མཐིཿ 6
6
1སཱཝདྷཱནཱ བྷཝཏ, མནུཛཱན྄ དརྴཡིཏུཾ ཏེཥཱཾ གོཙརེ དྷརྨྨཀརྨྨ མཱ ཀུརུཏ, ཏཐཱ ཀྲྀཏེ ཡུཥྨཱཀཾ སྭརྒསྠཔིཏུཿ སཀཱཤཱཏ྄ ཀིཉྩན ཕལཾ ན པྲཱཔྶྱཐ།
2ཏྭཾ ཡདཱ དདཱསི ཏདཱ ཀཔཊིནོ ཛནཱ ཡཐཱ མནུཛེབྷྱཿ པྲཤཾསཱཾ པྲཱཔྟུཾ བྷཛནབྷཝནེ རཱཛམཱརྒེ ཙ ཏཱུརཱིཾ ཝཱདཡནྟི, ཏཐཱ མཱ ཀུརིु, ཨཧཾ ཏུབྷྱཾ ཡཐཱརྠཾ ཀཐཡཱམི, ཏེ སྭཀཱཡཾ ཕལམ྄ ཨལབྷནྟ།
3ཀིནྟུ ཏྭཾ ཡདཱ དདཱསི, ཏདཱ ནིཛདཀྵིཎཀརོ ཡཏ྄ ཀརོཏི, ཏད྄ ཝཱམཀརཾ མཱ ཛྙཱཔཡ།
4ཏེན ཏཝ དཱནཾ གུཔྟཾ བྷཝིཥྱཏི ཡསྟུ ཏཝ པིཏཱ གུཔྟདརྴཱི, ས པྲཀཱཤྱ ཏུབྷྱཾ ཕལཾ དཱསྱཏི།
5ཨཔརཾ ཡདཱ པྲཱརྠཡསེ, ཏདཱ ཀཔཊིནཨིཝ མཱ ཀུརུ, ཡསྨཱཏ྄ ཏེ བྷཛནབྷཝནེ རཱཛམཱརྒསྱ ཀོཎེ ཏིཥྛནྟོ ལོཀཱན྄ དརྴཡནྟཿ པྲཱརྠཡིཏུཾ པྲཱིཡནྟེ; ཨཧཾ ཡུཥྨཱན྄ ཏཐྱཾ ཝདཱམི, ཏེ སྭཀཱིཡཕལཾ པྲཱཔྣུཝན྄།
6ཏསྨཱཏ྄ པྲཱརྠནཱཀཱལེ ཨནྟརཱགཱརཾ པྲཝིཤྱ དྭཱརཾ རུདྭྭཱ གུཔྟཾ པཤྱཏསྟཝ པིཏུཿ སམཱིཔེ པྲཱརྠཡསྭ; ཏེན ཏཝ ཡཿ པིཏཱ གུཔྟདརྴཱི, ས པྲཀཱཤྱ ཏུབྷྱཾ ཕལཾ དཱསྱཏིl
7ཨཔརཾ པྲཱརྠནཱཀཱལེ དེཝཔཱུཛཀཱཨིཝ མུདྷཱ པུནརུཀྟིཾ མཱ ཀུརུ, ཡསྨཱཏ྄ ཏེ བོདྷནྟེ, བཧུཝཱརཾ ཀཐཱཡཱཾ ཀཐིཏཱཡཱཾ ཏེཥཱཾ པྲཱརྠནཱ གྲཱཧིཥྱཏེ།
8ཡཱུཡཾ ཏེཥཱམིཝ མཱ ཀུརུཏ, ཡསྨཱཏ྄ ཡུཥྨཱཀཾ ཡད྄ ཡཏ྄ པྲཡོཛནཾ ཡཱཙནཱཏཿ པྲཱགེཝ ཡུཥྨཱཀཾ པིཏཱ ཏཏ྄ ཛཱནཱཏི།
9ཨཏཨེཝ ཡཱུཡམ ཨཱིདྲྀཀ྄ པྲཱརྠཡདྷྭཾ, ཧེ ཨསྨཱཀཾ སྭརྒསྠཔིཏཿ, ཏཝ ནཱམ པཱུཛྱཾ བྷཝཏུ།
10ཏཝ རཱཛཏྭཾ བྷཝཏུ; ཏཝེཙྪཱ སྭརྒེ ཡཐཱ ཏཐཻཝ མེདིནྱཱམཔི སཕལཱ བྷཝཏུ།
11ཨསྨཱཀཾ པྲཡོཛནཱིཡམ྄ ཨཱཧཱརམ྄ ཨདྱ དེཧི།
12ཝཡཾ ཡཐཱ ནིཛཱཔརཱདྷིནཿ ཀྵམཱམཧེ, ཏཐཻཝཱསྨཱཀམ྄ ཨཔརཱདྷཱན྄ ཀྵམསྭ།
13ཨསྨཱན྄ པརཱིཀྵཱཾ མཱནཡ, ཀིནྟུ པཱཔཱཏྨནོ རཀྵ; རཱཛཏྭཾ གཽརཝཾ པརཱཀྲམཿ ཨེཏེ སཪྻྭེ སཪྻྭདཱ ཏཝ; ཏཐཱསྟུ།
14ཡདི ཡཱུཡམ྄ ཨནྱེཥཱམ྄ ཨཔརཱདྷཱན྄ ཀྵམདྷྭེ ཏརྷི ཡུཥྨཱཀཾ སྭརྒསྠཔིཏཱཔི ཡུཥྨཱན྄ ཀྵམིཥྱཏེ;
15ཀིནྟུ ཡདི ཡཱུཡམ྄ ཨནྱེཥཱམ྄ ཨཔརཱདྷཱན྄ ན ཀྵམདྷྭེ, ཏརྷི ཡུཥྨཱཀཾ ཛནཀོཔི ཡུཥྨཱཀམ྄ ཨཔརཱདྷཱན྄ ན ཀྵམིཥྱཏེ།
16ཨཔརམ྄ ཨུཔཝཱསཀཱལེ ཀཔཊིནོ ཛནཱ མཱནུཥཱན྄ ཨུཔཝཱསཾ ཛྙཱཔཡིཏུཾ སྭེཥཱཾ ཝདནཱནི མླཱནཱནི ཀུཪྻྭནྟི, ཡཱུཡཾ ཏཨིཝ ཝིཥཎཝདནཱ མཱ བྷཝཏ; ཨཧཾ ཡུཥྨཱན྄ ཏཐྱཾ ཝདཱམི ཏེ སྭཀཱིཡཕལམ྄ ཨལབྷནྟ།
17ཡདཱ ཏྭམ྄ ཨུཔཝསསི, ཏདཱ ཡཐཱ ལོཀཻསྟྭཾ ཨུཔཝཱསཱིཝ ན དྲྀཤྱསེ, ཀིནྟུ ཏཝ ཡོ྅གོཙརཿ པིཏཱ ཏེནཻཝ དྲྀཤྱསེ, ཏཏྐྲྀཏེ ནིཛཤིརསི ཏཻལཾ མརྡྡཡ ཝདནཉྩ པྲཀྵཱལཡ;
18ཏེན ཏཝ ཡཿ པིཏཱ གུཔྟདརྴཱི ས པྲཀཱཤྱ ཏུབྷྱཾ ཕལཾ དཱསྱཏི།
19ཨཔརཾ ཡཏྲ སྠཱནེ ཀཱིཊཱཿ ཀལངྐཱཤྩ ཀྵཡཾ ནཡནྟི, ཙཽརཱཤྩ སནྡྷིཾ ཀརྟྟཡིཏྭཱ ཙོརཡིཏུཾ ཤཀྣུཝནྟི, ཏཱདྲྀཤྱཱཾ མེདིནྱཱཾ སྭཱརྠཾ དྷནཾ མཱ སཾཙིནུཏ།
20ཀིནྟུ ཡཏྲ སྠཱནེ ཀཱིཊཱཿ ཀལངྐཱཤྩ ཀྵཡཾ ན ནཡནྟི, ཙཽརཱཤྩ སནྡྷིཾ ཀརྟྟཡིཏྭཱ ཙོརཡིཏུཾ ན ཤཀྣུཝནྟི, ཏཱདྲྀཤེ སྭརྒེ དྷནཾ སཉྩིནུཏ།
21ཡསྨཱཏ྄ ཡཏྲ སྠཱནེ ཡུཥྨཱཾཀ དྷནཾ ཏཏྲཻཝ ཁཱནེ ཡུཥྨཱཀཾ མནཱཾསི།
22ལོཙནཾ དེཧསྱ པྲདཱིཔཀཾ, ཏསྨཱཏ྄ ཡདི ཏཝ ལོཙནཾ པྲསནྣཾ བྷཝཏི, ཏརྷི ཏཝ ཀྲྀཏྶྣཾ ཝཔུ རྡཱིཔྟིཡུཀྟཾ བྷཝིཥྱཏི།
23ཀིནྟུ ལོཙནེ྅པྲསནྣེ ཏཝ ཀྲྀཏྶྣཾ ཝཔུཿ ཏམིསྲཡུཀྟཾ བྷཝིཥྱཏི། ཨཏཨེཝ ཡཱ དཱིཔྟིསྟྭཡི ཝིདྱཏེ, སཱ ཡདི ཏམིསྲཡུཀྟཱ བྷཝཏི, ཏརྷི ཏཏ྄ ཏམིསྲཾ ཀིཡན྄ མཧཏ྄།
24ཀོཔི མནུཛོ དྭཽ པྲབྷཱུ སེཝིཏུཾ ན ཤཀྣོཏི, ཡསྨཱད྄ ཨེཀཾ སཾམནྱ ཏདནྱཾ ན སམྨནྱཏེ, ཡདྭཱ ཨེཀཏྲ མནོ ནིདྷཱཡ ཏདནྱམ྄ ཨཝམནྱཏེ; ཏཐཱ ཡཱུཡམཔཱིཤྭརཾ ལཀྵྨཱིཉྩེཏྱུབྷེ སེཝིཏུཾ ན ཤཀྣུཐ།
25ཨཔརམ྄ ཨཧཾ ཡུཥྨབྷྱཾ ཏཐྱཾ ཀཐཡཱམི, ཀིཾ བྷཀྵིཥྱཱམཿ? ཀིཾ པཱསྱཱམཿ? ཨིཏི པྲཱཎདྷཱརཎཱཡ མཱ ཙིནྟཡཏ; ཀིཾ པརིདྷཱསྱཱམཿ? ཨིཏི ཀཱཡརཀྵཎཱཡ ན ཙིནྟཡཏ; བྷཀྵྱཱཏ྄ པྲཱཎཱ ཝསནཱཉྩ ཝཔཱུཾཥི ཀིཾ ཤྲེཥྛཱཎི ན ཧི?
26ཝིཧཱཡསོ ཝིཧངྒམཱན྄ ཝིལོཀཡཏ; ཏཻ རྣོཔྱཏེ ན ཀྲྀཏྱཏེ བྷཱཎྜཱགཱརེ ན སཉྩཱིཡཏེ྅པི; ཏཐཱཔི ཡུཥྨཱཀཾ སྭརྒསྠཿ པིཏཱ ཏེབྷྱ ཨཱཧཱརཾ ཝིཏརཏི།
27ཡཱུཡཾ ཏེབྷྱཿ ཀིཾ ཤྲེཥྛཱ ན བྷཝཐ? ཡུཥྨཱཀཾ ཀཤྩིཏ྄ མནུཛཿ ཙིནྟཡན྄ ནིཛཱཡུཥཿ ཀྵཎམཔི ཝརྡྡྷཡིཏུཾ ཤཀྣོཏི?
28ཨཔརཾ ཝསནཱཡ ཀུཏཤྩིནྟཡཏ? ཀྵེཏྲོཏྤནྣཱནི པུཥྤཱཎི ཀཐཾ ཝརྡྡྷནྟེ ཏདཱལོཙཡཏ། ཏཱནི ཏནྟཱུན྄ ནོཏྤཱདཡནྟི ཀིམཔི ཀཱཪྻྱཾ ན ཀུཪྻྭནྟི;
29ཏཐཱཔྱཧཾ ཡུཥྨཱན྄ ཝདཱམི, སུལེམཱན྄ ཏཱདྲྀག྄ ཨཻཤྭཪྻྱཝཱནཔི ཏཏྤུཥྤམིཝ ཝིབྷཱུཥིཏོ ནཱསཱིཏ྄།
30ཏསྨཱཏ྄ ཀྵདྱ ཝིདྱམཱནཾ ཤྩཿ ཙུལླྱཱཾ ནིཀྵེཔྶྱཏེ ཏཱདྲྀཤཾ ཡཏ྄ ཀྵེཏྲསྠིཏཾ ཀུསུམཾ ཏཏ྄ ཡདཱིཤྩར ཨིཏྠཾ བིབྷཱུཥཡཏི, ཏརྷི ཧེ སྟོཀཔྲཏྱཡིནོ ཡུཥྨཱན྄ ཀིཾ ན པརིདྷཱཔཡིཥྱཏི?
31ཏསྨཱཏ྄ ཨསྨཱབྷིཿ ཀིམཏྶྱཏེ? ཀིཉྩ པཱཡིཥྱཏེ? ཀིཾ ཝཱ པརིདྷཱཡིཥྱཏེ, ཨིཏི ན ཙིནྟཡཏ།
32ཡསྨཱཏ྄ དེཝཱརྩྩཀཱ ཨཔཱིཏི ཙེཥྚནྟེ; ཨེཏེཥུ དྲཝྱེཥུ པྲཡོཛནམསྟཱིཏི ཡུཥྨཱཀཾ སྭརྒསྠཿ པིཏཱ ཛཱནཱཏི།
33ཨཏཨེཝ པྲཐམཏ ཨཱིཤྭརཱིཡརཱཛྱཾ དྷརྨྨཉྩ ཙེཥྚདྷྭཾ, ཏཏ ཨེཏཱནི ཝསྟཱུནི ཡུཥྨབྷྱཾ པྲདཱཡིཥྱནྟེ།
34ཤྭཿ ཀྲྀཏེ མཱ ཙིནྟཡཏ, ཤྭཨེཝ སྭཡཾ སྭམུདྡིཤྱ ཙིནྟཡིཥྱཏི; ཨདྱཏནཱི ཡཱ ཙིནྟཱ སཱདྱཀྲྀཏེ པྲཙུརཏརཱ།
Currently Selected:
མཐིཿ 6: SANTI
Highlight
Share
Copy
Want to have your highlights saved across all your devices? Sign up or sign in
© SanskritBible.in । Licensed under Creative Commons Attribution-ShareAlike 4.0 International License.
