Luk 16
16
Raan ee Käŋ Thiɔ̈i nu ë Dhiën Nɔm
1Go kɔckɛn ë piööcë bɛ yɔ̈ɔ̈k aya an, “Ade raan nu raan juëc ë kakë, ku acï raan tääu ë dhiënde nɔm, ku raanë acï gɔ̈ny bɛ̈nyde an, cï kakë thiai wei. 2Go cɔɔl, ku yöök an, ‘Ee käŋö ee kënë kë cä piŋ tëde yïn? Kuɛ̈në ya ka ke luɔiduön ë dhiën, yïn cïï bï bɛ aa raan nu ë dhiëndï nɔm.’ 3Go raan nu ë dhiën nɔm lueel ë yepiɔ̈u an, ‘Bä ŋö looi? Bɛ̈nydï abïï ya bei ë dhiën nɔm: yɛn cïï pɔ̈ɔ̈r ee lëu, ku yɛn duëër yäär ë lip. 4Yɛn ŋic kë bä looi, kë bï kɔc ɛn aa nyuööc ë ɣöötken, miäk, të cï a cieec ë dhiën nɔm.’ 5Go kɔc cɔɔl kedhie, kɔc wën cath ë ka ke bɛ̈nyde. Na wën, ke thiëc raan bɔ̈ tueŋ an, ‘Cathë we ka ke bɛ̈nydï kadï?’ 6Go lueel an, ‘Alogöör ke miök kabɔt.’ Go yöök an, ‘Nöm awerekdu, ku dap nyuc piny, ku jɔ thiërdhïc gɔ̈ɔ̈r.’ 7Ku jɔ däŋ thiëëc an, ‘Ku yïn cathë we dï?’ Go, an, ‘Cual ke agamɔ kabɔt.’ Go yɔ̈ɔ̈k an, ‘Nöm awerekdu, ku jɔ thiërbɛ̈t gɔ̈ɔ̈r.’ 8Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”
9Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic. 10Raan ee kaliiakäŋ ŋiëc döt, yen aye kajuëc ŋiëc döt ayadäŋ: ku raan ë kaliiakäŋ kuöc döt, yen aye kajuëc kuöc döt ayadäŋ. 11Ku na kɛ̈nkï wëu ke piny nɔm ŋiëc aa döt kek wëu rac, ke eeŋa bï we kuɛ̈i wëu yith? 12Ku na kɛ̈nkï këde raan däŋ ŋiëc aa döt, ke eeŋa bï we gäm këdun guöp.
13 #
Math 6:24. Acïn raan duëër bäny luööi kaarou: nɔn bï en tök maan, ku nhiɛɛr tök, ku nɔn bï en lɔ kuäkkuäk kekë tök, ku tɔ tök cïn naamde. Wek cïï Nhialic duëër luööi ku luööikï wëu ayadäŋ.”
Ka kɔ̈k cï Yecu lueel
(Math 11:12-13; 5:31-32; Mak 10:11-12)
14Go Parithai, kɔc nhiaar wëu, gokï kakë piŋ kedhie, ku jɔkï geet guöp. 15Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.
16 #
Math 11:12,13. Löŋ de Mothe ku gäär de tït aake nu aɣet ɣɔn bïï Jɔn, na wën, aacï bɛ̈n, ke jɔ ciɛɛŋ de Nhialic aa guiëër kɔc, go raan rɔt riɛɛny thïn ëbɛ̈n. 17#Math 5:18. Jäl bï tënhial jäl ayï piny, en ee këpiɔl, në luɔi duëërë cöök thiin töŋ de löŋ määr.
18 #
Math 5:32; 1 Kor 7:10,11. Raan pɔ̈k ke tiiŋde, ku jɔ däŋ thiaak, ka yë lɔ ke tiiŋ lei, ku raan thiak tiiŋ cï pɔ̈k ke monyde, ka cï lɔ ke tiiŋ lei.
Raan Kueth kekë Ladharo
19“Raan anu raan juëc ë kakë, ku ye lupɔ thiith amujuŋ cieŋ, lupɔ piɛth lɔ mot, ku ye cam ë kamit ku ye rëër ke ye adhuɛ̈ŋ ë aköölnyïïn kedhie. 20Ku ade raan kuany nyin cɔl Ladharo, raan ë ye tääu ë kalde thok, ku ye guöp thiäŋ ke tëtök, 21ku ye kɔɔr luɔi bï ye muk në kak athueithuei wën ë lööny piny të wën ee raan cuai cam: ku jɔ̈k ayek bɛ̈n aya, bïk ku nyankï ɣään tök nu ë yeguöp. 22Na wën, ke raan kuany nyin thou, ku jɔt ë tuucnhial leerkï ë Abraɣam yɔu. Ku jɔ raan cuai thou aya, go thiɔ̈k, 23#16:23: paan ë thuɔɔu: Paan de kɔc cï thou. na wën, të rëër en paan ë thuɔɔu, ke ye leeŋ wëi, ku jɔ enyin jɔt, go Abraɣam tïŋ tëmec, ku tïŋ Ladharo ë yeyɔu. 24Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic. 25Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u. 26Ku päl cöökë, däŋ nu, tëthuth dïït lääuwic acï tääu ë kaamda në week, ago kɔc wën an, bïk tëëk ke ke lɔ tëde week, agokï cuö lëu, ku cïï kɔc e lëu aya, kɔc wën an, bïk jäl ëtɛ̈ɛ̈n, bïk tëde wook.’ 27Go bɛ lueel an, ‘Yïn läŋ, Wäär an, bä tuɔɔc dhiën ë wäär, 28wɛ̈ɛ̈tamäthkuɔ anukï kadhïc, toc abï aa cäätɔ bï ke lɔ cök ë yöök en ke, ke ke cïï bï bɛ̈n ee tënë aya, të ye kɔc leeŋ wëi thïn.’ 29Go Abraɣam lueel an, ‘Adekï Mothe ku tït, tɔ ke piŋ këden.’ 30Go lueel an, ‘Ei, Abraɣam wäär: ku na de raan töŋ ë kɔc cï thou yiic lɔ tëde keek, ka bïk kepiɔ̈ɔ̈th puk.’ 31Go yɔ̈ɔ̈k an, ‘Na reeckï këde Mothe piŋ ayï këde tït, ka cïï ke bï tɔ gäm, acakaa raan tök yen ë jɔt ë kɔc cï thou yiic.”’
Currently Selected:
Luk 16: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
