Yoane 20
20
Ebuhuna Yesu to Ye
(Mat 28:1-8; Mar 16:1-8; Luk 24:1-12)
1Dominika nyia motie hanyik, ninyia hèriok, iwany nyia Maria Madalina lilume, ette igonyuna amoruo otto hutuk ilume itaborori addi. 2Ania, ette inyi iŋioron jio Simone Petro iko jio lejifani linyia obuor ataji Yesu, ette iramana isi jiojio, “Iyarai isi Lamonye addi telume! Etimo hohoi ihanani isi inyi ajia!”
3Attati Petro iko lejifani ollobo alia ifuatan ilume; 4ette isi 'daŋ arrihai iŋioron, buo lejifani ollobo alia, ette iruataru Petro, ette ifanyan ilume ahosiere; 5ette irrafa, ette iluŋur, ette igonyuna aboŋo ninyia igarawa 'to. Ati obeŋ nyia inyi ojiŋa attua. 6Ottu nyia Simone Petro te ehalu honyi, ette icul itua ilume, ette igonyuna aboŋo enne iŋarawa 'to ania owon ifau diya. 7Igonyu nyia buo fe inyi aboŋo ninyia iluro 'to ihou Yesu, onno obibinaru inyi hama buo fe owon inyi hama, obiaŋara iko aboŋo enne igarawa 'to. 8Attati lejifani loduo afany 'to ahosiere ilume ijiŋara buo fe attua ilume, ette inyi igonyuna, ette iruk. (9Hobeŋi nyia isi omijani ekiana otto Buk Hollum onno ojio 'to jio, ibuhu adi inyi luŋa toye.) 10Attati lejifak hulia icaharu haŋ.
Oleyehino Yesu jio Maria Madalina
(Mat 28:9-10; Mar 16:9-11)
11Owotia nyia Maria iger ilume buo oyyoo. Ninyia hoyyoo inyi, ette inyi irrafa, ette iluŋur attua ilume, 12ette igonyuna ajilohien arrihai hulle iyyafatie aboŋojin aboŋi, buo itoŋoi jio amaji ninyia itaferihinierek ahuan Yesu. Abotie totto ŋati hou, buo ollobo totto ŋati hejek. 13Attati ajilohien hulia ifiyo inyi jiojio, “Haniye, iyyoo iyye anyio?”
Itarraŋ nyia inyi isi ojio, “Iyarai isi Lamonye hoŋ! Atimo ni ihanani isi inyi ajia!”
14Attati inyi iyito, ette igonyuna Yesu owotia diya, ati otimo nyia inyi jio, Yesu alia. 15Ifi nyia Yesu inyi jiojio, “Haniye, iyyoo iyye anyio? Ŋai elle ittifia iyye?”
Igigilo nyia Maria jio atulo ginana adi alia; ania, ette inyi jiaran jihonyi jio, “Lettok, elle iyaru duo iyye inyi obo amaji, itahutak ani, ihanak iyye inyi ajia. Alo adi ni iduhuna inyi teya.”
16Attati Yesu iloŋ inyi jiojio, “Maria!”
Buo inyi ette iyito jihonyi, ette jiaran te ekiana Ebrei jio, “Rabboni!” (Onno ojio 'to jio, “Hettiyanani.”)
17Attati Yesu iramana inyi jiojio, “Hègolik jihoŋ 'tid 'tid; nyio, habeŋ ni acaharu ahide jio Monyoŋ. Ati ilo jio illarak hoŋ, iramak isi jio alo ni icaharu jio lia alla ara 'to a Monyoŋ buo fe a Monyosi; alla ara 'to a Hollum hoŋ buo fe a Hollum hosi.”
18Ania, ette Maria Madalina leten, ette iramana jio lejifak jio egonyu inyi Lamonye, ette buo fe iramana jihosi erre hunyia iramak Lamonye inyi.
Oleyehino Yesu jio Lejifak Honyi
(Mat 28:16-20; Mar 16:14-18; Luk 24:36-49)
19Nyia kekai, to oloŋ Dominika nyia, ottubanie nyia lejifak Yesu itua haji buo ihianani ekat nyio, abaŋi nyia isi elettaha Yudei. Attati Yesu ittuna, ette iwotia ihiji hosi, ette jiaran, “Hatawana nelik tajia ikatai!” 20Ninyia ajio inyi ihuo nyia, ette inyi itahutana jihosi ahas iko amari honyi. Attati lejifak imuno te egonyuna hosi Lamonye. 21Buo Yesu ette inyiak jiaran jihosi, “Hatawana nelik tajia ikatai. Efak ni itai ihuo enne ifahuniere Monyoŋ nani.” 22Ania, ette inyi ihudana jihosi oloyiri, ette jiaran, “Ifuotuna Loholio Olibo. 23#Mat 16:19; 18:18Elle ihohina itai eyyata waati, ohohinie isi luŋa; buo elle ibiaŋata itai ihohina eyyata hosi, obeŋi adi buo fe ohohini isi luŋa.”
Yesu iko Tomaso
24Obeŋ nyia Tomaso, (alla anya 'to Aturoti) owon iko lejifak hullomuk to ninyia ottuniere Yesu. Ara nyia inyi lobo olo lejifak hula 'tomon harrihai. 25Attati lejifak hullomuk iramana jihonyi jiojio, “Egonyu duo hohoi Lamonye!” Ati ojio nyia Tomaso jihosi jio, “Ettallik ni iruk many egonyuniere ni aforo hutta has honyi, hunyia ottul agusumar, buo fe attirok afialai hoŋ jio aforo hua iko jio aforoi otto mari honyi.”
26Ihalu esabit abotie inyiahi nyia lejifak ittubanio itua haji. Owon nyia Tomaso ikosi. Ihianai nyia ekatin, ati ottu nyia Yesu, ette iwotia ihiji hosi, ette jiaran, “Hatawana nelik tajia ikatai.” 27Attati inyi jiaran jio Tomaso, “Ihanak afialai hoi dini, imija ahas hoŋ, ihalamak aani hoi. Ottiro amari hoŋ. Hènyiak ikuaya, awanan iko eruk!”
28Itarraŋ nyia Tomaso inyi jiojio, “Lamonye hoŋ iko Hollum hoŋ!”
29Buo Yesu ette jiaran jihonyi, “Iruk iyye, te egonyuna hoi nani? Hotomunohi hia hulle iruhi 'to buo obeŋi igonyuni nani!”
Eram enne Igioronierek Abuk Ana
30Ihanio nyia Yesu Eduariti arriai ihosiere ejifak honyi, ati obeŋi nyia igioroni isi 'daŋ jio abuk ana. 31Ati igioroni huna jio, oŋida bati itai iruhoto#20:31 Iruhoto : ojiori omuk egierita jio, iduloro iruk. jio, ara Yesu Olonyimoto, Lonyi Hollum; buo fe te eruk hatai jihonyi, oŋida bati itai irumana nesu.
Currently Selected:
Yoane 20: EA2003
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003
Yoane 20
20
Ebuhuna Yesu to Ye
(Mat 28:1-8; Mar 16:1-8; Luk 24:1-12)
1Dominika nyia motie hanyik, ninyia hèriok, iwany nyia Maria Madalina lilume, ette igonyuna amoruo otto hutuk ilume itaborori addi. 2Ania, ette inyi iŋioron jio Simone Petro iko jio lejifani linyia obuor ataji Yesu, ette iramana isi jiojio, “Iyarai isi Lamonye addi telume! Etimo hohoi ihanani isi inyi ajia!”
3Attati Petro iko lejifani ollobo alia ifuatan ilume; 4ette isi 'daŋ arrihai iŋioron, buo lejifani ollobo alia, ette iruataru Petro, ette ifanyan ilume ahosiere; 5ette irrafa, ette iluŋur, ette igonyuna aboŋo ninyia igarawa 'to. Ati obeŋ nyia inyi ojiŋa attua. 6Ottu nyia Simone Petro te ehalu honyi, ette icul itua ilume, ette igonyuna aboŋo enne iŋarawa 'to ania owon ifau diya. 7Igonyu nyia buo fe inyi aboŋo ninyia iluro 'to ihou Yesu, onno obibinaru inyi hama buo fe owon inyi hama, obiaŋara iko aboŋo enne igarawa 'to. 8Attati lejifani loduo afany 'to ahosiere ilume ijiŋara buo fe attua ilume, ette inyi igonyuna, ette iruk. (9Hobeŋi nyia isi omijani ekiana otto Buk Hollum onno ojio 'to jio, ibuhu adi inyi luŋa toye.) 10Attati lejifak hulia icaharu haŋ.
Oleyehino Yesu jio Maria Madalina
(Mat 28:9-10; Mar 16:9-11)
11Owotia nyia Maria iger ilume buo oyyoo. Ninyia hoyyoo inyi, ette inyi irrafa, ette iluŋur attua ilume, 12ette igonyuna ajilohien arrihai hulle iyyafatie aboŋojin aboŋi, buo itoŋoi jio amaji ninyia itaferihinierek ahuan Yesu. Abotie totto ŋati hou, buo ollobo totto ŋati hejek. 13Attati ajilohien hulia ifiyo inyi jiojio, “Haniye, iyyoo iyye anyio?”
Itarraŋ nyia inyi isi ojio, “Iyarai isi Lamonye hoŋ! Atimo ni ihanani isi inyi ajia!”
14Attati inyi iyito, ette igonyuna Yesu owotia diya, ati otimo nyia inyi jio, Yesu alia. 15Ifi nyia Yesu inyi jiojio, “Haniye, iyyoo iyye anyio? Ŋai elle ittifia iyye?”
Igigilo nyia Maria jio atulo ginana adi alia; ania, ette inyi jiaran jihonyi jio, “Lettok, elle iyaru duo iyye inyi obo amaji, itahutak ani, ihanak iyye inyi ajia. Alo adi ni iduhuna inyi teya.”
16Attati Yesu iloŋ inyi jiojio, “Maria!”
Buo inyi ette iyito jihonyi, ette jiaran te ekiana Ebrei jio, “Rabboni!” (Onno ojio 'to jio, “Hettiyanani.”)
17Attati Yesu iramana inyi jiojio, “Hègolik jihoŋ 'tid 'tid; nyio, habeŋ ni acaharu ahide jio Monyoŋ. Ati ilo jio illarak hoŋ, iramak isi jio alo ni icaharu jio lia alla ara 'to a Monyoŋ buo fe a Monyosi; alla ara 'to a Hollum hoŋ buo fe a Hollum hosi.”
18Ania, ette Maria Madalina leten, ette iramana jio lejifak jio egonyu inyi Lamonye, ette buo fe iramana jihosi erre hunyia iramak Lamonye inyi.
Oleyehino Yesu jio Lejifak Honyi
(Mat 28:16-20; Mar 16:14-18; Luk 24:36-49)
19Nyia kekai, to oloŋ Dominika nyia, ottubanie nyia lejifak Yesu itua haji buo ihianani ekat nyio, abaŋi nyia isi elettaha Yudei. Attati Yesu ittuna, ette iwotia ihiji hosi, ette jiaran, “Hatawana nelik tajia ikatai!” 20Ninyia ajio inyi ihuo nyia, ette inyi itahutana jihosi ahas iko amari honyi. Attati lejifak imuno te egonyuna hosi Lamonye. 21Buo Yesu ette inyiak jiaran jihosi, “Hatawana nelik tajia ikatai. Efak ni itai ihuo enne ifahuniere Monyoŋ nani.” 22Ania, ette inyi ihudana jihosi oloyiri, ette jiaran, “Ifuotuna Loholio Olibo. 23#Mat 16:19; 18:18Elle ihohina itai eyyata waati, ohohinie isi luŋa; buo elle ibiaŋata itai ihohina eyyata hosi, obeŋi adi buo fe ohohini isi luŋa.”
Yesu iko Tomaso
24Obeŋ nyia Tomaso, (alla anya 'to Aturoti) owon iko lejifak hullomuk to ninyia ottuniere Yesu. Ara nyia inyi lobo olo lejifak hula 'tomon harrihai. 25Attati lejifak hullomuk iramana jihonyi jiojio, “Egonyu duo hohoi Lamonye!” Ati ojio nyia Tomaso jihosi jio, “Ettallik ni iruk many egonyuniere ni aforo hutta has honyi, hunyia ottul agusumar, buo fe attirok afialai hoŋ jio aforo hua iko jio aforoi otto mari honyi.”
26Ihalu esabit abotie inyiahi nyia lejifak ittubanio itua haji. Owon nyia Tomaso ikosi. Ihianai nyia ekatin, ati ottu nyia Yesu, ette iwotia ihiji hosi, ette jiaran, “Hatawana nelik tajia ikatai.” 27Attati inyi jiaran jio Tomaso, “Ihanak afialai hoi dini, imija ahas hoŋ, ihalamak aani hoi. Ottiro amari hoŋ. Hènyiak ikuaya, awanan iko eruk!”
28Itarraŋ nyia Tomaso inyi jiojio, “Lamonye hoŋ iko Hollum hoŋ!”
29Buo Yesu ette jiaran jihonyi, “Iruk iyye, te egonyuna hoi nani? Hotomunohi hia hulle iruhi 'to buo obeŋi igonyuni nani!”
Eram enne Igioronierek Abuk Ana
30Ihanio nyia Yesu Eduariti arriai ihosiere ejifak honyi, ati obeŋi nyia igioroni isi 'daŋ jio abuk ana. 31Ati igioroni huna jio, oŋida bati itai iruhoto#20:31 Iruhoto : ojiori omuk egierita jio, iduloro iruk. jio, ara Yesu Olonyimoto, Lonyi Hollum; buo fe te eruk hatai jihonyi, oŋida bati itai irumana nesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003