Le SƠ̆P HLA BƠAR MĂ 'BAR MÔIS CHIH
SƠ̆P HLA BƠAR MĂ 'BAR MÔIS CHIH
KRAO SƠ̆P
LĔCH ĐƠ̆NG ÊYIPTƠ
Bơngai chih
Môis
Chih layơ
Sơ̆p 'nâu đei chih lăm kơplah sơnăm 1450-1410 A.K, kơplah kon pơlei Isơrael đơ̆ng Êyiptơ năm tơ char Kanaan.
Đei chih roi kơ lu bơngai
Môis, Arôn, Pharaôn, Jôsuê, Jêthrô, Miriam.
Sơ̆p 'nâu đei 40 chăl păng 1213 trong.
Roi tơbăt
Sơ̆p hla bơar Lĕch Đơ̆ng Êyiptơ roi kơ adrĕch adrung Isơrael lĕch đơ̆ng dêh char Êyiptơ, anih mă đe rôp lu sư pơm đĭch đunh sơnăm. Sơ̆p hla bơar âu asong đei 4 chăl:
1. Adrĕch Isơrael dŏng pơklaih lu sư đơ̆ng pơm đĭch.
2. Lu sư pơtơm lĕch năm truh tơ kông Sinai.
3. Kră Yang 'Bok Kei-Dei pơgơ̆p hăm adrĕch bơngai Isơrael. Kră Yang 'Bok Kei-Dei ăn kơ lu sư tơdrong juăt (khôi juăt) wă arih lui ngeh wă kơ arih lui kiơ̆.
4. Pơm anih hnam akŭm kơkuh kơ Kră Yang 'Bok Kei-Dei, khôi juăt kơ lu 'bok soi păng akŭm kơkuh kơ Kră Yang 'Bok Kei-Dei thoi yơ.
Tơdrong mă kăl dêh noh Kră Yang 'Bok Kei-Dei dŏng pơklaih adrĕch adrung Isơrael mă Sư đei rơih păng ăn kơ lu sư jing minh dêh char kơdih hăm tơdrong chang hơmĕng kơ chăl arih tơ anăp.
Bơngai mă tơm lăm sơ̆p hla bơar âu noh Môis minh 'nu kră pơgơ̆r wă chông ba kon pơlei Kră Yang lĕch đơ̆ng dêh char Êyiptơ. Đei tơdrong mă kăl dêh lăm sơ̆p hla bơar âu noh Mơjĭt khôi juăt (kư̆m khan 10 nơ̆r tơtă chih lăm chăl 20).
Kơ̆l tơm
1. Adrĕch Isơrael đei dŏng pơklaih hlôi đơ̆ng dêh char Êyiptơ 1:1-15:21
a. Đơ̆ng pơm đĭch tơ dêh Êyiptơ 1:1-22
b. Chăl arih Môis 2:1-4:31
c. Môis păng Arôn tơdơ̆ng hăm pơtao Êyiptơ 5:1-11:10
d. Giĕng Năm Brih păng pơtơm lĕch đơ̆ng dêh Êyiptơ 12:1-15:21
2. Đơ̆ng đak dơsĭ 'Brê truh tơ kông Sinai 15:22-18:27
3. Khôi juăt păng Tơdrong pơgơ̆p 19:1-24:18
4. Bơsŭn Anih Akŭm păng tơdrong juăt akŭm kơkuh 25:1-40:38
Currently Selected:
Le SƠ̆P HLA BƠAR MĂ 'BAR MÔIS CHIH: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.