Kuɛ̈n ANYOOTH
ANYOOTH
Awerek de Kuɛ̈n ajam në alɛɛŋ de kɔc ke Yithriɛl në kaam dɛ̈ɛ̈k ruöön thiërŋuan të koor, gɔl në akööl ɣɔn jël kek në Kuur ë Thinai agut cï ɣet wään ɣeet kek baŋ të lɔ aköl amiäk në aken de piny ɣɔn cïï Nhialic than an bïï gäm keek.
Ku rin ke Awerek anyoothkï këde naamde, kë cï rɔt looi, kuɛ̈n ɣɔn kueen ë Mothe kɔc ke Yithriɛl raanrou, ku kuɛ̈n tueŋ ɣɔn kueen en keek në Thinai ke ke kën kɔn jäl, ku lɔ kuɛ̈n däŋ ɣɔn ciëën be yen ke kueen në Mowap në wɛ̈ɛ̈r de Jordan baŋ të lɔ aköl amiäk. Ku në kaam de kuɛ̈nkë kaarou, kɔc ke Yithriɛl acïk bɛ̈n lɔ Kadec Barniya në aken ë Kanaan nɔm të lɔ wöuwic. Ku ëtɛ̈ɛ̈n akënkï bɛ̈n lëu yen ɣet ɣeet kek piny cï thɔ̈n keek. Na ɣɔn, acïk run juëc thöl ëtɛ̈ɛ̈n, acïk bɛ̈n lɔ piny tɔ̈u në wɛ̈ɛ̈r de Jordan kɔ̈u baŋ të lɔ aköl amiäk. Ago kɔc kɔ̈k në keyiic piɔ̈ɔ̈t ëtɛ̈ɛ̈n, ku coc kɔc kɔ̈k röt ke ke kɔɔr luɔi teem kek kiir kɔ̈u lekï Kanaan.
Awerek de Kuɛ̈n, ajam në biäk de kɔc ë ye riɔ̈ɔ̈c ku pɛ̈lkï röt wei të de yen këtuuc cï ke yök. Ku ajam në biäk ë kɔc ë ye gɔ̈th në Nhialic, ku göthkï në Mothe raan cïï Nhialic kuany ke ye bɛ̈nyden. Ku alɛɛŋ nyooth nɔn ye Nhialic adöt na cakaa cïï kɔcke thueet ku cïkï jam piŋ.
Ku anyooth dhuëëŋ de Mothe, në luɔi yen raan cï rɔt gäm Nhialic, ku gëm rɔt kɔcke, cak an cie gum në akööl kɔ̈k.
Ka tɔ̈u Thïn
Yithriɛl aguiirkï röt në baŋ bï kek jäl në Kuur ë Thinai (1:1–9:23)
a. Kuɛ̈n tueŋ (1:1–4:49)
b. Lööŋ juëc ku wëët (5:1–8:26)
c. Winythok de rou (9:1-23)
Jäl ë Kuur ë Thinai ku lɔ Mowap (10:1–21:35)
Ka cï röt looi ë Mowap (22:1–32:42)
Guiɛɛr de jäl ë Rip agut cï Mowap (33:1-49)
Wɛ̈ɛ̈t ke kɔc ë ke kën Jordan teem (33:50–36:13)
Currently Selected:
Kuɛ̈n ANYOOTH: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.