Kuɛ̈n 1
1
Kuɛ̈n Tueŋ de Yithriɛl
1 #
Kuɛ̈n 26:1-51. Bɛ̈nydït acï jam kekë Mothe në Paany de mät thok, në jɔ̈ɔ̈r de Thinai, në kööl ye pɛɛi de rou thok tök në ruöön ye run ke Yithriɛl rou të ɣɔn jël kek ë Rip, go jɔ lɛ̈k Mothe an, 2“Kuen akutnɔm de kɔc ke Yithriɛl kedhie në dhiënken, ku ɣöötken. Gɔ̈ɔ̈r röör rin kedhie. 3Gäärkï kɔc rin kedhie wekë Aron, raan ëbɛ̈n raan ee run thiërrou ku lee tueŋ, kɔc lëu tɔŋ gäärkï keek. 4Ku bɛ̈ny de dhiën në dhiën thook kedhie, abïk week aa kuɔny.” 5-16Ku rin ke bäny bï keek aa kuɔny kï. Kɔc ë kuënyë bei në akutnɔm de kɔc ke Yithriɛl ke ke ye bänyken. Ee kek aaye bäny ke dhiëën ke Yithriɛl.
| Dhiën | Bɛ̈ny de dhiën |
|---|---|
| Ruben | Elidhur wën ë Ceduer |
| Thimion | Celumiel wën ë Dhuricadai |
| Juda | Nacon wën ë Aminadab |
| Yithakar | Nethaniɛl wën ë Dhuwar |
| Dhebulun | Eliap wën ë Ɣelon |
| Eparaim | Elicama wën ë Amiɣud |
| Manatha | Gamaliel wën ë Pedadhur |
| Benjamin | Abidan wën ë Gidiɔni |
| Dan | Aɣidher wën ë Amicadai |
| Acer | Pagiel wën ë Wokran |
| Gad | Eliathap wën ë Dewel |
| Naptali | Aɣira wën ë Enan |
17Ago Mothe kekë Aron kɔc cï kuanyë jɔt, 18Ku cɔlkï akutnɔm de Yithriɛl ëbɛ̈n, në kööl ye pɛɛi de rou thok tök. Ku gäärkï kɔc rin në dhiën ku në ɣööt. Agokï rin ke kɔc ke Yithriɛl gɔ̈ɔ̈r kedhie, gɔl në mɛwä cï run aa thiërrou ku lee tueŋ. 19Cït man cïï Bɛ̈nydït ye lɛ̈k Mothe. Agokï keek kueen në jɔ̈ɔ̈r de Thinai yic. 20-46Raan ëbɛ̈n cï run aa thiërrou ku lee tueŋ, mony lëu tɔŋ biök yen aa gäär rin në dhiënken thook alɔ gut bɛ̈iken, gɔl në dhiën ë Ruben, kɛ̈i de Yithriɛl, kuɛ̈nden aa tɔ̈u alë:
| Dhiën | Kuën |
|---|---|
| Ruben aaye | 46,500 |
| Thimion aaye | 59,300 |
| Gad aaye | 45,650 |
| Juda aaye | 74,600 |
| Yithakar aaye | 54,400 |
| Dhebulun aaye | 57,400 |
| Eparaim aaye | 40,500 |
| Manatha aaye | 32,200 |
| Benjamin aaye | 35,400 |
| Dan aaye | 62,700 |
| Acer aaye | 41.500 |
| Naptali aaye | 53.400 |
| Kuënden ëbɛ̈n: | 603,550 |
47Ku dhiën ë Lebai akënë bɛ̈n kueen kekë dhiëën ke Yithriɛl. 48Në biäk ë cïï Bɛ̈nydït ye lɛ̈k Mothe an, 49“Të kuɛɛn wek kɔc ke Yithriɛl, ke du dhiën ë Lebai kuen ke keek ëtök. 50Gämë Lebai luɔi de Paany ë mät kekë kakɛn tɔ̈u thïn kedhie. Ee kek abï Paany aa döt, ku yek piɔ̈ɔ̈t ke tookkï. 51Ku të kuɛ̈ɛ̈th wek, Lebai abïk Paany de mät aa dɔ̈k, ku lek piäät piny të la wek piɔ̈ɔ̈t thïn. Ku raan däŋ pei të cïn Lebai, raan lɔ lɔ në paany lɔ̈ɔ̈m, ke näk. 52Ku në kɔc ke Yithriɛl ë ke ye piɔ̈ɔ̈t në dhiën: dhiënë në beerden thar. 53Ku në Lebai ë ke ye piɔ̈ɔ̈t ke ke took Paany de mät, ke agönh ë Bɛ̈nydït ë cïï akutnɔm de kɔc ke Yithriɛl bï riɔ̈ɔ̈k. 54Go kɔc ke Yithriɛl këriëëc cïï Bɛ̈nydït lɛ̈k Mothe looi ëbɛ̈n.
Currently Selected:
Kuɛ̈n 1: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.