Kuɛ̈n 25
25
Kɔc ke Yithriɛl në Peyor
1Të ɣɔn cïï kɔc ke Yithriɛl piɔ̈ɔ̈t në wak de Akacia, röör acïk duet ke Mowap bɛ̈n kɔɔr. 2Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken. 3Ago kɔc ke Yithriɛl mɛt në läm de Baal de Peyor yic. Go Bɛ̈nydït piɔ̈u diu ke keek arëët. 4Go Bɛ̈nydït lɛ̈k Mothe an, “Math bäny ke Yithriɛl nïïm kedhie, ku nɛ̈k keek aköl në yanɔm,#25:4: aköl; nɔn ee kɔc nïïm. ku päl keek adhɔt piny ëtɛ̈ɛ̈n, ke agönhdï abï thök wokë kɔc ke Yithriɛl. 5Go Mothe lɛ̈k bäny ke luk ke Yithriɛl an, “Raan ëbɛ̈n ë weyiic ë näk kɔckɛn cï mɛt në lam ë Baal de Peyor yic ëbɛ̈n.
6Ku ëtɛ̈ɛ̈n, raan de Yithriɛl tök acï nyan ë kɔc ke Midian bɛ̈ɛ̈i baaide aköl ke woi ë Mothe, ku woi ë akutnɔm de kɔc ke Yithriɛl kedhie, ke ke dhiau në paany de mät thok. 7Na wën, atïŋ ë Pineɣath wën Eleyadhar de Aron bɛ̈ny de kake Nhialic, ke jɔt rɔt ku nyiëëŋ akutnɔm piny, ku kuɛ̈ny tɔŋ. 8Ku biɔɔth raan cï duet bɛ̈ɛ̈i ɣönde, ku thɛɛr keek kaarou abï tɔŋ paal në keyiic kaarou. Ku ëtɛ̈ɛ̈n, jɔŋ ë näk kɔc ke Yithriɛl ë bɛ̈n kɔ̈ɔ̈c. 9Ku ëtɛ̈ɛ̈n, jɔk aa yök acï aguum kathiërrou ku ŋuan nɔ̈k në kɔc ke Yithriɛl yiic.
10Go Bɛ̈nydït lɛ̈k Mothe an, 11“Ke cïï Pineɣath wën de Eleyadhar looi yë, acï ya tɔ päl agönhdï wokë kɔcke Yithriɛl. Akën gam nɔn bï kɔc yiëth kɔ̈k lam pei të cïn Ɛn, yen ke kɛn Ɛn keek bɛ riɔ̈ɔ̈k ka. 12Ka yïn, lɛ̈kë yen nɔn luɔi Ɛn män de rëër lɔ dïu wokë yɛn. 13Yen kekë mïthke kedhie abïk aa bäny ke kake Nhialic ananden. Në biäk cï yen kɔc ke Yithriɛl teem gup në jai cï yen jai nɔn lɛm ë kɔc yanh däŋ pei të cïn Ɛn.
14Ku raan de Yithriɛl ë näk kekë tiiŋ de kɔc ke Midian aa cɔl Dhimri de Thalu, bɛ̈ny de dhiën ë Thimion. 15Ku tiiŋ de kɔc ke Midian ë näk, acɔl Kodhbi de Dhur. Wun yen aye bɛ̈ny de dhiëën ke kɔc ke Midian.
16Go Bɛ̈nydït lɛ̈k Mothe an, 17“Yiɛ̈në kɔc ke Midian tɔŋ, lak riäkkï keek. 18Në biäk wään cï kek we math në Peyor, ku në biäk de Kodhbi cï nɔ̈k në akööl ke jɔŋ wään cï lëu në kɔc yiic, nɛ̈k keek në Peyor.
Currently Selected:
Kuɛ̈n 25: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.