Luk 6
6
Thiëc në Biäk de Thabath
(Math 12:1-8; Mak 2:23-28)
1 #
Nyöŋ 23:25. Na ɣɔn, ëkööl töŋ ë Thabath, ke Yecu tëk ë dum ke rap yiic ago kɔckɛn ë piööcë rap dhoŋ, ku dɔckï ke, ku camkï ke. 2Go Parithai kɔ̈k ke thiëëc an, “Eeŋö luɔɔi wek kë cï pɛ̈n kɔc ë luɔi ëkööl ë Thabath?”
3Go Yecu pɔ̈k nɔm keek an, “Kɛ̈nkï kɔn kueen, yen kë cï Debid looi, ɣɔn nɛ̈kë cɔk en, ku kɔc cath në en. 4#Leb 24:9. #1 Tham 21:1-6. Luɔi cï en lɔ ɣön ë Nhialic, ku le kuïn cï pam ɣeric cï gäm Nhialic nööm, ku ciɛm, ku jɔ gäm kɔc cath në yen aya, ku aye kuïn cïï raan däŋ duëër cam, ee bäny ke ka ke Nhialic kapäc.”
5Go ke yɔ̈ɔ̈k an, “Wën ë Raan ee Bɛ̈nydïït ë Thabath aya.”
Raan cï cin Riɔu
(Math 12:9-14; Mak 3:1-6)
6Na wën, ëkööl däŋ ë Thabath, ke jɔ lɔ ɣön ë Nhialic le wëët, ku nu raan ëtɛ̈ɛ̈n raan cï ciin cuëc riɔu. 7Go kɔc ee löŋ gɔ̈ɔ̈r ku Parithai gokï woi guöp, nɔn bï en raan tɔ dem ëkööl ë Thabath, ke ke bï këdäŋ yök kë bï kek e lɔ gaany. 8Go kë cïk tak ë kepiɔ̈ɔ̈th ŋic, ku jɔ raan cï ciin riɔu yɔ̈ɔ̈k an, “Jɔt rɔt, kääcë ë ciɛɛlic ëtɛ̈ɛ̈n.” Go rɔt jɔt ku kɛ̈ɛ̈c. 9Go Yecu ke yɔ̈ɔ̈k an, “We bä thiëc cöök tök an, cï päl kɔc ë akööl ë Thabath bïk këpiɛth aa looi, ku bïk kërac aa looi? Bïk kɔc aa kony wëi, ku bïk kɔc aa nɔ̈k?” 10Na wën, ke ke lieec kedhie,#6:10: go lueel; këcïgɔ̈ɔ̈r däŋ ade yic go lueel agɔ̈th. ku jɔ raan yɔ̈ɔ̈k an, “Riny yïciin.” Go eciin riny: go ciin bɛ pial cït man ë ciin däŋ.
11Agokï nïïm mum arëët, ku jɔkï guiir kapäc, në kë bïk luöi Yecu.
Yecu Alɔc Tuuc Kathiëër ku Rou
(Math 10:1-4; Mak 3:13-19)
12Na wën, ee nïnkë, ke jɔ jäl le ë kuurdït nɔm le lɔ̈ŋ, ku jɔ ruu ë lɔ̈ŋ Nhialic aruuwë piny. 13Na wën, aacï piny jɔ ruu, ke jɔ kɔckɛn ë piööcë cɔɔl, go kɔc kathiëër ku rou lɔc ë keyiic, ku ciëk keek an, tuuc aya, 14yï Thimon, raan cï cäk an, Petero aya, ku Andereya mänhë, ku Jakop kekë Jɔn, ku Pilip kekë Bartholomayo, 15Ku Mathayo kekë Thoma, ku Jakop wën ë Alapayo, ku Thimon cɔl Dhelote. 16Ku Judath wën ë Jakop, ku Judath Yithkariɔt, raan bï e nyiɛɛn.
Yecu Awɛ̈ɛ̈t ku atɔ Kɔc Dem
(Math 4:23-25)
17Go bɛ̈n piny kekë keek ëtök, bï ku kɛ̈ɛ̈c të cï rai kekë kut ë kɔckɛn ë piööcë ayï kut dït ë kɔc wën bɔ̈ bei ë Juda yic ëbɛ̈n ku Jeruthalem, ku wɛ̈ɛ̈r de Tayer thok kekë Thidon, kɔc wën cï bɛ̈n bïk bɛ̈n piŋ, ku bïk bɛ̈n dem në ka nu ë kegup, 18ayï kɔc cïï jɔɔk rac dɔm, agokï gup waar. 19Ku kɔɔr kut ë kɔc ëbɛ̈n luɔi bï kek e jak, riɛl aaye bɛ̈n bei ë yeguöp, ku tɔ ke dem kedhie.
Miɛtëpiɔ̈u kekë Dhiënëpiɔ̈u
(Math 5:1-12)
20Na wën, ke jɔ kɔckɛn ë piööcë leec, ku lueel an,
“Thieithieei wek kɔc kuanynyïïn,
ciɛɛŋ de Nhialic ee këdun!
21“Thieithieei wek kɔc nɛ̈k cɔk ënɔɔnë,
we bï tɔ kueth!
“Thieithieei wek kɔc dhiau ënɔɔnë,
we bï dɔl!
22 #
1 Pet 4:14. “Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan! 23#2 Lëk 36:16; Luɔi 7:52. Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.
24“Ku amawoou në week wek kɔc cï bäny,
adutdun acäk guɔ nööm!
25“Amawoou në week wek kɔc cï kuɛth,
we bïï cɔk nɔ̈k!
“Amawoou në week, wek kɔc dɔl ënɔɔnë,
we bï dhuöör ë dhiëëu!
26“Amawoou në week, të leecë week ë kɔc kedhie, wärken aake ye tït aluɛth luööi yikya.
Nhiëër de Kɔc ke Ater
(Math 5:38-48; 7:12a)
27“Ku wek yɔ̈ɔ̈k, wek kɔc pïŋ an: Nhiaarkï kɔc dɛ wek ater, yak kɔc man week luööi apiɛth, 28yak kɔc ë wek läm kërac thieei, ku yak lɔ̈ŋ në biäk de kɔc ee week luöi kërac. 29Ku raan biäk yïn gëm tök, ke yï wel gëm däŋ aya, ku raan rum lupɔduön thiinë, ke du pën alulutdu aya. 30Miɔc raan ëbɛ̈n raan lip yïn, ku raan rum wëuku, du ke be kɔɔr tëde yen. 31#Math 7:12. Ku acït man kaar wek kë bï kɔc aa luöi wek, ke ke jakï ya luööi wäkya ayadäŋ.
32“Ku na nhiaarkï kɔc nhiaar week, ee lɛc ŋö cath ke week? Kɔc ee kërac looi ayek kɔc nhiaar keek nhiaar! 33Ku na luööikï kɔc apiɛth kɔc luui week apiɛth ee lɛc ŋö cath ke week? Kɔc ee kërac looi ayek luui yikya ayadäŋ. 34Ku na dhɛ̈nkï kɔc käŋ kɔc ŋäthkï nɔn bä wek käŋ bɛ nööm tëde keek, ee lɛc ŋö cath ke week? Kɔc ee kërac looi ayek kɔc ee kërac looi dhɛ̈n käŋ an, bïk käŋ bɛ aa nööm ka cïk aa dhɛɛn! 35Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th. 36Yak piɔ̈ɔ̈th kok cït man ee Wuöördun piɔ̈u kok.
Jäny de Kɔc Kɔ̈k
(Math 7:1-5)
37“Duökï kɔc ee jɔ̈ɔ̈ny, ke we cïï bï aa jɔ̈ɔ̈ny: duökï kɔc ee gɔ̈k, ke we cïï bï aa gɔ̈k: yak kɔc päl karɛcken, ke we bï päl karɛckun. 38Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”
39 #
Math 15:14. Go keek lɛ̈k kääŋ an, “De cɔɔr duëër cɔɔr däŋ thel? Cïkï bï lööny ë pulic kedhie? 40#Math 10:24,25; Jɔn 13:16; 15:20. Raan ŋoot ke piööcë acïï raan wëët en ee wöör: ku raan ëbɛ̈n raan cï thök ë wëët abï thöŋ ke raan ë wëët en.
41“Ku eeŋö woi yïn wɛ̈ɛ̈l thiin nu ë mɛnhkui nyin, ku cïï tim dïït nu ë yïnyin ee tïŋ? 42Ku duɛ̈ɛ̈rë mɛnhkui yɔ̈ɔ̈k adï an, ‘Mɛnhkäi, tɔ ya mïït ee wɛ̈ɛ̈l thiin nu ë yïnyin bei, ku yïn guöp yïn cïï timdïït nu ë yïnyinë woi? Yïn ee raan de yic aguk, kɔnë tim dïït nu ë yïnyinë bɛ̈ɛ̈i bei, na ëlë, ke yïn bï daai ëgɔk, ke yïn duëër wɛ̈ɛ̈l thiin nu ë mɛnhkui nyin dap bɛ̈ɛ̈i bei.
Tim kekë Mïthke
(Math 7:16-20; 12:33-35)
43Tim piɛth acie luɔk ë mïth rac, ayï tim rac, acie luɔk ë mïth piɛth. 44#Math 12:33. Tim ëbɛ̈n aye ŋic në mɛnhdɛn ee yen luɔk. Kɔc acïkï ŋaap ë tet ë kïïr kɔ̈u, ku acïkï enap ë tet ë peth kɔ̈u. 45#Math 12:34. Raan piɛth ee këpiɛth bɛ̈ɛ̈i bei në piath ë yenpiɔ̈u, ku raan rac ee kërac bɛ̈ɛ̈i bei në kërɛɛc nu ë yenpiɔ̈u: thok ee jam në kë cï piɔ̈u thiɔ̈ɔ̈ŋ nɔm.
Kɔc Yïk Ɣööt Kaarou
(Math 7:24-27)
46Ku eeŋö caal wek ɛn an, “Bɛ̈nydït, Bɛ̈nydït, ku cäkï ka luɛɛl ee looi? 47Raan ëbɛ̈n raan bɔ̈ tëde yɛn, ago wëlkï piŋ, ku jɔ keek aa looi, we bä nyuöth raan kït kek, 48acït raan cï ɣöt yïk, ku jɔ këërkëër wec abï thuth, acï kuur lɔ yök: na wën, ke piny mol arëët, go piëëu röt jäp ë ɣönë kɔ̈u, ku cïï duëër tɔ lɔ nieeŋnieeŋ: luɔi cï këërkëërde wec ë kuur nɔm. 49Ku raan ë wël piŋ, ku cïï keek ee looi, yen acït raan ë ɣöt yïk ë tiɔp nɔm ke cïn këërkëër cï wec, go piëëu röt jäp ee ɣönë kɔ̈u, ku jɔ dap wïïk ënɔnthiinë, go ɣönë riääk ë riääk dït!”
Currently Selected:
Luk 6: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Luk 6
6
Thiëc në Biäk de Thabath
(Math 12:1-8; Mak 2:23-28)
1 #
Nyöŋ 23:25. Na ɣɔn, ëkööl töŋ ë Thabath, ke Yecu tëk ë dum ke rap yiic ago kɔckɛn ë piööcë rap dhoŋ, ku dɔckï ke, ku camkï ke. 2Go Parithai kɔ̈k ke thiëëc an, “Eeŋö luɔɔi wek kë cï pɛ̈n kɔc ë luɔi ëkööl ë Thabath?”
3Go Yecu pɔ̈k nɔm keek an, “Kɛ̈nkï kɔn kueen, yen kë cï Debid looi, ɣɔn nɛ̈kë cɔk en, ku kɔc cath në en. 4#Leb 24:9. #1 Tham 21:1-6. Luɔi cï en lɔ ɣön ë Nhialic, ku le kuïn cï pam ɣeric cï gäm Nhialic nööm, ku ciɛm, ku jɔ gäm kɔc cath në yen aya, ku aye kuïn cïï raan däŋ duëër cam, ee bäny ke ka ke Nhialic kapäc.”
5Go ke yɔ̈ɔ̈k an, “Wën ë Raan ee Bɛ̈nydïït ë Thabath aya.”
Raan cï cin Riɔu
(Math 12:9-14; Mak 3:1-6)
6Na wën, ëkööl däŋ ë Thabath, ke jɔ lɔ ɣön ë Nhialic le wëët, ku nu raan ëtɛ̈ɛ̈n raan cï ciin cuëc riɔu. 7Go kɔc ee löŋ gɔ̈ɔ̈r ku Parithai gokï woi guöp, nɔn bï en raan tɔ dem ëkööl ë Thabath, ke ke bï këdäŋ yök kë bï kek e lɔ gaany. 8Go kë cïk tak ë kepiɔ̈ɔ̈th ŋic, ku jɔ raan cï ciin riɔu yɔ̈ɔ̈k an, “Jɔt rɔt, kääcë ë ciɛɛlic ëtɛ̈ɛ̈n.” Go rɔt jɔt ku kɛ̈ɛ̈c. 9Go Yecu ke yɔ̈ɔ̈k an, “We bä thiëc cöök tök an, cï päl kɔc ë akööl ë Thabath bïk këpiɛth aa looi, ku bïk kërac aa looi? Bïk kɔc aa kony wëi, ku bïk kɔc aa nɔ̈k?” 10Na wën, ke ke lieec kedhie,#6:10: go lueel; këcïgɔ̈ɔ̈r däŋ ade yic go lueel agɔ̈th. ku jɔ raan yɔ̈ɔ̈k an, “Riny yïciin.” Go eciin riny: go ciin bɛ pial cït man ë ciin däŋ.
11Agokï nïïm mum arëët, ku jɔkï guiir kapäc, në kë bïk luöi Yecu.
Yecu Alɔc Tuuc Kathiëër ku Rou
(Math 10:1-4; Mak 3:13-19)
12Na wën, ee nïnkë, ke jɔ jäl le ë kuurdït nɔm le lɔ̈ŋ, ku jɔ ruu ë lɔ̈ŋ Nhialic aruuwë piny. 13Na wën, aacï piny jɔ ruu, ke jɔ kɔckɛn ë piööcë cɔɔl, go kɔc kathiëër ku rou lɔc ë keyiic, ku ciëk keek an, tuuc aya, 14yï Thimon, raan cï cäk an, Petero aya, ku Andereya mänhë, ku Jakop kekë Jɔn, ku Pilip kekë Bartholomayo, 15Ku Mathayo kekë Thoma, ku Jakop wën ë Alapayo, ku Thimon cɔl Dhelote. 16Ku Judath wën ë Jakop, ku Judath Yithkariɔt, raan bï e nyiɛɛn.
Yecu Awɛ̈ɛ̈t ku atɔ Kɔc Dem
(Math 4:23-25)
17Go bɛ̈n piny kekë keek ëtök, bï ku kɛ̈ɛ̈c të cï rai kekë kut ë kɔckɛn ë piööcë ayï kut dït ë kɔc wën bɔ̈ bei ë Juda yic ëbɛ̈n ku Jeruthalem, ku wɛ̈ɛ̈r de Tayer thok kekë Thidon, kɔc wën cï bɛ̈n bïk bɛ̈n piŋ, ku bïk bɛ̈n dem në ka nu ë kegup, 18ayï kɔc cïï jɔɔk rac dɔm, agokï gup waar. 19Ku kɔɔr kut ë kɔc ëbɛ̈n luɔi bï kek e jak, riɛl aaye bɛ̈n bei ë yeguöp, ku tɔ ke dem kedhie.
Miɛtëpiɔ̈u kekë Dhiënëpiɔ̈u
(Math 5:1-12)
20Na wën, ke jɔ kɔckɛn ë piööcë leec, ku lueel an,
“Thieithieei wek kɔc kuanynyïïn,
ciɛɛŋ de Nhialic ee këdun!
21“Thieithieei wek kɔc nɛ̈k cɔk ënɔɔnë,
we bï tɔ kueth!
“Thieithieei wek kɔc dhiau ënɔɔnë,
we bï dɔl!
22 #
1 Pet 4:14. “Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan! 23#2 Lëk 36:16; Luɔi 7:52. Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.
24“Ku amawoou në week wek kɔc cï bäny,
adutdun acäk guɔ nööm!
25“Amawoou në week wek kɔc cï kuɛth,
we bïï cɔk nɔ̈k!
“Amawoou në week, wek kɔc dɔl ënɔɔnë,
we bï dhuöör ë dhiëëu!
26“Amawoou në week, të leecë week ë kɔc kedhie, wärken aake ye tït aluɛth luööi yikya.
Nhiëër de Kɔc ke Ater
(Math 5:38-48; 7:12a)
27“Ku wek yɔ̈ɔ̈k, wek kɔc pïŋ an: Nhiaarkï kɔc dɛ wek ater, yak kɔc man week luööi apiɛth, 28yak kɔc ë wek läm kërac thieei, ku yak lɔ̈ŋ në biäk de kɔc ee week luöi kërac. 29Ku raan biäk yïn gëm tök, ke yï wel gëm däŋ aya, ku raan rum lupɔduön thiinë, ke du pën alulutdu aya. 30Miɔc raan ëbɛ̈n raan lip yïn, ku raan rum wëuku, du ke be kɔɔr tëde yen. 31#Math 7:12. Ku acït man kaar wek kë bï kɔc aa luöi wek, ke ke jakï ya luööi wäkya ayadäŋ.
32“Ku na nhiaarkï kɔc nhiaar week, ee lɛc ŋö cath ke week? Kɔc ee kërac looi ayek kɔc nhiaar keek nhiaar! 33Ku na luööikï kɔc apiɛth kɔc luui week apiɛth ee lɛc ŋö cath ke week? Kɔc ee kërac looi ayek luui yikya ayadäŋ. 34Ku na dhɛ̈nkï kɔc käŋ kɔc ŋäthkï nɔn bä wek käŋ bɛ nööm tëde keek, ee lɛc ŋö cath ke week? Kɔc ee kërac looi ayek kɔc ee kërac looi dhɛ̈n käŋ an, bïk käŋ bɛ aa nööm ka cïk aa dhɛɛn! 35Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th. 36Yak piɔ̈ɔ̈th kok cït man ee Wuöördun piɔ̈u kok.
Jäny de Kɔc Kɔ̈k
(Math 7:1-5)
37“Duökï kɔc ee jɔ̈ɔ̈ny, ke we cïï bï aa jɔ̈ɔ̈ny: duökï kɔc ee gɔ̈k, ke we cïï bï aa gɔ̈k: yak kɔc päl karɛcken, ke we bï päl karɛckun. 38Yak miööc, ke we bï aa miɔɔc, we bïï kɔc yiëk yöth käŋ në kë cï thiäŋ, ku cï cook, ku cï yiek, abï nɔm lɔ wei. Thëm thëm wek kɔc käŋ yen abï kɔc bɛ thëm week aya.”
39 #
Math 15:14. Go keek lɛ̈k kääŋ an, “De cɔɔr duëër cɔɔr däŋ thel? Cïkï bï lööny ë pulic kedhie? 40#Math 10:24,25; Jɔn 13:16; 15:20. Raan ŋoot ke piööcë acïï raan wëët en ee wöör: ku raan ëbɛ̈n raan cï thök ë wëët abï thöŋ ke raan ë wëët en.
41“Ku eeŋö woi yïn wɛ̈ɛ̈l thiin nu ë mɛnhkui nyin, ku cïï tim dïït nu ë yïnyin ee tïŋ? 42Ku duɛ̈ɛ̈rë mɛnhkui yɔ̈ɔ̈k adï an, ‘Mɛnhkäi, tɔ ya mïït ee wɛ̈ɛ̈l thiin nu ë yïnyin bei, ku yïn guöp yïn cïï timdïït nu ë yïnyinë woi? Yïn ee raan de yic aguk, kɔnë tim dïït nu ë yïnyinë bɛ̈ɛ̈i bei, na ëlë, ke yïn bï daai ëgɔk, ke yïn duëër wɛ̈ɛ̈l thiin nu ë mɛnhkui nyin dap bɛ̈ɛ̈i bei.
Tim kekë Mïthke
(Math 7:16-20; 12:33-35)
43Tim piɛth acie luɔk ë mïth rac, ayï tim rac, acie luɔk ë mïth piɛth. 44#Math 12:33. Tim ëbɛ̈n aye ŋic në mɛnhdɛn ee yen luɔk. Kɔc acïkï ŋaap ë tet ë kïïr kɔ̈u, ku acïkï enap ë tet ë peth kɔ̈u. 45#Math 12:34. Raan piɛth ee këpiɛth bɛ̈ɛ̈i bei në piath ë yenpiɔ̈u, ku raan rac ee kërac bɛ̈ɛ̈i bei në kërɛɛc nu ë yenpiɔ̈u: thok ee jam në kë cï piɔ̈u thiɔ̈ɔ̈ŋ nɔm.
Kɔc Yïk Ɣööt Kaarou
(Math 7:24-27)
46Ku eeŋö caal wek ɛn an, “Bɛ̈nydït, Bɛ̈nydït, ku cäkï ka luɛɛl ee looi? 47Raan ëbɛ̈n raan bɔ̈ tëde yɛn, ago wëlkï piŋ, ku jɔ keek aa looi, we bä nyuöth raan kït kek, 48acït raan cï ɣöt yïk, ku jɔ këërkëër wec abï thuth, acï kuur lɔ yök: na wën, ke piny mol arëët, go piëëu röt jäp ë ɣönë kɔ̈u, ku cïï duëër tɔ lɔ nieeŋnieeŋ: luɔi cï këërkëërde wec ë kuur nɔm. 49Ku raan ë wël piŋ, ku cïï keek ee looi, yen acït raan ë ɣöt yïk ë tiɔp nɔm ke cïn këërkëër cï wec, go piëëu röt jäp ee ɣönë kɔ̈u, ku jɔ dap wïïk ënɔnthiinë, go ɣönë riääk ë riääk dït!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.