Kuɛ̈n 28
28
Miɔ̈c de Aköölnyïïn
(Bɛ̈n 29:38-46)
1Go Bɛ̈nydït lɛ̈k Mothe an, 2“Yɔ̈ɔ̈kë kɔc ke Yithriɛl, ‘lɛ̈kë keek an, kiɛmkï wenïïm piny, an miɔ̈cdï, këcamdï ke ye miɔ̈c ye nyop ëbɛ̈n ye awäuden ke ya miëët piɔ̈u, ë ke ye gäm Ɛn thaardɛn cï mäc keek.
3Ku abä lɛ̈k keek, an kënë ee miɔ̈c ye nyop ëbɛ̈n duɛ̈ɛ̈rë gäm Bɛ̈nydït aköölnyïïn ëbɛ̈n nyök amɛ̈l kaarou ee ruöön tök ke ke cïn gup tëdak. 4Ye nyɔɔŋ tök gam amiäk ku gamë däŋë thëën, 5në keek kedhie në kilɔ aɣar lɔ mot cï liääp ke kilɔ kaarou ke miök bï dhil gam ke ye miɔ̈c ë rap. 6Ayek miɔ̈c ye nyop ëbɛ̈n aköölnyïïn ye awäude Ye miët piɔ̈u, miɔ̈c tueŋ cï kɔn gäm Bɛ̈nydït ke ye miɔ̈c ye nyop ëbɛ̈n në kuur ë Thinai nɔm. 7Në nyɔɔŋ tök në miɔ̈ckë kaarou, kilɔ kaarou de mɔ̈n tuc abïï ke miaac tëɣeric, ke ye miɔ̈c ye dek gëmë Bɛ̈nydït. 8Ku nyɔɔŋ ye kek rou abï dhiɛl gam ke ye miɔ̈c thëën, cït miɔ̈c ë rap ye gam miäk rial ku cït miɔ̈cdɛn ye dek, abä dhil gam ke cït miɔ̈c ye nyop ëbɛ̈n ye awäude Bɛ̈nydït miët piɔ̈u.
Miɔ̈c de Thabath
9“Kööl ë Thabath gamë nyök amɛ̈l kaarou ee ruöön tök ke ke cïn gup tëdak, ku kilɔɔ kaarou në aɣar lɔ mot ke ye miɔ̈c ë rap, cï liääp kekë miök, ku miɔ̈cdɛn ye dek, 10kënë ee miɔ̈c ye nyuöp Ɛn në akööl ke Thabath ëbɛ̈n, bï aa coolë gamë yen ëtök kekë miɔ̈c ye nyop ëbɛ̈n ku miɔ̈cdɛn ye dek.
Miɔ̈c de Pɛɛi ë Piɛc Wil
11Gɔl ë wil ë pɛɛi, wek bï Bɛ̈nydït dhil aa gäm miɔ̈c ye nyop ëbɛ̈n, miöör kor kaarou ku amäl tök, ku nyök kaarou ee ruöön tök ke ke cïn gup tëdak, 12ayadäŋ kilɔ kadiäk ke aɣar lɔ mot ke ye miɔ̈c ë rap, cï liääp ke miök ke ye kë de miɔɔr tök, ku lɔ kilɔ kaarou ke aɣar lɔ mot cï liääp ke miök ke ye miɔ̈c ë rap, ke ye kë de amäl tök, 13ku amäl tök në kilɔ töŋ de aɣar lɔ mot cï liääp kekë miök ke ye miɔ̈c ë rap, ku miɔ̈c ye nyuöp En ku ye awäude Bɛ̈nydït miët piɔ̈u, 14Miɔ̈cdɛn ye dek abï aa abïny ë mɔ̈u atɛɛm kɔ̈u në miɔɔr tök, ku abïny atɛɛm thar në nyɔɔŋ amääl koor yen abï aa këde. Kënë ee löŋ de miɔ̈c ye nyop ëbɛ̈n de kööl tueŋ ë pɛɛi thok, në pɛ̈i ke ruöön ëbɛ̈n. 15Ayadäŋ nyɔɔŋ bou tök ke ye miɔ̈c de kërac, abï gäm Bɛ̈nydït, abïï ke mat në miɔ̈c de aköölnyïïn ye nyop ku miɔ̈cdɛn ye dek.
Miɔ̈c de Dhuëëŋ de Kuïn Cïnic Luɔu
(Leb 23:5-14)
16 #
Bɛ̈n 12:1-13; Nyöŋ 16:1,2. Dhuëëŋ de winythok ye Bɛ̈nydït dhuëëŋ guöp aye looi në kööl ye pɛɛi de tök thok thiëër ku ŋuan. 17#Bɛ̈n 12:14-20; 23:15; 34:18; Nyöŋ 16:3-8. Ku nïn thiëër ku dhïc de ee pɛɛiyë aye dhuëëŋ rɔt cuuth në nïn yiic ka dhorou ke kɔc ë ke cam kuïn cïn yic luɔu. 18Kööl tueŋ wek bï we nïïm mat në lɔ̈ŋ ɣeric yic ke cïn raan de kë looi 19Ku ee miɔ̈c ye nyop ëbɛ̈n yen bï gäm Bɛ̈nydït: miöör kaarou, ku nyɔɔŋ amääl dïït tök, ku nyök amɛ̈l ee ruöön tök kadhorou tök ke ke cïn gup tëdak. 20Ku miɔ̈c ë rap, aɣar lɔ mot cï liääp kekë kilɔ kadiäk ke miök në miɔɔr tök, kilɔ kaarou ke miök në nyɔɔŋ amäl tök, 21Ku kilɔ tök në nyɔɔŋ thiin töŋ de ruöön tök.
22Ayadäŋ nyɔɔŋ bou, ke ye miɔ̈c de kërac bï ë we teem gup 23Yak kakë gam ke ye miɔ̈c matkï në miɔ̈c amiäk de aköölnyïïn ye nyop. 24Në ee kueerë, në nïn kadhorouwiic, ke miɔ̈c ye dëk ku miɔ̈c ye nyop ëbɛ̈n, aake ye gam ke awäude bï Bɛ̈nydït miëët piɔ̈u, yakkï gam ke ye miɔ̈c matkï në miɔ̈c ye nyop ëbɛ̈n de aköölnyïïn ku miɔ̈c ye dek. 25Në kööl ë dhorou yak we nïïm mat në lɔ̈ŋ ɣeric yic ku cïn raan lɔ tëde luɔi
Miɔ̈c de Dhuëëŋ ë Tëm
(Leb 23:15-22)
26 #
Bɛ̈n 23:16; 34:22; Nyöŋ 16:9-12. Kööl tueŋ de dhuëëŋ të gam wek miɔ̈c ë rap cï kɔn luɔk Bɛ̈nydït, ke we mat we nïïm në lɔ̈ŋ ɣeric yic ku cïn raan lɔ tëde luɔi. 27Ku gamkï miɔ̈c ye nyop ëbɛ̈n ee Bɛ̈nydït miët piɔ̈u: miöör kor kaarou ku nyɔɔŋ amääl dïït tök, ku nyök amɛ̈l kor ee ruöön tök kadhorou, ke ke cïn gup tëdak kedhie, 28ayadäŋ miɔ̈cdɛn ë rap de aɣar lɔ mot cï liääp ke kilɔ kadiäk de miök ke ke ye kake miɔɔr tök, ku kilɔ kaarou ayek kake nyɔɔŋ tök, 29Ku kilɔ tök ke ye këde nyɔɔŋ tök në nyök amɛ̈l koriic kadhorou, 30ku nyɔɔŋ bou tök ke ye miɔ̈c bïï ë week teem gup. 31Yak kakë gam, ku miɔ̈c ye dek matkï në miɔ̈c ye nyop ëbɛ̈n de aköölnyïïn kekë miɔ̈cdɛn ë rap, (ku kankï ke tïŋ apiɛth nɔn cïnkï gup tëdak).
Currently Selected:
Kuɛ̈n 28: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.