Kuɛ̈n 27
27
Duet ke Dhelopad
1Duet ke Dhelopad wën ë Ɣeper, Ɣeper wën ë Giliyad, Giliyad wën de Makir, Makir wën de Manatha, Manatha wën de Jothep. Ayek duet dhiën ë Manatha. Ku duetkë acɔl keek Mala, ku Nowa, ku Ɣogla, ku Milka, ku Tirdha. 2Acïk bɛ̈n lɔ kɔ̈ɔ̈c në Mothe nɔm kekë Eleyadhar bɛ̈ny de kake ke Nhialic, ku bäny ke Yithriɛl kedhie, ku akutnɔm de kɔc në paany de mät thok ku luelkï an, 3“Wääda acï thou në jɔ̈ɔ̈ric. Acïï thou kekë kɔc ɣɔn cï mat në Kɔra ku göthkï në Bɛ̈nydït. Ee kë lɛɛn ë thou në kërɛɛcde pei yetök. Ku aa thou ke cïn nɔm mïthwät. 4Eeŋö bïï ë rin ke wääda bei në dhiëndenic, ee luɔi kën en dhiëth në mïthwät? Gämkï wook biäkda në kɔc ke wää lɔ̈m.
5Go Mothe jamden yiɛ̈n Bɛ̈nydït. 6Go Bɛ̈nydït lɛ̈k Mothe an, 7#Kuɛ̈n 36:2. “Duet ke Dhelopad adekï nïïm yic. Gämë keek piny në kɔc ke wuönden lɔ̈m. Tɔ keek lak piny ë wuönden. 8Ku lɛ̈k ë kɔc ke Yithriɛl an, “Të cïï raan thou ke cïn nɔm mɛwä, ke kake ë ke gëmë nyande. 9Ku na cïn nɔm duet, ke kake ë ke gëmë wɛ̈ɛ̈takɛcken. 10Na cïn nɔm wɛ̈ɛ̈takɛcken, ke kake ë ke gëmë wälɛ̈ɛ̈nken. 11Na cïn nɔm wälɛ̈ɛ̈nken, ke kake ë ke gëmë raandɛn thiääk ke yen, nööm ke ye kake. Ku kënë yen abï tɔ̈u ke ye löŋ de Yithriɛl cït man cän ë lɛ̈k Mothe.
Jocua Agëmë Bääny de Mothe
12 #
Nyöŋ 3:23-27; 32:48-52. Go Bɛ̈nydït lɛ̈k Mothe an, “Lɔ nhial në kuur de Abarim nɔm, lɔ woi piny gäm kɔc ke Yithriɛl. 13Na cï tïŋ, ke yïn bï thou cït man wään kɔn Aron wänmuuth thou, 14në baŋ wään cä wek löŋdï dhɔ̈ŋic në jɔ̈ɔ̈r de Dhinic. Të ɣɔn bïï akutnɔm de Yithriɛl dok në yɛn ke ke kɔɔr pïïu në Meriba, wek kën riɛldï bɛ̈n nyuöth kɔc. (Meriba awaŋ ë pïïu nu në Kadec në jɔ̈ɔ̈r ë Dhinic).
15Go Mothe Bɛ̈nydït lɔ̈ŋ lëk en an, 16“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat. 17#1 Mel 22:17; Edh 34:5; Math 9:36; Mak 6:34. Raan bï keek aa wat tɔŋ, ku wɛt keek ciëën tɔŋ. Ke akutnɔm de kɔckun ë cï bï cït thök cïn nïïm tïït.
18 #
Bɛ̈n 24:13. Go Bɛ̈nydït lɛ̈k Mothe an, “Jɔt Jocua wën ë Nun, raan thiäŋ ke wëi, raan lëu luɔi, ku thanyë yïcin në yenɔm. 19Ku lɔ tɔ kääc në Eleyadhar nɔm, bɛ̈ny de kake ke Nhialic, ku akutnɔm de Yithriɛl, ku guiëërë keek kedhie nɔn cï yïn en kuɛ̈ny ke ye bɛ̈ny në nyindu yic. 20Ku gämë biäk de bäänydu, ke bï akutnɔm de kɔc ke Yithriɛl en gam thok. 21#Bɛ̈n 28:30; 1 Tham 14:41; 28:6. Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumim#27:21: yurim ku thumim: Ee käŋ kaarou ye bɛ̈ny de kake Nhialic ke cɔ̈ɔ̈r ago këde piɔ̈n ë Nhialic ŋic; ku acïï ŋic ëgɔk yen kueer ye kɔc lui në keek.në Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel. 22Go Mothe kë cïï Bɛ̈nydït lɛ̈k en looi ëbɛ̈n. Go Jocua tɔ kääc në Eleyadhar nɔm, bɛ̈ny de kake ke Nhialic, ku jɔ ya akutnɔm ëbɛ̈n. 23#Nyöŋ 31:23. Ku thɛny Jocua nɔm, ku ciɛɛl nɔn yen bɛ̈ny në nyinde yic cït man cïï Bɛ̈nydït ye lɛ̈k en.
Currently Selected:
Kuɛ̈n 27: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.