлъухъ ахӏун рукӏаразул цонигияв кваназе гьечӏо дир къавулъ».
«Дир муридаллъун лъугьине лъида кӏолареб?»
25Гӏемерал гӏадамал рукӏана Гӏисада цадахъ унел. Гьездехун вуссун, гьес абуна:
26– Жиндирго эбел-инсудехун, лъимал-хъизаналдехун, яцал-вацаздехун, хӏатта жиндирго гӏумруялдехун рокьукълъи гьечӏев чи дида аскӏове вачӏунев вугони, гьесухъа бажаруларо дир муридлъун вукӏине. 27Живго тӏад вазе хъанчги баччун дида цадахъ вачӏунев гьечӏони, гьесухъаги бажаруларо дир муридлъун вукӏине. 28Нужеда гьоркьоса цо лъиениги бокьун бугони си базе, гӏодовги чӏун цин гьес хӏисаб гьабиларищ гьеб бан лъугӏизабизе гӏураб сурсат бугищ жиндирали. 29Гурони – кьучӏги лъун, бачӏого хутӏила гьесул си. Гьебмехалъ гьесда тӏад киналго релъанхъила, 30си базе байги бихьун, гьеб лъугӏизабизе кӏвечӏин абун. 31Яги цогидав пачаясда данде рагъде вахъине къачӏарав пачаяс, цин гӏодовги чӏун, пикру гьабизе ккеларищ къоазарго рагъухъан вугеб тушманасул бода данде анцӏазарго чи вугеб жиндир бо багъун бажариладаян. 32Бажарунгутӏи лъайдал, дов тушман рикӏкӏад вукӏаго ритӏизе ккола гьес рекъел гьарун жиндирго чапарзаби. 33Гьедин нужеда гьоркьов вугев щивав чиясги жиндирго бугебщиналдаса инкар гьабичӏони, гьесдаги кӏоларо дир муридлъун вукӏине. 34Цӏам лъикӏаб жо буго. Амма гьелъул цӏамгӏаллъи холеб бугони, кин гьеб нахъеги цӏамгӏаллъизабилеб? 35Я ракь лъугьунаро гьелъул, я хурибе базе рак лъугьунаро. Гӏодобе бала гьеб. Гӏундул ругезда рагӏизе биччанте гьеб!
Currently Selected:
Лукаца бицараб Рохалил хабар 14: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Лукаца бицараб Рохалил хабар 14
14
14 бетӏер
Гӏиса гьоболлъухъ ахӏула цо фарисеяс
1Цо пуланаб шамат къоялъ Гӏиса фарисеязул цо хӏакимасухъе гьоболлъухъ ун вукӏана. Гьес щиб гьабулебали хал ккун чӏун рукӏана гьенир. 2Гьесда дандвитӏун гӏодов чӏун вукӏана лъадал къвачӏа чорхолъ лъугьарав цо чи. 3Гӏисаца диниял гӏалимзабаздаги фарисеяздаги гьикъана:
– Къануналъ изну кьолебищ шамат къоялъ чи сахлъизавизе, яги кьоларебищ?
4Гьел руцӏцӏун чӏана. Гӏисаца квер хъван сахлъизавуна гьев унтарав чи ва рокъове витӏана. 5Гӏисаца гьезда абуна:
– Нужер лъилниги хӏама яги оц гъуялъубе бортани, шамат къо бугониги, гьебсагӏат къватӏибе бахъиларищ нужеца гьеб?
6Гьелда дагӏба базе кӏвечӏо лъиданиги.
7Кванде ахӏарал гьалбал сурпаялда нахъа бищунго хӏурматияб бакӏ кквезе церегӏан къалел рихьидал, мисал бачун, бицана Гӏисаца:
8– Берталъе ахӏараб мехалъ, бахӏарасда аскӏор гӏодор чӏоге нуж. Щайгурелъул гьенив гӏодов чӏезе ахӏун ватизе бегьула дудасаги гьезие цевесев чи. 9Мунги гьевги гьениве ахӏарав бертадул бетӏерас дуда аскӏове вачӏун, абила: «Гьав виччай гьенив гӏодов чӏезе», – ян. Цинги мунги инжитго вахъине ккела бищун нахъегӏан бугеб бакӏалда гӏодов чӏезе. 10Вачӏинахъего мун дова бищунго нахъа гӏодов чӏани, дуда аскӏове вачӏун бертадул бетӏерас абила: «Гьаниве цевегӏан вачӏа, гьудул», – абун. Берталъ ругезда гьоркьоб дур къадру-къиматги борхила гьебмехалъ. 11Жинцаго живго тӏадегӏанлъизавурав гӏодовегӏанлъула, гӏодовегӏанго чӏарав тӏадегӏанлъичӏого хутӏуларо.
12Рукъалъул бетӏергьанасдаги абуна Гӏисаца:
– Гьадинаб квана-гьекъей гьабулеб мехалъ, гьез мунги ахӏиялде хьул лъун ва гьеб дуе бецӏилилан ракӏалде ккун, дурго гьудулзабиги, вацалги, гӏагарал чагӏиги, бечедал мадугьалзабиги ахӏуге дуца кванде. 13Дуца гьоболлъухъ ахӏе мискинал, гӏажизал, рекъал, бецал гӏадамал. 14Гьардарав гурищ мун, гьезда кӏоларелъул гьеб дуе бецӏизе. Гьеб дуе бецӏила муъминзаби хваралъуса рахъинарулеб къиямасеб къоялъ.
15Гьеб рагӏидал, гьенир квана-гьекъолел рукӏаразул цояс Гӏисада абуна:
– Гьардарав гурищ Аллагьасул Парччахӏлъиялда квана-гьекъезе вугев чи.
16Гӏисаца гьесие бицана:
– Кӏудияб гьоболлъи гьабизе цо сордоялъ гӏемерал гӏадамал кванде ахӏанила цо пуланав чияс. 17Квен цебе лъураб мехалъ, гьес жиндирго рагьтӏател витӏанила гьел гӏадамазда кваназе рачӏайилан абизе. 18Киназго цо чияс гӏадин абунила жидее рачӏине щолеб гьечӏин, тӏасалъугьайилан. Цояс абунила, жинца цо хур бичун босун бугин, гьеб бихьизе ине кколин, тӏасалъугьаян гьарулин жинцайилан. 19Цогидас абунила, жинца анцӏго оц босун бугин, рекьарулищали гьел рукьалда разе кколин, тӏасалъугьаян гьарулин жинцайилан. 20Цогидасги абунила, жинца чӏужу ячун йигин, жиндие вачӏине щоларилан. 21Тӏадвуссун вачӏун, рагьтӏателас бицанила гьеб киналъулго хӏакъалъулъ. Гьебмехалъ, дозда ццинги бахъун, рукъалъул бетӏергьанас рагьтӏателасда абунила: «Векере, шагьаралъул къватӏазде ун, гьенив ватанщинав мискинав, гӏажизав, бецав, рекъав чиги вачӏун вачӏа», – ян. 22Тӏадвуссун вачӏун рагьтӏателас абунила: «Дур амру тӏубазабуна, бетӏерчӏахъад. Амма тӏотӏода нахъа жеги бакӏ хутӏун буго», – ян. 23Нахъеги абунила гьес рагьтӏателасда: «Дове нухде ун эхеве-эхеде уневщинав чиги вачун вачӏа. Дуца гьаб дир рукъ кьабун цӏезабе. 24Амма лъан букӏа дуда: дол дица гьоболлъухъ ахӏун рукӏаразул цонигияв кваназе гьечӏо дир къавулъ».
«Дир муридаллъун лъугьине лъида кӏолареб?»
25Гӏемерал гӏадамал рукӏана Гӏисада цадахъ унел. Гьездехун вуссун, гьес абуна:
26– Жиндирго эбел-инсудехун, лъимал-хъизаналдехун, яцал-вацаздехун, хӏатта жиндирго гӏумруялдехун рокьукълъи гьечӏев чи дида аскӏове вачӏунев вугони, гьесухъа бажаруларо дир муридлъун вукӏине. 27Живго тӏад вазе хъанчги баччун дида цадахъ вачӏунев гьечӏони, гьесухъаги бажаруларо дир муридлъун вукӏине. 28Нужеда гьоркьоса цо лъиениги бокьун бугони си базе, гӏодовги чӏун цин гьес хӏисаб гьабиларищ гьеб бан лъугӏизабизе гӏураб сурсат бугищ жиндирали. 29Гурони – кьучӏги лъун, бачӏого хутӏила гьесул си. Гьебмехалъ гьесда тӏад киналго релъанхъила, 30си базе байги бихьун, гьеб лъугӏизабизе кӏвечӏин абун. 31Яги цогидав пачаясда данде рагъде вахъине къачӏарав пачаяс, цин гӏодовги чӏун, пикру гьабизе ккеларищ къоазарго рагъухъан вугеб тушманасул бода данде анцӏазарго чи вугеб жиндир бо багъун бажариладаян. 32Бажарунгутӏи лъайдал, дов тушман рикӏкӏад вукӏаго ритӏизе ккола гьес рекъел гьарун жиндирго чапарзаби. 33Гьедин нужеда гьоркьов вугев щивав чиясги жиндирго бугебщиналдаса инкар гьабичӏони, гьесдаги кӏоларо дир муридлъун вукӏине. 34Цӏам лъикӏаб жо буго. Амма гьелъул цӏамгӏаллъи холеб бугони, кин гьеб нахъеги цӏамгӏаллъизабилеб? 35Я ракь лъугьунаро гьелъул, я хурибе базе рак лъугьунаро. Гӏодобе бала гьеб. Гӏундул ругезда рагӏизе биччанте гьеб!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008