Kuɛ̈n 23
23
1Go Balaam lɛ̈k Balak an, “Yiëkë yɛn yïk kadhorou, ku yiɛ̈në yɛn thön kadhorou, ku amɛ̈l kadhorou.
2Go Balak ka cïï Balaam lɛ̈k en looi kedhie, ku gɛmkï miɔɔr ku amääl në yïk nïïm kadhorou. 3Ku jɔ Balaam lɛ̈k Balak an, “Kääcë ee në, në miɔ̈cduön ye nyop lɔ̈ɔ̈m. Ku ya lɔ Bɛ̈nydït tïŋ na bï ya bɛ̈n neem. Ke cï nyuöth Ɛn ëbɛ̈n, abä bɛ̈n lɛ̈k yïn. Go Balaam lɔ nhial në kuur nɔm yetök. 4Go Bɛ̈nydït lɔ yök. Go Balaam lɛ̈k Bɛ̈nydït an, “Yɛn ë yïk kadhorou yïk, ku gam miöör kadhorou, ku amɛ̈l kadhorou në kenïïm.
5Go Bɛ̈nydït Balaam guiëër ke bï lɔ lɛ̈k Balak, ku tɔ dök e nɔm Balak le lɛ̈k ke cï guiir. 6Na wën, ke Balaam ë puk rɔt, go Balak lɔ yök aŋoot ke kääc në miɔ̈cdɛn ye nyop lɔ̈ɔ̈m kekë bäny ke Mowap kedhie.
7Go Balaam jamde gɔl an,
“Balak ë ya bɛ̈ɛ̈i piny de Aram,
Meliŋ de Mowap acï ya diëc në kur ke aköl amiäk
acï lɛ̈k ɛn an, “Bä ciënë yɛn baai de Jakop,
Bä ciënë yɛn kɔc ke Yithriɛl!’
8Duɛ̈ɛ̈r kɔc cieen adï, kɔc kënë Nhialic cieen?
Ku duɛ̈ɛ̈r kɔc cieen adï, kɔc kënë Bɛ̈nydït cieen?
9Kɔc ya woi ke ya kääc tëthöny.
Ku tïŋ keek ke ya nu në kuur nɔm.
Ee kɔc lɛɛn rɛɛr pei ke ke ye wut,
Kɔc cïï röt ee kuɛɛn në juöör kɔ̈kiic.
10Kuat de Jakop acïtkï abuui,
eeŋa duëër keek lëu në kuɛ̈n?
Tɔ ya thou në thon ë raan piɛth piɔ̈u,
tɔ thondï cït thonden.
11Go Balak lɛ̈k Balaam an, “Eeŋö cï luöi yɛn, yïn aa bɛ̈ɛ̈i bä kɔc ke ater bɛ̈n lam, ke yï puk rɔt thiei keek?
12Go Balaam puk nɔm an, “Ee ke cïï Bɛ̈nydït lɛ̈k Ɛn yetök, yen abä lueel.
Cäär de Balaam ee Kek Rou
13Go Balak lɛ̈k Balaam an, “Bä lokku tëdäŋ bï yïn biäk de kɔc ke Yithriɛl lɔ tïŋ. Ku ëtɛ̈ɛ̈n, abä keek läm Ɛn. 14Go lɛɛr dom de Dhopim në kuur ë Pithga nɔm. Ku le yïk kadhorou yïk ëtɛ̈ɛ̈n, ku gɛm miöör kadhorou në kenïïm, ku amɛ̈l kadhorou. Thɔn kekë amääl në yïk nɔm.
15Go Balaam lɛ̈k Balak an, “Dɔ̈ŋë ke yï kääc në miɔ̈cduön ye nyop lɔ̈ɔ̈m ee në, ya lɔ tëde Bɛ̈nydït tɛ̈n la jam wokë yen.
16Go Bɛ̈nydït lɔ yök kekë Balaam, ku lëk ke bï lɔ lueel an, “Puɔ̈kë yïnɔm Balak, lɔ guiëërë ee jamë. 17Go Balaam enɔm puk, go Balak lɔ yök aŋoot ke kääc në miɔ̈cdɛn ye nyop lɔ̈ɔ̈m kekë bäny ke Mowap. Go Balak ye luɔp an, “Eeŋö cïï Bɛ̈nydït lɔ lueel?. 18Go Balaam jam jɔ gɔl lueel an,
“Bä, Balak wën ë Dhipor,
bä piŋ ke luɛɛl.
19Nhialic acïï lueth ee töör, acie raan.
Ku cïï yenɔm ee waar cït man ë raan.
Ke cï than ee rɔt tiiŋ,
ku ke cï lueel, ee rɔt looi.
20Yɛn cï yɔ̈ɔ̈k nɔn thiɛɛi Ɛn keek,
Acïï Bɛ̈nydït ke thieei ka acä duëër waar.
21Acïn riääk cï tiëŋ baai de Jakop.
Ku cïn kërɛɛc ŋïc ë Yithriɛl.
Bɛ̈nydït Nhialicdɛn atɔ̈u ke keek,
ku agamkï nɔn yen meliŋden.
22Acïï Nhialic ke bɛ̈ɛ̈i bei Rip,
ku ee tɔŋden thɔ̈ɔ̈r cït thɔn cï jök.
23Acïn athuɛ̈ɛ̈th, ku cïn kë bï caar,
duëër kɔc ke Yithriɛl lëu.#23:23: Ëtɛ̈ɛ̈n...Yithriɛl; nɔn Acïn athuɛ̈ɛ̈th, ku cïn yanh, bïï aa looi në Yithriɛl, Acïn cäär bïï aa looi ëtɛ̈ɛ̈n.
Acïn kɔc bï jam në biäk de Yithriɛl,
an, ‘tïŋ kë cïï Nhialic looi!’ 24Kɔc ke Yithriɛl ayek röt jɔt cït ŋun ë köör,
ku yɔ̈kkï röt cït köör cie lɔ̈ŋ
të kën en lɛ̈nde dɔm, ku dek riɛmde.
25Go Balak lɛ̈k Balaam an, “Na cï jai nɔn lɛm yïn keek, ke duk keek thieei.
26Go Balaam bɛ̈ɛ̈r an, “Ë kɛn lɛ̈k yïn nɔn yen ke cïï Bɛ̈nydït lɛ̈k Ɛn yen bä looi yetök?.
Cäär de Balaam ee Kek Diäk
27Go Balak lɛ̈k Balaam an, “Bä lokku tëdäŋ. Tɛk däŋ bï Nhialic yï lɔ tɔ lam keek ëtɛ̈ɛ̈n. 28Go Balaam lɛɛr ë kuur ë Peyor nɔm, ku woikï jɔ̈ɔ̈r piny. 29Go Balaam lɛ̈k en an, “Yiëkë yɛn yïk kadhorou ee në, ku bɛ̈ɛ̈i yë thön kadhorou, ku amɛ̈l kadhorou. 30Go Balak ke cï lɛ̈k en looi. Gokï thɔn gam ku gɛmkï amääl në yïk nɔm në ee yïkë nïïm kadhorou.
Currently Selected:
Kuɛ̈n 23: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Kuɛ̈n 23
23
1Go Balaam lɛ̈k Balak an, “Yiëkë yɛn yïk kadhorou, ku yiɛ̈në yɛn thön kadhorou, ku amɛ̈l kadhorou.
2Go Balak ka cïï Balaam lɛ̈k en looi kedhie, ku gɛmkï miɔɔr ku amääl në yïk nïïm kadhorou. 3Ku jɔ Balaam lɛ̈k Balak an, “Kääcë ee në, në miɔ̈cduön ye nyop lɔ̈ɔ̈m. Ku ya lɔ Bɛ̈nydït tïŋ na bï ya bɛ̈n neem. Ke cï nyuöth Ɛn ëbɛ̈n, abä bɛ̈n lɛ̈k yïn. Go Balaam lɔ nhial në kuur nɔm yetök. 4Go Bɛ̈nydït lɔ yök. Go Balaam lɛ̈k Bɛ̈nydït an, “Yɛn ë yïk kadhorou yïk, ku gam miöör kadhorou, ku amɛ̈l kadhorou në kenïïm.
5Go Bɛ̈nydït Balaam guiëër ke bï lɔ lɛ̈k Balak, ku tɔ dök e nɔm Balak le lɛ̈k ke cï guiir. 6Na wën, ke Balaam ë puk rɔt, go Balak lɔ yök aŋoot ke kääc në miɔ̈cdɛn ye nyop lɔ̈ɔ̈m kekë bäny ke Mowap kedhie.
7Go Balaam jamde gɔl an,
“Balak ë ya bɛ̈ɛ̈i piny de Aram,
Meliŋ de Mowap acï ya diëc në kur ke aköl amiäk
acï lɛ̈k ɛn an, “Bä ciënë yɛn baai de Jakop,
Bä ciënë yɛn kɔc ke Yithriɛl!’
8Duɛ̈ɛ̈r kɔc cieen adï, kɔc kënë Nhialic cieen?
Ku duɛ̈ɛ̈r kɔc cieen adï, kɔc kënë Bɛ̈nydït cieen?
9Kɔc ya woi ke ya kääc tëthöny.
Ku tïŋ keek ke ya nu në kuur nɔm.
Ee kɔc lɛɛn rɛɛr pei ke ke ye wut,
Kɔc cïï röt ee kuɛɛn në juöör kɔ̈kiic.
10Kuat de Jakop acïtkï abuui,
eeŋa duëër keek lëu në kuɛ̈n?
Tɔ ya thou në thon ë raan piɛth piɔ̈u,
tɔ thondï cït thonden.
11Go Balak lɛ̈k Balaam an, “Eeŋö cï luöi yɛn, yïn aa bɛ̈ɛ̈i bä kɔc ke ater bɛ̈n lam, ke yï puk rɔt thiei keek?
12Go Balaam puk nɔm an, “Ee ke cïï Bɛ̈nydït lɛ̈k Ɛn yetök, yen abä lueel.
Cäär de Balaam ee Kek Rou
13Go Balak lɛ̈k Balaam an, “Bä lokku tëdäŋ bï yïn biäk de kɔc ke Yithriɛl lɔ tïŋ. Ku ëtɛ̈ɛ̈n, abä keek läm Ɛn. 14Go lɛɛr dom de Dhopim në kuur ë Pithga nɔm. Ku le yïk kadhorou yïk ëtɛ̈ɛ̈n, ku gɛm miöör kadhorou në kenïïm, ku amɛ̈l kadhorou. Thɔn kekë amääl në yïk nɔm.
15Go Balaam lɛ̈k Balak an, “Dɔ̈ŋë ke yï kääc në miɔ̈cduön ye nyop lɔ̈ɔ̈m ee në, ya lɔ tëde Bɛ̈nydït tɛ̈n la jam wokë yen.
16Go Bɛ̈nydït lɔ yök kekë Balaam, ku lëk ke bï lɔ lueel an, “Puɔ̈kë yïnɔm Balak, lɔ guiëërë ee jamë. 17Go Balaam enɔm puk, go Balak lɔ yök aŋoot ke kääc në miɔ̈cdɛn ye nyop lɔ̈ɔ̈m kekë bäny ke Mowap. Go Balak ye luɔp an, “Eeŋö cïï Bɛ̈nydït lɔ lueel?. 18Go Balaam jam jɔ gɔl lueel an,
“Bä, Balak wën ë Dhipor,
bä piŋ ke luɛɛl.
19Nhialic acïï lueth ee töör, acie raan.
Ku cïï yenɔm ee waar cït man ë raan.
Ke cï than ee rɔt tiiŋ,
ku ke cï lueel, ee rɔt looi.
20Yɛn cï yɔ̈ɔ̈k nɔn thiɛɛi Ɛn keek,
Acïï Bɛ̈nydït ke thieei ka acä duëër waar.
21Acïn riääk cï tiëŋ baai de Jakop.
Ku cïn kërɛɛc ŋïc ë Yithriɛl.
Bɛ̈nydït Nhialicdɛn atɔ̈u ke keek,
ku agamkï nɔn yen meliŋden.
22Acïï Nhialic ke bɛ̈ɛ̈i bei Rip,
ku ee tɔŋden thɔ̈ɔ̈r cït thɔn cï jök.
23Acïn athuɛ̈ɛ̈th, ku cïn kë bï caar,
duëër kɔc ke Yithriɛl lëu.#23:23: Ëtɛ̈ɛ̈n...Yithriɛl; nɔn Acïn athuɛ̈ɛ̈th, ku cïn yanh, bïï aa looi në Yithriɛl, Acïn cäär bïï aa looi ëtɛ̈ɛ̈n.
Acïn kɔc bï jam në biäk de Yithriɛl,
an, ‘tïŋ kë cïï Nhialic looi!’ 24Kɔc ke Yithriɛl ayek röt jɔt cït ŋun ë köör,
ku yɔ̈kkï röt cït köör cie lɔ̈ŋ
të kën en lɛ̈nde dɔm, ku dek riɛmde.
25Go Balak lɛ̈k Balaam an, “Na cï jai nɔn lɛm yïn keek, ke duk keek thieei.
26Go Balaam bɛ̈ɛ̈r an, “Ë kɛn lɛ̈k yïn nɔn yen ke cïï Bɛ̈nydït lɛ̈k Ɛn yen bä looi yetök?.
Cäär de Balaam ee Kek Diäk
27Go Balak lɛ̈k Balaam an, “Bä lokku tëdäŋ. Tɛk däŋ bï Nhialic yï lɔ tɔ lam keek ëtɛ̈ɛ̈n. 28Go Balaam lɛɛr ë kuur ë Peyor nɔm, ku woikï jɔ̈ɔ̈r piny. 29Go Balaam lɛ̈k en an, “Yiëkë yɛn yïk kadhorou ee në, ku bɛ̈ɛ̈i yë thön kadhorou, ku amɛ̈l kadhorou. 30Go Balak ke cï lɛ̈k en looi. Gokï thɔn gam ku gɛmkï amääl në yïk nɔm në ee yïkë nïïm kadhorou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.