Bɛ̈n 22

Lööŋ në biäk de Acuut

1“Të cïï raan weŋ kual, ku nɔn ee yen amääl, ku cï nɔ̈k ku nɔn cï ɣaac, ka bï ɣɔ̈k kadhïc lony cool en ke weŋ cï kual. Ku na amääl ke cool në amɛ̈l kaŋuan. 2Na cï cuɛ̈ɛ̈r dɔm ke kuël, ku cï yup abï thou, ke raan ë yup en acïn guöp gääk. Ku acïn riɛm nu në yeyeth. 3Ku na looi rɔt aköl ke raan ë näk en ade guöp gääk.

“Ku cuɛ̈ɛ̈r abï ka cï kual dhil aa cool nïïm. Na cïn nɔm ka cool en ka cï kual, ke cuɛ̈ɛ̈r ë ɣɛɛcë ke ye lïm, ku coolë ka cï kual. 4Ku na cï kë ë kuɛl yök tëde yen ke ŋoot ke pïïr, nɔn ee yen weŋ ku nɔn ee yen muul, ka bï tök aa cool në rou.

5“Të tɔ raan ɣɔ̈kke nyuäth dom de rap, ku nɔn ee yen dom de enap. Ku nɔn ee yen thök kek tɔ nyuäth, ku le ke tɔ tai abïk dom#22:5: Na ee...rap; nɔn na nyop raan dom de rap ku nɔn ee tiim, ku tɔ mac bän ku nyop rap. ë raan däŋ nyuööth, abï käŋ cool në kapiɛth ke domde, dom ë rap ku nɔn ee yen dom de enap.

6“Na cï raan mac ɣaak domde, ku tɔ mac bän kuɛny domic ku le dom ë raan däŋ nyop, nyop rɛɛp kääc ku nɔn ee kek rɛɛp cï tem, ke raan ë ɣɔɔk mac abï rap cool.

7“Na cï raan raan rëër kek gäm wëu muk keek, ku nɔn ee kek ka de naamden, ku cï ke lɔ kual tëde raan rëër kek, ku cï cuɛ̈ɛ̈r dɔm, ke cool ë cuɛ̈ɛ̈r keek raanrou. 8Na kënë cuɛ̈ɛ̈r yök, ke raan ë muk käŋ ë bïï yë në ë Nhialic nɔm, bïï bɛ̈n luɔp na ee yen ë kual ke.

9“Në göny ke cuëëriic kedhie, göny ke ɣɔ̈k, ku nɔn ee kek göny ke thök, ku nɔn ee kek göny ke mul, ku nɔn ee kek göny ke lupɔɔ, pëk ë kë cï kual ëbɛ̈n, ke kɔc de gööny kaarou ë ke leerë keek në Nhialic nɔm. Ku raan cï Nhialic yök ke de guöp awäc, abï acuut ee yic rou aa tääu piny, gëmë raan däŋë.

10“Të cï raan weeŋde mäc raan rëër kek, ku nɔn ee yen thɔ̈k, ku nɔn ee yen muul, ku nɔn ee yen län däŋ, ku le thou ku nɔn ee yen buɔ̈t yen cï ye yök, ku nɔn cï ye kual ke kënë tïŋ. 11Ke raan ë mac këdäŋ abï gutguut lueel në Bɛ̈nydït nɔm në luɔi kën en këde raan rëër kek kual. Na cï tïc ke ë cïï kual, ke gɛm ë raan de këdäŋ nɔn cï yen määr. Ku raan ë mac këdäŋ ë cïï tɔ cut. 12Ku na ë kual tëde raan mac en, ke raan mac këdäŋ ë col kë cï kual. 13Ku na ë nɛ̈k ë län roor, ke raan mac këdäŋ ë bïï biäk cï döŋ ke bïï ŋic nɔn cïï läi e cuet. Ku ëtɛ̈ɛ̈n, acïï kë ë nɛ̈k läi bï cool.

14“Na cï raan këdäŋ nööm tëde raan rëër kek kony en rɔt, ku bïï puk nɔm, ke ye kuɔɔny ë kë pïïr. Ku de buɔ̈t lɔ ye yök ku nɔn cï thou ke raan de yen ë liu, ke raanë ë cuut raan de këdäŋ. 15Ku na nu raan de këdäŋ, ke raan ë cïï kë cï thou col. Ku na ë ye kë ë riɔpic, ka acïn nɔm acuut.

Lööŋ ke Rëër de Kɔc

16 # Nyöŋ 22:28,29. “Të cï raan nyan kën kɔn yök ke moc wëŋ ku nööm, nyan cïn raan cï ye lɔc, ke raanë ë tɛ̈ɛ̈u kuën ë thiëëk piny ku nööm ke ye tiiŋde. 17Ku na cï wun duet jaai taitai an cïï ee raanë bï gäm nyande, ke raanë ë tɛ̈ɛ̈u wëu piny, wëu kït në thiëëk në biäk cï yen e dhoŋ.

18 # Nyöŋ 18:10,11. “Yak tik nɔ̈k ëbɛ̈n tiiŋ cï rɔt tɔ ye tiët.

19 # Leb 18:23; 20:15,16; Nyöŋ 27:21. “Raan ëbɛ̈n raan cï läi niɛɛn ke näk.

20 # Nyöŋ 17:2-7. “Ku raan ëbɛ̈n raan ee yiëth kɔ̈k pei miɔɔc ke cie Bɛ̈nydït, abï riɔ̈ɔ̈r nyin taitai.

21 # Bɛ̈n 23:9; Leb 19:33,34; Nyöŋ 24:17,18; 27:19. “Duökï raan lei ee kuöc luööi ku duökï ee yɔŋ. Yak wenïïm tak nɔn cä wek kɔn aa kɔc lei ɣɔn ë Rip. 22Duökï diäär abaar ee kuöc luööi, ayï mïth abɛɛr. 23Na lak ke kuöc luööi, ke Yɛn bï jamden piŋ Yɛn Bɛ̈nydït, të le kek kuɔɔny cɔɔl tëde Yɛn. 24Ku Yɛn bï gɔ̈th ku ta we näk tɔŋ. Ka diäärkun abïk aa abɛɛr, ku mïthkun abïk aa abɛɛr cïn nïïm wärken.

25 # Leb 25:35-38; Nyöŋ 15:7-11; 23:19,20. “Të de yen raan kuany nyin cï kony në wëu në kɔckï yiic, wëu bï ke pɔ̈k nïïm raan de keek. Ke raanë ë cï rɔt tɔ cït kɔc ee wëu dhɛɛn, ku cïï wëu ee tɔ col në wëu wär ke. 26#Nyöŋ 24:10-13.Të cïn lupɔ de raan dɔm, raan käny në luɔi bï en yï kɔn cuööt, ke dap puk nɔm ke akɔ̈l ë kën kɔn lɔ piny. 27Ee yen ee lupɔ töŋ yen kum ka, bï jɔ bɛ kum në ŋö de? Të le yen Ya cɔɔl, abä piŋ thok në luɔi Yan piɔ̈u kok.

28 # Luɔi 23:5. “Du Nhialic ee luɛ̈l guöp kërac,#22:28: Nhialic; nɔn ee bäny. ku du bɛ̈ny ë kɔckun ee läm kërac.

29“Ye miööc në rɛɛpku yiic, ayï mɔ̈u, ayï miök de olip të cï kaku luɔk.

“Gämkï ya mïth kɛ̈ikun, mïthwät. 30Ku gämkï ya kɛ̈i ke ɣɔ̈kkun, ayï kɛ̈i ke thökkun. Yak kɛ̈ɛ̈i tɔ rɛ̈ɛ̈r në nïn kadhorou, na kööl ye akööl bɛ̈t ke gämkï ke Yɛn.

31 # Leb 17:15. “Wek ee kɔckiën cä kuɛ̈ny bei, duökï rïŋ de län cïï län roor nɔ̈k ee cuet, yak gäm jɔ̈k.

Currently Selected:

Bɛ̈n 22: dip-JPB

Highlight

Copy