Jɔn 2
2
Thiëŋ de Kana
1Na wën, ëkööl ee kek diäk ade thiëŋ cï lueel ë Kana de Galili, ku nu man Yecu ëtɛ̈ɛ̈n: 2ayï Yecu ayï kɔckɛn ë piööcë acï ke cɔɔl ë thiëëkic ayadäŋ. 3Na wën, aacï mɔ̈u dak, mɔ̈ndɛn ë cïk looi, ke Yecu ë yöök ë man en an, “Acïnkï nïïm mɔ̈u.”
4Go Yecu puk nɔm an, “Tiiŋë eeŋöda në yïn? Thaardï aŋoot ke kën bɛ̈n.”
5Go man kɔc yïn kɔc mïïth yɔ̈ɔ̈k an, “Të de yen kë lëk week, ke luɔikï.”
6Ade töny dït cï cäp ëtɛ̈ɛ̈n kadhetem, töny ke pïïu, töny ë cuëc ë kuur, kak ee kɔc ke piny, cït man ë ciɛɛŋ de Judai, töny tök aduëër yic dɛk jeluun kathiërrou ayï thiërdiäk. 7Go Yecu ke yɔ̈ɔ̈k an, “Thiäŋkï töny ë pïïu.” Gokï ke thiɔ̈ɔ̈ŋ acïn kethook të dak. 8Ago lɛ̈k keek an, “Gɛ̈mkï ke bei ënɔɔnë, lɛɛrkï ke tëde raan nu ë thiëëk nɔm.” Gokï ke lɛɛr. 9Na wën, acï raan nu ë thiëëk nɔm pïïu thiëëp, pïïu wën cï röt tɔ ye mɔ̈u, ku kuc të bï en thïn (ku ŋic kɔc yïn kɔc mïïth kɔc wën gem pïïu), ke raan nu ë thiëëk nɔm jɔ monythiëk cɔɔl. 10Ku lëk en an, “Raan ëbɛ̈n ee mɔ̈n piɛth kɔn tääu, na ëlë, të cï kɔc yiic a niäk, ke jɔ mɔ̈n piɛth ëmääth bɛ̈ɛ̈i: ku yïn ë mɔ̈n piɛth pëën aɣet cï ënɔɔnë.”
11Göl ë gɔlë göök bï kɔc ke gäi kï, kë cïï Yecu looi ë Kana de Galili, abïï dhuëëŋde nyuɔɔth, go kɔckɛn ë piööcë gokï këde gam.
12 #
Math 4:13. Na wën, aacï kënë wan, ke jël le Kapernaum, yen ku man, ku mïthëkɔcken, ku kɔckɛn ë piööcë: agokï ceŋ ëtɛ̈ɛ̈n akööl cïï juëc.
Yecu alɔ ë Luaŋdït Yic
(Math 21:12,13; Mak 11:15-17; Luk 19:45,46)
13 #
Bɛ̈n 12:1-27. Dhuëëŋ ë Judai ë guɔ thiɔ̈k, Dhuëëŋ cɔl Winythok, go Yecu lɔ Jeruthalem. 14Ago kɔc yök ë Luaŋdïtic, kɔc ee miöör ɣaac ayï thök ayï ajiël ke guuk, ku yök kɔc ee wëu waar yiic ke ke rɛ̈ɛ̈r. 15Go tiäär yiëër ë këër, ku cieec ke biic kedhie në Luaŋdïtic, ayï thök, ayï miöör, ku luuŋ wëu piny wëu ke kɔc ee wëu waar yiic, ago pɛɛmken pɔ̈k yiic piny, 16ku lëk kɔc ë ajiël ke guuk ɣaac an, “Nyaaikï kakë ee tënë, duökï ɣön ë wäär ë tɔ ye ɣön ë ɣööc. 17#Diɛt 69:9. Ago kɔckɛn ë piööcë agokï kenïïm cät nɔn cï ë gɔ̈ɔ̈r an, “Dït aa yɛn piɔ̈u dït ë këde ɣöndu ë ya cuet piɔ̈u.”
18Go Judai bɛ̈ɛ̈r, thiëckï an, “Ee gök ŋö nyuöthë wook, kë loi yïn ee kakë?”
19 #
Math 26:61; 27:40; Mak 14:58; 15:29. Go Yecu bɛ̈ɛ̈r, lɛ̈k keek an, “Riäkkï luaŋ ë Nhialicë, ku abä bɛ tɔ kääc ë nïn kadiäk.”
20Go Judai lueel an, “Luaŋ de Nhialicë aa leer run kathiërŋuan ku dhetem ke yïk, ku bä bɛ tɔ kääc ë nïn kadiäk!”
21Ku aa jam në këde guöpde, acï tɔ ye luaŋ de Nhialic. 22Na ɣɔn acï rɔt guɔ jɔt ë kɔc cï thou yiic, go kɔckɛn ë piööcë agokï tak nɔn cï en kënë lɛ̈k keek, gokï këcïgɔ̈ɔ̈r gam, ayï jam wään cïï Yecu lueel.
Yecu Aŋic Täu de Kɔc
23Ɣɔn nu yen ë Jeruthalem ë akööl ke Winythok, go kɔc juëc rinke gam, të cï kek göök tïŋ göök wën cï looi. 24Ku Yecu akën rɔt päl keek, luɔi ŋic en kɔc kedhie, 25ku acïn cäätɔ duëër dhil kɔɔr cäätɔ bï këde raan lueel, yen guöp ee kë nu ë raan piɔ̈u ŋic.
Currently Selected:
Jɔn 2: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
