Leb 27
27
Lööŋ në biäk de Miɔ̈c Gëmë Bɛ̈nydït
1Go Bɛ̈nydït Mothe yɔ̈ɔ̈k, an, 2jäämë kɔc ke Yithriɛl ku lɛ̈kë keek an, Na cï raan kuëëŋ në luɔi bï en raan gäm Bɛ̈nydït ku bïï kë thööŋ ke kuënde gam. 3Loi kuën de mony ee run thiërrou lee ë ruöön thiërdhetem, tɔ ee wëu ke ateek kathiërdhïc, cït man ë kuën de tëɣeric. 4Ku na ee tik, tɔ kuënde ee wëu ke ateek kathiërdiäk. 5Ku na ee raan tɔ̈u ë runke ë kaam de run kadhïc kekë run kathiërrou, tɔ kuënde moc ee wëu ke ateek kathiërrou, ku tɔ kuën de tik ee wëu ke ateek kathiëër. 6Ku na ee raan tɔ̈u ë runke ë kaam de pɛɛi tök kekë run kadhïc, tɔ kuën de moc ee wëu ke ateek kadhïc, ku tɔ kuën de tik ee wëu ke ateek kadiäk. 7Ku na ee raan tɔ̈u ë runke ë kaam de thiërdhetem ku lee tueŋ, tɔ kuën de moc ee wëu ke ateek kathiëër.
8Ku na ye raan ë kuëëŋë raan kuany nyin aläl, ku cïn luɔi yök en kuën cï lueel, abï raan yiɛ̈n bɛ̈ny de kake Nhialic, ku abï kuën jɔ looi, kuën bï ë raanë kuëëŋ lëu në yök.
9Ku na le këdɛn cï yen kuëëŋ aa lëu, lɛ̈n duëër ë Bɛ̈nydït gam ke ee miɔ̈c. Lɛ̈n cï gäm Bɛ̈nydït ëbɛ̈n abï aa kë ɣeric. 10Acïï bï dhil waar, ku acïï kë läk bï wït në kë rac, ku acïï kë rac bï wït në kë läk, ku na cï dhel ë yepiɔ̈u nɔn bï en e waar në lɛ̈n däŋ, abïk yiic ɣɛɛr kedhie, lɛ̈n waar ku lɛ̈n ë wɛɛrë yen. 11Ku na lɔ lɛ̈n le gam, le aa lɛ̈n cie gäm Bɛ̈nydït ke ee miɔ̈c, lɛ̈i abï dhil yiɛ̈n bɛ̈ny de kake Nhialic. 12Ku abï jɔ tïŋ na piɛth ku na rɛɛc. Ku bɛ̈ny de kake Nhialic yen abï kuënde mac. 13Na kɔɔr raan de lɛ̈i nɔn bïï yen, lɛ̈nde waar, ka abï kuënde ŋuak në dhïc.
14Na cï raan ɣönde gäm Bɛ̈nydït ke ee kë ɣeric bɛ̈ny de kake Nhialic abï kuën de ɣöt tiŋ na lɛ̈k ku na rɛɛc. Ku kuën de bɛ̈ny de kake Nhialic lueel, ka abï aa yeka. 15Ku na lɔ raan ë ɣɛɛc yen, ɣönde waar, ka abï kuënde ŋuak në dhïc. Ku ɣöt abï bɛ aa këde.
16Ku na lɔ raan biäk de piny ë paande gäm Bɛ̈nydït. Kuënde abï mac, në kuën ke kɔ̈ɔ̈th duëërë kɔɔr në baŋde. Ɣomer de Lönh de barli ee wëu ke ateek kadhiërdhïc. 17Na e gɛm ɣönde Bɛ̈nydït në ruöön ë cuölëkäŋ yic ka kuëndɛn ë ɣɔɔc ë yen abï tɔ̈u tëde. 18Ku na ë gëm ɣönde Bɛ̈nydït në ruöön ë cuölëkäŋ cök, ke kuën de run cï döŋ aɣët cï ruöön ë mac, në kuën de run cï döŋ aɣët cï ruöön ë cuölëkäŋ bï bɛ bɛ̈n. Ku kuënde abï pɔ̈k nɔm ciëën. 19Na lɔ raan ë gɛm dom Bɛ̈nydït ye kɔɔr nɔn wɛɛr en domde. Ka abï kuënde ŋuak ë dhïc ku dom abï bɛ aa këde. 20Ku na le dom cuö lɔ waar, ku nɔn ɣɔ̈c yen en raandäŋ pei, acïï duëër ë waar taitai. 21Ku të le ë dom puk nɔm në ruöön ë cuölëkäŋ, dom abï yic ɣɛɛr, cït dom cï gäm Bɛ̈nydït, abï aa këde bäny ke kake Nhialic.
22Na lɔ raan dom ë ɣɔɔc gäm Bɛ̈nydït, acie biäk de dom ë paande, 23Kuënde abï bɛ̈ny de kake Nhialic mac aɣët cï ruöön de cuölëkäŋ, ku raan abï kuënde cuat piny ee köölë cït man, ë kë ɣeric tëde Bɛ̈nydït. 24Në ruöön ë cuölëkäŋ, dom abï pɔ̈k nɔm raan ë ɣɔɔcë yen tëde yen, raan wään ee yen de dom.
25Kuën ëbɛ̈n abï mac, në kuën de ateek nu tëɣeric, ateek tök ee gera kathiërrou.
26Acïn raan bï kɛ̈i de läi dhil gäm Bɛ̈nydït, në biäk ye kɛ̈i ëbɛ̈n këde Bɛ̈nydït, cakaa yen ë ye weŋ ku nɔn ë thök ee këde Bɛ̈nydït. 27Na ee lɛ̈n cie gäm Bɛ̈nydït, ka duëër bɛ ɣɔ̈c rɔt në kuën cï mac. Ku abï kuënde ŋuak në dhïc, ku na cïï bï waar. Ka abïï ɣaac në kuëndɛn cï mac.
28 #
Kuɛ̈n 18:14. Ku këde raan, këdɛn cï gäm Bɛ̈nydït#27:28: këdɛn cï gam: Kë cï gam në ee kueerë ee këde Bɛ̈nydït taitai ku acïï duëërë nööm; abïï dhil nɔ̈k. në kuëëŋ, acïï bïï ɣaac ku acïï bï waar, cakaa raan, ayï lɛ̈i ayï pinyde paanyde, këriëëc cï gam ëbɛ̈n, ee kë ɣeric aläl tëde Bɛ̈nydït. 29Raan cï gäm luɔi bïï ë yen riɔ̈ɔ̈r nyin, acïï bïï waar, abïï dhil nɔ̈k.
30 #
Kuɛ̈n 18:21; Nyöŋ 14:22-29. Ku këriëëc ye käŋ thiëër ëbɛ̈n, kake piny, na ee rap ë lok piny. Ku na ee mïth ke tiim, ayek kakë Bɛ̈nydït, ee kë ɣeric tëde Bɛ̈nydït. 31Na waar raan töŋdɛn ye käŋ thiëër, ka abï kuënde dhil ŋuak në dhïc. 32Ku töŋ ye käŋ thiëër de ɣɔ̈k ku thök, ku töŋ de thiëër de lɛ̈i ëbɛ̈n lɛ̈n ee tɛ̈ɛ̈k në thieny ë raan ee tïït thar, abï aa kë ɣeric de Bɛ̈nydït. 33Raan acïï ka läk bï dhil kuɛ̈ny bei në ka rac yiic, ku acïï ke bï dhil waar, ku na le lɔ waar. Ka abïk yiic ɣɛɛr kedhie lɛ̈n cï waar ku lɛ̈n ë wɛɛrë yen, ku acïï keek bïï bɛ waar.
34Kakë ayek lööŋ ke Bɛ̈nydït, lööŋ ë gëm keek Mothe ë kuur ë Thinai nɔm, bï keek lɛ̈k kɔc ke Yithriɛl.
Currently Selected:
Leb 27: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.