Yoane 8
8
Aŋotte enne Inefuni Oroto
1[Tania, otturoroi nyia aati 'daŋ ihaŋitek hosi, buo Yesu odok adoŋe Olifet. 2Nyia motie berien, acaharu nyia Yesu itua Haji Emojit enne ittokon, buo aati arriai ette ifuanna jihonyi, ette inyi itoŋo, ette ittiyenio isi. 3Iyaŋunie nyia ettiyanak ifahita iko Farisei obo naŋotte ninyia oburani oroto, ette itawojihina ihosiere waati 'daŋ, 4ette jiaran jio Yesu, “Hettiyanani, oburani aŋotte ana luŋa oroto. 5Ati ojiori efahita huno Mose jio, oŋida iruoŋi inyi ta amoruoi many oyeri. Ijio iyye anyio?” 6Ikenuni nyia isi eram ana italohuniere Yesu, oŋida isi etisiak inyi. Ati irrafa nyia Yesu ifau, ette igigioro ta afialai honyi.
7Ati ninyia adulori isi efiyo inyi, ette inyi itabisana ahuan honyi, ette jiaran jihosi, “Ijiara obo tehiji hatai ollo hobeŋ 'to iyyau itter eruoŋio aŋotte ania ta amoruo.” 8Attati inyi inyiak irrafa afau, ette inyiak igigioro ifau ta afialai honyi. 9Ninyia itaniŋuni isi ekiana ana, ette ahouti hosi itterio aleten addi, buo hullomuk 'daŋ ababo ette ijifana, ette Yesu irasa diya hama iko aŋotte ania onno owotia ihosiere honyi. 10Odioto nyia Yesu ahide, ette jiaran jihonyi, “Haniye, tahiai isi? Abeŋ tulo oŋotok jihoi epali?”
11Itarraŋ nyia inyi ojio, “Lettok, abeŋ tulo.” Buo Yesu ette jiaran jihonyi jio, “Hode, abeŋ buo fe ni aŋotok jihoi epali, ati hènyiak iyyauna.”]#8:11 Obeŋi ekorita huna jio omuk egierita eberien (8:1-11); buo omuk ihanani isi ihalu Yoane 21.24; buo omuk ihanani isi ihalu Luka 21:38; buo obo ihanak isi ihalu Yoane 7:36.
Ara Yesu Afaŋan ono Aati hutta Fau
12 #
Mat 5:14; Yoa 9:5 Inyiak nyia Yesu ikiana jio Farisei jiojio, “Ani afaŋan ono aati hutta fau. Lia, elle ijifatio 'to nani, obeŋ adi adaha idumele, ati owon adi inyi iko afaŋan ono nesu.”
13 #
Yoa 5:31
Attati Farisei jiaran jihonyi jio, “Iyye hama ira asuut hoi; tania, obeŋi erre hunne ikiana iyye arai ahode.”
14Itarraŋ nyia Yesu jio, “Duadi bu ara ni asuut hoŋ hama, arai erre hunne ekiana ni ahode nyio, amijak ni attu ni tai buo fe alo ajia. Ati itimoti itai attu ni tai, buo fe alo ajia. 15Iŋociete itai eram ihuo aati, ati habeŋ ni aŋot eram obo atulo. 16Ara duadi bu aŋot ni eram obo atulo, aŋot duo fe ni onno obis. Nyio, obiaŋara nani aŋocio hama, ati eŋocio hohoi arabotie iko lia, linyia ifahu 'to nani. 17Ojiori efahita hatai jio, elle ikianai asuuti arrihai etuk abotie, ara eram hosi nyia hode. 18Ara ni asuut hoŋ, buo fe Monye linyia ifahu 'to nani ara asuut hoŋ.”
19Attati isi ifiyo inyi jiojio, “Tali buo Monyohoi lia?”
Itarraŋ nyia Yesu isi jio, “Itimoti itai nani iko Monyoŋ. Elle imijana duo itai nani, imijana duo buo fe itai Monyoŋ.”
20Ikiana nyia Yesu erre hunia to ninyia ittiyeniere inyi itua Haji Emojit enne ittokon; to ninyia itoŋori inyi iger senuhi huno esiorita. Ati obeŋ nyia tulo inefu inyi nyio, hobeŋ nyia asaa honyi ottuba.
Ittallihoto Itai Ifuatan jio Amaji anna Alari Ni
21Inyiak Yesu jiaran jihosi jio, “Alo adi ni addi. Ittifiati adi itai nani; ati iyeti adi itai iko eyyata hatai. Ittallihoto adi itai ifuatan jio amaji anna alari ni.”
22Attati elettaha Yudei ifiyo jio, “Olo 'tadi inyi ittohoro ahuan honyi to onno ojiari inyi jio, ‘Ittallihoto itai ifuatan jio amaji anna alari ni?’ ” 23Itarraŋ nyia Yesu isi ojio, “Itai aati hulo afau ana, ati attu ni tedou. Irata itai a hulo afau ana, ati abeŋ ni ara a holo afau ana. 24Inyi noduo eramaniere ni itai jio, iyeti adi itai iko neyyata hatai. Iyeti adi itai iko neyyata hatai elle ibiaŋata itai iruhoto jio, ani luŋa inyi.”
25Buo isi ette ifiyo inyi ojio, “Iyye ŋai?” Buo Yesu ette itarraŋ ojio, “Eramak nyia ni itai many tetteri.#8:25 Eramak nyia ni itai many tetteri : kuyya, nyioti enyiak ni ikiana jihatai. 26Oluaji erre hunna ajio ni ekiana tetai iko epalita hunna ajio ni aŋotok jihatai. Ati obis lia, linyia ifahu 'to nani, buo fe ni eramak jio aati hutta fau erre hunne etayiru ni jihonyi.”
27Obeŋi nyia isi omijani jio ikiana nyia Yesu jihosi te eram Monye. 28Ania, ette Yesu jiaran jihosi jio, “Elle ikafana itai Lonyi Tulo ihide, ifuanna adi imijana jio, ‘Ani Luŋa inyi.’ Ifuanna adi buo fe imijana jio, abeŋ ni ehanio obo ariŋ ta ahou hoŋ, ati ekiana ni erre hunne iramak Monyoŋ jihoŋ. 29Lia, elle ifahu 'to ani, ewon inyi ikoŋ. Hobeŋ inyi obusak ani hama nyio, ehanio ni motie motie erre hunne itamunoye 'to inyi.”
30Ninyia iken inyi erre hunia, ette aati arriai hunyia itaniŋie 'to inyi iruk jihonyi.
Ohohi Adi Nelahode Itai
31Attati Yesu ikiana jio aati hunyia iruhi 'to jihonyi jio, “Elle iduloro itai itayirio ekiana hoŋ, irata adi itai luŋa a hejifak hoŋ. 32Imijana adi itai nelahode. Ohohi adi nelahode itai.”
33 #
Mat 3:9; Luk 3:8 Buo isi ette itarraŋ jio, “Era hohoi to woyo Abramo. Hèbeŋ buo fe hohoi epito jio obo atulo. Nyio ijio iyye jihohoi jio, ‘Ohohini adi itai?’ ”
34Itarraŋ nyia Yesu isi jiojio, “Hode hode, eramak ni itai jio: Ara atulo elle iyyau 'to apit olo eyyau. 35Obeŋ apit ara atulo attahaŋ 'tulaŋ, ati arasa leto arahan atulo haŋ 'tulaŋ. 36Tania, alla ahohi Lonyi iyye, ihohino iyye luŋa. 37Amijak ni jio irata itai to woyo Abramo. Ati iwahata itai ittohoro ani te ehara hatai ettiyenio hoŋ. 38Ekiana ni erre hunne itahutak Monyoŋ nani, buo itai ihaniete erre hunyia iramani itai monyie hatai.”
39Itarraŋi nyia isi inyi ojio, “Ara Abramo monye hohoi.”
Buo Yesu ette itarraŋ ojio, “Elle irata duo itai luŋa aduri Abramo, ihaniete duo itai erre hunyia ihanio Abramo.#8:39 Elle irata duo itai luŋa…ihaniete duo itai erre hunyia ihanio Abramo : igioroni omuk egierita jio, Elle irata duo itai luŋa…ihaniete. 40Ati iwahata itai ittohoro ani. Nani atulo elle eramak 'to jihatai nelahode enne etaniŋu ni jio Hollum. Obeŋ nyia Abramo ihanio ihuo nyia. 41Ihaniete itai erre hunyia ihanio monyie hatai.”
Itarraŋi isi inyi ojio, “Hollum hama ara monye hohoi luŋa, buo fe hohoi era aduri honyi hode.” 42Itarraŋ nyia Yesu isi ojio, “Alla ara duo Hollum amonyatai luŋa, obuori duo atajia hatai nani nyio, attu ni jio Hollum, ihuania awon ni ikatai dini. Abeŋ nyia ni attu ta nahou hoŋ, ati inyi nyia ifahu nani. 43Ibiaŋata itai imijana erre hunne ekiana ni; nyio, oŋuŋusia ekiana hoŋ itajia hatai. 44Irata itai aduri Sittan, monyatai. Imunoti itai ehanio hirre hunne ihanio inyi. Ara nyia inyi a hattohoni many tetteri, buo fe obeŋ awak nelahode nyio, obeŋ nelahode jihonyi. Alla agesem inyi, itasiru inyi arahan honyi ologesem nyio, ara inyi ologesem buo fe amonye olo agesemi 'daŋ. 45Ati ibiaŋata itai iruhoto erre hoŋ nyio, ekiana ni nelahode. 46Ŋai jihatai ollo oremik 'to itahutana jio eyyau ni? Elle ekiana ni nelahode, nyioti ihara itai erre hoŋ? 47Itaniŋio lia, ollo ottu 'to jio Hollum ekenita Hollum. Ati ibiaŋata itai itaniŋiete ekenita Hollum nyio, ibiaŋata itai irata a hulo Hollum.”
Yesu iko Abramo
48Attati Yudei ifiyo Yesu jiojio, “Ebeŋ duo soho hohoi ettenu noduo ejiari hohoi jio, iyye a Samaritanani, buo fe iwon iko aminiaŋati?”
49Itarraŋ Yesu isi ojio, “Obeŋ obo aminiaŋati jihoŋ. Abaŋ ni Monyoŋ, ati ibiaŋata itai ibaŋata nani. 50Abeŋ ni attifia olohuo ono ahuan hoŋ, ati owon lia, alla awak 'to oŋida itahuye nani, oŋot adi inyi eram ania onno obis. 51Hode hode, eramak ni itai jio: Obeŋ adi atulo ollo oniŋio 'to ettiyenita hoŋ, ojio aye 'tuŋ.”
52Attati isi jiaran jihonyi jio, “Emijak tibuo hohoi luŋa jio, owon aminiaŋati jihoye! Aye nyia Abramo, buo fe ayei nyia ekianak Hollum; ati ijio iyye jio, obeŋ adi atulo ollo oniŋio 'to ettiyenio hoi, ojio aye 'tuŋ. 53Igalik ati iyye Monye hohoi Abramo linyia aye 'to? Ayei nyia buo fe ekianak Hollum. Igigilo iyye jio, iyye ŋai?”
54Itarraŋ nyia Yesu isi ojio, “Elle itahuoro duo ni ahuan hoŋ, ara duo fe etahuyo hoŋ asai. Ati Monyoŋ, elle ijiatta itai Hollum hatai, inyi nani itahuyo. 55Itimoti itai inyi, ati amijak ni inyi. Alla ajio ni jio atimo ni inyi, ette buo fe ni igesemi ihuo itai. Ati amijak ni inyi buo fe agottiere ekiana honyi. 56Omuno nyia monyatai Abramo igonyuniere oloŋ anna attuniere ni, ninyia igonyu inyi, ette inyi imuno.”
57Buo isi ette jiaran jihonyi jio, “Hobeŋi ikoddaŋ aŋasi hoi arai atomuana miyet, aŋai ati igonyu iyye Abramo?”#8:57 igonyu iyye Abramo? : igioroni omuk egierita jio, igonyu soho Abramo iyye? 58Itarraŋ nyia Yesu isi jio, “Hode hode, eramak ni itai jio, awon nyia ni hobeŋi isiuni Abramo.”
59Tania, attati isi ihuruna amoruoi iruoŋiere inyi, buo Yesu ette idimana ahuan honyi ette leten addi totua Haji emojit enne ittokon.
Currently Selected:
Yoane 8: EA2003
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003
Yoane 8
8
Aŋotte enne Inefuni Oroto
1[Tania, otturoroi nyia aati 'daŋ ihaŋitek hosi, buo Yesu odok adoŋe Olifet. 2Nyia motie berien, acaharu nyia Yesu itua Haji Emojit enne ittokon, buo aati arriai ette ifuanna jihonyi, ette inyi itoŋo, ette ittiyenio isi. 3Iyaŋunie nyia ettiyanak ifahita iko Farisei obo naŋotte ninyia oburani oroto, ette itawojihina ihosiere waati 'daŋ, 4ette jiaran jio Yesu, “Hettiyanani, oburani aŋotte ana luŋa oroto. 5Ati ojiori efahita huno Mose jio, oŋida iruoŋi inyi ta amoruoi many oyeri. Ijio iyye anyio?” 6Ikenuni nyia isi eram ana italohuniere Yesu, oŋida isi etisiak inyi. Ati irrafa nyia Yesu ifau, ette igigioro ta afialai honyi.
7Ati ninyia adulori isi efiyo inyi, ette inyi itabisana ahuan honyi, ette jiaran jihosi, “Ijiara obo tehiji hatai ollo hobeŋ 'to iyyau itter eruoŋio aŋotte ania ta amoruo.” 8Attati inyi inyiak irrafa afau, ette inyiak igigioro ifau ta afialai honyi. 9Ninyia itaniŋuni isi ekiana ana, ette ahouti hosi itterio aleten addi, buo hullomuk 'daŋ ababo ette ijifana, ette Yesu irasa diya hama iko aŋotte ania onno owotia ihosiere honyi. 10Odioto nyia Yesu ahide, ette jiaran jihonyi, “Haniye, tahiai isi? Abeŋ tulo oŋotok jihoi epali?”
11Itarraŋ nyia inyi ojio, “Lettok, abeŋ tulo.” Buo Yesu ette jiaran jihonyi jio, “Hode, abeŋ buo fe ni aŋotok jihoi epali, ati hènyiak iyyauna.”]#8:11 Obeŋi ekorita huna jio omuk egierita eberien (8:1-11); buo omuk ihanani isi ihalu Yoane 21.24; buo omuk ihanani isi ihalu Luka 21:38; buo obo ihanak isi ihalu Yoane 7:36.
Ara Yesu Afaŋan ono Aati hutta Fau
12 #
Mat 5:14; Yoa 9:5 Inyiak nyia Yesu ikiana jio Farisei jiojio, “Ani afaŋan ono aati hutta fau. Lia, elle ijifatio 'to nani, obeŋ adi adaha idumele, ati owon adi inyi iko afaŋan ono nesu.”
13 #
Yoa 5:31
Attati Farisei jiaran jihonyi jio, “Iyye hama ira asuut hoi; tania, obeŋi erre hunne ikiana iyye arai ahode.”
14Itarraŋ nyia Yesu jio, “Duadi bu ara ni asuut hoŋ hama, arai erre hunne ekiana ni ahode nyio, amijak ni attu ni tai buo fe alo ajia. Ati itimoti itai attu ni tai, buo fe alo ajia. 15Iŋociete itai eram ihuo aati, ati habeŋ ni aŋot eram obo atulo. 16Ara duadi bu aŋot ni eram obo atulo, aŋot duo fe ni onno obis. Nyio, obiaŋara nani aŋocio hama, ati eŋocio hohoi arabotie iko lia, linyia ifahu 'to nani. 17Ojiori efahita hatai jio, elle ikianai asuuti arrihai etuk abotie, ara eram hosi nyia hode. 18Ara ni asuut hoŋ, buo fe Monye linyia ifahu 'to nani ara asuut hoŋ.”
19Attati isi ifiyo inyi jiojio, “Tali buo Monyohoi lia?”
Itarraŋ nyia Yesu isi jio, “Itimoti itai nani iko Monyoŋ. Elle imijana duo itai nani, imijana duo buo fe itai Monyoŋ.”
20Ikiana nyia Yesu erre hunia to ninyia ittiyeniere inyi itua Haji Emojit enne ittokon; to ninyia itoŋori inyi iger senuhi huno esiorita. Ati obeŋ nyia tulo inefu inyi nyio, hobeŋ nyia asaa honyi ottuba.
Ittallihoto Itai Ifuatan jio Amaji anna Alari Ni
21Inyiak Yesu jiaran jihosi jio, “Alo adi ni addi. Ittifiati adi itai nani; ati iyeti adi itai iko eyyata hatai. Ittallihoto adi itai ifuatan jio amaji anna alari ni.”
22Attati elettaha Yudei ifiyo jio, “Olo 'tadi inyi ittohoro ahuan honyi to onno ojiari inyi jio, ‘Ittallihoto itai ifuatan jio amaji anna alari ni?’ ” 23Itarraŋ nyia Yesu isi ojio, “Itai aati hulo afau ana, ati attu ni tedou. Irata itai a hulo afau ana, ati abeŋ ni ara a holo afau ana. 24Inyi noduo eramaniere ni itai jio, iyeti adi itai iko neyyata hatai. Iyeti adi itai iko neyyata hatai elle ibiaŋata itai iruhoto jio, ani luŋa inyi.”
25Buo isi ette ifiyo inyi ojio, “Iyye ŋai?” Buo Yesu ette itarraŋ ojio, “Eramak nyia ni itai many tetteri.#8:25 Eramak nyia ni itai many tetteri : kuyya, nyioti enyiak ni ikiana jihatai. 26Oluaji erre hunna ajio ni ekiana tetai iko epalita hunna ajio ni aŋotok jihatai. Ati obis lia, linyia ifahu 'to nani, buo fe ni eramak jio aati hutta fau erre hunne etayiru ni jihonyi.”
27Obeŋi nyia isi omijani jio ikiana nyia Yesu jihosi te eram Monye. 28Ania, ette Yesu jiaran jihosi jio, “Elle ikafana itai Lonyi Tulo ihide, ifuanna adi imijana jio, ‘Ani Luŋa inyi.’ Ifuanna adi buo fe imijana jio, abeŋ ni ehanio obo ariŋ ta ahou hoŋ, ati ekiana ni erre hunne iramak Monyoŋ jihoŋ. 29Lia, elle ifahu 'to ani, ewon inyi ikoŋ. Hobeŋ inyi obusak ani hama nyio, ehanio ni motie motie erre hunne itamunoye 'to inyi.”
30Ninyia iken inyi erre hunia, ette aati arriai hunyia itaniŋie 'to inyi iruk jihonyi.
Ohohi Adi Nelahode Itai
31Attati Yesu ikiana jio aati hunyia iruhi 'to jihonyi jio, “Elle iduloro itai itayirio ekiana hoŋ, irata adi itai luŋa a hejifak hoŋ. 32Imijana adi itai nelahode. Ohohi adi nelahode itai.”
33 #
Mat 3:9; Luk 3:8 Buo isi ette itarraŋ jio, “Era hohoi to woyo Abramo. Hèbeŋ buo fe hohoi epito jio obo atulo. Nyio ijio iyye jihohoi jio, ‘Ohohini adi itai?’ ”
34Itarraŋ nyia Yesu isi jiojio, “Hode hode, eramak ni itai jio: Ara atulo elle iyyau 'to apit olo eyyau. 35Obeŋ apit ara atulo attahaŋ 'tulaŋ, ati arasa leto arahan atulo haŋ 'tulaŋ. 36Tania, alla ahohi Lonyi iyye, ihohino iyye luŋa. 37Amijak ni jio irata itai to woyo Abramo. Ati iwahata itai ittohoro ani te ehara hatai ettiyenio hoŋ. 38Ekiana ni erre hunne itahutak Monyoŋ nani, buo itai ihaniete erre hunyia iramani itai monyie hatai.”
39Itarraŋi nyia isi inyi ojio, “Ara Abramo monye hohoi.”
Buo Yesu ette itarraŋ ojio, “Elle irata duo itai luŋa aduri Abramo, ihaniete duo itai erre hunyia ihanio Abramo.#8:39 Elle irata duo itai luŋa…ihaniete duo itai erre hunyia ihanio Abramo : igioroni omuk egierita jio, Elle irata duo itai luŋa…ihaniete. 40Ati iwahata itai ittohoro ani. Nani atulo elle eramak 'to jihatai nelahode enne etaniŋu ni jio Hollum. Obeŋ nyia Abramo ihanio ihuo nyia. 41Ihaniete itai erre hunyia ihanio monyie hatai.”
Itarraŋi isi inyi ojio, “Hollum hama ara monye hohoi luŋa, buo fe hohoi era aduri honyi hode.” 42Itarraŋ nyia Yesu isi ojio, “Alla ara duo Hollum amonyatai luŋa, obuori duo atajia hatai nani nyio, attu ni jio Hollum, ihuania awon ni ikatai dini. Abeŋ nyia ni attu ta nahou hoŋ, ati inyi nyia ifahu nani. 43Ibiaŋata itai imijana erre hunne ekiana ni; nyio, oŋuŋusia ekiana hoŋ itajia hatai. 44Irata itai aduri Sittan, monyatai. Imunoti itai ehanio hirre hunne ihanio inyi. Ara nyia inyi a hattohoni many tetteri, buo fe obeŋ awak nelahode nyio, obeŋ nelahode jihonyi. Alla agesem inyi, itasiru inyi arahan honyi ologesem nyio, ara inyi ologesem buo fe amonye olo agesemi 'daŋ. 45Ati ibiaŋata itai iruhoto erre hoŋ nyio, ekiana ni nelahode. 46Ŋai jihatai ollo oremik 'to itahutana jio eyyau ni? Elle ekiana ni nelahode, nyioti ihara itai erre hoŋ? 47Itaniŋio lia, ollo ottu 'to jio Hollum ekenita Hollum. Ati ibiaŋata itai itaniŋiete ekenita Hollum nyio, ibiaŋata itai irata a hulo Hollum.”
Yesu iko Abramo
48Attati Yudei ifiyo Yesu jiojio, “Ebeŋ duo soho hohoi ettenu noduo ejiari hohoi jio, iyye a Samaritanani, buo fe iwon iko aminiaŋati?”
49Itarraŋ Yesu isi ojio, “Obeŋ obo aminiaŋati jihoŋ. Abaŋ ni Monyoŋ, ati ibiaŋata itai ibaŋata nani. 50Abeŋ ni attifia olohuo ono ahuan hoŋ, ati owon lia, alla awak 'to oŋida itahuye nani, oŋot adi inyi eram ania onno obis. 51Hode hode, eramak ni itai jio: Obeŋ adi atulo ollo oniŋio 'to ettiyenita hoŋ, ojio aye 'tuŋ.”
52Attati isi jiaran jihonyi jio, “Emijak tibuo hohoi luŋa jio, owon aminiaŋati jihoye! Aye nyia Abramo, buo fe ayei nyia ekianak Hollum; ati ijio iyye jio, obeŋ adi atulo ollo oniŋio 'to ettiyenio hoi, ojio aye 'tuŋ. 53Igalik ati iyye Monye hohoi Abramo linyia aye 'to? Ayei nyia buo fe ekianak Hollum. Igigilo iyye jio, iyye ŋai?”
54Itarraŋ nyia Yesu isi ojio, “Elle itahuoro duo ni ahuan hoŋ, ara duo fe etahuyo hoŋ asai. Ati Monyoŋ, elle ijiatta itai Hollum hatai, inyi nani itahuyo. 55Itimoti itai inyi, ati amijak ni inyi. Alla ajio ni jio atimo ni inyi, ette buo fe ni igesemi ihuo itai. Ati amijak ni inyi buo fe agottiere ekiana honyi. 56Omuno nyia monyatai Abramo igonyuniere oloŋ anna attuniere ni, ninyia igonyu inyi, ette inyi imuno.”
57Buo isi ette jiaran jihonyi jio, “Hobeŋi ikoddaŋ aŋasi hoi arai atomuana miyet, aŋai ati igonyu iyye Abramo?”#8:57 igonyu iyye Abramo? : igioroni omuk egierita jio, igonyu soho Abramo iyye? 58Itarraŋ nyia Yesu isi jio, “Hode hode, eramak ni itai jio, awon nyia ni hobeŋi isiuni Abramo.”
59Tania, attati isi ihuruna amoruoi iruoŋiere inyi, buo Yesu ette idimana ahuan honyi ette leten addi totua Haji emojit enne ittokon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003